၂၁ ရာစုပင်လုံ တိုင်းရင်းသားလက်နက်ကိုင်အစုအဖွဲ့ အစည်းအဝေးသို့ NCA မထိုးရသေးသည့် အဖွဲ့အချို့သဘောထားတင်ပြ

တိုင်းရင်းသားလက်နက်ကိုင်အစုအဖွဲ့ အစည်းအဝေးသို့ တက်ရောက်လာသူအချို့ကို တွေ့ရစဉ် (ဓာတ်ပုံ − ဂျေမောင်မောင်(အမရပူရ))

 ပြည်ထောင်စုငြိမ်းချမ်းရေးညီလာခံ- ၂၁ ရာစုပင်လုံ တတိယအစည်းအဝေး ဒုတိယနေ့ တွင် ကျင်းပသော တိုင်းရင်းသား လက်နက်ကိုင်အစုအဖွဲ့အစည်း အဝေးသို့ NCA လက်မှတ်မထိုးရသေးသည့် တိုင်းရင်းသားလက်နက်ကိုင်အဖွဲ့ အချို့တက်ရောက်ဆွေးနွေးကာ သဘောထားတင်ပြခဲ့ကြောင်း NCA လက်မှတ်ထိုးထားသည့် ABSDF ဒုဥက္ကဋ္ဌဦးမျိုးဝင်းကပြောသည်။


အစိုးရ၊ လွှတ်တော်၊ တပ်မ တော်၊ နိုင်ငံရေးပါတီ၊ တိုင်းရင်း သားလက်နက်ကိုင်အဖွဲ့များ သည် ၂၁ ရာစုပင်လုံသို့ တင်သွင်း ထားသည့် နိုင်ငံရေး၊ စီးပွားရေး၊ လူမှုရေး၊ မြေယာနှင့် သဘာဝ ပတ်ဝန်းကျင်ဆိုင်ရာမူဝါဒများဟူ သည့် ကဏ္ဍအလိုက် တင်ပြထားသည့်အချက် ၁၄ ချက်နှင့် ပတ် သက်ပြီး အစုအဖွဲ့အလိုက်ဆွေး နွေးခဲ့သည်။ ညီလာခံတတိယနေ့ဖြစ်သည့် ဇူလိုင် ၁၃ ရက်တွင် ကဏ္ဍအလိုက် ဆွေးနွေးမည် ဖြစ်သည်။

၂၁ ရာစုပင်လုံသို့ NCA မထိုးရသေးသည့် တိုင်းရင်းသားလက် နက်ကိုင် ကိုးဖွဲ့တက်ရောက်ခဲ့ရာ ကရင်နီအမျိုးသားတိုးတက်ရေး ပါတီ (KNPP) နှင့် နာဂအမျိုးသားဆိုရှယ်လစ်ကောင်စီ (NSCN-K) မှ ကိုယ်စားလှယ်များသည် ဒုတိယနေ့၌ ပြုလုပ်သော တိုင်းရင်းသား လက်နက်ကိုင်အစုအဖွဲ့အစည်း အဝေးသို့ တက်ရောက်ခဲ့သည်။

NCA လက်မှတ်မထိုးရသေး သည့် တိုင်းရင်းသားလက်နက် ကိုင်အဖွဲ့များအနေဖြင့် လက်မှတ်မထိုးရသေးသော်လည်း တိုင်းရင်း သားလက်နက်ကိုင်အစုအဖွဲ့အ စည်းအဝေးများတွင် ဆွေးနွေးခွင့်၊ အကြံပြုခွင့်ရှိကြောင်း ဦးမျိုးဝင်း က ပြောသည်။

