မုဒိမ်းမှုဖြင့် ရဲအလိုရှိနေသူ ရပ်ကွက်အုပ်ချုပ်ရေးမှူးဖြစ်လာခြင်း

အသက်မပြည့်သေးသူကို မုဒိမ်းကျင့်စဉ် ကူညီအားပေးသူသုံးဦး ထောင်ကျပြီး ပြန်လွတ်လာချိန်မှာ ကျူးလွန်သူလို့ ယူဆခံရသူက ရပ်ကွက်အုပ်ချုပ်ရေးမှူးအဖြစ် အရွေးခံရပါတယ်

အမေ့အိမ်ကို ပြန်ရောက်နေတဲ့ မလဲလဲ့ အိမ်ရှေ့လမ်းမဘက်ကို ကြည့်နေတုန်း ဆိုင်ကယ်မောင်း သွားတဲ့ လူတစ်ယောက်ကို လှမ်းမြင်လိုက်ရတဲ့ခဏမှာ ထိတ်လန့် တုန်လှုပ်သွားခဲ့ပါတယ်။ ဘာ ကြောင့်လဲလို့ဆိုတော့ အဲဒီလူဟာ သူ (၁၄)နှစ်သမီးအရွယ်မှာ သူ့ကိုအတင်းကားတင်ပြေး၊ မုဒိမ်းကျင့် အပြီး ထွက်ပြေးလွတ်မြောက်နေ သူဖြစ်နေလို့ပါပဲ။

ပိုပြီး ထိတ်လန့်စရာကောင်း တာက အဲဒီတရားခံပြေးဟာ သူ အလည်ရောက်နေတဲ့ ဒဂုံမြို့သစ် (တောင်ပိုင်း) မြို့နယ် (၁၄ဝ)ရပ် ကွက်ရဲ့ တန်ခိုးထက်လှတဲ့ အုပ်ချုပ်ရေးမှူးဖြစ်နေတယ်ဆိုတာပါ ပဲ။ ရဲက တရားခံပြေး ကြေညာခံ ထားရသူဟာ ဘယ်လိုလုပ်ပြီး ရပ်ကွက်အုပ်ချုပ်ရေးမှူးဖြစ်နေရ တာလဲဆိုတာကို မလဲ့လဲ့ နား မလည်နိုင်အောင် ဖြစ်ရသလို စိတ်ဒဏ်ရာဟောင်းကလည်း တစ်ကျော့ပြန် ပေါ်ပေါက်လာခဲ့ပါ တော့တယ်။

‘‘ကျွန်မ တော်တော်ကြောက် သွားတယ်၊ သူမှသူအစစ်ပဲ။ ကျွန်မက သားကိုအမေနဲ့ထားပြီး အပြင်ထွက် အလုပ်လုပ်နေတာ။ အိမ်မှာမနေတော့ ဒီရပ်ကွက်မှာ သူနေတာ မသိခဲ့ဘူး။ အမေ့ကိုပြောပြလိုက်တယ်၊ ကျွန်မကို မုဒိမ်းကျင့်ပြီး တရားခံပြေးဖြစ်နေ သူက သူဆိုတာ။ သူ့အိမ်က အမေ့အိမ်နဲ့ မလှမ်းမကမ်းမှာပဲ။ သူ လည်း သူ့အိမ်ထောင်နဲ့သူ’’လို့ ဒဂုံမြို့သစ် (အရှေ့ပိုင်း) စက်မှုဇုန်မှာ အလုပ်လုပ်နေတဲ့ မလဲလဲ့က ဆိုပါတယ်။

