ဒေါက်တာတင်မျိုးဝင်း၊ ဦးအောင်ကြည်ညွန့်နှင့် စစ်ကိုင်းဝန်ကြီးချုပ် ဒေါက်တာမြင့်နိုင် ဒီချုပ်ပါတီစီအီးစီများဖြစ်လာ

ဒီချုပ်ဗဟိုအလုပ်အမှုဆောင်အဖွဲ့ဝင်အချို့နှင့် အဖွဲ့ဝင်ဖြစ်လာသူများကို တွေ့ရစဉ် (ဓာတ်ပုံ - National League for Democracy)

အမျိုးသားဒီမိုကရေစီ အဖွဲ့ချုပ် ဗဟိုအလုပ်အမှုဆောင် အဖွဲ့တွင် အဖွဲ့ဝင်ခြောက်ဦး ထပ် မံတိုးချဲ့ဖွဲ့စည်းရာ ဒီချုပ်ဗဟိုအ လုပ်အမှုဆောင်အဖွဲ့၌ မူလက ဥက္ကဋ္ဌနှင့် ဒုတိယဥက္ကဋ္ဌနှစ်ဦးအပါ အဝင် စုစုပေါင်း ၂၁ ဦး ရှိလာမည် ဖြစ်သည်။


ဒီချုပ်ဗဟို အလုပ်အမှုဆောင်အဖွဲ့ဝင်ဖြစ်လာသူ ခြောက်ဦး သည် ငြိမ်းချမ်းရေးကော်မရှင် ဥက္ကဋ္ဌ ဒေါက်တာတင်မျိုးဝင်း၊ စစ်ကိုင်းတိုင်းဒေသကြီးဝန်ကြီး ချုပ် ဒေါက်တာမြင့်နိုင်၊ အမျိုးသား လွှတ်တော် ကိုယ်စားလှယ် ဦးအောင်ကြည်ညွန့်၊ ပြည်သူ့ လွှတ်တော်ကိုယ်စားလှယ် ဦးအင်ထုံးခါးနော်ဆမ်၊ မန္တလေးတိုင်းဒီချုပ်ဥက္ကဋ္ဌ ဦးတင်ထွဋ်ဦး၊ ၁၉၉၀ ရွေးကောက်ပွဲတွင် အုတ်တွင်းမဲ ဆန္ဒနယ်မှ အနိုင်ရခဲ့သည့် ဒီချုပ် အမတ်ဟောင်း ဦးသိန်းဦးတို့ ဖြစ်သည်။

နှစ်ရက်ကြာ ကျင်းပသည့် ဒီချုပ်ညီလာခံက အတည်ပြုဖွဲ့ စည်းသောပါတီဒုတိယဗဟိုကော် မတီ၏ပထမအကြိမ် အစည်းအ ဝေးတွင် တိုင်းဒေသကြီးနှင့်  ပြည် နယ်ဗဟိုကော်မတီဝင်များက တင် သွင်းသည့် ကိုယ်စားလှယ် ၁၄ ဦး အနက် ခြောက်ဦးကို ဗဟိုအလုပ် အမှုဆောင်အဖွဲ့ဝင်များအဖြစ် တိုးချဲ့ဖွဲ့စည်းခြင်းဖြစ်သည်။

ကျန်ကိုယ်စားလှယ်ရှစ်ဦး ကို အရန်ဗဟိုအလုပ်အမှုဆောင် အဖွဲ့ဝင်များအဖြစ် ဖွဲ့စည်း ကြောင်း ဒီချုပ်က တစ်ဆက်တည်းထုတ်ပြန်သည်။

ဗဟိုကော်မတီဝင်များက တင်သွင်းသော ကိုယ်စားလှယ် ၁၄ ဦး၏ နိုင်ငံရေးဖြတ်သန်းမှု၊ အသက်အရွယ်နှင့် ကျန်းမာရေး၊ တိုင်ချက်၊ ပြစ်ချက်များ ရှိ၊ မရှိ စသည့် အားသာချက်၊ အားနည်း ချက်များအပေါ် အခြေခံ၍ ဗဟို အလုပ်အမှုဆောင်အဖွဲ့ဝင်များ အဖြစ် ရွေးချယ်ရန် ဆုံးဖြတ်ခဲ့ ကြောင်း ပါတီပြောရေးဆိုခွင့်ရှိသူ ဒေါက်တာမျိုးညွန့်က ရှင်းပြ သည်။

