ဧရာဝတီတိုင်းတွင် စိုက်စရိတ်ချေးငွေကျပ် ၁၈ ဘီလီယံကျော် ကြွေးကျန်ရှိနေ

ဧရာဝတီတိုင်းရှိ တောင်သူတစ်သိန်းကျော်ထံမှ စိုက်ပျိုး စရိတ်ချေးငွေ ကျပ် ၁၈ ဘီလီယံကျော် ကြွေးကျန်ရှိနေသေး ကြောင်း ဧရာဝတီတိုင်း မြန်မာ့ လယ်ယာဖွံ့ဖြိုးရေးဘဏ်မှ တိုင်း မန်နေဂျာ ဦးသန်းဌေးအောင်က ပြောသည်။

ယင်းမှာ ဇူလိုင် ၆ ရက်အထိ တိုင်းအတွင်း ကောက်ယူထား သည့် ကြွေးကျန်ရှိသူများစာရင်း ဖြစ်သည်။ ထိုကြွေးကျန်များသည် ၂၀၁၂ မိုးနှင့် ဆောင်းရာသီချေး ငွေကစ၍ ၂၀၁၇ မိုးနှင့်ဆောင်း ရာသီအထိ စိုက်ပျိုးစရိတ်များ ချေးထားမှုအပေါ် ကြွေးကျန်နေ ခြင်းဖြစ်သည်။ ၂၀၁၂ မတိုင်မီ တွင် တောင်သူများထံ ကြွေးကျန် မရှိကြောင်း မှတ်တမ်းများ၌ ဖော် ပြထားသည်။

‘‘ကြွေးကျန်တွေက နိုင်ငံရဲ့ ငွေကြေးလည်ပတ်မှုအတွက် အ ခက်အခဲဖြစ်တယ်။ ကြွေးကျန်များ နေခြင်းက ငွေကြေးတန်ဖိုးကျ ဆင်းခြင်းကိုလည်း ဖြစ်စေတယ်’’ ဟု ဦးသန်းဌေးအောင်က ပြော ကြားသည်။

ဧရာဝတီတိုင်းတွင် ၂၀၁၂ ၌ စိုက်ပျိုးစရိတ်ချေးငွေမဆပ် သည့် တောင်သူ ၁၀၀ ကျော်သာ ရှိသော်လည်း ၂၀၁၆ တွင် အကြွေးမဆပ်သည့် တောင်သူဦးရေ ခြောက်သောင်းကျော် ရှိလာကြောင်းမှတ်တမ်းများတွင် ဖော်ပြထားသည်။

ယမန်နှစ် မိုးရာသီစိုက်ပျိုး စရိတ်ချေးငွေအဖြစ် တိုင်းအတွင်း မှ တောင်သူများထံ ကျပ် ၃၂၂ ဘီလီယံချေးခဲ့သော်လည်း ချေး ငွေ ပြန်ဆပ်သည်မှာ ကျပ် ၂၄၆ ဘီလီယံသာရှိသဖြင့် အစိုးရက ယခုနှစ် မိုးရာသီစိုက်ပျိုးစရိတ်အ တွက် ၂၀၃ ဘီလီယံသာချေးရန် ခွင့်ပြုကြောင်း ဦးသန်းဌေးအောင် က ပြောသည်။

ကျိုက်လတ်ကျေးရွာနေ တောင်သူ ဦးကျော်စွာက ‘‘လယ်သမားတွေက ကြွေးတွေအများကြီး ပတ်နေတာပဲ။ လယ်တစ်နှစ်ရှုံးရင် သုံးနှစ်လိုက်ဆပ်လို့ အဆင်မပြေဘူး။ အတိုးပေါ် အတိုးဆင့်နေတာရယ်၊ စပါးဈေးမခိုင်မာတာရယ်၊ ကုန်သည်ကြီးတွေက စပါးဈေးကစားတာရယ်ကြောင့် လယ်သမား အများစုက ကျပ်တည်းနေကြတယ်။ ဆန် ကောင်းရောင်းပြီး ဆန်လတ်ကြီး (ထက်ပိုင်းကျိုး) စားနေရတဲ့ လယ်သမား အများကြီးပါ’’ဟု ပြောသည်။

More in News Section