လဲ့လဲ့ဆိုတာ သူ့နာမည်ရင်း တော့ မဟုတ်ပါဘူး။ ဒါပေမဲ့ ဒီဆောင်းပါးမှာ ဒီနာမည်ကိုပဲအသုံးပြုပါမယ်။ အခုအသက် (၂၁)နှစ်ရှိပြီဖြစ်တဲ့ မလဲ့လဲ့အ တွက်တော့ ၂ဝ၁၁ နိုဝင်ဘာ ၃ ရက်က အမေ့ကို စိတ်ဆိုးပြီး အိမ် က ဆင်းသွားခဲ့မိတဲ့အဖြစ်ဟာ တစ်သက် မမေ့နိုင်စရာပါပဲ။ ကြမ္မာဆိုးငင်ခဲ့တဲ့ အဲဒီည ၁ဝ နာရီ ကျော်ကျော်လောက်မှာတော့ သင်္ဃန်းကျွန်းမှာနေတဲ့ သူ့ရည်း စားဆီ ဆိုက်ကားနဲ့အသွား သံသုမာလမ်းမ ‘ရွှေရည်’မှတ်တိုင်နား ရောက်ချိန်မှာ လူငါးယောက်က ဆိုက်ကားနင်းသူကို ခြိမ်းခြောက် ပြီး မလဲ့လဲ့ကို ကားတစ်စီးပေါ် အတင်းဆွဲခေါ်သွားပါတယ်။ 

အဲဒီ ယောက်ျားသားအုပ်စု ဟာ မလဲ့လဲ့ကို နောက်ကနေ ဓားလို့ထင်ရတဲ့အရာတစ်ခုနဲ့ ထောက်၊ တောင်ဥက္ကလာပမြို့ နယ်ထဲက ‘အေး’တည်းခိုခန်းကို ခေါ်သွားကြပါတယ်။ အဲဒီမှာ မလဲ့လဲ့ မုဒိမ်းကျင့်ခံရတာပါ။  နောက်တစ်ရက်မှာ မလဲ့လဲ့ဟာ သင်္ဃန်းကျွန်းမြို့နယ်ရဲစခန်းမှာ အမှုသွား ဖွင့်ခဲ့ပါတယ်။  ရဲက  လေးဦးကိုပဲ တရားခွင်ကို ပို့နိုင်ခဲ့တာပါ။ လေး ဦးမှာ တစ်ဦးက ပြစ်မှုမထင်ရှား လို့ လွတ်မြောက်၊ သုံးဦးကတော့ မုဒိမ်းကျင့်သူကို အားပေးကူညီမှုနဲ့ ထောင်ဒဏ် ၂ နှစ်စီ ချမှတ်ခံရ ပါတယ်။ တိမ်းရှောင်ခဲ့သူကတော့ ယနေ့အချိန်အထိ လွတ်မြောက် နေဆဲပါ။ 

တိမ်းရှောင်သူနဲ့ အဖမ်းခံရ သူများ အဲဒီအဖြစ်အပျက် ဖြစ်ပြီးတဲ့နောက် တစ်နှစ်ကျော်လောက် မှာ မလဲ့လဲ့ အိမ်ထောင်ကျပြီး ယောက်ျားဖြစ်သူနေထိုင်တဲ့ ဒဂုံအရှေ့ပိုင်းမြို့နယ်မှာ လိုက်နေခဲ့ပါတယ်။ သူက သူ့ရဲ့အဖြစ်အ ပျက်ကို အိမ်ထောင်ဖက်ကို မပြောပြခဲ့ပါဘူး။  ခင်ပွန်းသည်က အဲဒီ ဖြစ်ရပ်ကို သားဦးလေးမွေးပြီး ချိန်မှာ သိသွားပြီး သားအမိနှစ် ယောက်စလုံးကို ပစ်သွားခဲ့ပါ တယ်။ အတန်းပညာလည်းနည်း ပါးတဲ့ မလဲ့လဲ့ဟာ ကလေးတစ်ဖက်နဲ့ ရုန်းကန်ရင်း မိခင်ဖြစ်သူ ဆီကို ပြန်ရောက်လာတာပါ။  

