ချင်းအမျိုးသားဒီမိုကရက်တစ်ပါတီ

၁။ ဥက္ကဋ္ဌ - ဦးဇိုဇမ်(ခ) ဇမ်ကျင်ပေါင်။

၂။ ပါတီဝင်အရေအတွက် - တစ်သိန်းခန့်။

၃။ ၀င်ရောက်ယှဉ်ပြိုင်မည့် မဲဆန္ဒနယ် - ချင်းပြည်နယ်၊ ရခိုင်၊ စစ်ကိုင်းနှင့် မကွေးတိုင်းဒေသကြီးတွင် မြို့နယ် ၃၀၌ ကိုယ်စားလှယ်ပေါင်း ၅၅ နေရာ ၀င်ရောက်ယှဉ် ပြိုင်မည်။

၎။ ပါတီဆောင်ပုဒ် - မျှော်လင့်ချက်ဖြင့် နိုးထလော့။

၆။ ကိုယ်စားလှယ်လောင်းရွေးချယ်မှုသတ်မှတ်ချက် - ချင်းအမျိုးသားကို ဦးထိပ်ထားသူ၊ ဗမာစကားပြောတတ်သူ၊ ကိုယ့်ဒေသမှဝင်ရောက်ယှဉ်ပြိုင်မည့်သူကိုဦးစားပေးမည်။

၇။ ပါတီရန်ပုံငွေ - ပါတီဝင်များ ထည့်ဝင်သောငွေကြေးနှင့် ချင်းတိုင်းရင်းသားများက  ကူညီထောက်ပံ့သည်။

၈။ ပါတီနောက်ခံသမိုင်း - ၂၀၀၈ မှ စတင်၍ ပါတီတည်ထောင်ရန် စီစဉ်ခဲ့ပြီး ၂၀၁၀ မတ်လ ၂၇ ရက်တွင်ပါတီကို စတင်တည်ထောင်ခဲ့သည်။ ၂၀၁၀ ရွေးကောက်ပွဲတွင် ၀င်ရောက်ယှဉ်ပြိုင်ခဲ့ပြီး ၁၃ နေရာ ရွေးကောက်ခံခဲ့ရသည်။

 



ပါတီအတွင်းရေးမှူး ဆလိုင်းကျဲအိုဘိခ်ထောင်နှင့် အမေးအဖြေ

လွှတ်တော်ထဲရောက်ရင် အခြေခံဥပဒေပြင်ဆင်ဖို့ ဘယ်လို မျိုးစွမ်းဆောင်နိုင်မလဲ။
ဖွဲ့စည်းပုံအခြေခံဥပဒေပြင်ဆင်ရေးမှာ ပါတီတစ်ခုတည်းက လုပ်လို့မရဘူး။လွှတ်တော်ထဲမှာ ပြင်ဆင်ဖို့လည်း လုပ်ခဲ့ကြတယ်။ဘယ် လိုပြင်ဆင်မလဲဆိုတာလည်း အမြင်မတူခဲ့ကြဘူး။ ပြင်ဆင်ရေး အခန်းမှာလည်း ၇၅ ရာခိုင်နှုန်းကျော်ထားမလား။ ၅၀ ကျော်ထားမလား။ ဒါကလည်း အမြင်မတူဘူး။ ကျွန်တော်တို့က ၄၃၆ ပြင်ဆင်ရေးကို အမေရိကန်ပြင် ဆင်ရေးကို သဘောကျတယ်။ ဖွဲ့စည်းပုံပြင်ဆင်ရေးကို ညီနောင်တိုင်းရင်းသားပါတီတွေကတစ်ဆင့်လုပ်သွားဖို့လည်း မှန်းထားပါတယ်။

လွှတ်တော်ထဲရောက်ရင် ပြည်တွင်းငြိမ်းချမ်းရေး ဖော်ဆောင်ရေး မှာ ဘယ်လောက်ထိ ကူညီပေးနိုင်မယ်လို့ ယုံကြည်သလဲ။
အခုဖြစ်နေတာ ပြဿနာတွေက ၀ါဒကြောင့်ဖြစ်လာတာမဟုတ် ဘူး။ လူမျိုးအသီးသီးအကျိုးစီးပွားရေးကြောင့်ဖြစ်လာတာ။ နိုင်ငံရေး ခေါင်းဆောင်တွေက ပင်လုံသဘောတူစာချုပ်ကို ချိုးဖောက်လာတယ်။ ပင်လုံကို အသက်ပြန်သွင်းရမယ်။ ဒီမိုကရေစီရပြီးမှ တိုင်းရင်းသားအရေး လုပ်မယ်လို့ မရပါဘူး။

ပြည်သူတွေရဲ့ ၀င်ငွေထွက်ငွေမျှတအောင် ကူညီပေးဖို့စဉ်းစားထားလား။
ဝင်ငွေထွက်ငွေမျှဖို့ထက် ဒေသဖွံ့ဖြိုးရေးလုပ်ချင်ပါတယ်။ ညီ နောင်တိုင်းရင်းသားများပါတီက ဒုသမ္မတတင်နိုင်ရင်တော့ အများကြီး လုပ်နိုင်မယ်။ ဖွံ့ဖြိုးရေးမှာလည်း ရေရှည်ခံတဲ့ ဖွံ့ဖြိုးရေးကို လုပ်ချင်ပါ တယ်။
(ပါတီဥက္ကဋ္ဌဦးဇိုဇမ်က ဖြေကြားပါသည်)

