ထိုင်းလူငယ် ၁၃ ဦး ဂူထဲမှာ ပျောက်ဆုံးမှု နေ့စွဲအလိုက် မှတ်တမ်း

ဓာတ်ပုံ-ရိုက်တာ

ဇွန် - ၃၀ ၊၂၀၁၈

ထိုင်းနိုင်ငံ၊ ချင်းမိုင်မြို့က ဒေသခံ လူငယ် ဘောလုံးအသင်းတစ်ခု သဘာဝ ရေဝင်ထုံးကျောက်ဂူ တစ်ခုထဲ ဝင်ရောက်သွားပြီး ပျောက်ဆုံးနေတာ အခုဆိုရင် တစ်ပတ်လောက် ကြာမြင့်ခဲ့ပြီ ဖြစ်ပါတယ်။ လူငယ် ၁၃ ယောက် စတင်ပျောက်ဆုံးသွားတဲ့ နေ့ကစလို့ ကယ်ဆယ်ရေး လုပ်ငန်းတွေကို အပတ်တကုတ် လုပ်ဆောင်နေပေမယ့် အခုထိတော့ ရှာမတွေ့သေးပါဘူး။ တစ်ကမ္ဘာလုံး စိတ်ဝင်စားနေတဲ့ ပျောက်ဆုံးမှုနဲ့ ကယ်ဆယ်ရေး လုပ်ငန်းစဉ်တွေအကြောင်း နေ့အလိုက် ဖြစ်ပျက်ခဲ့တာတွေကို အကျဉ်းချုပ် ဖော်ပြလိုက်ပါတယ်။

အခင်းဖြစ်တဲ့နေ့ (ဇွန် ၂၃)
 
နည်းပြ ဘောလုံးအသင်းနည်းပြ အက်ကာပိုလ် ချန်သာဝေါင်က ဘောလုံးအသင်းရဲ့ လေ့ကျင့်ခန်း ဆင်းနေပုံကို Facebookပေါ်ကနေ Liveထုတ်လွှင့်ခဲ့ပါတယ်။ ဒါဟာ တောဝက်ရိုင်းများ လူငယ် ဘောလုံးအသင်းသားတွေ ဂူထဲ ဝင်ရောက် မပျောက်ကွယ်ခင် နောက်ဆုံး တွေ့မြင်လိုက်ရတဲ့ မှတ်တမ်းပါ။
 
ညနေပိုင်းမှာတော့ တောခေါင်းတစ်ယောက်က သဘာဝဥယျာဉ် ပိတ်ပြီဖြစ်ကြောင်း လိုက်သတိပေးရင်း ဂူပေါက်ဝမှာ စက်ဘီး ၁၁ စီး ရပ်ထားတာကို ရှာတွေ့သွားပါတယ်။ သူကပဲ သက်ဆိုင်ရာကို အကြောင်းကြားခဲ့ပါတယ်။
 
လူငယ်တွေထဲက တစ်ယောက်ရဲ့ မိဘက သူ့သားနဲ့ ဖုန်းအဆက်အသွယ် ရခဲ့ပြီး ဂူထဲမှာ တစ်ဖွဲ့လုံး ပိတ်မိနေမှန်း သိသွားတယ်။ မိဘတွေက ဂူဝ ရောက်လာသလို ရဲတပ်ဖွဲ့ရဲ့ ကင်းလှည့်ယူနစ်ကပါ လာရောက်စစ်ဆေးတယ်။ ကယ်ဆယ်ရေးလုပ်ငန်းတွေ စတင်ပါတယ်။
 
ပထမနေ့ (ဇွန် ၂၄)
 
ရေဝင်ဂူထဲကို ဝင်နိုင်ဖို့ ရေငုပ်သမားတွေက စတင်ကြိုးစားပါတယ်။ မနက်အလင်းရောင် ရတဲ့ အချိန်မှာ ကယ်ဆယ်ရေးတွေက ဖြန့်ကျက်ရှာဖွေတဲ့အခါ ညှပ်ဖိနပ် ၁၁ ရန်ကို ရှာတွေ့ခဲ့တယ်။ ကယ်ဆယ်ရေး ကဏ္ဍကို စစ်တပ်ကပါ ပူးပေါင်း ကူညီလာပါတယ်။
 
