ကယားပြည်နယ်တွင် ခရီးသွားအပန်းဖြေစခန်းနှစ်ခု အကောင်အထည်ဖော်မည်ဟုဆို

ထီးပရူနူဂူသို့ လာရောက်လေ့လာကြသူများ ဓာတ်ပုံ- 9Generation Force

ကယားပြည်နယ်၌ ပုဂ္ဂလိက ရင်းနှီးမြှုပ်နှံမှုဖြင့် ဆောင်ရွက်မည့် ပထမဆုံးသော ခရီးသွားအပန်းဖြေစခန်း စီမံကိန်းနှစ်ခုကို ယခုနှစ် အောက်တိုဘာတွင် စတင်အကောင်အထည်ဖော်မည် ဖြစ်ကြောင်း ဟိုတယ်နှင့် ခရီးသွား ညွှန်ကြားမှုဦးစီးဌာန (လွိုင်ကော်)ရုံးခွဲ ညွှန်ကြားရေးမှူး ဦးလင်းဇော်ထွဋ်က ပြောသည်။


ဘော်လခဲမြို့နယ်အတွင်းရှိ ချောင်းနှစ်ခု ပေါင်းဆုံရာနေရာတွင် ကနူးကယက်လှေများဖြင့် အပန်းဖြေစခန်းပုံစံ ဖန်တီးကာ အကောင်အထည်ဖော်နိုင်ရန် ကုမ္ပဏီတစ်ခုက တင်ပြထားပြီးချောင်းအတွင်းနှင့် ဘေးနှစ်ဖက်ရှိ မြေနေရာတွင် စီမံကိန်းအကောင်အထည်ဖော်နိုင်ရန် သက်ဆိုင်ရာဌာနများသို့ တင်ပြကာ ဆောင်ရွက်နိုင်ရန် ကွင်းဆင်းလေ့လာနေသည်။

‘‘ချောင်းအတွင်းမှာ လုပ် တယ်ဆိုပေမယ့် ဘေးမှာက သစ် တောမြေနေရာတွေလည်း ပါ သလို အစိုးရစီမံခန့်ခွဲမှု မြေနေရာ တွေလည်းပါတဲ့အတွက် ကွင်း ဆင်းနေတုန်း ရှိသေးတယ်။ လို အပ်တဲ့ တင်ပြမှုတွေနဲ့ လေ့လာမှု တွေ အကောင်အထည်ဖော်ရမှာ ဖြစ်ပါတယ်’’ဟု ဦးလင်းဇော်ထွဋ် က ပြောသည်။

ထို့ပြင် ဖရူဆိုမြို့နယ်ရှိ ထီးပရူနူသဘာဝလိုဏ်ဂူကို အခြေပြုကာ သဘာဝခရီးသွားနှင့် အပန်းဖြေစခန်း၊ ဆင်ဖြူတောင်ပေါ်တွင် သဘာဝခရီးသွားနှင့် ရှုမျှော်ခင်းကြည့်စခန်းများ ဆောင်ရွက်လိုကြောင်း ကုမ္ပဏီတစ်ခုက တင်ပြထားကြောင်း ၎င်းကပြောသည်။

 ‘‘စီမံကိန်း နှစ်ခုစလုံးကို ဝန်ကြီးချုပ်က မူအားဖြင့် ခွင့်ပြု ပေးထားပြီးဖြစ်ပါတယ်။ လက်ရှိ အချိန်မှာ ကုမ္ပဏီတွေက ကွင်း ဆင်းလေ့လာမှုတွေနဲ့ အကြိုလေ့ လာဆန်းစစ်မှုတွေ ပြုလုပ်နေပါ တယ်’’ဟု ၎င်းကပြောသည်။

ကယားပြည်နယ်သို့ ၂၀၁၇ ဇန်နဝါရီမှ မေလကုန်အထိ ငါး လအတွင်း နိုင်ငံခြားသားခရီးသွား ၂,၇၄၆ ဦး ဝင်ရောက်ခဲ့ပြီး ၂၀၁၈ အလားတူကာလက ၅,၉၄၄ ဦး ဝင်ရောက်ခဲ့သဖြင့် နှစ်ဆကျော် တိုးလာကြောင်း ဟိုတယ်နှင့် ခရီးသွားညွှန်ကြားမှု ဦးစီးဌာန (လွိုင်ကော်)ရုံးခွဲ စာရင်းများတွင် ဖော်ပြထားသည်။