2015 ရွေးကောက်ပွဲ ပါတီမိတ်ဆက်

၂၀၁၅ ရွေးကောက်ပွဲတွင် ၀င်ရောက်ယှဉ်ပြိုင်သော ပါတီ  ၉၁  ခုကို မြန်မာအက္ခရာစဉ်အလိုက် ဖော်ပြထားပါသည်။

၉၁  ပါတီတွင်  ၉  ပါတီမှာ ဆက်သွယ်မေးမြန်း၍ မရခြင်း၊ အချို့ပါတီများမှာ 7day News မှ ပေးပို့သော မေးခွန်းများကိုအချိန်မီ ပြန်လည်ဖြေကြားနိုင်ခြင်းမရှိသည့်အတွက်  အချက်အလက်အပြည့်အစုံ ဖော်ပြနိုင်ခြင်းမရှိပါ။  တစ်သီးပုဂ္ဂလကိုယ်စားလှယ်လောင်း  ၃၁၀  ဦးရှိပြီး၊ လွှတ်တော်အလိုက် တစ်သီးပုဂ္ဂလအမည်စာရင်းနှင့် မဲဆန္ဒနယ်များကို ဖော်ပြပေးထားပါသည်။

၁။ ဥက္ကဋ္ဌ - ဦးဂွမ်ဂေါင်အောင်ခမ်း
၂။ မဲဆန္ဒနယ် - ကချင်ပြည်နယ် မြစ်ကြီးနား၊ ဗန်းမော်၊ ဆွမ်ပရာဘွမ်၊ ပူတာအို၊ ဝိုင်းမော် စသည့်ကချင်ပြည်နယ်မှ မြို့နယ် ၁၃ မြို့နယ်ရှိ မဲဆန္ဒနယ်များတွင် ဝင်ရောက်ယှဉ်ပြိုင်မည်။

၃။ ပါတီမူဝါဒ - တန်းတူညီတူ ကိုယ်ပိုင်ပြဋ္ဌာန်းခွင့်ရှိပြီး စစ်မှန်သော ဖက်ဒရယ်ပြည်ထောင်စုဖြစ်ပေါ်လာစေရန်၊ အမျိုးသားပြန်လည်သင့်မြတ်ရေးနှင့် ခိုင်မာပြီး တရားမျှတသော
ပြည်တွင်းငြိမ်းချမ်းရေးရရှိရန်၊ စာပေနှင့် ယဉ်ကျေးမှုရိုးရာဓလေ့ထုံးတမ်းစဉ်လာနှင့် ဘာသာစကားကို တန်ဖိုးထားထိန်းသိမ်းကာကွယ်စောင့်ရှောက်ရန်၊ နိုင်ငံရေး၊ စီးပွားရေး၊ ကျန်းမာရေး၊ လမ်းပန်းဆက်သွယ်ရေးနှင့် အဆင့်မြင့်နည်းပညာဆက်သွယ်ရေးကဏ္ဍအသီးသီးတွင် ဖွံ့ဖြိုးတိုးတက်လာအောင် ဆောင်ရွက်သွားရန်တို့ဖြစ်သည်။
၎။ ပါတီနောက်ခံသမိုင်း- ၂၀၁၃ တွင် ပါတီမှတ်ပုံတင်ခဲ့ပြီး ၂၀၁၄ ဇန်နဝါရီ၌ ပါတီတည်ထောင်ခွင့်မှတ်ပုံတင်ရရှိသည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။
အဓိကကတော့ ဝင်ငွေ၊ ထွက်ငွေဆိုတာ စီးပွားရေးနဲ့ဆိုင်တယ်။ စီးပွားရေးကို တံခါးဖွင့်စီးပွားရေး လုပ်ရမယ်။ နိုင်ငံတကာမှာရော၊ ပြည်တွင်းမှာရော လုပ်ငန်းရှင်တွေ အကုန်လုံးကိုခေါ်ပြီးတော့ စီးပွားရေးလုပ်ငန်းတွေကို တိုးချဲ့ရမယ်။

