တစ်ပတ်အတွင်း သတင်းကောက်နုတ်ချက်

နိုင်ငံတစ်ဝန်း သီးနှံဖြစ်ထွန်းအောင်မြင်ရန် နေပြည်တော်စက်မှုလယ်ယာတွင် လယ်ဆည်ဝန်ကြီး ပရိတ်တရားနာယူ

ဧရာဝတီတိုင်းဒေသကြီးရှိ စပါးခင်းများစွာ ရေကြီးနစ်မြုပ်နေပြီး အညာဒေသတွင် မိုးခေါင်၍ သီးနှံများပျက်စီးနေချိန်တွင် လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန ပြည်ထောင်စုဝန်ကြီး ဦးမြင့်လှိုင်က နေပြည်တော်ရှိ စံပြ စက်မှုလယ်ယာစိုက်ခင်းတွင် နိုင်ငံတစ်ဝန်း သီးနှံဖြစ်ထွန်းအောင် မြင်စေရန်နှင့် နိုင်ငံတကာဈေးကွက်ထိုးဖောက်နိုင်ရန် ဇူလိုင် ၂၇ ရက်က အန္တရာယ်ကင်း ပရိတ်တရားပွဲကျင်းပခဲ့သည်။အဆိုပါတရားပွဲတွင် ပြည်ထောင်စုဝန်ကြီးက နေပြည်တော်ကောင်စီနယ်မြေအပါအ၀င် မြန်မာပြည်တစ်ဝန်း သီးနှံဖြစ်ထွန်းအောင်မြင်ရေး၊ ပြည်တွင်းစားသုံးမှု ဖူလုံရေးသာမက နိုင်ငံတကာဈေးကွက်သို့ တင်ပို့ရောင်းချမှု အောင်မြင်နိုင်ပါစေရန် သံဃာတော်များ၏ မေတ္တာဘာဝနာကို လေးနက်စွာခံယူအပ်ပါသည်ဟု လျှောက်ထားကြောင်း နိုင်ငံပိုင်မီဒီယာများတွင် ဖော်ပြသည်။
အော်တိုဖုန်းဝန်ဆောင်မှု ပုဂ္ဂလိကလုပ်ကိုင်ခွင့်ပြုရန် စီစဉ်
မြန်မာ့ဆက်သွယ်ရေးလုပ်ငန်းမှ ကာလရှည်တာဝန်ယူ ၀န်ဆောင်မှုပေးနေသည့် အော်တိုတယ်လီဖုန်းလိုင်းများကို ပြည်တွင်းပုဂ္ဂလိက ကုမ္ပဏီများအား စတင်လုပ်ကိုင်ခွင့်ပေးရန် တင်ဒါခေါ်ယူခဲ့သည်။ ဘုရင့်နောင်၊ မရမ်းကုန်းနှင့် သင်္ဃန်းကျွန်းအိတ်ချိန်းသုံးခုကိုသာ စတင်လုပ်ကိုင်ခွင့်ပေးရန် တင်ဒါခေါ်ယူခဲ့ခြင်းဖြစ်ပြီး ထိုအိတ်ချိန်းသုံးခုမှ လိုင်းပေါင်းလေးသောင်းကျော် လုပ်ကိုင်ခွင့်ရရှိမည်ဖြစ်သည်။ ၀န်ဆောင်မှုလုပ်ငန်းဆောင်ရွက်လိုသည့် ကုမ္ပဏီများအနေဖြင့် သြဂုတ်လ ၂ ရက် နောက်ဆုံးထား၍ တင်ဒါလျှောက်ထားရမည်ဖြစ်သည်။
လားရှိုးတွင် ပုဒ်မ ၁၄၄ ပြန်ရုပ်သိမ်း
