မိုးရာသီအတွင်း ငွေဆောင်အပါအဝင် ကမ်းခြေသုံးခု၌ ဟိုတယ် ၆၀ ခန့်ပိတ်ထားမည်

ငွေဆောင်ကမ်းခြေရှိ ဟိုတယ်တစ်ခုကို မြင်ရစဉ် ဓာတ်ပုံ − ဂျေမောင်မောင် (အမရပူရ)

မိုးရာသီအတွင်း ခရီးသည် ဝင်ရောက်မှုနည်းသဖြင့် ငပလီ၊ ငွေဆောင်နှင့် ချောင်းသာကမ်းခြေ ရှိ ဟိုတယ် ၆၀ ခန့် ပိတ်ထားမည် ဖြစ်သည်။


ငွေဆောင်ကမ်းခြေရှိ ဟို တယ် ၂၅ လုံးအနက် ဟိုတယ် ၁၂ လုံးသည် မိုးရာသီအတွင်း ပိတ် ထားမည်ဟု ဟိုတယ်နှင့် ခရီးသွား လာရေးဝန်ကြီးဌာန (ငွေဆောင်) လက်ထောက်ညွှန်ကြားရေးမှူး ဦးစိုးဝင်းက ပြောသည်။

ပိတ်ထားသည့် ဟိုတယ်များ သည် အောက်တိုဘာလဆန်း၌ ပြန်လည်ဖွင့်လှစ်မည်ဖြစ်ပြီး ပိတ် ရသည့် အကြောင်းရင်းသည် မိုးရာသီအတွင်း ခရီးသွားဝင်ရောက်မှု နည်းပါးခြင်းနှင့် ဟိုတယ်ပြန်လည် ပြုပြင်ထိန်းသိမ်းလိုခြင်း ကြောင့် ဖြစ်သည်ဟု ၎င်းကပြော သည်။

အလားတူ ငပလီကမ်းခြေ တွင် ဟိုတယ်နှင့် ခရီးသွားလာရေး ဝန်ကြီးဌာနမှ လိုင်စင်ရရှိထား သော ဟိုတယ်နှင့် တည်းခိုခန်း အလုံးရေ ၄၀ ရှိသည့်အနက်ဟိုတယ်၃၇ လုံး ပိတ်ထားပြီး ဖွင့်လှစ်ထား သော ဟိုတယ်အချို့လည်း အခန်း အရေအတွက် လျှော့ချဖွင့်လှစ် ကြောင်း ဟိုတယ်နှင့် ခရီးသွား လာရေးဝန်ကြီးဌာန (ငပလီ)လက်ထောက်ညွှန်ကြားရေးမှူး ဦးမင်းစိုးအောင်က ပြောသည်။

ချောင်းသာကမ်းခြေတွင် လိုင်စင်ရ ဟိုတယ်နှင့် တည်းခို ရိပ်သာ ၂၉ လုံး (အခန်း ၁,၃၀၀) ရှိပြီး ၁၀ လုံးပိတ်ထားကြောင်း ကမ်းခြေ၌ ခရီးသွားဝင်ရောက်မှု အလွန်နည်းပါးနေပြီး ပိတ်ထား သော ဟိုတယ်များသည် အောက် တိုဘာလဆန်း၌ ပြန်လည်ဖွင့် လှစ်မည်ဖြစ်ကြောင်း ဟိုတယ်နှင့် ခရီးသွားလာရေး ဝန်ကြီးဌာန (ချောင်းသာ) ဦးစီးအရာရှိ ဦးနိုင် အောင်က ပြောသည်။

ငွေဆောင်ကမ်းခြေ၌ မိုးရာ သီအတွင်း ဟိုတယ် ၁၈ လုံး (အခန်း ၃၀၇ခန်း) ဖွင့်လှစ်ထား မည်ဟု ဟိုတယ်နှင့် ခရီးသွားလာ ရေးဝန်ကြီးဌာနက ကြေညာထား သည်။ 

 ‘‘ဟိုတယ်ပိတ်တယ် ဆို တာက မိုးရာသီမှာ နှစ်တိုင်းလိုလို ပါ’’ဟု ဦးစိုးဝင်းက ပြောသည်။

မိုးရာသီအတွင်း ငွေဆောင် ကမ်းခြေသို့ ခရီးသွားဝင်ရောက်မှု နည်းပါးသော်လည်း ၂၀၁၇ ဇွန်လနှင့် နှိုင်းယှဉ်ပါက ပြည် တွင်း၊ ပြည်ပ ခရီးသွားဝင်ရောက် မှု ၂၀ ရာခိုင်နှုန်း တိုးတက်လာ ကြောင်း ၎င်းကပြောသည်။

ငွေဆောင်ကမ်းခြေ၌ ဟို တယ်နှင့် ခရီးသွားလာရေး ဝန်ကြီး ဌာန လိုင်စင်ရရှိထားသည့် ဟို တယ်နှင့် တည်းခိုရိပ်သာ ၃၁ လုံး ရှိသည်။ ငွေဆောင်ကမ်းခြေရှိ ဟိုတယ်နှင့် တည်းခိုခန်းများတွင် အခန်းအရေအတွက် ၁,၄၂၀ ခန်း ရှိသော်လည်း ၂၀၁၈ အတွင်း ဟိုတယ်ငါးလုံး (အခန်း ၂၀၀ခန့်) ထပ်မံတည်ဆောက်မည်ဟု ဦးစိုး ဝင်းက ပြောသည်။