မိခင်အိမ်မှာ နေထိုင်ရင်း အိမ်ထဲကနေ လှမ်းတွေ့လိုက်ရ တဲ့ ကရင်ကို ချက်ချင်းမှတ်မိလို့ မိခင်ဖြစ်သူကို ပြောပြရာက ကရင်ဆိုတဲ့သူဟာ လက်ရဲဇက်ရဲနိုင်လှ ပြီး ရပ်ကွက်ရဲ့ အုပ်ချုပ်ရေးမှူး လည်း ဖြစ်နေတယ်လို့ မိခင်ဖြစ်သူက ဆိုပါတယ်။ သားအမိနှစ် ယောက် ဘယ်သူ့ကိုမှ မပြောပြရဲဘဲ ကြိတ်မှိတ်နေခဲ့ကြပါတယ်။ 

‘‘ကျွန်မတို့ အသက်အန္တ ရာယ်ကိုတောင် စိုးရိမ်မိတယ်’’လို့ မလဲ့လဲ့က ပြောပါတယ်။  

လူကိုယ်တိုင်ကို အခုမှ မြင်ရပေမယ့် ကရင် တိမ်းရှောင်နေတဲ့  အစောပိုင်းကာလတွေမှာ သူ့ကိုလေးကြိမ်လောက် ဖုန်းဆက်လာ တယ်၊ သူ့ကို လက်ထပ်မယ်၊ ပြီးရင် ကွာရှင်းစာချုပ်ချုပ်မယ် စသဖြင့် အမျိုးမျိုးပြောဆိုခဲ့တယ် လို့ မလဲ့လဲ့က ဆိုပါတယ်။ 

မလဲ့လဲ့က မိခင်ရဲ့အိမ်ဟာ ကရင်ရဲ့တပည့်တွေ အချိန်မရွေး ဝင်ရောက်လာပြီး ရန်ပြုနိုင်တဲ့ အ နေအထားဖြစ်တဲ့အတွက် လုံခြုံမှု မရှိသလို ခံစားနေရပါတယ်။  

Myanmar Now က မလဲ့လဲ့ ကို တွေ့ဆုံမေးမြန်းဖို့အတွက် အဲဒီနေရာကနေ ပိုမိုလုံခြုံစိတ်ချရ တဲ့တစ်နေရာကို ကားနဲ့ ခေါ်ထုတ် သွားချိန်မှာ နံပါတ်အနက်တပ် ယာဉ်တစ်စီးက နောက်ကနေ နာရီဝက်နီးပါး လိုက်ပါလာခဲ့ပါ သေးတယ်။

မလဲ့လဲ့ကို မတရားပြုကျင့်ခဲ့ တယ်ဆိုတဲ့ ကရင်ဟာ ရဲတပ်ဖွဲ့ရဲ့ မှတ်တမ်းအရ အခုဆိုရင် အသက်(၃၈)နှစ် ရှိပါပြီ။ အိမ်အမှတ် မ-၆၂၆ (၇)လမ်း ငမိုးရိပ်ရပ် ကွက် သင်္ဃန်းကျွန်းမြို့နယ်မှာ နေထိုင်ခဲ့သူဖြစ်တယ်လို့ ရဲမှတ်တမ်းကဆိုပါတယ်။ သူ့ကို အများက ကရင်လို့ ခေါ်ကြတာပါ။ ဆရာ ကရင်လို့ ခေါ်သူလည်းရှိပါတယ်။

Myanmar Now က ဖတ်ရှုခွင့်ရခဲ့တဲ့ တရားရုံးမှတ်တမ်းတစ်ခုမှာ တော့ ကရင်ရဲ့ တခြားအမည်နှစ်ခု က ရန်နိုင်စိုး၊ FRC တို့ ဖြစ်ကြောင်းဖော်ပြထားပါတယ်။

မုဒိမ်းမှုကျူးလွန်ရေးမှာ ပူး ပေါင်းကြံစည်မှုနဲ့ ထောင်ဒဏ် ၂ နှစ်စီကျခံသွားရတဲ့သုံးဦးကတော့ ဇော်ဇော်ထွန်း (ခ) ဇော်ဇော်၊ ထွန်း လင်းအောင် (ခ) ကုလားကြီး၊ ဇင်ကိုကိုနိုင် (ခ) တင်ဘုန်းကိုတို့ဖြစ်ပါတယ်။ နိုင်ထွန်းအောင် (ခ) ဂတုံး(ခ) ဗိုလ်ထူးဆိုသူကတော့ တရားသေလွတ်မြောက်ခဲ့ပါတယ်။