လားရှိုးမြို့တွင် ပုဒ်မ ၁၄၄ ထုတ်ပြန်ထားခြင်းကို ဇူလိုင် ၂၇ ရက် ညနေပိုင်းက ပြန်လည်ရုပ်သိမ်းလိုက်သည်။ မေ ၂၈ ရက်က ဖြစ်ပွားခဲ့သော ပဋိပက္ခများကြောင့် ပုဒ်မ ၁၄၄ အရေးပေါ်အခြေအနေ ထုတ်ပြန်ထားခဲ့ခြင်းဖြစ်သည်။ လားရှိုးအကြမ်းဖက်မှုများတွင် ပါဝင်ခဲ့သူများကို အရေးယူဆောင်ရွက်နေပြီး မြို့အခြေအနေသာ ပုံမှန်အနေအထားသို့ ပြန်လည်ရောက်ရှိနေပြီဖြစ်သည်။
အစိုးရအဖွဲ့အတွင်း အပြောင်းအလဲထပ်မံပြုလုပ်
သိပ္ပံနှင့် နည်းပညာဝန်ကြီးဌာန လက်အောက်ရှိ လေကြောင်းနှင့် အာကာသပညာတက္ကသိုလ်၊ နည်းပညာတက္ကသိုလ်များနှင့် ကွန်ပျူတာတက္ကသိုလ်များအတွက် ကျောင်းသားဦးရေ ငါးထောင်ကျော်ကို ၀င်ခွင့်လက်ခံမှု လျှော့ချမည်ဖြစ်ကြောင်း ၂၀၁၃ ခုနှစ် တက္ကသိုလ်ဝင်ခွင့်လမ်းညွှန်တွင် ဖော်ပြထားသည်။ နည်းပညာတက္ကသိုလ်များ၊ အစိုးရနည်းပညာကောလိပ်များ ၀င်ခွင့်အတွက် ယခင်နှစ်က တက္ကသိုလ်ဝင်စာမေးပွဲရမှတ် ၃၆၀ အစား ယခုနှစ်တွင် ရမှတ် ၃၈၀ အထက် ရရှိသူများ ၀င်ခွင့်လျှောက်ထားရန် တိုးမြှင့်သတ်မှတ်လိုက်သည်။ ယခင်နှစ်က ပညာရေးဝန်ကြီးဌာန၊ ကျန်းမာရေးဝန်ကြီးဌာန နှင့် ပို့ဆောင်ရေးဝန်ကြီးဌာနတို့ရှိ အသက်မွေးဝမ်းကျောင်းတက္ကသိုလ်များ၏ ၀င်ခွင့်ဦးရေကို လျှော့ချခဲ့သော်လည်း ယခုနှစ်တွင် ကျောင်းသားဝင်ခွင့်လက်ခံမှု ပြောင်းလဲခြင်းမရှိပေ။
မလေးရှားသို့ လုပ်သားစေလွှတ်ခွင့်ပြန်ပြု
မလေးရှားနိုင်ငံအတွင်း မြန်မာအလုပ်သမားများ အကြမ်းဖက်အသတ်ခံရမှုတို့ကြောင့် မြန်မာအစိုးရက ဇွန် ၁၃ ရက်မှစ၍ မလေးရှားသို့ မြန်မာအလုပ်သမားစေလွှတ်မှုကို ယာယီရပ်ဆိုင်းခဲ့ပြီးနောက် တစ်လခွဲအကြာ ဇူလိုင် ၂၉ ရက် တွင် မြန်မာအလုပ်သမားစေလွှတ်ခွင့်ကို ပြန်လည်ခွင့်ပြုခဲ့ကြောင်း သတင်းရရှိသည်။
မြန်မာ-တရုတ် ဓာတ်ငွေ့ပိုက်လိုင်း ဇူလိုင် ၂၈ ရက်တွင် ဓာတ်ငွေ့ စတင်ပို့