မနက်အစောပိုင်းမှာ အဖွဲ့သားတွေ အရမ်းပင်ပန်းနေပြီး ဂူထဲမှာလည်း ရေမျက်နှာပြင် ဆက်မြင့်တက်လာတဲ့အတွက် ကယ်ဆယ်ရေး လုပ်ငန်းတွေ ခဏရပ်ဆိုင်းဖို့ ညှိနှိုင်း သဘောတူခဲ့ကြပါတယ်။
 
မယ်ဆိုင်က ကယ်ဆယ်ရေး အဖွဲ့ဝင် ၇ ယောက်က ဂူအတွင်းပိုင်းထဲ ရောက်နိုင်သမျှရောက်အောင် ဝင်တိုးပြီး ရေတွေကို စုပ်ထုတ်ဖို့ စစ်ဆေးကြည့်တယ်။ အဆင်မပြေနိုင်တာကြောင့် လက်လျှော့ခဲ့ရပါတယ်။
 
နေ့လယ်မှာ ရေငုပ်သမားတွေက ရေဝင်ဧရိယာထဲ ငုပ်လျှိုးကြည့်ကြတယ်။ နောက်ကျိပြီး ရှေ့ကို ဘာမှ မမြင်ရတဲ့ ရေပြင်ဟာ ၁၅ ပေလောက်ထိ နက်နေတာ တွေ့ခဲ့ရတယ်။ ၄၅ ပေလောက်ပဲ ရှေ့တိုးနိုင်ခဲ့တဲ့နောက် ရေငုပ်သမားတွေလည်း ပြန်တက်လာရပါတယ်။ ညနေပိုင်းမှာတော့ ကယ်ဆယ်ရေး အဖွဲ့ခေါင်းဆောင်က ရေတပ်ရဲ့ ရေငပုပ်သမားတွေကိုပါ အကူအညီပေးဖို့ အကြောင်းကြားခဲ့ပါတယ်။
 
ဒုတိယနေ့ (ဇွန် ၂၅)
ထိုင်းစစ်သားတွေနဲ့ နယ်ခြားစောင့် ရဲတပ်ဖွဲ့ဝင်တွေ ၁၀ ဦးပါတဲ့ အဖွဲ့ဟာ ညသန်းခေါင်ကျော်တာနဲ့ ဂူထဲကို ဝင်သွားပြီး လိုက်ရှာပါတယ်။ မဲခေါင် မြစ်ကြောင်း ကယ်ဆယ်ရေး အဖွဲ့က ပညာရှင်တွေလည်း လာပူးပေါင်းတယ်။ နောက်တော့ ရေတပ်ရဲ့ ကွန်မန်ဒို အဖွဲ့သားတွေလည်း ရောက်လာကြပါတယ်။
 
မနက် အလင်းရောင်ရချိန်မှာ ရေတပ် ကွန်မန်ဒိုတွေက လေးဖွဲ့ခွဲလိုက်တယ်။ ရှေ့က ကယ်ဆယ်ရေး လုပ်ငန်း ဆောင်ရွက်ထားသူတွေနဲ့ ဝင်ပူးပေါင်းပါတယ်။ အလှည့်ကျ ရှာဖွေပေမယ့် လူငယ်တွေနဲ့ ပတ်သက်လို့ ဘာသဲလွန်စမှ ထပ်မတွေ့ခဲ့ဘူး။
 
ရေအောက်ကို ငုပ်ပြီး ရှာချိန်မှာတော့ ၅ မိုင်လောက် ရှည်လျားတဲ့ ဥမင် အတွင်းပိုင်း ဝင်ပေါက်ကို စတွေ့ပါတယ်။ လူငယ်တွေရဲ့ ခြေရာတွေကိုလည်း ရေအောက် နစ်မြုပ်နေပေမယ့် ရှာတွေ့ခဲ့တယ်။ ကယ်ဆယ်ရေး အဖွဲ့တွေ အားတက်လာပါတယ်။
 
တတိယနေ့ (ဇွန် ၂၆)

တစ်နိုင်ငံလုံး စိတ်ဝင်စားလာတဲ့ ကိစ္စကို အစိုးရကိုယ်တိုင် တုံ့ပြန် ကိုင်တွယ်လာပါတယ်။ ထိုင်းပြည်ထဲရေးဝန်ကြီး အနူပွန် ပေါင်ဂျင်ဒါကိုယ်တိုင် ဂူဝထိ ရောက်လာတယ်။ စိုးရိမ် သောကရောက်နေတဲ့ မိဘဆွေမျိုးတွေကိုလည်း အားပေးစကား ပြောပါတယ်။
 
