၂၁ ရာစုပင်လုံရလဒ်သည် အခြေခံဥပဒေအပါအ၀င် ဥပဒေများ ပြင်ဆင်၊ပယ်ဖျက်၊ဖြည့်စွက်ရာတွင် အခြေခံရန်ဖြစ်ကြောင်း UPDJC ဒုဥက္ကဋ္ဌပြော

 ပြည်ထောင်စု ငြိမ်း ချမ်းရေးညီလာခံ - ၂၁ ရာစုပင် လုံအစည်းအဝေးရလဒ်များသည် ဖွဲ့စည်းပုံအခြေခံဥပဒေ အပါ အ၀င် တိုင်းပြည်၏ဥပဒေများအား လုံးပြင်ဆင်ခြင်း၊ ပယ်ဖျက်ခြင်း နှင့် ဖြည့်စွက်ခြင်းများဆောင်ရွက် ရာတွင် အခြေခံရန်ဖြစ်ကြောင်း ပြည်ထောင်စုငြိမ်းချမ်းရေးဆွေး နွေးမှုပူးတွဲကော်မတီ (UPDJC) ဒုဥက္ကဋ္ဌ ဒေါက်တာဆလိုင်းလျန် မှုန်းဆာခေါင်းကပြောသည်။ 


UPDJC အစည်းအဝေးကို ဇူလိုင် ၉ ရက်ကနေပြည်တော်၌ ကျင်းပရာ ဒေါက်တာဆလိုင်း လျန်မှုန်းက လာမည့် ၂၁ ရာစုပင် လုံတတိယအစည်းအဝေးကျင်းပ ရခြင်းသည် ပြည်ထောင်စုသဘော တူစာချုပ် ချုပ်ဆိုနိုင်ရေးရည်ရွယ် ခြင်းဖြစ်ကြောင်း ပြောသည်။

‘‘ဒီပြည်ထောင်စုသဘောတူ စာချုပ်ဆိုတာ NCA စာချုပ်မှာ  ဖော်ပြထားတဲ့အတိုင်း နိုင်ငံတော် ဖွဲ့စည်းပုံအခြေခံဥပဒေအပါအ ၀င် ဒီတိုင်းပြည်မှာရှိတဲ့ဥပဒေအား လုံးကို ပြင်ဆင်ခြင်း၊ ပယ်ဖျက် ခြင်း၊ ဖြည့်စွက်ခြင်းများကိုဆောင် ရွက်တဲ့အခါ အခြေခံဖို့အတွက်ပဲ ဖြစ်ပါတယ်’’ ဟု ၎င်းကဆိုသည်။

တိုင်းရင်းသား လက်နက် ကိုင်အဖွဲ့အစည်းများအနေဖြင့် ဒီ မိုကရေစီနှင့် ဖက်ဒရယ်စနစ်ကို အခြေခံသောပြည်ထောင်စုတည် ဆောက်နိုင်ရန် ငြိမ်းချမ်းရေး ဖြစ်စဉ်မှ တစ်ဆင့်ပြည်ထောင်စု သဘောတူစာချုပ် ချုပ်ဆိုရာတွင် မရှိမဖြစ်လိုအပ်သည့် အခြေခံ များ တင်ပြပြီးဖြစ်ကြောင်းUPDJC တိုင်းရင်းသားလက်နက်ကိုင်အစု အဖွဲ့ခေါင်းဆောင် ဒေါက်တာ ဆလိုင်းလျန်မှုန်းက ပြောသည်။ 

၂၀၁၆ က ကျင်းပခဲ့သည့် ပြည်ထောင်စု ငြိမ်းချမ်းရေးညီလာ ခံတွင် တိုင်းရင်းသားလက်နက် ကိုင်အဖွဲ့များလိုလားသည့် ဒီမို ကရေစီနှင့် ဖက်ဒရယ်စနစ်ကိုအ ခြေခံသော ပြည်ထောင်စုတည် ဆောက်ရေးဆိုင်ရာ အခြေခံမူရှစ် ချက်ကို တင်ပြပြီးဖြစ်သည်။ 

