သင်ရိုးသစ်ဘာသာရပ်များသင်ကြားမှုကို မြို့နယ်အဆင့်ကော်မတီဖွဲ့၍ ကြီးကြပ်မည်

အခြေခံပညာကျောင်းများတွင် သူငယ်တန်း၊ ပထမတန်း၊ ဒုတိယတန်းများ၌ သင်ရိုးသစ်ဖြင့် သင် ကြားနေမှုထိရောက်စေရေး မြို့ နယ်အဆင့် ကြီးကြပ်ရေးကော် မတီဖွဲ့၍ ဆောင်ရွက်ရန် တိုင်း ဒေသကြီးနှင့် ပြည်နယ်ပညာရေး မှူးရုံးအချို့က စီစဉ်နေသည်။ 

သင်ရိုးသစ်ဘာသာရပ်များ ကို သင်ကြားရာ၌ ပညာရေးဝန်ကြီးဌာနက ချမှတ်ထားသည့် သင်ကြားရေးရည်ရွယ်ချက်များ ပြည့်မီရန် နှင့် လိုအပ်ချက်များ ပူးပေါင်း ဆောင်ရွက်ပေးနိုင်ရန် ကြီးကြပ် ရေးကော်မတီဖွဲ့စည်းဆောင်ရွက် ခြင်းဖြစ်သည်ဟု ရန်ကုန်တိုင်းဒေ သကြီးပညာရေးမှူးရုံးမှ ညွှန်ကြား ရေးမှူးတစ်ဦးက ပြောသည်။ 

‘‘ဘာသာရပ်အလိုက် သူ့အ ချိန်နဲ့သူ သင်ဖို့ သတ်မှတ်ထားတာ ရှိတယ်။ သင်ရိုးသစ်သင်နည်းသင် တန်းတွေလည်း ဆရာ၊ ဆရာမ တွေကို ပေးထားပြီးဖြစ်တော့ ဆရာလမ်းညွှန်ပါအတိုင်း၊ သင်တန်းမှာ ပြောထားတဲ့အတိုင်း ဆရာမတွေ သင်ရဲ့လား၊ ဘာတွေလိုနေလဲ။ အဲဒါမျိုးတွေကို ညှိနှိုင်းဆောင်ရွက် နိုင်အောင်ပါ’’ဟု အဆိုပါညွှန် ကြားရေးမှူးက ဆိုသည်။ 

ဒုတိယတန်းသင်ရိုးသစ်တွင် မြန်မာစာ၊ အင်္ဂလိပ်စာ၊ သင်္ချာ၊ သိပ္ပံ၊ လူမှုရေး၊ ဘဝတွက်တာ ကျွမ်းကျင်စရာ၊ စာရိတ္တနှင့် ပြည်သူ့နီတိ၊ ပန်းချီ၊ ဂီတ၊ ကာယဘာသာရပ်ဟူ၍ ၁၀ ခုပါရှိပြီး တွဲဖက်သင်ရိုးဝင် ဘာသာမပါဝင်ဘဲ ဘာသာရပ် အားလုံးကို အဓိကဘာသာရပ်များ အဖြစ် ထားရှိသင်ကြားမည်ဖြစ် သည်။ 

သို့ရာတွင် ပြီးခဲ့သည့် ပညာ သင်နှစ်များက အခြေခံပညာ ကျောင်းအချို့တွင် သင်ရိုးသစ်ဘာ သာရပ်အချို့ကို တွဲဖက်သင်ရိုးဝင်ဘာသာဟု မှတ်ယူကာ မသင်ခြင်း များ ရှိသည့်အပြင် သင်ရိုးသစ်ဖြင့် သင်နေသည့်အတန်းများ၌ စာမေးပွဲမကျင်းပရန် ညွှန်ကြားထား သော်လည်း စာမေးပွဲကျင်းပခြင်း များရှိခဲ့သည်။ 