အုပ်ချုပ်ရေးမှူးဖြစ်လာ

တရားခံပြေးဖြစ်နေသူဟာ ၂ဝ၁၇ မှာ ဒဂုံမြို့သစ်(တောင်ပိုင်း) ရဲ့ ရပ်ကွက်အုပ်ချုပ်ရေးမှူးတစ် ဦးအဖြစ် ရွေးချယ်ခံရပြီး အဲဒီ တာဝန်ကို ဇွန်လ ၄ ရက်အထိ ထမ်းဆောင်ခဲ့ပါတယ်။ 

ကရင်ဟာ  ၂ဝ၁၃ နှစ်ကုန် ပိုင်းလောက်မှာ မိသားစုနဲ့အတူ ပြောင်းရွှေ့လာတာလို့ (၁၄ဝ)ရပ် ကွက် အုပ်ချုပ်ရေးမှူးဟောင်း ဦးတိုးက ဆိုပါတယ်။

တစ်လမ်းတည်းမှာ ရာအိမ် မှူးတာဝန် စတင်ယူချိန်မှာ သူ့ကို သတိထားမိတယ်၊  အနေအေးသူ၊ ရပ်ကွက်ကိစ္စမှာလည်း တက် တက်ကြွကြွ ပါဝင်ဆောင်ရွက်သူ ဖြစ်တယ်၊ ဆိုးသွမ်းသူတွေကို ဖမ်းဆီးရာမှာတော့ ကရင်ဟာ လက်ရဲဇက်ရဲနိုင်လှတယ်လို့ ဦးတိုးက ပြောပါတယ်။

‘‘သောင်းကျန်းတဲ့သူတွေကို ကျွန်တော်တို့ တားဆီးတယ်၊ ပြောစကားနားမထောင်ရင် ကျွန်တော်တောင် ဘာမှ မခိုင်းရဘူး၊ သူကထိုးကြိတ် ကန်ကျောက်တာတွေ လုပ်ရော။ တစ်ခါတလေ ကျွန်တော်ကတောင် ပြန်တားယူရ တယ်။ အဲဒီလိုလူတွေက အုပ်ချုပ်ရေးပိုင်းအတွက်ကျတော့ အသုံးဝင်တယ်ဗျ။ သူ့လက်စွမ်းကို သိ လာကြတော့ သူ့ကိုမြင်တာနဲ့ သောင်းကျန်းချင်တဲ့သူတွေ ငြိမ်သွားတာပဲ’’လို့ ဦးတိုးက ဆိုပါ တယ်။

(၁၄ဝ)ရပ်ကွက်မှာ နေထိုင်သူတစ်ဦးကလည်း ခပ်မိုက်မိုက် လူ အုပ်ချုပ်ရေးမှူးဖြစ်လာတဲ့အ တွက် ရပ်ကွက်ထဲက လူဆိုးလူ သွမ်းတွေ ငြိမ်ကျသွားတယ်လို့ ပြောပါတယ်။ 

ပြီးခဲ့တဲ့လကုန်ပိုင်း အင်တာနက်မှာ ရုတ်တရက်ပေါ်လာတဲ့ သူ့သတင်း လူသိများသွားပြီး နောက်မှာတော့ သူ့ကို ရပ်ကွက် ထဲ မတွေ့ကြတော့ပါဘူး။ 

