ဆီဒိုးနားကို ဇွန်လ ၂၂ ရက်တွင် အပြီးသတ် အမိန့်ချမည်

FDA ၀န်ထမ်းအမျိုး သမီးကို အဓမ္မပြုကျင့်လုယက် သတ်ဖြတ်သည်ဟု စွဲချက်တင်ခံ ထားရသော ဆီဒိုးနား(ခ)မျိုးဇော် ဦးကို ဇွန်လ ၂၂ ရက်တွင်အရှေ့ ပိုင်းခရိုင်တရားရုံးက အပြီးသတ် အမိန့်ချမည်ဖြစ်သည်။

ယမန်နေ့ ရုံးချိန်းတွင်ယင်း အမှုနှင့်ပတ်သက်၍  နှစ်ဖက် လျှောက်လဲချက်ကြားနာသည်။

အရေးကြီးသက်သေဖြစ် သည့်မှုခင်းဆရာဝန်က သေဆုံး သူအမျိုးသမီး  ခန္ဓာကိုယ်တွင် သုက်ပိုးမတွေ့ရကြောင်း သက် သေထွက်ဆိုထားပြီး လည်ပင်းကို ထိုးသွင်းသည်ဆိုသော ၀က်အူ လှည့်ကို ရုံးတော်၌သက်သေ မတွေ့ရှိရကြောင်းနှင့် မျက်မြင် သက်သေများလည်းမရှိသဖြင့် လုံ လောက်သည့်သက်သေမရှိဘဲ ထင်မြင်ချက်နှင့် အပြစ်မပေးသင့် ကြောင်း မျိုးဇော်ဦး၏ ရှေ့နေက တရားသူကြီးထံလျှောက်လဲချက် ပေးသည်။ ထို့ကြောင့် မျိုးဇော်ဦးကို စွဲချက်တင်ထားသည့် အမြင့်ဆုံး သေဒဏ်ပေးနိုင်သည့်လူသတ်မှု ပုဒ်မ ၃၀၂(၁)(ဂ)အစားလူသေမှု ပုဒ်မ ၃၀၄(က)ဖြင့်သာ အရေးယူပါက ပို၍သင့်တော်ကြောင်း တရားသူကြီးထံလျှောက်လဲချက်ပေးသည်။

ထို့အပြင် တရားလိုရှေ့နေ က မျိုးဇော်ဦးသည်သေဆုံးသူ အမျိုးသမီး၏ ရွှေထည်များရောင်း ချသည်ဆိုသော သက်သေများ ရှိခြင်း၊ ဖုန်းကို ပြန်လည်ပြုပြင် သည်ဆိုသော သက်သေများရှိ ခြင်း၊ မရွှေ ရည်ဝင်း၏ပစ္စည်းများရှိ ရာနေရာကို မျိုးဇော်ဦးက ရဲကို ပြသရာ အမှန်တကယ်တွေ့ရှိရ ခြင်းနှင့် မှုခင်းဆရာဝန်၏သက် သေထွက်ဆိုချက်၌ သေဆုံးသူ အမျိုးသမီးအင်္ဂါတွင် လတ်တ လောထိုးသွင်းဒဏ်ရာများရှိသည် ဆိုခြင်းကြောင့် အဓမ္မကျင့်ခြင်းမှန် ကန်သဖြင့် မျိုးဇော်ဦးကို ၃၀၂(၁) (ဂ)အရ ထိရောက်ဟန့်တားနိုင် သည့်ပြစ်ဒဏ်ချမှတ်ပေးရန် တ ရားသူကြီးထံ လျှောက်လဲချက် ပေးသည်။