အရေးကြီးလာသည့် ပလတ်စတစ် အန္တရာယ်

ဓာတ်ပုံ- ဂျေမောင်မောင် (အမရပူရ)

ပလတ်စတစ် အမှိုက်များ  မျောပါနေသည့် ပင်လယ်ပြင်တွင်ငါးတစ်ကောင်ကူးခပ်နေပြီး ရေလှိုင်းတွင် ရေသန့်ဘူးခွံနှင့် ပလတ်စတစ်အမှိုက်များပါဝင်နေသည်ကို ဖန်တီး ပုံဖော်ထားသည့် ဈေးဝယ်စင်တာအတွင်းရှိ အနုပညာပြကွက်တစ်ခုကို လူအများက စိတ်ဝင်တစားကြည့်ရှုကြသည်။

‘ညစ်ညမ်းမှုရဲ့ လှိုင်း’ ဟုအ မည်ပေးထားသည့် ယင်းအနုပညာ ဖန်တီးမှုက လူတို့သုံးစွဲစွန့်ပစ်နေ သည့်အမှိုက်နှင့်ပလတ်စတစ်ဘူး ခွံများသည် မြေပြင်ပေါ်တွင်သာမ က ပင်လယ်သမုဒ္ဒရာအတွင်းရှိ ရေနေသတ္တ၀ါများကိုထိခိုက်နေ သည်ကို  မီးမောင်းထိုးပြထား သည်။

ယင်းအနုပညာပြကွက်ကို စကော့တလန်နိုင်ငံသားအနုပညာ ရှင် Don Wright က အသုံးပြုပြီး ရေသန့်ဘူးခွံ၊ အချိုရည်ဘူးခွံတစ် ထောင်ဖြင့်ဖန်တီးထားပြီး ပလတ် စတစ်စွန့်ပစ်မှုကို လူအများသိရှိ စေရန် ရည်ရွယ်ပြသခြင်းဖြစ် သည်။

နေ့စဉ်သုံးစွဲနေသည့် ပလတ် စတစ်များသည် ကျန်းမာရေးနှင့် ပတ်ဝန်းကျင်ထိန်းသိမ်းရေးအ ပေါ်တွင် ဆိုးကျိုးပေးသည်ကိုသိ ထားကြသော်လည်း သုံးစွဲမှုလျှော့ ကျမသွားပေ။

သေဆုံးခဲ့သည့် ဝေလငါး တစ်ကောင်၏ ၀မ်းဗိုက်အတွင်း ပလတ်စတစ်အိတ်များစွာရောက် ရှိနေခြင်း၊ ငှက်တစ်ကောင်၏ ကိုယ်ပေါ်တွင် ပလတ်စတစ်အိတ် စွပ်မိနေခြင်း၊ ပလတ်စတစ်ကြိုး များကြားတွင် လိပ်တစ်ကောင် ပတ်မိနေခြင်းစသည့်ပလတ်စ တစ်ညစ်ညမ်းမှုကြောင့် သေဆုံး၊ ထိခိုက်ရသည့်သတ္တ၀ါများ၏ ပုံရိပ်များ နိုင်ငံတကာမီဒီယာများ တွင် ပေါ်လာပြီးနောက် ပလတ် စတစ်ဆန့်ကျင်မှုအသံများ တစ် ဖန်ထွက်ပေါ်လာသည်။

ယခုနှစ် ကမ္ဘာ့ပတ်ဝန်းကျင် ထိန်းသိမ်းရေးနေ့၏ ဆောင်ပုဒ် သည်  ‘ပလတ်စတစ်ညစ်ညမ်းမှုကို တိုက်ဖျက်ကြစို့’ ဖြစ်ရာ ပလတ် စတစ်ညစ်ညမ်းမှုနှင့် ပတ်သက် သည့်ကိစ္စရပ်များက လူထုကြား တွင် အလေးအနက်ထားဖြေရှင်း ရမည့်အနေအထားဖြစ်လာသည်။

