ပြည်ပရေနံဝယ်ယူမှု သုံးနှစ်အတွင်း ရပ်ဆိုင်းမည်ဟု မက္ကဆီကိုသမ္မတသစ်ပြောကြား

(Daniel Becerril/reuters)

မက္ကဆီကို ရွေး ကောက်ခံ သမ္မတလိုပက်ဇ်အိုဘ ရာဒါက သမ္မတသက်တမ်း ပထမ သုံးနှစ်အတွင်း ပြည်ပမှ ရေနံဝယ်ယူမှုများကို ရပ်ဆိုင်းရန် ကြိုးပမ်းမည်ဟု ပြောကြားသည်။

မက္ကဆီကိုနိုင်ငံသို့ ပြည်ပမှ ရေနံတင်သွင်းမှုပမာဏ အားလုံး နီးပါးသည် အမေရိကန်နိုင်ငံမှ ဝယ်ယူနေခြင်းဖြစ်သည်။


ဇူလိုင် ၁ ရက် ရွေးကောက် ပွဲတွင် မဲအပြတ်အသတ်ဖြင့် အ နိုင်ရခဲ့သော လိုပက်ဇ်အိုဘရာဒါ က နှစ်များစွာအတွင်း သိသိသာ သာ လျော့ကျနေသော ပြည်တွင်း ရေနံထုတ်လုပ်မှု ပြန်လည်တိုးမြှင့်ရန် အဓိကဦးစားပေးဆောင် ရွက်မည်ဟု စနေနံနက်တွင် သတင်းထောက်များအား ပြောကြား သည်။

‘‘ကျွန်တော်နဲ့ သမ္မတသက် တမ်းနှစ်ဝက်မှာ ပြည်ပက ရေနံ ဝယ်ယူတာတွေ ရပ်ဆိုင်းဖို့ အဓိက ဆောင်ရွက်သွားပါမယ်။ ကျွန် တော်တို့နိုင်ငံရဲ့ ရေနံထုတ်လုပ် မှု၊ ရှာဖွေမှု၊ တူးဖော်မှုကို ပြန် လည် အသက်သွင်းသွားပါမယ်’’ ဟု လိုပက်ဇ်အိုဘရာဒါက ပြော ကြားသည်။

 လက်ဝဲဝါဒီ မြို့တော်ဝန် ဟောင်းတစ်ဦးဖြစ်သော လိုပက်ဇ် အိုဘရာဒါက ရွေးကောက်ပွဲ မဲ ဆွယ်စည်းရုံးစဉ် ကာလအတွင်း ပြည်တွင်းရေနံထုတ်လုပ်မှု မြှင့် တင်ပြီး ပြည်ပမှ ဝယ်ယူသုံးစွဲမှု များ ဖြတ်တောက်မည်ဟု ကတိ ပြုပြောကြားသည်။

ဒီဇင်ဘာ ၁ ရက်တွင် သမ္မတရာထူးအပ်နှင်းခံရမည့် လိုပက်ဇ် အိုဘရာဒါက သမ္မတသက်တမ်း အတွင်း အလယ်အလတ်အရွယ် အစားရှိ ရေနံချက်စက်ရုံများ တည်ဆောက်ရန် ရည်မှန်းချက် တစ်ခုဖြစ်ကြောင်း စနေနေ့က ပြောကြားခဲ့သည်။

အဆိုပါရေနံချက်စက်ရုံများ ကို ပင်လယ်ကွေ့ ကမ်းရိုးတန်း ဒေသများဖြစ်သော တာဘာစကိုနှင့် ချမ်ပီချီတို့တွင် ဆောက်လုပ်မည်ဖြစ်ကြောင်း လိုပက်ဇ်အိုဘ ရာဒါက ပြောသော်လည်း ဒေါ် လာသန်းပေါင်းများစွာ တန်ဖိုးရှိ သည့် ယင်းရေနံချက်စက်ရုံများ တည်ဆောက်ရေး ရန်ပုံငွေအ ကြောင်း ရှင်းလင်းစွာ မပြောပေ။

ယခုနှစ် လက်ရှိအချိန်အထိ မက္ကဆီကိုသည် ပျမ်းမျှ နေ့စဉ် ရေနံစည်ပေါင်း ၅၉၀,၀၀၀ ခန့် နှင့် ဒီဇယ်စည်ပေါင်း ၂၃၂,၀၀၀ ဝယ်ယူသုံးစွဲနေသည်။

—Ref: Reuters