သို့သော် ရပ်ကွက်ထဲမှာ သူ့နောက်လိုက် လူမိုက်တွေရှိနေ သေးတာမို့ ရပ်ကွက်နေပြည်သူ အ တော်များများဟာ သူ့အကြောင်း ကို ပြောပြဖို့၊ မှတ်ချက်ပြုဖို့ ငြင်း ကြပါတယ်။  တချို့ကတော့ အုပ် ချုပ်ရေးတာဝန်တွေ အဆင့်ဆင့် ရခဲ့စဉ်မှာ ရပ်ကွက်ထဲ နာမည်ပျက်မရှိတဲ့ ကရင်ဟာ သက်ငယ်မုဒိမ်းတရားခံပြေးတစ်ဦးဖြစ် တယ်ဆိုတဲ့ သတင်းကြောင့် အံ့ အားသင့်မိတယ်လို့ ပြောပါတယ်။ ကရင်နဲ့ လဲ့လဲ့တို့ တစ်လမ်းတည်း နေကြတယ်ဆိုတာလည်း သူတို့သိကြပါတယ်။ သတင်းထွက်လာချိန် မှာ ကရင်ကလည်း ရှောင်နေတဲ့ အတွက် အဲဒါဟာ ယုံကြည်ရတဲ့ သတင်းဖြစ်လာတယ်လို့ သူတို့က ယူဆပါတယ်။

‘‘သူ့နောက်ကြောင်းတော့ မသိဘူး။   စကားပြောလည်း ရိုင်းစိုင်းတတ်သူမဟုတ်ဘူး။ သာရေးနာရေးမှာလည်း သူက တက်တက် ကြွကြွပဲ’’လို့ အမည်မဖော်လိုတဲ့ ပြည်သူတစ်ဦးက ပြောပါတယ်။

ကရင်ရဲ့ အိမ်မှာတော့ ကိုယ်ဝန် ဆောင်ဇနီးသည် ကလေးတစ် ယောက်နဲ့ ဆက်လက်နေထိုင်နေ ပါတယ်။ 

ကရင်ရဲ့အဒေါ် ဒေါ်သိန်း သိန်းထိုက်ကတော့   သူ့တူဟာ ဘုန်းကြီးသွားဝတ်နေတယ်၊  ဒီ ကိစ္စတွေကို ပြန်လာရှင်းမယ်လို့ အခိုင်အမာ ပြောပါတယ်။

ဇွန်လ ၉ ရက်မှာတော့ ဒေါ်သိန်းသိန်းထိုက်က သတင်း စာရှင်းလင်းပွဲတစ်ခုလုပ်ပြီး  သူ့တူဟာ အပြစ်ကင်းတယ်၊ မုဒိမ်းမှု ကျူးလွန်တဲ့သူတွေဟာ တူတော် မောင်ရဲ့ သူငယ်ချင်းတွေသာဖြစ် တယ်လို့ ဆိုပါတယ်။  အဲဒီအချိန် တုန်းက သူ့တူက သူနဲ့ တစ်အိမ်တည်းနေကြောင်း၊ ဒီနေ့အထိအိမ်ကို ဘယ်ရဲမှရောက်မလာကြ သလို တရားရုံးကနေ ဆင့်ခေါ်စာ ပို့တာမျိုးလည်း မရှိခဲ့ကြောင်း ပြောပါတယ်။

‘‘သူဟာ ဒီအရှုပ်အရှင်းမှာ ဘာမှမပါဘူး။ ဒီမုဒိမ်းမှုမှာလည်း သူဘာမှလုပ်ခဲ့တာ မရှိဘူး။ သူ့ကို သက်သက်စွပ်စွဲတာ။ ကျွန်မတို့ ရှေ့နေတွေနဲ့ တိုင်ပင်နေတယ်။ သူက အခုထွက်ပြေးနေတာ လည်းမဟုတ်ဘူး။ အုပ်ချုပ်ရေး မှူး တာဝန်ထမ်းဆောင်နေရင်း ဘုန်းကြီးဝတ်ဖို့ မြို့နယ်မှာပါ ခွင့်တင်ပြီးသွားခဲ့တာ’’လို့ ဒေါ်သိန်း သိန်းထိုက်က ပြောပါတယ်။

ရဲတပ်ဖွဲ့ အင်တာနက်စာ မျက်နှာမှာ တင်ထားတဲ့ ဓာတ်ပုံထဲကလူဟာ သူ့တူဖြစ်တယ်ဆိုတာ ကိုတော့  သူက အတည်ပြုပါ တယ်။ 