‘‘ပလတ်စတစ်အသုံးပြုထား တဲ့ ပစ္စည်းတွေက လုံးဝဆွေးမြည့် ပျောက်ကွယ်သွားမယ့် အရာတွေ မဟုတ်ပါဘူး။ ကျွန်မတို့ရဲ့ ပတ် ၀န်းကျင်မှာ အဆိပ်တွေလိုပုံနေတဲ့ အမှိုက်တွေအပြင် သမုဒ္ဒရာထဲမှာ လည်း အမှိုက်ပုံကြီးတစ်ခုဖြစ်လာ ပြီး ပင်လယ်ပျော်ငှက်တွေနဲ့ ရေ နေသတ္တ၀ါသန်းပေါင်းများစွာကို သေကျေပျက်စီးစေပါတယ်။ အ ချိန်ကြာလာတဲ့အခါမှာတော့ ပ လတ်စတစ်တွေက သေးငယ်တဲ့ အစိတ်အပိုင်းတွေအဖြစ် ပြိုကွဲ သွားပြီး ကျွန်မတို့သောက်သုံးနေ တဲ့ရေနဲ့အစားအသောက်များကို ပါညစ်ညမ်းလာစေပါတယ်’’ ဟု ပလတ်စတစ်သုံးစွဲမှုဆန့်ကျင်ရေး ဆောင်ရွက်နေသည့် သန့်မြန်မာ အဖွဲ့မှ Hanna Helsingen က ပြောသည်။

တစ်ကမ္ဘာလုံးအတိုင်းအတာ အရ လူတို့နေ့စဉ်သုံးစွဲနေသည့် ပလတ်စတစ်အိတ်များ၊ ဖျော်ရည် ပိုက်များနှင့် ပလတ်စတစ်ရေဘူး များစသည့် ပလတ်စတစ်ထုတ် လုပ်မှုနေ့စဉ်တန် ၃၀၀ ခန့်ရှိသည်။ ကမ္ဘာတစ်ဝန်း ထုတ်လုပ်နေသည့်ပလတ်စတစ်ပစ္စည်းများ၏ ၁၀ ရာခိုင်နှုန်းကိုသာပြန်လည် အသုံးပြုနေပြီး ကျန်ပလတ်စတစ်များ သည် မြေကြီးထဲ၊ သမုဒ္ဒရာထဲသို့ ရောက်ရှိနေသည်။

ပလတ်စတစ်စွန့်ပစ်ပစ္စည်း အများစုသည် မြေဖို့သည့်နေရာ တွင် သုံး၍မရဘဲ သမုဒ္ဒရာများအ တွင်းသို့ ရောက်ရှိသွားသည်။ယင်း စွန့်ပစ်ပစ္စည်းများကြောင့် ပင် လယ်ငှက်တစ်သန်းနှင့် ရေနေနို့ တိုက်သတ္တ၀ါတစ်သိန်းခန့်နှစ်စဉ် သေဆုံးနေသည်။

သမုဒ္ဒရာထဲရှိ ပလတ်စတစ် အမှိုက်များ၏ ၈၀ ရာခိုင်နှုန်းသည် လူအများစွန့်ပစ်သည့်ဖျော်ရည် ပိုက်များနှင့် အိတ်ခွံများဖြစ်ပြီး ပလတ်စတစ်စွန့်ပစ်မှုနှုန်း ယခု ထက်ဆိုးရွားလာပါက လာမည့် နှစ် ၃၀ အတွင်းပင်လယ်သမုဒ္ဒရာ တွင်ငါးများထက် ပလတ်စတစ် များပြည့်လျှံနေမည်ကို သဘာဝ ပတ်ဝန်းကျင်ထိန်းသိမ်းစောင့် ရှောက်သူများက စိုးရိမ်ပူပန်နေ သည်။

မြန်မာနိုင်ငံ၌ ပလတ်စတစ် စွန့်ပစ်ခြင်းသည် လွန်ခဲ့သည့်ငါး နှစ်နှင့် နှိုင်းယှဉ်ပါက သုံးဆပိုမိုများ ပြားလာသည်ကို ခန့်မှန်းတွေ့ရှိရ ကြောင်း နယ်သာလန်နိုင်ငံမှ ပြု လုပ်ထားသည့် စစ်တမ်းကို ကိုး ကားပြီး သန့်မြန်မာအဖွဲ့က ပြော ကြားသည်။