ပြည်သူတွေက ချင်းအမျိုးသားဒီမိုကရက်တစ်ပါတီကို ဘာကြောင့်မဲ ပေးသင့်သလဲ။
ချင်းတွေက နှစ်ပေါင်း ၄၀၀၊ ၅၀၀ လောက်ကတည်းက ရပ်တည် လာတာ။ အခု ချင်းလူမျိုးတွေ တိမ်ကောလာတာကို နိုးထဖို့၊ လူမျိုးပြန် လည်ထူထောင်ဖို့ ကိုယ့်လူမျိုးကာကွယ်ဖို့ မူဝါဒတွေကို ကိုယ့်လူမျိုးက မူချရမယ်။ ချင်းလူမျိုးရှိနေတဲ့ ကာလပတ်လုံးချင်းပါတီရှိရမယ်။ ပထမ ဦးဆုံးလိုချင်တာ ကိုယ့်လူမျိုးနိုင်ငံရေးအင်အားစုကို စုရမယ်။ ပြီးရင် နိုင်ငံရေးအင်အားတည်ဆောက်ရမယ်။ ပြီးရင် ဗမာတွေနဲ့ တန်းတူနိုင်ငံ ရေးစားပွဲဝိုင်းလုပ်နိုင်ရမယ်။ တိုင်းရင်းသားတိုင်းမှာ ဒီဗျူဟာပဲရှိတယ်။ နှစ် ၆၀ ကြာလည်း ဒီမူဝါဒပဲရှိတယ်။

သမ္မတလောင်းရွေးချယ်ခွင့်ရှိရင် ဘယ်လိုပုဂ္ဂိုလ်မျိုးကို ရွေးချယ်မလဲ။
သမ္မတလောင်းကို တိုင်းရင်းသားမဟာမိတ်ပါတီတွေကတစ်ဆင့် ဒုသမ္မတလောင်းကတစ်ဆင့် တင်မယ်လို့ မှန်းထားတယ်။ နိုင်ငံရေးဦး ဆောင်တာမှာ တိုင်းရင်းသားတွေလည်း ဖြစ်သင့်တယ်။ ဗမာတွေကပဲ ဦးဆောင်တာမျိုး မဖြစ်သင့်ဘူး။ နိုင်ငံရေးအင်အားတောင့်တင်းတာထက် အပေးအယူလည်းရှိတယ်။ အခင်းအကျင်းလည်းရှိတော့ တိုင်းရင်းသား မဟာမိတ်ပါတီတွေက တင်တဲ့သူကို ရွေးနိုင်မယ်လို့ မျှော်မှန်းထားတယ်။

ဥက္ကဋ္ဌ ဦးဇိုဇမ်၏ ကိုယ်ရေးအကျဉ်း။

အသက် - (၅၉) နှစ်

ပညာအရည်အချင်း - B.Sc.A.G.T.I.S.F.Meister (West Germany)

-M.Dev.S (Master of Development Studies)-P.P.L.P(ANU) (Camberra)-S.E.N.S.E(KSAP) (Warsaw)

လက်ရှိအလုပ်အကိုင် - ချင်းပြည်နယ် လွှတ်တော်ကိုယ်စားလှယ်။

နိုင်ငံရေးဖြတ်သန်းမှု အတွေ့အကြုံ - ၁၉၇၄-၇၅ တွင် ချောက်ရေနံမြေအလုပ်သမား၊ ကျောင်းသားသပိတ်များတွင် ပါဝင်ခဲ့သည်။ ၁၉၈၈တွင် စင်ပြိုင်အစိုးရအဖွဲ့မှ နိုင်ငံခြားရေးဝန်ကြီး၏ ကိုယ်ရေးအရာရှိလုပ်ဆောင်ခဲ့သည်။ ၁၉၈၈တွင် ဗကသအဖွဲ့ဝင်တစ်ဦးအနေဖြင့် ပါဝင်ခဲ့သည်။ချင်းအမျိုးသား ဒီမိုကရက်တစ်ပါတီ ကို ၂၀၁၀တွင် ထူထောင်ခဲ့ပြီး ၂၀၁၁ တွင် ပြည်နယ်လွှတ်တော်ကိုယ်စားလှယ်ဖြစ်ခဲ့သည်။ညီနောင်တိုင်းရင်းသားများ ဖက်ဒရေးရှင်းတွင် ပြောရေးဆိုခွင့်ရှိသူအဖြစ် လုပ်ကိုင်ခဲ့သည်။ ချင်းပြည်နယ်လွှတ်တော်တွင် တိုင်းရင်းသားရေးရာကော်မတီဥက္ကဋ္ဌအဖြစ် ဆောင်ရွက်ခဲ့သည်။

စံပြပုဂ္ဂိုလ် - ချင်းတော်လှန်ရေးသမား Bo Khai Kam

ဆက်သွယ်ရန် လိပ်စာ၊ ဖုန်းနံပါတ် -  အမှတ် ၉၀၅(၉ လွှာ)၊ လမ်းမတော်ပလာဇာ၊ လမ်းမတော်လမ်း၊ လသာမြို့နယ်၊ ရန်ကုန်။ ၀၉-၄၂၁၁၅၂၉ ၇၈၊ ၀၉-၂၅၆၅၁၂၃၁၅၊ ၀၉-၄၃၀၉၄၀၈၇။

Top News