‘‘သူတို့နဲ့ပတ်သက်တဲ့ ရှေ့ မှတ်တမ်းတွေမှာ ဘာရှိသလဲဆို တာကိုလည်း ကြည့်ပါတယ်။ ဥပမာ ဧရာဝတီတိုင်းမှာဆို ကျွန် တော်ရယ်၊ ဦးဝင်းမြင့်ရယ် နှစ် ယောက်ရှိနေပြီးသားဖြစ်တဲ့အ တွက် ဧရာဝတီတိုင်းကို ဦးစားမ ပေးတော့ဘူး။ အဲဒီလို တိုင်းနဲ့ ပြည်နယ်မျှတအောင်လည်း ကြည့်ပါ တယ်’’ဟု ၎င်းက  ပြောသည်။

လက်ရှိ ဒီချုပ်ဗဟိုအလုပ်အ မှုဆောင်အဖွဲ့ဝင်များအနက် ပါတီဥက္ကဋ္ဌ နိုင်ငံတော်၏အတိုင်ပင် ခံပုဂ္ဂိုလ် ဒေါ်အောင်ဆန်းစုကြည် အပါအဝင် သမ္မတ ဦးဝင်းမြင့်၊ ဖွဲ့စည်းပုံအခြေခံဥပဒေဆိုင်ရာ ခုံရုံးအဖွဲ့ဝင် ဒေါ်ခင်ဌေးကြွယ်နှင့် နေပြည်တော် ကောင်စီဥက္ကဋ္ဌ ဒေါက်တာမျိုးအောင်တို့သည် အခြေခံဥပဒေအရ ပါတီလုပ်ငန်းများ ဆောင်ရွက်ခွင့်မရှိပေ။

ဒီချုပ်ဗဟို အလုပ်အမှုဆောင်အဖွဲ့ဝင်ဖြစ်လာသည့် အမျိုးသား လွှတ်တော် ကိုယ်စားလှယ် ဦးအောင်ကြည်ညွန့်က ‘‘နဂိုရှိနေ တဲ့ အခြေအနေမျိုးထက် ပိုပြီး တော့  ကြီးလေးတဲ့ တာဝန်တွေ ထမ်းဆောင်ရဖွယ်ရှိတယ်။ အဲဒီအတွက် ကြိုတင်ပြီးတော့ ပြင်ဆင် ထားရမယ်ဆိုတဲ့ အလေးအနက် ထားတဲ့စိတ်ပဲရှိပါတယ်။ ကြီးလေးတဲ့တာဝန်ကို ထမ်းဆောင်ရမှာ ဖြစ်တဲ့အတွက် အင်မတန်သတိ ကြီးကြီးထားရမယ်ဆိုတဲ့ သဘော မျိုး ခံစားမိပါတယ်’’ဟု ဆိုသည်။

ရန်ကုန်မြို့MCC ခန်းမ၌ ဇွန်လ၂၃ ရက်၊ ၂၄ ရက်တွင် ကျင်းပသည့် ဒီချုပ်ပါတီဒုတိယအကြိမ် နိုင်ငံလုံးဆိုင်ရာညီလာခံသို့ ပြည်နယ်နှင့်တိုင်းများမှကိုယ်စားလှယ်တစ်ထောင်ကျော် တက်ရောက်ခဲ့သည်။ ညီလာခံတွင် ဗဟိုကော်မတီဝင်အသစ် ၄၂ ဦးရွေးချယ်ခဲ့ရာ မူလ ဗဟိုကော်မတီဝင်များအပါအ၀င် စုစုပေါင်း ဒီချုပ်ဗဟိုကော်မတီဝင် ၁၄၈ ဦးအထိရှိလာသည်။ ထို့အပြင် အရန်ဗဟိုကော်မတီ ၀င် ၃၀ ဦးကိုယင်းညီလာခံက ရွေးချယ်ဖွဲ့စည်းခဲ့သည်။