ပြည်တွင်း ငွေကြေးဈေးကွက်တွင် ၁၀ ရက်အတွင်း ဒေါ်လာတန်ဖိုး ၂ ရာခိုင်နှုန်းခန့် မြင့်တက်

နိုင်ငံခြားငွေလဲနှုန်းမှာ ရက်ပိုင်းအတွင်း အတက်မြန်ခဲ့သည်။ (ဓာတ်ပုံ − အေအက်ဖ်ပီ)

 ပြည်တွင်းငွေကြေး ဈေးကွက်တွင် ကန်ဒေါ်လာ တန် ဖိုး ၁၀ရက်အတွင်း ၂ ရာခိုင်နှုန်း ခန့်မြင့်တက်ပြီး မြန်မာကျပ်ငွေတန်ဖိုးကျဆင်းလာသည်။

ဇွန်လ ၁၂ ရက်က တစ်ဒေါ်လာလျှင် ၁,၃၄၈ ကျပ်မှ ဇွန်လ ၂၂ ရက်တွင် ၁,၃၇၁ကျပ် သို့မြင့်တက်ပြီး မွန်းလွဲပိုင်းတွင် တစ်ဒေါ်လာ ၁,၃၆၈ ကျပ်သို့ ပြန် လည်ကျဆင်းခဲ့သည်။ ဒေါ်လာ တန်ဖိုးမြင့်တက်မှုက သွင်းကုန်အ တွက် ပြည်ပသို့ငွေလွှဲပေးပို့မှုများ ခြင်းကြောင့်ဟု ပြည်တွင်းစီးပွား ရေးလုပ်ငန်းရှင်အချို့က ပြော သည်။  စီးပွားရေးနှင့် ကူးသန်း ရောင်းဝယ်ရေး ၀န်ကြီးဌာနက ပြည်ပမှ သကြားတင်သွင်းပြီး တရုတ်နိုင်ငံသို့ နယ်စပ်ကုန်သွယ် ရေးဖြင့်တင်ပို့ခြင်းကို ပြန်လည် ခွင့်ပြုပေးခြင်း၊ နေပြည်တော်တွင် ကျောက်မျက်ရတနာပြပွဲစတင် ကျင်းပခြင်းက ဒေါ်လာတန်ဖိုး မြင့်တက်စေသည့်အချက်များဖြစ် ကြောင်းစီးပွားရေးလုပ်ငန်းရှင်အ ချို့က သုံးသပ်ပြောကြားသည်။

ထို့အပြင် အမေရိကန် သမ္မတနှင့် မြောက်ကိုရီးယား ခေါင်းဆောင်တို့၏ စင်ကာပူတွေ့ ဆုံပွဲက နိုင်ငံတကာ ငွေကြေး ဈေးကွက်တွင် ကန်ဒေါ်လာ တန်ဖိုးကို ပိုမိုခိုင်မာစေကြောင်း ပြည်တွင်းစီးပွားရေးလုပ်ငန်းရှင် တစ်ဦးက ၎င်း၏ အမြင်ကို ပြောသည်။

ပြည်တွင်းဈေးကွက်တွင် ဒေါ်လာတန်ဖိုးသည် လက်ရှိစီး ပွားရေးအခြေအနေအရ တစ်ဒေါ် လာလျှင်ကျပ် ၁,၃၅၀ အောက်သို့ ပြန်လည်ကျဆင်းရန် မလွယ်ကူ ကြောင်း၎င်းကဆိုသည်။

မိုးရာသီတွင် ပြည်ပပို့ကုန် နည်းချိန်ဖြစ်၍ ဒေါ်လာတန်ဖိုး မြင့်တက်ခြင်းက ပြည်တွင်း ကုန် ဈေးနှုန်းမြင့်တက်မည်ကို စိုးရိမ်ရ ကြောင်း မြန်မာနိုင်ငံကုန်သည် များနှင့် စက်မှုလက်မှုလုပ်ငန်းရှင်  များအသင်းချုပ် ဒုဥက္ကဋ္ဌ ဒေါက် တာမောင်မောင်လေးက ပြော ကြားသည်။

စားသောက်ကုန်များမှ အစ လူသုံးကုန်များ၊ စက်မှုထုတ်ကုန် များ ပြည်ပမှတင်သွင်းနေရသော နိုင်ငံတွင် အဓိကနိုင်ငံခြား သုံးငွေ ကန်ဒေါ်လာတန်ဖိုးမြင့်တက်ခြင်းက ငွေကြေးဖောင်းပွမှုနှင့် ကုန်ပစ္စည်းဈေးနှုန်း မြင့်တက်မှုကို ဖြစ်စေကြောင်း စီးပွားရေး ပညာရှင်အချို့က အစိုးရကိုသတိပေးနေသည်။

ငွေကြေးဈေးကွက်တွင် ဒေါ် လာတန်ဖိုး မြင့်တက်သကဲ့သို့ ဗဟိုဘဏ်၏ ရည်ညွှန်းငွေလဲနှုန်း က ဇွန်လ ၁၂ ရက်က တစ် ဒေါ်လာလျှင် ၁,၃၅၄ ကျပ်မှ ဇွန် လ ၂၂ရက်တွင် ၁,၃၇၄ ကျပ်သို့ မြင့်တက်သည်။