‘‘တချို့ကျောင်းတွေမှာ ဂီတ ဘာသာရပ်ကို မသင်တာတွေရှိ သေးတယ်။ အဲဒါတွေ စိစစ်ဖို့က အစိုးရမှာ တာဝန်ရှိတယ်။ မြို့နယ် ပညာရေးမှူးရုံး၊ ခရိုင်ပညာရေးမှူး ရုံးတွေမှာ စစ်ဆေးကြီးကြပ်တာ တွေရှိတယ်။ ဒီဘာသာတွေ သင်ရဲ့ လား၊ သင်ဖို့ ဘာအခက်အခဲတွေရှိလဲဆိုတာတွေ လိုက်စစ်ဆေးပြီး ညှိနှိုင်းပေးရမှာ’’ဟု မူလတန်းသင် ရိုးသစ် ဂီတဘာသာရပ်ရေးဆွဲရေး အဖွဲ့ဝင် သင်္ဃန်းကျွန်းပညာရေး ကောလိပ် ကထိက ဦးကျော်မြင့် က 7Day ဂျာနယ်နှင့် သီးသန့်အင် တာဗျူးတွင် အကြံပြုခဲ့သည်။ 

KG+12 စနစ်သစ်အရ သူ ငယ်တန်း၊ ပထမတန်း၊ ဒုတိယ တန်းများ၌ ပုံစံကျစာမေးပွဲစစ်ဆေး ခြင်း (Formal Test) မပြုလုပ်ဘဲ စာသင်ခန်းတွင် သင်ကြားသင်ယူစဉ် အတန်းပိုင်ဆရာက အကဲဖြတ်ခြင်းမျိုးဖြင့်သာ စစ်ဆေးခြင်း၊ တစ်နှစ်လုံးသင်ကြားခဲ့သည့် သင်ခန်း စာများကို တစ်နှစ် နှစ်ကြိမ်ပြန် လည်လေ့ကျင့်စေခြင်းဖြင့် စစ် ဆေးခြင်းမျိုးသာ ပြုလုပ်ရမည်ဖြစ် သည်။ 

ဆရာ၊ ဆရာမများသည် ကျောင်းသား၊ ကျောင်းသူများ၏ စစ်ဆေးအကဲဖြတ်ရလဒ်များကို စနစ်တကျ မှတ်တမ်းတင်ထားပြီး တတ်မြောက်မှု အခြေအနေကို တစ်နှစ်လျှင် နှစ်ကြိမ် မိဘများထံ အစီရင်ခံစာပေးပို့ကာ တစ်နှစ် လျှင် အနည်းဆုံး တစ်ကြိမ် မိဘ များနှင့် တိုင်ပင်ဆွေးနွေးရမည်ဟု သင်ရိုးသစ်သင်ပြနည်းသင်တန်း လက်စွဲတွင် ဖော်ပြထားသည်။ 

KG+12 စနစ်အရ ယခင် ၂၀၁၆-၁၇ ပညာသင်နှစ်က စတင်ကာ သူငယ်တန်း၊ ၂၀၁၇-၁၈ ပညာသင်နှစ်၌ ပထမတန်း၊ ယခု ၂၀၁၈-၁၉ ပညာသင်နှစ်၌ ဒုတိယ တန်းတွင် ကျောင်းသား၊ ကျောင်း သူများအား သင်ရိုးညွှန်းတမ်းသစ် ဖြင့် စတင်သင်ကြားနေသည်။ 

သူငယ်တန်းမှ ဒုတိယတန်း သင်ရိုးညွှန်းတမ်းသစ်ကို ဂျပန် အပြည်ပြည်ဆိုင်ရာ ပူးပေါင်း ဆောင်ရွက်ရေးအေဂျင်စီ(JICA) နှင့် ပညာရေးဝန်ကြီးဌာနမှ ပညာ ရှင်များပါဝင်သည့် CREATE Project က ရေးဆွဲထားသည်။