ကမ္ဘာ့ဖလားဘောလုံးပွဲ ၁၆ ပွဲမြန်မာ့ရုပ်မြင်သံကြားက ပြသမည်

ကမ္ဘာ့ဖလားပွဲကြည့်ရှုရန် ကမ္ဘာတစ်ဝန်းမှပရိသတ်များက မော်စကိုမြို့တွင် တွေ့ဆုံပွဲကျင်းပစဉ် (ဓာတ်ပုံ−အီးပီအေ)

ရုရှားနိုင်ငံတွင် ကျင်းပ မည့် ကမ္ဘာ့ဖလားဘောလုံးပြိုင်ပွဲ  ပွဲစဉ် ၆၄ ပွဲအနက် ၁၆ ပွဲကို မြန်မာ့ရုပ်မြင်သံကြား (MRTV) က တိုက်ရိုက်ပြသမည် ဖြစ်သည်။

အဆိုပါ ပြသမှုအစီအစဉ် တွင် ကမ္ဘာ့ဖလား ဖွင့်ပွဲ၊ ပိတ်ပွဲ၊  အုပ်စုပွဲစဉ်၊ အုပ်စုပွဲစဉ်(၉)ပွဲ၊ ၁၆ သင်းအဆင့်ရှုံးထွက်(၂)ပွဲ၊ ကွာ တားဖိုင်နယ်(၂)ပွဲ၊ အကြိုဗိုလ်လု ပွဲ(၂)ပွဲနှင့် ဗိုလ်လုပွဲ(၁)ပွဲ၊ စုစု ပေါင်း ၁၆ပွဲ တိုက်ရိုက်ပြသမည် ဖြစ်ကြောင်း မြန်မာ့ရုပ်မြင်သံ ကြားက ဇွန်လ ၁၃ရက်တွင် ထုတ်ပြန်ကြေညာသည်။

ကမ္ဘာ့ဖလားပြိုင်ပွဲ ဖွင့်ပွဲကို ဇွန်လ ၁၄ရက် မြန်မာစံတော် ချိန်ည၈နာရီခွဲတွင် ရုရှားနိုင်ငံ မော်စကိုမြို့ရှိ လူစနီကီအားက စားကွင်း၌ ကျင်းပမည်ဖြစ်ပြီး ယင်းဖွင့်ပွဲက စတင်ကာ မြန်မာ့ ရုပ်မြင်သံကြားက တိုက်ရိုက်ပြသ မည်ဖြစ်သည်။ ၂၀၁၈ ကမ္ဘာ့ဖလားဘော ပြိုင်ပွဲကို ဇွန်လ ၁၄ရက်မှ ဇူလိုင် ၁၅ရက်အထိ ရုရှားနိုင်ငံတွင် ကျင်းပမည်ဖြစ်ပြီးပြိုင်ပွဲဝင် ၃၂နိုင်ငံမှ လက်ရွေးစင်ဘောလုံးအ သင်းများက အုပ်စုရှစ်ခုခွဲ၍ ယှဉ် ပြိုင်မည်ဖြစ်သည်။

ကမ္ဘာ့ဖလားပြိုင်ပွဲကို မြန်မာ နိုင်ငံမှ အခပေးရုပ်သံလိုင်းဖြစ် သည့် SkyNet ရုပ်သံလိုင်းက တ ရားဝင်ပြသခွင့်ရရှိထားပြီး ဖွင့်ပွဲ၊ ပိတ်ပွဲအပါအ၀င် ပွဲစဉ် ၆၄ ပွဲစလုံးကို SkyNet Sports 1, Sports 6 နှင့် Sports HD ရုပ်သံ လိုင်းတို့၌ တိုက်ရိုက်ထုတ်လွှင့်ပြသမည်ဖြစ် သည်။

Top News