ဒေါ်အောင်ဆန်းစုကြည်၏ တိုက်တွန်းချက်အတိုင်း ကြိုးစားပါက၂၀၂၀ မတိုင်မီ ငြိမ်းချမ်းရေးလုပ်ငန်းစဉ်ပြီးပြတ်နိုင်ဟု UPDJC ဒုဥက္ကဋ္ဌပြော

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင် ဆန်းစုကြည်၏ တိုက်တွန်းချက် အတိုင်း ကြိုးစားပါက ၂၀၂၀ မတိုင်မီ ငြိမ်းချမ်းရေးလုပ်ငန်းစဉ် အပြီး ဆောင်ရွက်ရန် ဖြစ်နိုင် ကြောင်း ပြည်ထောင်စုငြိမ်းချမ်း ရေးဆွေးနွေးမှု ပူးတွဲကော်မတီ (UPDJC) တိုင်းရင်းသားလက် နက်ကိုင်အစုအဖွဲ့ ဒုဥက္ကဋ္ဌ ဒေါက် တာ ဆလိုင်းလျန်မှုန်းဆာခေါင်း က ပြောသည်။


တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်း အောင်လှိုင်က ရေရှည်ငြိမ်းချမ်း ရေးတည်တံ့ခိုင်မြဲရေး ရလဒ်ရ သည်အထိ ဆွေးနွေးမှုများ ဆက် တိုက်ဆောင်ရွက်ရန်၊ ၂၀၂၀ ပြည့် နှစ်တွင် ကျင်းပမည့် ပြည်ထောင် စုငြိမ်းချမ်းရေးညီလာခံအစည်းအ ဝေး၌ ငြိမ်းချမ်းရေးလုပ်ငန်းစဉ် များ ပြီးပြတ်စေရေးဆောင်ရွက် ရန် တိုက်တွန်းသည့်အပေါ် ဒေါက်တာ ဆလိုင်းလျန်မှုန်းက ထိုသို့ ပြောကြားသည်။

‘‘နိုင်ငံတော် အတိုင်ပင်ခံ ပုဂ္ဂိုလ်ပြောသလိုပေါ့နော်။ ၂၀၁၉ မတိုင်ခင် သုံးခါလုပ်ပြီးတော့ ဒီမို ကရေစီနဲ့ ဖက်ဒရယ်အခြေခံမူ တွေ အားလုံးရအောင် ကြိုးစား မယ်ဆိုရင် လုံးဝဖြစ်နိုင်တယ်။ ကျွန်တော်တို့ နှစ်ခါ၊ သုံးခါလောက်ညီလာခံလုပ်ပြီးလို့ ဒီအခြေခံမူ တွေအားလုံးရမယ်ဆိုရင် ၂၀၂၀ မတိုင်ခင်မှာလည်း ကျွန်တော်တို့ လုပ်လို့ရပါတယ်။ နိုင်ငံရေးလုပ် ချင်တဲ့ ဆန္ဒ၊ ပြီးတော့ တကယ် လုပ်ပါ့မယ်ဆိုတဲ့ ကြိုးစားချင်တဲ့ စိတ်ဓာတ်ရှိတယ် ဆိုရင်တော့ ကျွန်တော်တို့ မလုပ်နိုင်စရာမရှိပါ ဘူး’’ဟု ၎င်းက မီဒီယာများအားရှင်းပြသည်။

၂၁ ရာစုပင်လုံညီလာခံကို ၂၀၁၈ တွင် တစ်ကြိမ်၊ ၂၀၁၉ တွင် နှစ်ကြိမ်ကျင်းပကာ ၂၀၂၀ ပြည့် နှစ်မတိုင်မီ ညီလာခံ သုံးကြိမ်အ တွင်း ငြိမ်းချမ်းရေးအတွက် အရေး ကြီးသည့် ဒီမိုကရေစီနှင့် ဖက်ဒ ရယ်စနစ်ဆိုင်ရာအခြေခံမူများ အပြီးအပြတ်ချမှတ်နိုင်ရန် မျှော် မှန်းထားကြောင်း ဒေါ်အောင်ဆန်း စုကြည်က ဇူလိုင် ၁၁ ရက်၌ ကျင်းပသည့် ၂၁ ရာစုပင်လုံဖွင့်ပွဲ မိန့် ခွန်းတွင် ပြောကြားခဲ့သည်။ အဆို ပါ မျှော်မှန်းချက်ကို အစိုးရနှင့် အတူ သန္နိဋ္ဌာန်ချကြိုးပမ်းဆောင် ရွက်ပေးရန် မေတ္တာရပ်ခံခဲ့သည်။

တိုင်းရင်းသားလက်နက် ကိုင်အဖွဲ့အစည်းများဘက်က ၂၁ ရာစုပင်လုံပထမအကြိမ်ကတည်း က ပြည်ထောင်စုတည်ဆောက် ရေးအတွက် မရှိမဖြစ်လိုအပ် သည့် ဒီမိုကရေစီနှင့် ဖက်ဒရယ် စနစ်ကို အခြေခံသော အခြေခံမူ များအားလုံးတင်ပြထားပြီးဖြစ် ကြောင်း ဒေါက်တာ ဆလိုင်းလျန် မှုန်းက ဆိုသည်။