ဂူဝမှာတော့ အားကောင်းတဲ့ မီးမောင်းကြီးတွေ စဆင်နေပါပြီ။ ပြီးတော့ ဘန်ကောက်ကနေ သယ်လာတဲ့ ဧရာမ ရေစုပ်စက်ကြီးတွေ စတင် လည်ပတ်နေတယ်။ မြို့ကြီးတစ်မြို့လုံးမှာ ရေလွှမ်းမိုးမှု မဖြစ်နိုင်အောင် ကာကွယ်ပေးဖို့ လုံလောက်တဲ့ စက်တွေဟာ ဂူထဲက ရေတွေကို ဖောက်ထုတ်ဖို့တော့ အခက်ကြုံနေရပါတယ်။ မိုးကလည်း မကြုံဖူးလောက်အောင် သည်းသည်းမည်းမည်း ရွာနေတာကြောင့် ရေက ချက်ချင်း ပြန်ပြန်ပြည့်သွားတယ်။
 
သတင်းထောက်တွေနဲ့ တွေ့ဆုံချိန်မှာ ဝန်ကြီးက ရေတပ်ရဲ့ ရေငုပ်သမားတွေဟာ နေ့ဆိုင်းညဆိုင်း ခွဲပြီး ရှာဖွေနေကြတယ်လို့ ပြောသွားပါတယ်။ ဂူထဲမှာ အရင်ကတည်းက အလင်းရောင် မရတဲ့အတွက် နေ့နဲ့ည ကွဲပြားမှုက ကယ်ဆယ်ရေးတွေအတွက် သိပ်ပြီး မထူးခြားဘူးလို့ ဝန်ကြီးက မှတ်ချက်ပေးပါတယ်။
 
ပြီးတော့ လူငယ်တွေ ရောက်ရှိ ခိုအောင်းနေမယ်လို့ ယုံကြည်ရတဲ့ နေရာကို ဂူအပြင်ဖက်ကနေ ဥမင်ဖောက်ပြီး ကယ်ဆယ်ဖို့ စဉ်းစားနေကြောင်းလည်း ပြောသွားခဲ့ပါတယ်။
 
စတုတ္ထနေ့ (ဇွန် ၂၇)
အမေရိကန် ရေတပ်နဲ့ ဗြိတိန်စစ်ဖက်က ပရော်ဖက်ရှင်နယ် ရေငုပ်သမားတွေပါ ကယ်ဆယ်ရေးမှာ ပူးပေါင်း ပါဝင်လာပါတယ်။
 
ဂူရဲ့ အပြင်ဖက်ကနေ ဖောက်ဝင်ဖို့ ဖြစ်နိုင်ခြေ လမ်းကြောင်းတွေကို တွက်ဆပေမယ့် အခက်အခဲတွေ ကြုံခဲ့ပြန်တယ်။ လမ်းမပေါက်တဲ့ နေရာကို စက်ယန္တရား အကြီးစားတွေ ပို့ဆောင်လို့ မရပါဘူး။ ပြီးတော့ နံရံတွေကို ဖြိုချရင်လည်း တောင်ပြိုမယ့် အန္တရာယ် ရှိနေသေးတယ်။
 
ထိုင်းရဲ့ အိမ်နီးချင်း မြန်မာနိုင်ငံဖက်ကလည်း လူငယ်တွေ ပျောက်နေတဲ့ ဂူနဲ့ ဆက်စပ်နေတယ်လို့ ယုံကြည်ရတဲ့ တာချီလိတ်ဖက်က ဂူပေါက်တွေကို ဝင်ရောက် စစ်ဆေးပြီး အကူအညီ ပေးမယ်လို့ ကြေညာလာပါတယ်။
 
ဂူအတွင်းပိုင်းမှာတော့ ကယ်ဆယ်ရေး လုပ်ငန်းတွေကို ပုံမှန်အတိုင်း အဆိုင်းခွဲပြီး ဆက်လက် ဆောင်ရွက်နေပေမယ့် ကျေနပ်စရာ ရလဒ်မျိုးတော့ ရှာမတွေ့ခဲ့ပါဘူး။
 