မြန်မာ-တရုတ် ဓာတ်ငွေ့ ပိုက်လိုင်းမှ ဓာတ်ငွေ့များ ဇူလိုင် ၂၈ ရက်တွင် တရုတ်နိုင်ငံသို့ စတင်ပို့လွှတ်ခဲ့သည်။ ၂၀၁၀ ဇွန် လတွင် စတင်သွယ်တန်းခဲ့သော ၇၉၃ ကီလိုမီတာရှည်လျားသော အဆိုပါပိုက်လိုင်းသည် ရခိုင်ပြည်နယ် ကျောက်ဖြူမြို့နယ်မှ မကွေး၊ မန္တလေး၊ ရှမ်းပြည်နယ်သို့ ဖြတ်သန်းသွယ်တန်းခဲ့သော ၇၉၃ ကီလိုမီတာ ရှည်လျားသည့် အဆိုပါပိုက်လိုင်းသည် ရခိုင်ပြည်နယ် ကျောက်ဖြူမြို့နယ်မှ မကွေး၊ မန္တလေး၊ ရှမ်းပြည်နယ်ကို ဖြတ်သန်းသွယ်တန်းထားပြီး မြန်မာပြည်မြေပုံအား ကန့်လန့်ဖြတ် ဖောက်လုပ်ထားသည်။ ပိုက်လိုင်း စီမံကိန်းတွင် တရုတ်၊ မြန်မာ၊ ကိုရီးယား၊ အိန္ဒိယနိုင်ငံတို့မှ ကုမ္ပဏီ ခြောက်ခု အကျိုးတူ လုပ်ကိုင်ခြင်း ဖြစ်သည်။ ပိုက်လိုင်းဖြတ်သန်းသွားရာ ဒေသအချို့တွင် လျော်ကြေးကိစ္စ မပြေလည်သေးသော်လည်း ဓာတ်ငွေ့စတင်ပို့နေသော ပိုက်လိုင်းစီမံကိန်းမှ  သဘာဝဓာတ်ငွေ့ကို တစ်နှစ်လျှင် ကုဗမီ တာ ၁၂ ဘီလီယံကျော် တင်ပို့မည်ဖြစ်ပြီး တရုတ်နိုင်ငံ၏စွမ်းအင်လိုအပ်ချက် ခြောက်ရာခိုင်နှုန်း ဖြည့်ဆည်းပေးမည်ဖြစ်သည်။ အဆိုပါ ဓာတ်ငွေ့ပိုက်လိုင်းနှင့်အတူ သွယ်တန်းထားသော ရွှေရေနံစိမ်းပိုက်လိုင်းမှာ တည်ဆောက်နေဆဲဖြစ်ပြီး လာမည့်နှစ်တွင် ပြီးစီးဖွယ်ရှိသည်။
ဒေသအချို့တွင် ရေလွှမ်းပြီး လယ်ဧက သိန်းနှင့်ချီနစ်မြုပ်
ဇူလိုင် ၂၀ ရက် နောက်ပိုင်းတွင် မိုးသည်းထန်စွာရွာသွန်းနေပြီး ဒေသအချို့၌ ရေဘေးအန္တရာယ် ဆိုးရွားစွာ ရင်ဆိုင်နေရသည်။ ဧရာဝတီတိုင်းဒေသကြီး ဒေးဒရဲနှင့်သာပေါင်းမြို့များတွင် လယ်ဧက သိန်း နှင့်ချီ၍ ရေနစ်မြုပ်နေပြီး ရခိုင်ပြည်နယ်၊ မင်းပြားမြို့တွင်လည်း လယ်မြေများစွာ ရေလွှမ်းမိုးနေသည်။ အလယ်ပိုင်းဒေသ မြို့နယ်အချို့မှလွဲ၍ ကျန်ဒေသများတွင် မိုးကောင်းနေကာ ကရင်ပြည်နယ် ဘားအံ၊ ကော့ကရိတ်နှင့် မြ၀တီ မြို့များတွင် မြို့ပေါ်ရပ်ကွက်များပါ ရေမြုပ်နေသောကြောင့် ကယ်ဆယ်ရေးစခန်းများ ဖွင့်လှစ်ထားရသည်။ အနောက်တောင်မုတ်သုံလေ အားကောင်းနေခြင်းကြောင့် တစ်နိုင်ငံလုံးအနှံ့ မိုးကောင်းနေဦးမည်ဖြစ်ကြောင်း မိုး/ဇလဌာနနှင့် မိုးလေ၀သပညာရှင်များက ခန့် မှန်းထားသည်။