ထို့အပြင် NCA မထိုးရသေး သည့် အဖွဲ့များပါဝင်သော ညီ ညွတ်သောတိုင်းရင်းသားလူမျိုး များ ဖက်ဒရယ်ကောင်စီ (UNFC) ကလည်း အခြေခံမူများ တင်ပြ ထားပြီးဖြစ်ကြောင်း ၎င်းက ပြော သည်။

‘‘အခုလည်း ကျွန်တော်တို့ ပြင်ဆင်ပြီးသား အများကြီးရှိ တယ်။ ကျွန်တော်တို့အနေနဲ့က တော့ အခြေခံမူအနေနဲ့ အားလုံး ပြင်ဆင်ပြီးပြီ။ ဒါတွေကို အစိုးရနဲ့ တပ်မတော်ဘက်က သဘောတူ ပေးတယ်ဆိုရင်တော့ ဘာမှကြန့် ကြာစရာအကြောင်းကို မရှိဘူးလို့ ကျွန်တော်မြင်ပါတယ်’’ဟု ဒေါက် တာဆလိုင်းလျန်မှုန်းက ပြော သည်။

ဒီမိုကရေစီနှင့် ဖက်ဒရယ်အ ခြေခံမူများသည် NCA မထိုးရ သေးသည့် တိုင်းရင်းသားအဖွဲ့ များလိုလားသည့် အချက်လည်း ဖြစ်ကြောင်း ၎င်းက ပြောသည်။

၂၁ ရာစုပင်လုံကို သတ်မှတ် ချိန်အတိုင်း ကျင်းပရန် ညီလာခံက ဆုံးဖြတ်ချက်ချပါက ညီလာခံ ၏ လမ်းညွှန်ချက်ဖြင့် ၂၁ ရာစုပင် လုံအစည်းအဝေးကို ယခုနှစ်မ ကုန်မီ ထပ်မံကျင်းပရမည်ဟု NCA လက်မှတ်ထိုး ပအိုဝ်းအဖွဲ့ (PNLO) ဦးဆောင်နာယက ဗိုလ် မှူးကြီး ခွန်ဥက္ကာက ပြောသည်။

‘‘ဒီညီလာခံက လမ်းဖွင့်တဲ့ သဘောပဲ။ အဖြစ်သဘော သ ဘောထားတဲ့လူလည်းရှိတယ်။ ဒါပေမဲ့ အများစုကတော့မဟုတ် ဘူး။ ဒီညီလာခံပြီးရင် နောက်ညီ လာခံကို ဦးတည်ရမယ်။ နောက် ညီလာခံပြီးရင် ၂၀၁၉ အတွက် နှစ် ကြိမ်ဦးတည်ရမယ်။ အဲဒီဦးတည် ချက်ပြည့်လို့ရှိရင် ဖွဲ့စည်းပုံပြင် တာရော၊ ၂၀၂၀ ရွေးကောက်ပွဲ ရော အားလုံးအဆင်ပြေသွားမယ် ပေါ့’’ဟု ၎င်းက သုံးသပ်သည်။

၂၁ ရာစုပင်လုံရလဒ်ဖြစ် သော ပြည်ထောင်စုသဘောတူစာချုပ်၏ အောင်မြင်မှုနိုင်ငံရေးသ ဘောတူညီချက်ကို တပ်မတော် အပါအ၀င် အားလုံးက အမြင်တူ လက်ခံပါက ၂၀၂၀ မတိုင်မီဖွဲ့ စည်းပုံအခြေခံဥပဒေပြင်ဆင်ခြင်း အပါအ၀င်လုပ်ငန်းစဉ်များ ချော မွေ့မည်ဟု ၎င်းက ဆိုသည်။

ဒေါ်အောင်ဆန်းစုကြည်ဦး ဆောင်သည့် ဒီချုပ်ပါတီအစိုးရ လက်ထက်တွင် ယခုကျင်းပသည့်ပြည်ထောင်စုငြိမ်းချမ်းရေးညီလာ ခံ-၂၁ ရာစုပင်လုံတတိယအစည်း အဝေးမတိုင်မီ NCA အရ ဆောင် ရွက်သည့် ညီလာခံနှစ်ကြိမ်ကျင်း ပခဲ့ပြီး နိုင်ငံရေးအပါအ၀င် ညီလာ ခံသဘောတူညီချက် ၃၇ ချက်ရရှိ ထားသည်။

တိုင်းရင်းသားများလိုလား သည့် ကိုယ်ပိုင်ပြဋ္ဌာန်းခွင့်ဆိုင်ရာ ဖက်ဒရယ်အခြေခံမူများကိုမူ ယခု ညီလာခံပြီးမှ ဆက်လက်ညှိနှိုင်း မည် ဖြစ်သည်။

More in Politics Section