မဲဆောက်တွင် ကားမှောက်သေဆုံးခဲ့သော မြန်မာအမျိုးသမီးခြောက်ဦးအတွက် အာမခံငွေ ကျပ်သိန်း ၁,၇၀၀ ကျော် ပေးအပ်

 ထိုင်းတွင် အလုပ် လုပ်ရန် သွားရောက်စဉ်မဲဆောက် မြို့အလွန် တောင်အဆင်းလမ်း၌ ကားဘီးပေါက်၍ ချောက်ထဲကျ သေဆုံးခဲ့သော မြန်မာအမျိုးသမီး ခြောက်ဦးအတွက် ဘတ် ၄၂ သိန်းနှင့် ညီမျှသော ကျပ်သိန်း ၁,၇၀၀ ကျော်ကို မိသားစုဝင်များထံ ပေးအပ်ခဲ့သည်။


ကားမှောက်မှုကြောင့် သေ ဆုံးသူများအတွက် ထိုင်းနိုင်ငံ ဥပဒေအရ ခံစားခွင့်ရှိသည့် နစ်နာကြေးများရရှိရန် ထိုင်းနိုင်ငံရှိ မြန်မာသံရုံး အလုပ်သမားသံအရာရှိရုံးနှင့် သက်ဆိုင်ရာကုမ္ပဏီတို့ ပူးပေါင်းဆောင်ရွက်ခဲ့ ကြောင်း ၀န်ကြီးဌာနက ထုတ်ပြန် သည်။

နေပြည်တော်ရှိ အလုပ်သ မား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနတွင် မိသားစုဝင်များအား ဇွန်လ ၁၈ ရက်က ၀န်ကြီးကိုယ်တိုင်ပေးအပ် ခဲ့သည်။ ထိုင်းနိုင်ငံခရီးသွားဥပဒေ အရ သေဆုံးသူတစ်ဦးအတွက် ဘတ်လေးသိန်း၊ ကားအာမခံအ တွက် တစ်ဦးလျှင် ဘတ်သုံးသိန်း စုစုပေါင်း ဘတ်ခုနစ်သိန်း ပေး အပ်ခဲ့ကြောင်း ၀န်ကြီးဌာန ထုတ် ပြန်ချက်တွင် ဖော်ပြထားသည်။

ပြီးခဲ့သည့် ဧပြီ ၉ ရက်က ထိုင်းနိုင်ငံ ချာချင်ဆောင်မြို့ရှိ  Sukhonnavason Co.,Ltd ၏ ကွန်ပျူတာပစ္စည်းစက်ရုံ၌ အလုပ်လုပ်ကိုင်ရန် သွားရောက်စဉ် ယာဉ်မတော်တဆမှုကြောင့်  ခြောက်ဦးသေဆုံးကာ ၁၂ ဦးဒဏ် ရာရရှိခဲ့သည်။

ယင်းသို့မသွားရောက်မီ ခရီး သွားအာမခံထားရှိရန် နှစ်ဖက် သဘောတူညီမှုဖြင့် ရေးထိုးသည့် စာချွန်လွှာအရ သေဆုံးသူများ၏ မိသားစုဝင်များကို ယခုကဲ့သို့ ထောက်ပံ့ပေးအပ်ခြင်းဖြစ် ကြောင်း အလုပ်သမား၊ လူဝင်မှု ကြီးကြပ်ရေးနှင့်ပြည်သူ့အင်အား ၀န်ကြီးဌာန ပြည်ထောင်စုဝန်ကြီး ဦးသိန်းဆွေကပြောသည်။

ယခုကဲ့သို့ ၀မ်းနည်းဖွယ်အ ဖြစ်ဆိုးများ ရှောင်ရှားနိုင်ရန် အ လုပ်သမား ခေါ်ယူရာတွင် လုံခြုံစိတ်ချရသော မော်တော်ကားများနှင့် ကျွမ်းကျင်မှုရှိသော ယာဉ် မောင်းများကိုသာ အသုံးပြုဆောင်ရွက်နိုင်ရေး ထိုင်းနိုင်ငံအစိုးရထံ ညှိနှိုင်းအကြောင်းကြားပြီးဖြစ်ကြောင်း ၎င်းကဆက်လက် ပြောကြားသည်။

သေဆုံးသည့် အလုပ်သမား ခြောက်ဦးနှင့် ထိခိုက်ဒဏ်ရာရရှိသော အလုပ်သမား ၁၂ ဦးအတွက် ကရုဏာကြေးအဖြစ် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနက ကျပ် ၅၁ သိန်း၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာနက ကျပ် ၂၄ သိန်း၊ မြန်မာပြည်ပ အလုပ်အကိုင်ဝန်ဆောင်မှု လုပ် ငန်းရှင်များအဖွဲ့ချုပ်က ကျပ် ၄၉ သိန်းကျော်၊ Golden Royal Services Co.,Ltd က ကျပ် ၅၈ သိန်း အပါအ၀င် စုစုပေါင်းကျပ်သိန်း ၁၈၀ ကျော်နှင့် ဘတ် ၁၉,၅၀၀ ကို ပြီးခဲ့သည့်လက မိသားစုဝင်များထံ ပေးအပ်ခဲ့ကြောင်း ထုတ် ပြန်ထားသည်။