ပြည်သူတွေက ကချင်ဒီမိုကရက်တစ်ပါတီကို ဘာကြောင့် မဲပေးသင့်သလဲ။
ကချင်ပြည်နယ်ဒီမိုကရေစီပါတီဟာ ပြည်သူကို ကိုယ်စားပြုတဲ့ပါတီ ဖြစ်တယ်။ ပြည်သူတွေအတွက် မားမားမတ်မတ်ရပ်တဲ့ ပါတီဖြစ်တယ်။ ဂုဏ်သိက္ခာရှိတဲ့ ပါတီဖြစ်တယ်။ ဒါကြောင့်မို့ ကချင်ပြည်နယ်ဒီမိုကရေစီ ပါတီကရွေးချယ်တဲ့ သူတွေက သိက္ခာရှိတဲ့ လူတော်လူကောင်းများဖြစ် ကြတယ်။ သူတို့ကို မဲပေးခြင်းအားဖြင့် ဒေသအတွက် အကျိုးရှိမှာဖြစ်တယ်။ဒါကြောင့်မို့ ကချင်ပြည်နယ် ဒီမိုကရေစီပါတီက ပုဂ္ဂိုလ်များကို မဲပေးကြဖို့
တိုက်တွန်းချင်ပါတယ်။


ကချင်ပြည်နယ် ဒီမိုကရေစီပါတီ

၁။ ဥက္ကဋ္ဌ - ဒေါက်တာ မနာမ်တူးဂျာ
၂။ မဲဆန္ဒနယ် - ကချင်ပြည်နယ်ရှိ မဲဆန္ဒနယ် ၆၆ နေရာတွင် အနိမ့်ဆုံး ၉၀ ရာခိုင်နှုန်း ၀င်ရောက်ယှဉ်ပြိုင်မည်။
၃။ ပါတီမူဝါဒ - ပြည်ထောင်စုမပြိုကွဲရေး၊ တိုင်းရင်းသားစည်းလုံးညီညွတ်မှုမပြိုကွဲရေး၊ အမျိုးသားပြန်လည်ရင်ကြားစေ့ရေး၊ ပါတီစုံဒီမိုကရေစီစနစ်နှင့် ဈေးကွက်စီးပွားရေးစနစ်၊ တရားဥပဒေစိုးမိုးရေး၊ ၂၀၀၈ ဖွဲ့စည်းပုံဥပဒေကို ပြည်သူများလိုလားသလို ပြင်ဆင်ရေးတို့ ရှေးရှုဆောင်ရွက်မည်။
၎။ ပါတီနောက်ခံသမိုင်း - ၂၀၁၃ သြဂုတ်တွင် ပါတီတည်ထောင်ခွင့် လျှောက်ထားခဲ့ပြီး အောက်တိုဘာ ၃၀ ရက်၌ ပါတီတည်ထောင်ခွင့်ရရှိခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။
စီးပွားရေးကလည်းအခုဒီမှာ ဈေးကွက်စီးပွားရေးဆိုတာကို ပြဋ္ဌာန်းထားတာပေါ့။ ဒါပေမဲ့ လက်တွေ့မှာမလုပ်နိုင်ပါဘူး။ ကျွန်တော်တို့က ဒီတော့တဖြည်းဖြည်း ဈေးကွက်စီးပွားရေးဖြစ်လာအောင် ကူညီဖော်ဆောင်သွားမှာပါ။ စီးပွားရေးပိုင်းမှာတော့ ဒေသခံစီးပွားရေးပညာရှင်တွေကို ဦးစားပေးရမှာပဲ။ တစ်ချိန်တည်းမှာပဲ နိုင်ငံတကာကိုလည်းဖိတ်ခေါ်သွား မယ်။ အဲဒီလို လက်တွဲလုပ်ဆောင်သွားရမှာဖြစ်တယ်။ ပြည်သူလူထုအကျိုးခံစားခွင့်ရှိရမှာပဲ။

ပြည်သူတွေက ကချင်ပြည်နယ်ဒီမိုကရေစီပါတီကို ဘာကြောင့် မဲပေးသင့်သလဲ။
အန်ကယ်တို့က ဒေသခံတိုင်းရင်းသားတွေကို ကိုယ်စားပြုပြီး တည်ထောင်ထားတယ်။ နောက်ပြီး ဒေသခံတွေရဲ့အခက်အခဲပြဿနာတွေကိုလည်း ဖြေရှင်းပေးတဲ့အတွက် ပြည်သူ တွေက အန်ကယ်တို့ပါတီကို မဲပေးလာကြမှာပါ။


ကချင်အမျိုးသားများ ဒီမိုကရေစီကွန်ရက်[KNCD]