‘‘အဲဒီအခြေခံမူတွေကိုတစ် ခုပြီးတစ်ခုရရှိအောင် ကြိုးပမ်းနေ တာဖြစ်ပါတယ်။ ပြည်ထောင်စု သဘောတူစာချုပ်ကိုချုပ်ဆိုပြီး တော့ ကျွန်တော်တို့တိုင်းရင်း သားတွေရဲ့အနာဂတ်ကိုနိုင်ငံရေး  အရ အာမခံချက်ပေးနိုင်သော ပြည်ထောင်စုကြီးကို  ထူထောင် ဖို့အတွက်ဆိုရင် ဒီပြည်ထောင်စု  သဘောတူစာချုပ်ဟာ အင်မတန် မှအရေးကြီးတဲ့အချက်တွေပဲဖြစ် ပါတယ်’’ ဟု ဒေါက်တာဆလိုင်း လျန်မှုန်းက ပြောသည်။ 

လာမည့် ၂၁ ရာစုပင်လုံအ စည်းအဝေးများ အောင်မြင်စွာ ကျင်းပနိုင်ရေး ၀ိုင်းဝန်းကူညီ ဆောင်ရွက်ပေးရန် အစိုးရကိုယ် စားလှယ် နိုင်ငံတော်အတိုင်ပင်ခံ ရုံးဝန်ကြီးဌာန ပြည်ထောင်စုဝန် ကြီး ဦးကျော်တင့်ဆွေကလည်း တိုက်တွန်းသည်။ 

မြန်မာနိုင်ငံတွင် ငြိမ်းချမ်း ရေးအတွက် ခေတ်အဆက်ဆက် က ကြိုးပမ်းဆောင်ရွက်ခဲ့သော် လည်း လက်ရှိကာလကဲ့သို့ နိုင်ငံ ရေးဆွေးနွေးပွဲများကို မူဘောင် များ၊ လုပ်ငန်းလမ်းညွှန်များစနစ် တကျချမှတ်ဆောင်ရွက်ခြင်းမျိုး မရှိခဲ့ဟု ၎င်းကဆိုသည်။ 

‘‘နိုင်ငံရေးဆွေးနွေးပွဲတွေမှာ  အဓိက အရေးကြီးဆုံးအချက်က ကျွန်တော်တို့အားလုံး ဦးတည် ကြိုးပမ်းနေတဲ့ ဒီမိုကရေစီ ဖက် ဒရယ်ပြည်ထောင်စုကြီး တည် ဆောက်ရေးအတွက် အခြေခံ အုတ်မြစ်အဖြစ်ချမှတ်နိုင်တဲ့ ဒီမို ကရေစီနဲ့ ဖက်ဒရယ်ဆိုင်ရာ အ ခြေခံမူတွေထွက်ပေါ်လာရေးပဲ ဖြစ်ပါတယ်’’ ဟု ပြည်ထောင်စု ၀န်ကြီးက ဆိုသည်။ 

ယင်းရည်မှန်းချက်သည် UPDJC ၏အဓိက တာဝန်ဖြစ် ကြောင်း UPDJC ဒုဥက္ကဋ္ဌလည်း ဖြစ်သည့် ဦးကျော်တင့်ဆွေက ပြောသည်။ UPDJC ဥက္ကဋ္ဌသည် ဒေါ်အောင် ဆန်းစုကြည်ဖြစ်ပြီး ဒုဥက္ကဋ္ဌများသည် ဦးကျော်တင့် ဆွေ၊  ဒေါက်တာဆလိုင်းလျန်မှုန်း နှင့် ဦးသုဝေဖြစ်သည်။ 

UPDJC ကိုအစိုးရ၊ လွှတ် တော်၊ တပ်မတော်အစုအဖွဲ့၊ နိုင်ငံရေးပါတီအစုအဖွဲ့နှင့် တိုင်း ရင်းသားလက်နက်ကိုင်အဖွဲ့များ  အစုအဖွဲ့ကိုယ်စားလှယ်များဖြင့် ဖွဲ့စည်းထားပြီး ၂၁ ရာစုပင်လုံအ ပါအ၀င် နိုင်ငံရေးဆွေးနွေးပွဲများ ကျင်းပရာ၌ အဓိက တာဝန်ရှိ သည့် အစုအဖွဲ့ဖြစ်သည်။

More in Politics Section