နောက်ကြောင်းလိုက်ရန် 

ပျက်ကွက်ခြင်း

မြန်မာနိုင်ငံ ရဲတပ်ဖွဲ့ရဲ့တရားဝင် အင်တာနက်စာမျက်နှာ မှာတော့ ကရင်ဟာ မုဒိမ်းမှုကျူးလွန်ပြီး တိမ်းရှောင်နေသူဖြစ် ကြောင်း ‘တရားခံပြေး’စာရင်းမှာ အမှုဖြစ်စဉ်၊ ဓာတ်ပုံတို့နဲ့တကွ ဖော်ပြထားပါတယ်။ 

ရာအိမ်မှူးဟောင်းတစ် ယောက်ကတော့ ရဲက သူ့ကိုကရင်နဲ့ပတ်သက်တဲ့ တရားခံပြေးကြေညာချက်စာရွက်လာပြဖူး တယ်၊  အဲဒီအချိန်ကတည်းက ကရင်ဟာ တရားခံပြေးဖြစ် ကြောင်း  မြို့နယ်ရဲတပ်ဖွဲ့အနေနဲ့ သိပြီးသားဖြစ်မယ်လို့ ဆိုပါတယ်။

အမျိုးသားတစ်ဦးကလည်း အခု နှစ်ဆန်းပိုင်းမှာ ဒဂုံမြို့သစ်တောင် ပိုင်းရဲစခန်းရဲ့ ကြိုးဖုန်းကို သုံး ကြိမ်တိုင်တိုင် လှမ်းဆက်ပြီး တရားခံပြေးသတင်းပေးဖူးတယ် လို့ ဆိုပါတယ်။ သို့သော်လည်း နောက်ဆက်တွဲ ဘာမှ ဖြစ်မလာ ဘူးလို့ သူ့ရဲ့ ဖုန်းခေါ်ဆိုမှု မှတ် တမ်းတွေကို ပြသပြီး Myanmar Now ကို ပြောပါတယ်။

‘‘သူဟာ မုဒိမ်းမှုထဲ ပါ၊ မပါအရေးမကြီးဘူး။ သူတရားရင်ဆိုင်။ သူမပါရင် သူလွတ်မှာပဲ။အခုက တရားခံပြေးတစ်ဦးဖြစ်တယ်၊ ရပ်ကွက်အုပ်ချုပ်ရေးမှူး အထိ ဖြစ်လာရအောင် ရဲတပ်ဖွဲ့ မှာ တာဝန်ကိုရှိတာ’’လို့ အဲဒီ အမျိုးသားက ပြောပါတယ်။

သင်္ဃန်းကျွန်းမြို့နယ် ရဲတပ် ဖွဲ့ မြို့နယ်မှူး ရဲမှူးကိုကိုဦးက သူ့ကို တရားခံပြေးတစ်ဦးလို့ သတ်မှတ်လိုက်တဲ့ အချိန်ကစပြီး ခရိုင် ရဲတပ်ဖွဲ့ရုံးက တစ်နိုင်ငံလုံးက ရဲစခန်းတွေကို ဓာတ်ပုံနဲ့တကွ ဖြန့်ဝေထားပြီး  နှစ်စဉ်နှစ်တိုင်းရဲစခန်း တွေကိုပို့တဲ့ နှစ်ချုပ်အစီရင်ခံစာ စာအုပ်မှာလည်း တရားခံပြေးများစာရင်းကို ထည့်သွင်းဖြန့်ဝေထား ပါတယ်လို့ ပြောပါတယ်။