၁။ ဥက္ကဋ္ဌ - ဒူဝါမရန်ဇော်ဆိုင်း
၂။ မဲဆန္ဒနယ် - ကချင်ပြည်နယ် မြို့နယ် ၁၃ မြို့နယ်။
၃။ ပါတီမူဝါဒ - ဖက်ဒရယ်ပြည်ထောင်စု မြန်မာနိုင်ငံဖြစ်ပေါ်လာရေးသည် ရည်မှန်းချက်ပန်းတိုင်ဖြစ်သည်။
၎။ ပါတီနောက်ခံသမိုင်း - KNCD ပါတီသည် ၁၉၄၉ ဇန်န၀ါရီ ၁၀ ရက်တွင် KNC (Kachin National Congress) အမည်ဖြင့် စတင်မှတ်ပုံတင်သည်။ ပြီးနောက် ၁၉၆၂ တွင် အာဏာ
သိမ်းချိန်ပါတီအား ဖျက်သိမ်းခံလိုက်ရသည်။ ပြီးနောက် ၁၉၉၀ ပြည့်နှစ်တွင် KNCDဖြင့် ထပ်မံမှတ်ပုံတင်ပြီး ရွေးကောက်ပွဲဝင်ခဲ့ရာ မဲဆန္ဒနယ်သုံးနေရာ အနိုင်ရခဲ့သည်။ ပြီးနောက် ပါတီကိုပြန်လည်ရုပ်သိမ်းခဲ့ရသည်။ KNCD ပါတီသည် UNA အဖွဲ့ဝင်ပါတီလည်းဖြစ်သည့်အတွက် ၂၀၁၀ တွင် NLD ကဲ့သို့အခြား မဟာမိတ်ပါတီများ ရွေးကောက်ပွဲမ၀င်သည့်အတွက် KNCD လည်း ၀င်ရောက်ခြင်းမရှိခဲ့။ ပြီးနောက် ၂၀၁၃တွင် ပါတီမှတ်ပုံတင်ပြန်လည်ပြုလုပ်ပြီး ၂၀၁၅ ၌ ရွေး ကောက်ပွဲဝင်ရန် ပြင်ဆင်ခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။
စဉ်းစားထားတယ်။ ပြည်သူလူထုဟာဆိုရင် များသောအားဖြင့် ဆင်းရဲကြတယ်။ သူတို့ရဲ့ နေ့စဉ်ဝင်ငွေပုံမှန်ရရှိဖို့အတွက် မိသားစုတိုင်းရဲ့ဝင် ငွေရရှိမှုနှုန်းကို စာရင်းကောက်ယူပြီးမှ သူတို့ရဲ့ ဖြစ်ပေါ်နေတဲ့ အနေအ ထားကို ကျွန်တော်တို့ချင့်ချိန်တွက်ဆမယ်။

ပြည်သူတွေက KNCD ပါတီကို ဘာကြောင့် မဲပေးသင့်သလဲ။
KNCD ပါတီက အခုမှပေါ်တဲ့ပါတီမဟုတ်ဘူး။ KNC ဆိုပြီးမှ ၁၉၄၉ ကတည်းကနေပေါ်တယ်။ ဖျက်သိမ်းခံရပြီးနောက်လည်း ပြည် သူလူထုက ထောက်ခံနေတဲ့အတွက်ကြောင့် ကျွန်တော်တို့က အခွင့်အရေးရရင်ရသလို ဒီပါတီဟာပေါ်လာတယ်။ တခြားပါတီနဲ့ ခေတ်ပြိုင် ပေါ်လာတဲ့ ပါတီတွေဟာ တစ်ခုမှမရှိတော့ဘူး။ ကျွန်တော်တို့ KNCD ပါတီဟာ ဘယ်တော့မှ ပြည်သူတွေကို မပစ်ထားဘူး။ ပြည်သူတွေကလည်း KNCD ပါတီကို အမြဲတမ်း ထောက်ခံနေသည့်အတွက်ကြောင့် ပါတီဟာလည်းယနေ့အထိ အသက်ရှင် ရပ်တည်နေသည့် ပါတီဖြစ်တယ်။


