မြန်မာ-ထိုင်းစီးပွားရေး ပူးပေါင်းဆောင်ရွက်မှု တိုးမြှင့်ရန် ဘန်ကောက်တွင် ဟောပြောပွဲ ပြုလုပ်မည်

မြန်မာ-ထိုင်းနှစ်နိုင်ငံ စီးပွားရေးပူးပေါင်းဆောင်ရွက်မှုတိုးမြှင့်ရန် Myanmar Insight 2018 သတင်းစာရှင်းလင်းပွဲ ပြုလုပ်စဉ် ဓာတ်ပုံ − ဂျေမောင်မောင်(အမရပူရ)

 မြန်မာ-ထိုင်းနှစ်နိုင်ငံ စီးပွားရေးပူးပေါင်းဆောင်ရွက်မှု တိုးမြှင့်ရန် ရည်ရွယ်ချက်ဖြင့် Myanmar Insight 2018 ခေါင်း စဉ်ဖြင့် ဟောပြောပွဲကို ထိုင်းနိုင်ငံ ဘန်ကောက်မြို့တွင် ဇူလိုင် ၂၀ ၌ တတိယအကြိမ်ကျင်းပမည်ဟု မြန်မာနိုင်ငံဆိုင်ရာ ထိုင်းနိုင်ငံ သံအမတ် မစ္စတာ H.E.Jukr Boon-Long ကပြောသည်။

မြန်မာ-ထိုင်း နှစ်နိုင်ငံ သံတမန်ဆက်ဆံရေး တည် ဆောက်မှု နှစ် (၇၀)ပြည့်ချိန်နှင့် တိုက်ဆိုင်စွာ ကျင်းပမည့် ဟော ပြောပွဲ၌ ခေါင်းစဉ်လေးခုဖြင့် ဆွေးနွေးရန် စီစဉ်ထားသည်။

မြန်မာအစိုးရက စီးပွားရေး ကဏ္ဍအတွက် ချမှတ်ထားသည့် မူဝါဒများ၊ ဥပဒေများ၊ နည်း ဥပဒေများနှင့် ပတ်သက်သည့် မြန်မာရင်းနှီးမြှုပ်နှံမှု မြှင့်တင်ရေး ခေါင်းစဉ်ဖြင့် ဆွေးနွေးမည့် ဆွေး နွေးပွဲ၊ လျှပ်စစ်နှင့် စွမ်းအင်ကဏ္ဍ မှ အခွင့်အလမ်းများနှင့် သက် ဆိုင်သည့် ဆွေးနွေးပွဲ၊ မြန်မာ ကုန်သွယ်မှုလုပ်ငန်း အတွေ့ အကြုံများနှင့် ပတ်သက်၍ အခြေ အနေများရှင်းလင်းမည့် ဆွေးနွေး ပွဲနှင့် စိုက်ပျိုးရေး၊ အသားငါး ကဏ္ဍနှင့် သက်ဆိုင်သော ခေါင်း စဉ်ဖြင့် ဆွေးနွေးပွဲ ပြုလုပ်ရန် စီစဉ်ထားသည်။

‘‘ဟောပြောပွဲကနေ တစ် ဆင့် ထိုင်းနိုင်ငံက စီးပွားရေး လုပ်ငန်းရှင်တွေကို မြန်မာနိုင်ငံက အတွေ့အကြုံတွေ၊ သတင်း အချက်အလက်တွေ ပြန်ဝေမျှ နိုင်မှာဖြစ်တဲ့အပြင် မြန်မာနိုင်ငံ မှာလည်း ထိုင်းနိုင်ငံက စီးပွားရေး လုပ်ငန်းတွေ ပိုများလာမယ်လို့ ယုံကြည်ပါတယ်’’ဟု မြန်မာနိုင်ငံ ဆိုင်ရာ ထိုင်းစီးပွားရေးလုပ်ငန်း ရှင်များအသင်း ဥက္ကဋ္ဌ Mr.Sorasak Keeratichokechaikul ကပြောသည်။

မြန်မာနိုင်ငံတွင် ရင်းနှီး မြှုပ်နှံရန် ထိုင်းစီးပွားရေးလုပ်ငန်းပိုင်ရှင်များက ကုန်ထုတ်လုပ်ရေး လုပ်ငန်း၊ ဆက်သွယ်ရေးနှင့် နည်းပညာလုပ်ငန်း၊ စိုက်ပျိုး မွေးမြူရေးနှင့် စားသောက်ကုန် လုပ်ငန်းနှင့် ခရီးသွားလုပ်ငန်း တို့ကို စိတ်ဝင်စားနေသည်ဟု မြန်မာနိုင်ငံဆိုင်ရာ ထိုင်းစီးပွား ရေး လုပ်ငန်းရှင်များအသင်း ဒုတိယဥက္ကဋ္ဌ Mr.Nattawin Phongsphetrarat က ပြော ကြားသည်။

‘‘ထိုင်းစီးပွားရေးလုပ်ငန်းရှင် တွေက မြန်မာနိုင်ငံမှာ ရန်ကုန်၊ မန္တလေးသာမက တခြားတိုင်းနဲ့ ပြည်နယ်မှာလည်း ရင်းနှီးမြှုပ်နှံဖို့ စိတ်ဝင်စားပါတယ်’’ ဟု မြန်မာ နိုင်ငံဆိုင်ရာ ထိုင်းနိုင်ငံသံအမတ် က ပြောသည်။

လက်ရှိတွင် ထိုင်းစီးပွားရေး လုပ်ငန်းရှင်များသည် ကရင်ပြည် နယ် ဘားအံမြို့တွင် အထည်ချုပ် ကဏ္ဍနှင့် ဖိနပ်ချုပ်စက်ရုံ လုပ် ငန်းများ လုပ်ကိုင်ရန် လေ့လာနေ သည်ဟု ၎င်းကဆိုသည်။

မြန်မာနိုင်ငံ၏ နိုင်ငံခြားရင်း နှီးမြှုပ်နှံမှုစုစုပေါင်းတွင် ထိုင်း နိုင်ငံသည် ရင်းနှီးမြှုပ်နှံမှု တတိယ အများဆုံးဖြစ်ပြီး ကန်ဒေါ်လာ ၁၁ ဘီလီယံကျော် ရင်းနှီးမြှုပ်နှံ ထားသည်။

Top News