မြန်မာနိုင်ငံမြို့ကြီးများတွင် စွန့်ပစ်ပစ္စည်း ၈၀ ရာခိုင်နှုန်းမှ ၉၀ ရာခိုင်နှုန်းအထိကို စည်ပင်သာ ယာရေး ၀န်ထမ်းများက သိမ်း ဆည်းစုဆောင်းကာ နောက်ဆုံး စွန့်ပစ်အမှိုက်ပုံသို့ သွားရောက်စွန့် ပစ်သည်။ ကျန်စွန့်ပစ်ပစ္စည်းများ ကို ရေမြောင်းများအတွင်းသို့ စွန့် ပစ်ပြီး ယင်းတို့သည် မြစ်များမှ တစ်ဆင့် သမုဒ္ဒရာအတွင်းသို့ ရောက်ရှိသည်။

နယ်သာလန်အဖွဲ့အစည်း တစ်ခု၏ လေ့လာမှုအရ မြန်မာ နိုင်ငံ၏ မြစ်များအတွင်းသို့ပလတ် စတစ်တန် ၂၀၀ ခန့်နေ့စဉ်ဝင် ရောက်နေပြီး ယင်းပမာဏ၏ ထက်ဝက်သည် ဧရာဝတီမြစ်အ တွင်းသို့ ရောက်ရှိနေသည်ဟုဆို သည်။

လက်ရှိတွင် မြန်မာနိုင်ငံ၌ လူဦးရေများပြားပြီး ထိရောက် သည့်အမှိုက်သိမ်းစနစ်မရှိသေး သဖြင့် အမှိုက်စွန့်ပစ်မှုနှုန်း ထိထိ ရောက်ရောက်လျှော့ချရေးဆောင် ရွက်ရာတွင် အားနည်းချက်များ ရှိနေသေးသည်။

 ပလတ်စတစ် ညစ်ညမ်းမှု လျှော့ကျရေး အမှိုက်စို၊ အမှိုက် ခြောက် ခွဲခြားစွန့်ပစ်သည့်စနစ်ကို စည်ပင်သာယာရေးကော်မတီက  ဆောင်ရွက်ခဲ့သော်လည်း အောင် မြင်ခြင်းမရှိပေ။

ကိုကာကိုလာကုမ္ပဏီက ပြု လုပ်သည့် စစ်တမ်းတစ်ခုတွင် အိမ်ထောင်စုများအနက် အမှိုက် စနစ်တကျခွဲခြားစွန့်ပစ်သည့်နှုန်း သည် ၁၃ ရာခိုင်နှုန်းသာရှိပြီးအများ စုသည် စားကြွင်းစားကျန်များ၊ပြန် လည်အသုံးပြုနိုင်သည့် စွန့်ပစ် ပစ္စည်းများနှင့် အခြားပစ္စည်းများ ရောနှော၍ စွန့်ပစ်နေသည်ဟု ဆိုသည်။ ကျန်းမာရေးအသိရှိသူ၊ ပတ် ၀န်းကျင် ချစ်မြတ်နိုးသူများက ပလတ်စတစ်သုံးစွဲမှုလျော့ကျရေး ဆောင်ရွက်နေသကဲ့သို့ ကုမ္ပဏီ ကြီးများနှင့် ဈေးဝယ်စင်တာအချို့ က ပလတ်စတစ်သုံးစွဲမှုလျော့ကျ စေရန် ပလတ်စတစ်အိတ် မသုံးစွဲ ရနေ့သတ်မှတ်ခြင်း၊ အသုံးပြုပြီး ဘူးခွံများ ပြန်လည်အသုံးပြုခြင်း စသည့် အစီအစဉ်များကို စတင်ဆောင်ရွက်လာသည်။

ထို့အပြင် စားသောက်ဆိုင် အချို့က အစားအသောက်များကို အိတ်များအစား စက္ကူအသုံးပြု ထုပ်ပိုးခြင်း၊ တစ်ခါသုံးပိုက်များအ စား ပြန်လည်အသုံးပြုနိုင်သည့် စတီးပိုက်၊ ၀ါးပိုက်များအစားထိုး အသုံးပြုလာသည်။

