ရေနံနှင့် သဘာဝဓာတ်ငွေ့ကဏ္ဍမှသည် အကျိုးအမြတ် အများဆုံးနှင့် နိုင်ငံခြားကြွေးမြီအများဆုံးဟု EITI အစီရင်ခံစာဖော်ပြ

သယံဇာတတူးဖော်ထုတ်လုပ်ခြင်း ကဏ္ဍများတွင် ရေနံနှင့်သဘာဝ ဓာတ်ငွေ့ကဏ္ဍသည် အကျိုးအ မြတ်အများဆုံး ရရှိသော်လည်း နိုင်ငံခြားကြွေးမြီး အများဆုံးပေး ဆပ်ရသည့် ကဏ္ဍလည်းဖြစ်သည် ဟု EITI အစီရင်ခံစာတွင် ဖော်ပြ ထားသည်။


သဘာဝသယံဇာတ အရင်း အမြစ် တူးဖော်ထုတ်လုပ်ရေးလုပ် ငန်းများ ပွင့်လင်းမြင်သာမှု ဖော် ဆောင်ရေး (EITI)၏ ဒုတိယ ၂၀၁၄-၁၅ နှင့် တတိယ ၂၀၁၅-၁၆ အကြိမ်မြောက် အစီရင်ခံစာကို ဇွန်လ ၂၈ ရက်က ထုတ်ပြန်ခဲ့ပြီး ရေနံနှင့်သဘာဝဓာတ်ငွေ့ကဏ္ဍ၊ ကျောက်စိမ်းနှင့်ကျောက်မျက်၊ အခြားသတ္တုများနှင့် ပုလဲကဏ္ဍတို့ ပါဝင်သော သတ္တုကဏ္ဍတို့မှ အခွန်ဘဏ္ဍာဝင်ငွေများ ပါဝင်သည်။

ရေနံနှင့် သဘာဝဓာတ်ငွေ့ ကဏ္ဍမှ ၀င်ငွေသည် နိုင်ငံတော် ဘဏ္ဍာထည့်ဝင်ငွေ ၄၇ ဒသမ ၅  ရာခိုင်နှုန်းရှိသော်လည်း နိုင်ငံခြား ကြွေးမြီအများဆုံးလည်း ဖြစ်နေ သည်ဟု မြန်မာနိုင်ငံ EITI သုံးပွင့် ဆိုင် ညွှန့်ပေါင်းအဖွဲ့မှ အရပ်ဘက် လူမှုအဖွဲ့ကိုယ်စားလှယ် ဒေါ်မိုးမိုး ထွန်းက ပြောသည်။

၂၀၁၄-၁၅ ဘဏ္ဍာရေးနှစ် တွင် သယံဇာတတူးဖော်ထုတ်လုပ် ခြင်းကဏ္ဍမှ အစီရင်ခံစာပါ လုပ် ငန်းအမျိုးအစားများနှင့် သက်ဆိုင် သော အခွန်အခရငွေအားလုံး၏ ၈၅ ရာခိုင်နှုန်းကို ရေနံနှင့်သဘာဝဓာတ်ငွေ့ကဏ္ဍမှ ကောက်ခံရရှိ ပြီး၊ အစိုးရအနေဖြင့် ရေနံနှင့် သဘာဝဓာတ်ငွေ့ကုမ္ပဏီများ (ရေနံနှင့် သဘာဝဓာတ်ငွေ့ပိုက်လိုင်း ကုမ္ပဏီများအပါအ၀င်) ထံမှ ကျပ်၂,၈၈၂,၂၀၆ သန်း ကောက်ခံရရှိ ထားသည်။

၂၀၁၅-၁၆ ဘဏ္ဍာရေးနှစ် တွင် အခွန်အခရငွေအားလုံး၏ ၇၆ရာခိုင်နှုန်းကို ရေနံနှင့်သဘာဝ ဓာတ်ငွေ့ကဏ္ဍမှ ရရှိခဲ့ပြီး၊ ရေနံ နှင့် သဘာဝဓာတ်ငွေ့ကုမ္ပဏီများ (ရေနံနှင့် သဘာဝဓာတ်ငွေ့ပိုက် လိုင်းကုမ္ပဏီများအပါအ၀င်) ထံမှကျပ် ၂,၅၇၉,၉၁၇ သန်းကောက်ခံ ရရှိထားသည်ဟု အစီရင်ခံစာတွင် ဖော်ပြထားသည်။

ရေနံနှင့်  သဘာဝဓာတ်ငွေ့ ကဏ္ဍမှ ၀င်ငွေသည်ကမ်းလွန်လုပ် ကွက်စီမံကိန်းများ၊ ပိုက်လိုင်းစီမံ တည်ဆောက်ခြင်းတို့မှ ချေးငွေ အမြောက်အမြား ချေးယူထားပြီး တရုတ်မှ ချေးငွေအများဆုံးယူ ထားသည်။ အတိုးနှုန်းအနေဖြင့် ၄ ဒသမ ၅ ရာခိုင်နှုန်းဟုဆိုသော် လည်း အတိုးပေးသည့် ပမာဏကို ရှင်းလင်းစွာ ဖော်ပြထားခြင်းမရှိ ဟု ဒေါ်မိုးမိုးထွန်းကပြောသည်။