‘‘ကျွန်တော့်ကို တိုင်းရဲတပ် ဖွဲ့က မိတ်ဆွေတစ်ဦးက ဖေ့စ် ဘွတ်ခ်မှာ ဒီသတင်းတက်နေ တယ်။ အဲဒါ မင်းတို့စခန်းက အမှုဖွင့်ထားတဲ့ တရားခံပြေးလို့ ပြော တယ်။ စစ်ကြည့်ပါဆိုတော့ ကျွန်တော်စစ်ကြည့်တာ မှန်ကန် ကြောင်းတွေ့ရတယ်။ အဲဒါနဲ့ ဒီလူအဲဒီရပ်ကွက်မှာနေတာ မှန်လား သွားကြည့် ခိုင်းတယ်။ ဒါပေမဲ့ သူက  မရှိတော့ဘူး။ ဖေ့စ်ဘွတ်ခ်မှာ ပြန့်နေတာက ရှေ့နှစ်ရက် လောက်ကဆိုတော့ ဟိုလူ ရှောင်ပြေးချိန်ရသွားတာပေါ့’’လို့ ရဲမှူးကိုကိုဦးက မေလကုန်ပိုင်းက ပြောပါတယ်။ ဖမ်းဆီးရမိရေး ရဲတပ်ဖွဲ့ အဆင့်ဆင့်ကို အကြောင်းကြား ထားပြီး လုပ်ဆောင်နေတယ်လို့  သူက ပြောပါတယ်။ ၂ဝ၁၇ အုပ် ချုပ်ရေးမှူးအဖြစ် ရွေးချယ်ခံမယ့်သူတွေရဲ့ နောက်ကြောင်းရာဇဝင် ကို ပြန်လိုက်ခဲ့တာ မရှိခဲ့ကြောင်း၊အရင်အချိန်တွေတုန်းကတော့ရှိ ခဲ့ကြောင်း သူက ဆိုပါတယ်။

ယခုဖြစ်စဉ်ကို    သင်ခန်းစာ ယူစရာလို့ မှတ်ယူကြောင်း၊ တရားဥပဒေစိုးမိုးရေး မိမိတို့ရဲတပ်ဖွဲ့ တစ်ခုတည်းကသာ ဆောင်ရွက် ရမှာမဟုတ်ဘဲ ပြည်သူများအနေ နဲ့လည်း ပူးပေါင်းပါဝင်စေချင် ကြောင်း၊ မိမိတို့က မဆောင်ရွက်ရင် အပြစ်တင်နိုင်၊ အထက်အဆင့်ဆင့်ကို တိုင်ကြားနိုင်ပါကြောင်း ရဲမှူးကိုကိုဦးက ပြောပါတယ်။

ဒဂုံမြို့သစ် (တောင်ပိုင်း)မြို့ နယ်ရဲ့ တိုင်းဒေသကြီး လွှတ်တော်ကိုယ်စားလှယ် ဦးသိန်းနိုင်က လည်း နယ်မြေခံရဲစခန်းက တရားခံပြေး ဖမ်းဆီးရမိရေး ဆောင်ရွက်နေတဲ့ခဲ့ကြောင်း သူ့ကို အသိပေး ထားတယ်လို့ ပြောပါတယ်။

အသက် (၁၄) နှစ်အရွယ် တုန်းက မုဒိမ်းကျင့်ခံရတဲ့ မလဲ့လဲ့ ကတော့ အခုအချိန်မှာ (၁၄ဝ)ရပ် ကွက်ထဲ မနေရဲတော့ဘဲ တခြားတစ်နေရာကို ပြောင်းရွှေ့နေနေ ရပါတယ်။ နှစ်အတန်ကြာ ပြေး နေသူ အမြန်ဆုံးဖမ်းမိဖို့ သက် ဆိုင်ရာကို တိုက်တွန်းပါတယ်လို့ မလဲ့လဲ့က ဆိုပါတယ်။

‘‘သူ့ကိုမိမှပဲ ကျွန်မတို့ အေးအေးဆေးဆေး ကိုယ့်အလုပ်ကိုယ်လုပ်နိုင်တော့မယ်။ အခုက သူ့ကို ကြောက်လို့ အဲဒီရပ်ကွက်ထဲက ပြောင်းပြေးလာတယ်။ ပြောင်း လာတဲ့နေရာနောက်ကိုပါ သူတို့ ကလိုက်လာတာ။ ဘယ်အချိန် ကျွန်မတို့ အိမ်ထဲကို ဝင်လာပြီး တစ်ခုခုလုပ်သွားမလဲကို အချိန် ပြည့်စိုးရိမ်စရာ’’လို့ မလဲ့လဲ့က ပြောပါတယ်။     ။

More in Crime Section