လိုအပ်ချက်ရှိပါက ရေနံပမာဏ ပိုမိုထုတ်လုပ်မည်ဟု ဆော်ဒီအာရေးဗီးယားဘုရင်ပြောကြား

 ဆော်ဒီအာရေးဗီး ယား ဘုရင်က လိုအပ်လျှင် ရေနံ ထုတ်လုပ်မှု မြှင့်တင်မည်ဖြစ်ပြီး လက်ရှိ ထုတ်လုပ်နေသော ပမာဏထက် တစ်နေ့လျှင် ရေနံစည်ပေါင်း နှစ်သန်းအထိ ထပ်တိုး ထုတ်လုပ်နိုင်သည်ဟု အမေရိ ကန်သမ္မတ ဒေါ်နယ်ထရန့်ကို ကတိပြုခဲ့ကြောင်း အိမ်ဖြူတော် က ဇွန်လ ၃၀ ရက်တွင် ပြော သည်။


ကမ္ဘာ့အကြီးဆုံး ရေနံတင်ပို့ သည့် ဆော်ဒီအာရေးဗီးယားနိုင်ငံ အနေဖြင့် ရေနံပိုမိုထုတ်လုပ်ရန် သောကြာနေ့တွင် သမ္မတဒေါ်နယ်ထရန့်က ဘုရင်ဆော်လ်မန်ဘင် အဗ္ဗဒူအဇစ်ထံ ဖုန်းဆက်သွယ် ပြောကြားခဲ့ပြီး ဘုရင်ကလည်း လိုအပ်လျှင် ပိုမိုထုတ်လုပ်ရန် အသင့်ဖြစ်ကြောင်း ပြန်လည်ဖြေကြားခဲ့သည်ဟု အိမ်ဖြူတော် ထုတ်ပြန်ချက်တစ်ခုတွင် ဖော်ပြ သည်။

‘‘ရေနံဈေးကွက်တည်ငြိမ်ဖို့ လိုအပ်ရင် ဆော်ဒီနိုင်ငံအနေနဲ့ လက်ရှိထုတ်လုပ်နေတဲ့ ပမာဏ ထက် တစ်နေ့ကို ရေနံစည်ပေါင်း နှစ်သန်း ထပ်တိုးထုတ်လုပ်နိုင် တယ်လို့ ဘုရင်ကြီးဆယ်လ်မန်က အခိုင်အမာပြောခဲ့ပါတယ်’’ဟု ထို ထုတ်ပြန်ချက်က ဖော်ပြသည်။

ထို့အပြင် ရေနံအဓိကထုတ် လုပ်သော နိုင်ငံများဖြစ်သည့် အီရန်နှင့် ဗင်နီဇွဲလားတွင် ရှုပ်ထွေးမှုများနှင့် မတည်ငြိမ်မှုများ ဖြစ် ပေါ်နေသောကြောင့် ရေနံဈေးတက်လာသဖြင့် ဆော်ဒီအာရေး ဗီးယားနိုင်ငံအား တစ်နေ့လျှင် ရေနံစည်ပေါင်းနှစ်သန်း ပိုမိုထုတ် လုပ်ရန် တိုက်တွန်းခဲ့ကြောင်း သမ္မတဒေါ်နယ်ထရန့်က တွစ်တာတွင် ရေးသားဖော်ပြခဲ့သည်။

အမေရိကန်သည် မေလ တွင် ၂၀၁၅ အီရန်နျူသဘောတူ ညီချက်မှ နုတ်ထွက်ပြီးနောက် အီရန်အပေါ် ရေနံထုတ်လုပ်မှု ဆိုင်ရာ အရေးယူပိတ်ဆို့မှုများ ပြန်လည်ချမှတ်ခဲ့သဖြင့် ဈေး ကွက်အတွင်းသို့ အီရန်မှ ရေနံ ဝင်ရောက်မှုပမာဏ လျော့ကျ ခြင်းကို ဆော်ဒီနိုင်ငံက ရေနံပိုမို ထုတ်လုပ်ခြင်းဖြင့် ထိန်းချုပ်ထား နိုင်ကြောင်း ထရန့်က ပြောကြား သည်။

ဆော်ဒီအာရေးဗီးယားနိုင်ငံ သည် တစ်နေ့လျှင် ရေနံစည် ပေါင်း ၁၂ သန်းအထိ အများဆုံး ထုတ်လုပ်နိုင်သော်လည်း ထို ပမာဏအထိ မည်သည့်အခါမျှ ထုတ်လုပ်ခဲ့ခြင်းမရှိဘဲ ဇူလိုင်တွင် ရေနံစည်ပေါင်း ၁၁ သန်းအထိ ထုတ်လုပ်ရန် စီစဉ်ထားပြီး ယင်းမှာ သမိုင်းတွင် အမြင့်ဆုံးဖြစ်မည် ဖြစ်သည်။

—Ref: Reuters