ပဉ္စမနေ့ (ဇွန် ၂၈)
မိုးအရမ်းသည်းပြီး ရေမျက်နှာပြင် ပြန်မြင့်တက်လာလို့ နာရီပိုင်းလောက် ဆိုင်းငံ့ခဲ့ရတဲ့ ကယ်ဆယ်ရေး လုပ်ငန်းတွေ ပြန်လည် စတင်ပါတယ်။ ချင်းရိုင် အုပ်ချုပ်ရေးမှူးက ကလေးတွေအတွက် စိုးရိမ်သလို ရေငုပ်သမားတွေရဲ့ လုံခြုံရေးကိုလည်း အလေးထား စဉ်းစားနေရကြောင်း ရှင်းပြပါတယ်။
 
ရေငုပ်သမားတွေက ရေဝင် ပျောက်ကွယ်နေတဲ့ နေရာတွေကို လှည့်ပတ်စစ်ဆေးရင်း တခြားဝင်ပေါက်တွေ ရှိနိုင်မလား ဆိုတာကို ဆန်းစစ်ရှာဖွေကြပြန်တယ်။ အမေရိကန် ရေငုပ်အဖွဲ့တစ်ခုလည်း ရောက်လာပေမယ့် အခြေအနေ အရပ်ရပ်ကြောင့် ချက်ချင်း ကယ်ဆယ်ရေး မလုပ်နိုင်ခဲ့ပါဘူး။
 
ငါးရက်ကြာလာပြီ ဖြစ်တဲ့နောက် ကယ်ဆယ်ရေးသမားတွေ ပိုပြီး စိုးရိမ်လာကြတယ်။ ဂူထဲမှာ ကလေးတွေ အသက်ရှင်လျက် ပိတ်မိနေရင်တောင် အစာရေစာ ပြတ်လပ်မှုဒဏ်ကို ဆိုးဆိုးရွားရွား ခံစားနေရနိုင်တာက စိတ်ပူစရာ ဖြစ်လာပါတယ်။
 
ဆဋ္ဌမနေ့ (ဇွန် ၂၉)
ဂူထဲမှာ သွယ်တန်းထားတဲ့ မီးကြိုးတွေကနေတဆင့် ကယ်ဆယ်ရေးသမားတစ်ယောက် ဓာတ်လိုက်ပြီး ဆေးရုံ တင်လိုက်ရပါတယ်။
 
ရဟတ်ယာဉ် တစ်စီးက ကျောက်တောင် ထိပ်ပိုင်းမှာ ဂူထဲ ဝင်လို့ ရနိုင်မယ်လို့ ထင်ရတဲ့ အပေါက်ငယ် တစ်ခုကို ရှာတွေ့ခဲ့တယ်။ ရဟတ်ယာဉ်တွေကလည်း မိုးအရမ်း သည်းနေရင် အန္တရာယ် များတာကြောင့် အချိန်ရွေးပြီး ပျံသန်းရတာပါ။ အဲဒီ အပေါက်လေးထဲကို ပညာရှင် တစ်ယောက်က ရနိုင်သလောက် ဝင်ကြည့်တယ်။ ပြီးတော့ စားနပ်ရိက္ခာနဲ့ တခြားလိုအပ်မယ့် လူ့အသုံးအဆောင်တွေ ပါရှိတဲ့ သေတ္တာလေးတွေ ပစ်ချပေးဖို့ စီစဉ်ကြပါတယ်။ ပိတ်မိနေတဲ့ လူငယ်တွေဆီ ရောက်လိုရောက်ငြားဆိုတဲ့ မျှော်လင့်ချက်နဲ့ပါ။
 
အဲဒီနေ့မှာပဲ ထိုင်းဝန်ကြီးချုပ် ပယာရွတ်သ် ချန်အိုချာကိုယ်တိုင် ကယ်ဆယ်ရေး လုပ်ငန်းခွင်ကို ရောက်လာတယ်။ လူငယ်တွေရဲ့ မိဘတွေကို တွေ့ဆုံပြီး နှစ်သိမ့်တယ်။ ကယ်ဆယ်ရေးတွေအတွက် လိုအပ်သမျှ အကူအညီအားလုံး ပေးအပ်မယ်လို့ပါ ကတိပြုခဲ့ပါတယ်။