ပယ်မဲလုပ်နေသော အမတ်ကို စုံစမ်းဖော်ထုတ်မည်

လွှတ်တော်သက်တမ်း ၂ နှစ်ကျော်အတွင်း မဲခွဲဆုံးဖြတ်သည့်အကြိမ်တိုင်း ပယ်မဲဖြစ်စေရန် ပြု လုပ်သော လွှတ်တော်အမတ်တစ်ဦးကို စုံစမ်းဖော်ထုတ်မည်ဖြစ် ကြောင်း စစ်ကိုင်းတိုင်းလွှတ်တော်ဥက္ကဋ္ဌ ဦးသန်းကပြောသည်။ ‘‘ပယ်မဲထည့်တဲ့ပုဂ္ဂိုလ်ကို တစ်ခုခုလုပ်ဖို့တော့ သိပ်မလွယ်ဘူးပေါ့။ အမြဲတမ်း မဲပေးတဲ့အခါတိုင်း ပယ်မဲတစ်မဲတော့ ရှိနေသေးတယ်။ သူ့အနေနဲ့ မဲမပေးလိုဘူးဆိုရင် မဲစာရွက်ကို ဘာမှမခြစ်ဘဲ ထည့် လိုက်လို့ရပါတယ်။ ကိုယ်ဆန္ဒရှိ တဲ့ ကန့်ကွက်မဲဆိုရင်လည်း တစ်ကွက်တည်းခြစ်ပြီး ထည့်လိုက်လို့ရတာပဲ။ အခုဟာက တမင်လုပ် တာပါ။ ဒီနေ့ (ဇွန်လ ၁၃ ရက်)ဟာဆိုရင် ထောက်ခံမဲကို အမှန်ခြစ်ပြီး ကြားနေနဲ့ ကန့်ကွက်ကို အမှားခြစ်ထားတယ်။ သုံးခုစလုံးကို မဲခြစ်ထားတာ’’ဟု ဦးသန်းက ယမန်နေ့ကပြောသည်။

Top News