မူးယစ်ဆေးဖြတ်သူများကို ဖမ်းဆီးမည် မဟုတ်ကြောင်း ကရင်ပြည်နယ်ဝန်ကြီးချုပ်ပြော

ကရင်ပြည်နယ်အတွင်း မူးယစ်ဆေးဝါးရောင်းဝယ်ဖြန့်ဖြူး သူများနှင့် သုံးစွဲသူများကို အထူး သတိထား စောင့်ကြည့်နေပြီး ပညာပေးလုပ်ငန်းများကို ဇွန်လ ကစ၍ တစိုက်မတ်မတ် လုပ် ဆောင်နေကြောင်း ကရင်ပြည် နယ်ဝန်ကြီးချုပ် ဒေါ်နန်းခင်ထွေး မြင့်က ပြောသည်။


လက်ရှိ မူးယစ်ဆေးဝါးသုံး စွဲနေသူများအနေဖြင့်လည်း ဆက် လက်မသုံးစွဲတော့ဘဲ အစိုးရအဖွဲ့ ထံ ဆက်သွယ်ကာ ဆေးလာဖြတ် ရန် တိုက်တွန်းကြောင်း ၎င်းက ဆိုသည်။

‘‘ဘယ်သူမဆို လာဖြတ်ကြ ပါ။ အဖမ်းမခံရပါဘူး။ အဖမ်းခံ ရမှာကို စိုးရိမ်ပြီး မလာဘဲမနေကြ ပါနဲ့’’ဟု ဒေါ်နန်းခင်ထွေးမြင့်က ကရင်ပြည်နယ်အတွင်း မူးယစ် ဆေးဝါးသုံးစွဲနေသူများကို တိုက် တွန်းပြောကြားသည်။

လူရွှင်တော်များကို ခေါ်ယူ ကာ မူးယစ်ဆေးဝါးနှင့်ပတ်သက် သည့်ပညာပေးဟောပြောပွဲများ ကို တစ်ပြည်နယ်လုံးအနှံ့စာသင် ကျောင်းများတွင် ပြုလုပ်နေ ကြောင်း ဝန်ကြီးချုပ်က ပြော သည်။ ကရင်ပြည်နယ်သည် မူး ယစ်ဆေးဝါးသုံးစွဲသူများပြားပြီး မူးယစ်ဆေးဝါးနှင့် ပတ်သက်၍ ပြဿနာကြီးကြီးမားမားရင်ဆိုင် နေရသည့် ပြည်နယ်တစ်ခုဖြစ်ကာ စီမံချက်ချမှတ်ပြီး အလေးထား ဆောင်ရွက်ခြင်းဖြစ်ကြောင်း ၎င်း က ဆိုသည်။

‘‘မူးယစ်နဲ့ပတ်သက်လို့ အမြဲ သတိထားတယ်။ အထူးဂရုစိုက် ပြီးလည်း လုပ်နေပါတယ်’’ဟု ဒေါ်နန်းခင်ထွေးမြင့်က ပြောသည်။

ကရင်ပြည်နယ်အတွင်း မူး ယစ်ဆေးဝါးအန္တရာယ်တားဆီး နှိမ်နင်းရန် မြို့နယ်အလိုက် ရဲတပ် ဖွဲ့ဝင်များကို သီးသန့်ညွှန်ကြား ဆောင်ရွက်နေကြောင်း ၎င်းက ဆိုသည်။

နယ်စပ်မြို့ဖြစ်သည့် ကရင် ပြည်နယ် မြဝတီမြို့အပါအဝင် ဘားအံ၊ လှိုင်းဘွဲ့ စသည့်မြို့များ တွင် မူးယစ်ဆေးဝါးများ မကြာ ခဏဖမ်းဆီးရမိနေသည်။ ပြီးခဲ့သည့် ဖေဖော်ဝါရီအတွင်းက လည်း ဘားအံအကျဉ်းထောင်အ တွင်း မူးယစ်ဆေးဝါးများကို ဖမ်း ဆီးရမိခဲ့သည်။