နေပြည်တော် ကျောက်မျက်ပြပွဲတွင် ယူရို တစ်သန်းကျော်ဖိုးရောင်းချထား

နေပြည်တော်တွင် ကျင်းပနေသော မြန်မာ့ကျောက်မျက်ရတနာပြပွဲသို့ လာရောက်သော ရတနာကုန်သည်များကို ဇွန်လ ၂၀ ရက်ကတွေ့ရစဉ် (ဓာတ်ပုံ- ပိုင်စိုးသူ)

 မြန်မာ့ကျောက် မျက်ရတနာပြပွဲ လေးရက် မြောက်တွင် ကျောက်မျက်အတွဲ ၆၉ တွဲမှ ယူရိုငွေ ၁ဒသမ၃၇၈ သန်းတန်ဖိုးရောင်းချရကြောင်း ပြပွဲကျင်းပရေးကော်မတီက သတင်းထုတ်ပြန်သည်။


အခြေခံဈေး ယူရို ၅၀၀ နှင့်  အထက်ရှိ ကျောက်မျက်အတွဲ ၃၃၆ တွဲမှ ၆၉ တွဲ ရောင်းချခဲ့ရ ကြောင်း ပြပွဲကျင်းပရေးကော်မတီဒုဥက္ကဋ္ဌ ဦးသန်းဇော်ဦးက ဆိုသည်။

အဆိုပါကျောက်မျက်တွဲ များကို ရတနာကုန်သည်များ ကြည့်ရှုစစ်ဆေးနိုင်ရန် ဇွန်လ ၂၀ ရက်မှ ၂၃ ရက်အထိ သတ်မှတ်  ထားပြီး ဇွန်လ ၂၄ ရက်တွင် ဈေးပြိုင်တင်ဒါစနစ်ဖြင့် ရောင်းချပေးခဲ့သည်။

ယခုပြပွဲတွင် ကျောက်မျက် တစ်တွဲလျှင် အခြေခံဈေး ယူရို ၅၀၀၊ ကျောက်စိမ်းအချောထည် ကို အခြေခံဈေး ယူရို ၁,၀၀၀ ၊ကျောက်စိမ်းအရိုင်းထည်ကို အ ခြေခံဈေး ယူရို ၄,၀၀၀ သတ်မှတ်ထားသည်။

အခြေခံဈေးယူရို ၄,၀၀၀ နှင့် အထက်တန်ဖိုးသတ်မှတ် သည့် ကျောက်စိမ်းအရိုင်းအတွဲ များနှင့် အခြေခံဈေးယူရို ၁,၀၀၀နှင့်အထက် တန်ဖိုးသတ်မှတ် သည့် အချောထည်ကျောက်စိမ်း အတွဲများကို ဇွန်လ ၂၄ ရက်တွင် ကျောက်စိမ်းအတွဲ အမှတ် (၁) မှ (၁,၁၅၀) အထိ၊ ဇွန်လ ၂၅ ရက်တွင် ကျောက်စိမ်းအတွဲ အမှတ် (၁,၁၅၁) မှ (၂,၃၀၀) အထိ၊ ဇွန်လ ၂၆ ရက်တွင် ကျောက်စိမ်းအတွဲ အမှတ် (၂,၃၀၁) မှ (၃,၄၅၀) အထိ၊ ဇွန်လ ၂၇ ရက် တွင် ကျောက်စိမ်းအတွဲ အမှတ် (၃,၄၅၁) မှ (၄,၆၀၀) အထိ၊ ဇွန် လ ၂၈ ရက်တွင် ကျောက်စိမ်းအ တွဲ အမှတ် (၄,၆၀၁) မှ (၅,၇၅၀) အထိနှင့် ဇွန်လ ၂၉ ရက်တွင် ကျောက်စိမ်းအတွဲ အမှတ် (၅,၇၅၁) မှ (၆,၇၉၅) အထိ သတ်မှတ်ထားသည့်အတိုင်း ဆက် လက်ရောင်းချမည် ဖြစ်သည်။

မြန်မာ့ကျောက်မျက်ရတနာ ပြပွဲများကို တော်လှန်ရေးကောင် စီ အစိုးရလက်ထက် ၁၉၆၄မှ ၁၉၇၄ အထိ ၁၁ ပွဲ၊ မဆလအစိုးရလက်ထက် ၁၉၇၅ မှ ၁၉၈၈ အထိ ၁၄ ပွဲ၊ န၀တအစိုးရလက် ထက် ၁၉၈၉ မှ ၁၉၉၇ အထိ ၂၁ ပွဲ၊ နအဖအစိုးရလက်ထက် ၁၉၉၈ မှ ၂၀၁၁ အထိ ၃၅ ပွဲနှင့် ၂၀၁၁ နောက်ပိုင်း ပြပွဲ ၁၁ ပွဲ စုစုပါင်း ၉၂ ပွဲ ကျင်းပပြီးဖြစ်ကြောင်း ပြပွဲကျင်းပရေးကော်မတီမှ သိရသည်။

ရတနာပြပွဲများကို ၁၉၆၄ မှ ၂၀၁၀ ပြည့်နှစ်အထိ ရန်ကုန်မြို့တွင် ကျင်းပပြီး ယင်းနောက်ပိုင်းကစ၍ နေပြည်တော်မဏိရတနာကျောက်စိမ်းခန်းမ၌ စတင်ပြောင်းရွှေ့ကျင်းပရာမှ ၂၀၁၇ နှစ်လယ်မြန်မာ့ကျောက်မျက်ရတနာပြပွဲအထိ နိုင်ငံခြားငွေဖြင့် ရောင်းချသော  ပြပွဲ ၁၃ ပွဲနှင့် ကျပ်ငွေဖြင့် ရောင်းချပွဲ ခြောက်ပွဲကို နေပြည်တော်၌ ကျင်းပနိုင်ခဲ့သည်။

ယခုပြပွဲသို့ တရုတ်၊ ထိုင်း၊ ကနေဒါ၊ သြစတြေးလျနှင့် အမေ ရိကန်နိုင်ငံတို့မှ ရတနာကုန်သည် များလာရောက်ရာ တရုတ်နိုင် ငံက အများဆုံးဖြစ်ပြီး ပြည်တွင်း ရတနာကုန်သည် ၁,၂၀၀ ကျော် နှင့် ပြည်ပရတနာကုန်သည် ၃,၀၀၀ကျော် တက်ရောက်နေသည်။