‘‘ကမ်းလွန် ရေနံမှာဆိုရင် MOGE က နိုင်ငံထည့်ဝင်ငွေမှာ အများဆုံးလို့ဆိုနိုင်သော်လည်း နိုင်ငံတော် ကြွေးမြီထက်ဝက်နီးပါးကို ကိုယ်စားပြုနေပြန်တယ်။ တကယ်ကို မြတ်နေတာလားဆိုတာ အားလုံးပြန်စဉ်းစားသုံးသပ်ဖို့ လိုပါ တယ်’’ဟု ဒေါ်မိုးမိုးထွန်းကပြော သည်။

ရန်ကုန်-ညောင်တုန်း သဘာဝဓာတ်ငွေ့ ပိုက်လိုင်းအတွက် အိန္ဒိယနိုင်ငံမှ ချေးယူထားသည့် ချေးငွေ၊ သဘာဝဓာတ်ငွေ့ ဖိအားမြှင့်စက်များဝယ်ယူရန် ထိုင်းနိုင်ငံ မှ ချေးယူထားသည့် ချေးငွေနှင့် ကမ်းလွန်ရေနံ ရှာဖွေရေးအတွက် JICA တို့မှ ချေးယူထားသည့် ချေးငွေများကို ပြန်လည်ပေးဆပ်ပြီး ဖြစ်သည်ဟု မြန်မာနိုင်ငံ EITI သုံးပွင့်ဆိုင် ညွှန့်ပေါင်းအဖွဲ့မှ အစိုးရကိုယ်စားလှယ် ဦးသန်းဌေးအောင်က ပြောသည်။

လက်ရှိတွင် ကမ်းရိုးတန်း ရေနံတူးဖော်ရာ၌ လိုအပ်သည့် စက်ပစ္စည်းများ ၀ယ်ယူရန် တရုတ်နိုင်ငံမှ ၈၀ ဒသမ ၅၁၀ သန်း၊ ရတနာဓာတ်ငွေ့ပိုက်လိုင်းအတွက် ယူရို၁၈၅ ဒသမ ၆၀၄ သန်း၊ ရွှေပိုက်လိုင်းအ တွက် ယူရိုသန်း ၄၂၀ ချေးယူထားသည်ဟု ၎င်းကဆိုသည်။

‘‘ချေးငွေက တစ်ခါတည်းလုံး ခနဲ ရတာမဟုတ်ပါဘူး။ ချေးငွေနောက်ကနေဘာပစ္စည်းဝယ်ရ တယ်၊ ဘာနည်းပညာရှိတယ်ဆိုပြီး နောက်ကနေ နှောင်ကြိုးနဲ့လိုက် တာရှိပါတယ်’’ ဟု ၎င်းကဆို သည်။

EITI အစီရင်ခံစာပါ အချက်အလက်များအရ မြန်မာနိုင်ငံ ၏ သယံဇာတစီမံ အုပ်ချုပ်မှု လုပ်ငန်း စဉ်သည် သိသာထင်ရှားစွာ ယို ယွင်းပျက်စီးနေသည်ကို တွေ့ရှိရ ပြီး၊ သယံဇာတ ထုတ်ယူမှု အဆင့် မှသည် ရောင်းချတင်ပို့သည့် အဆင့်အထိ လုပ်ငန်းစဉ်တစ် လျှောက် လွဲမှားသော စီမံအုပ် ချုပ်မှုကြောင့် အကျင့်ပျက်ခြစားမှုနှင့် နိုင်ငံဘဏ္ဍာငွေ လေလွင့်ဆုံးရှုံးမှု ပမာဏကြီးမားစွာ ဖြစ်ပေါ်နေ သည်ကို အစီရင်ခံစာတွင် ဖော်ပြ ထားသည်။

ထို့အပြင် လိုင်စင်ချထားပေး ခြင်း၊ အခွန်ကောက်ခံခြင်း၊ အစိုးရနှင့် ကုမ္ပဏီကြား အကျိုးတူ စာချုပ်ချုပ်ဆိုမှုများ၊ ကြီးကြပ်စစ်ဆေးမှုများ၊ ဥပဒေလုပ်ထုံး လုပ်နည်းများတွင် အလွန်သိသာ မြင်သာသည့် အားနည်းချက်များ ရှိနေသည်ဟု ဆိုသည်။

တွင်းထွက် သယံဇာတ အရင်းအမြစ်များ ပိုမိုကောင်းမွန်စွာ စီမံအုပ်ချုပ်နိုင်ရန်နှင့် တွင်းထွက်  သယံဇာတတူးဖော်ရေး လုပ်ငန်း များမှ ရရှိသော အခွန်ဘဏ္ဍာငွေ နှင့် လုပ်ငန်းများကို ပွင့်လင်းမြင် သာစွာ အများပြည်သူသို့ အသိပေးနိုင်ရန် မြန်မာနိုင်ငံ တွင်းထွက် သယံဇာတ တူးဖော်သည့် လုပ်ငန်း များ ပွင့်လင်းမြင်သာမှု ဖော်ဆောင် ရေး(Myanmar EITI) ပထမအကြိမ် အစီရင်ခံစာ ၂၀၁၃-၁၄ ကို၂၀၁၅ ဒီဇင်ဘာက ထုတ်ပြန်ခဲ့ သည်။