‘‘အားလုံးရဲ့ သဘောထားကို စုပြီးတော့မှ မနက်ဖြန်ကဏ္ဍအ လိုက်မှာ တိုင်းရင်းသားလက်နက် ကိုင်အဖွဲ့အစည်းတွေက တင်ပြ မှာ။ လာတက်ခြင်း၊ မတက်ခြင်း ဆိုတာ တစ်ဖွဲ့ချင်းစီရဲ့ ဆုံးဖြတ် ချက်။ ကျွန်တော်တို့ကတော့ တံခါးဖွင့်ထားတယ်။ ကြိုဆိုတယ်။ဒီနေ့မှာတော့ ကရင်နီအမျိုးသား တိုးတက်ရေးပါတီကလည်း လာ တယ်။ ပြီးရင် နာဂအနေနဲ့လည်း လာတက်ပါတယ်။ တိုင်းရင်းသား လက်နက်ကိုင်အစုအဖွဲ့အစည်း အဝေးမှာ ကရင်အမျိုးသားတိုး တက်ရေးပါတီလည်း သူတို့ပါတီ ရဲ့ သဘောထားတင်ပြတာရှိပါ တယ်’’ဟု ၎င်းက ဆိုသည်။

၂၁ ရာစုပင်လုံတတိယအ စည်းအဝေးသို့ NCA မထိုးရသေး သည့် တိုင်းရင်းသားလက်နက် ကိုင်အဖွဲ့ ကိုးဖွဲ့တက်ရောက်ခဲ့ သည်။

အဆိုပါတိုင်းရင်းသားလက် နက်ကိုင်အစုအဖွဲ့အစည်းအဝေး သို့ မြောက်ပိုင်းလက်နက်ကိုင် ခုနစ်ဖွဲ့တက်ရောက်သည်ကိုမူ မ တွေ့ရကြောင်း NCA လက်မှတ် ထိုး ပအိုဝ်းအဖွဲ့ (PNLO) ဒုဥက္ကဋ္ဌ ခွန်မြင့်ထွန်းက ပြောသည်။

ယနေ့ကျင်းပမည့် ကဏ္ဍအ လိုက် ဆွေးနွေးပွဲများတွင်မူ NCA လက်မှတ်မထိုးရသေးသည့် အဖွဲ့ များအနေဖြင့် ပါဝင်ဆွေးနွေးအ ကြံပြုခွင့်မရှိပေ။ အစိုးရ၊ လွှတ် တော်၊ တပ်မတော်၊ နိုင်ငံရေးပါတီနှင့် NCA လက်မှတ်ထိုးတိုင်းရင်း သားလက်နက်ကိုင်အဖွဲ့များအ နေဖြင့် နိုင်ငံရေးအပါအ၀င် သက် ဆိုင်ရာကဏ္ဍအလိုက် စုပေါင်း ဆွေးနွေးမည် ဖြစ်သည်။

‘၀’အဖွဲ့ (UWSA) ၊ ကချင် အဖွဲ့ (KIA)၊ မိုင်းလားအဖွဲ့ (NDAA) ၊ ရှမ်းအဖွဲ့ (SSPP)၊ တအာင်းအဖွဲ့ (TNLA)၊ ကိုးကန့် အဖွဲ့ (MNDAA) နှင့် ရခိုင်အဖွဲ့ (AA) တို့သည် ၂၁ ရာစုပင်လုံဖွင့် ပွဲနေ့တွင် တက်ရောက်သော်လည်း အစုအဖွဲ့အစည်းအဝေး များသို့ တက်ရောက်မည့် အခြေ အနေမရှိဘဲ ညီလာခံမပြီးဆုံးမီ ပြန်လည်ထွက်ခွာမည့် အခြေအနေရှိကြောင်း ကိုယ်စားလှယ် အချို့က သုံးသပ်သည်။

ယင်း ခုနစ်ဖွဲ့သည် ဇူလိုင် ၁၁ ရက်တွင် တပ်မတော်ကာကွယ်ရေးဦးစီးချုပ်၊ ဒုတိယတပ်မတော်ကာကွယ်ရေးဦးစီးချုပ်နှင့်သီးခြားစီတွေ့ဆုံပြီး ဇူလိုင် ၁၂ ရက် ညနေပိုင်းတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် တွေ့ဆုံဆွေးနွေးခဲ့သည်။

More in Politics Section