ထိုသို့ပလတ်စတစ်ဆန့်ကျင် ရေးဆောင်ရွက်နေသော်လည်း ပြည်သူအားလုံးပူးပေါင်းပါဝင်ရန် လိုအပ်နေသေးရာ လူတစ်ဦးချင်း၊ တစ်ယောက်ချင်းစီက ပလတ် စတစ်ညစ်ညမ်းမှုကို လျှော့ချရန်၊ ပလတ်စတစ်သုံးစွဲမှုကိုလျှော့ချ ရန်နှင့် မလိုအပ်ပါကပလတ်စ တစ်များကို ငြင်းပယ်ရန်လိုအပ် သည်ဟု သန့်မြန်မာမှ မမေသက် ထွေးကပြောသည်။

ပလတ်စတစ်အိတ်အများ အပြားသုံးစွဲမည့်အစား ရှိပြီးသား အိတ်ကို ပြန်လည်သုံးစွဲခြင်း၊ ပြန် လည်အသုံးပြုနိုင်သည့် ဈေးဝယ် အိတ်များသုံးစွဲခြင်း၊ ရေသန့်ဘူး များထပ်ကာထပ်ကာ ၀ယ်ယူသုံးစွဲမှုအစား ကိုယ်ပိုင်ရေဘူးလေးများ ဖြင့် ရေပြန်ဖြည့်သောက်သုံးခြင်း စသည်တို့ကို အလေးထားပြုကျင့် သင့်သည်ဟု ၎င်းကဆိုသည်။

‘‘ဈေးဝယ်ထွက်တဲ့အခါတိုင်း ပလတ်စတစ်အိတ်တစ်ခုကို အ သုံးပြုမှာထက်စာရင် ကိုယ်ပိုင် အိတ်၊ ခြင်းကိုအစားထိုးအသုံးပြု လိုက်ပါ။ အဲဒီလိုအနည်းငယ် ပြောင်းလဲလိုက်ရုံနဲ့တင် ဒီပြဿ နာကို ဖြေရှင်းလို့ရပါတယ်’’ ဟု မမေသက်ထွေးက ပြောသည်။

 ပလတ်စတစ် ညစ်ညမ်းမှု သည် အလေးအနက်ထားဖြေရှင်း ရမည့်ပြဿနာဖြစ်ပြီး လူသားများ ၏ ကျန်းမာရေး၊ ပတ်ဝန်းကျင် ထိန်းသိမ်းရေးတင်မက ဇီဝမျိုး စိတ်များအသက်ရှင်ရပ်တည်ရေး ကိုပါ ခြိမ်းခြောက်နေသဖြင့်အစိုးရ နှင့် ပြည်သူပူးပေါင်းဆောင်ရွက် ရန်လိုအပ်သည်ဟု မြန်မာအစိမ်း ရောင်ကွန်ရက်ဥက္ကဋ္ဌဒေါ်ဒေ၀ီသန့် စင်က ပြောသည်။

‘‘အစိုးရကလည်း အမှိုက်ပစ် တဲ့စနစ်ကို ကြပ်ကြပ်မတ်မတ် လေးလုပ်ဖို့လိုသလို အစိုးရလုပ် ပေးတဲ့အပေါ်မှာလည်း ပြည်သူက လိုက်ပြီးတော့ အားဖြည့်ပေးဖို့လို တယ်’’ ဟု ဒေါ်ဒေ၀ီသန့်စင်က ပြောသည်။

အစိုးရက တိကျခိုင်မာသည့် စည်းမျဉ်းစည်းကမ်းများချမှတ်ရန် လိုသကဲ့သို့ ပြည်သူများကလည်း တတ်နိုင်သည့်ဘက်ကစတင်ကာ ပလတ်စတစ်လျှော့ချသုံးစွဲသည့် အမူအကျင့်ကောင်းများ ဆောင် ရွက်မှသာ ပလတ်စတစ်ကင်းစင် သည့် ပတ်ဝန်းကျင်ရရှိနိုင်မည်ဟု ထိန်းသိမ်းရေးဆောင်ရွက်သူများ က အကြံပြုသည်။။