ကမန်အမျိုးသားတိုးတက်ရေးပါတီ

၁။ ဥက္ကဋ္ဌ - ဦးဇော်ဝင်း
၂။ မဲဆန္ဒနယ် - ရခိုင်ပြည်နယ်(သံတွဲ)နှင့် ရန်ကုန်တိုင်းဒေသကြီးတွင် အမျိုးသားလွှတ်တော်အတွက် အနည်းဆုံးလေးနေရာယှဉ်ပြိုင်မည်။
၃။ ပါတီမူဝါဒ  -  (က) ပြည်ထောင်စုမပြိုကွဲရေး၊ တိုင်းရင်းသားစည်းလုံး ညီညွတ်မှုမပြိုကွဲရေး၊ အချုပ်အခြာအာဏာတည်တံ့ခိုင်မြဲရေးနှင့်လောကပါလတရားများကို အခြေခံကာ အခြေခံ
လူ့အခွင့်အရေးများကို လေးစားလိုက်နာသောပြည်ထောင်စုဖွား ပြည်သူပြည်သားများ၊ပါတီများနှင့် လက်တွဲ၍ အနာဂတ်တွင် ခေတ်မီဖွံ့ဖြိုးတိုးတက်သော ဒီမိုကရေစီနိုင်ငံတော်သစ် ဖြစ်ပေါ်လာစေရန် အစွမ်းကုန်ကြိုးပမ်းသွားရေး။
(ခ) အကြမ်းဖက်ဝါဒနှင့် အခြားအစွန်းရောက်သည့် မည်သည့်ဝါဒမျိုးကိုမဆို ဆန့်ကျင်သွားရေး။
(ဂ) ကမ္ဘာ့နိုင်ငံများအပါအဝင် အိမ်နီးချင်းနိုင်ငံများနှင့် ဖြောင့်မတ်သော ဘက်မလိုက် မူဝါဒကို အခြေခံသည့် ချစ်ကြည်ရင်းနှီးမှုတည်ဆောက်ရေးတွင် ပါဝင်ကူညီရေး။
(ဃ) နိုင်ငံတစ်ဝန်းလုံးတွင် ဘက်စုံဖွံ့ဖြိုးတိုးတက်လာအောင် ဆောင်ရွက်ရေး။
(င) မြန်မာ့လူ့အဖွဲ့အစည်းတွင် အကျိုးမပြုသည့် အတွေးအခေါ်အယူအဆများ ပပျောက်ချုပ်ငြိမ်းသွားအောင် ပညာပေးစည်းရုံးရေး။
၎။ ပါတီနောက်ခံသမိုင်း  - ၂၀၁၀ ရွေးကောက်ပွဲမစတင်မီ နှစ်လခန့်တွင် ပါတီဖွဲ့စည်းခဲ့ခြင်းဖြစ်ပြီး ယင်းရွေးကောက်ပွဲတွင် မဲဆန္ဒနယ်ခြောက်ခုဝင်ရောက်ယှဉ်ပြိုင်ခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။
ရခိုင်ပြည်နယ် ပဋိပက္ခများတွင် ကြားညပ်ခဲ့သည့် ကမန်တိုင်းရင်း သားများဘဝ ပြန်လည်ထူထောင်ရေးအတွက် ကြိုးစားဆောင်ရွက်နေ။

ပြည်သူတွေက ကမန်အမျိုးသား တိုးတက်ရေးပါတီကို ဘာကြောင့် မဲပေးသင့်သလဲ။
တိုင်းပြည်က တစ်ချိန်တုန်းက အရှေ့တောင်အာရှမှာ အကောင်းဆုံးအခြေအနေရှိတယ်။ တိုင်းပြည်အတွက် တကယ်ကိုအကျိုးရှိတဲ့သူကို အရွေးမှန်ဖို့ပဲ ပြောပြချင်တယ်။



ကယားလူမျိုးစုဒီမိုကရေစီပါတီ

၁။ ဥက္ကဋ္ဌ - ဦးစောဒယ်နီရယ်။
၂။ မဲဆန္ဒနယ် - ကယားပြည်နယ် ခုနစ်မြို့နယ်တွင် ၂၆ နေရာဝင်ရောက်ယှဉ်ပြိုင်မည်။
၃။ ပါတီမူဝါဒ - ဖွံ့ဖြိုးတိုးတက်ရေးနှင့် ဖက်ဒရယ်ပြည်ထောင်စုစနစ်ဖော်ဆောင်မည်။
၎။ ပါတီနောက်ခံသမိုင်း - ၂၀၁၂ နှစ်ကုန်ပိုင်းတွင် ပါတီဖွဲ့စည်းရန် စတင်လှုပ်ရှားခဲ့ပြီး ၂၀၁၃ နှစ်ကုန်ပိုင်း၌ ပါတီတရားဝင်ဖွဲ့စည်း။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။
အခြေခံလူတန်းစားဘဝရပ်တည်နိုင်ရေးက အောက်ခြေကလုပ်ရမှာပါ။ နိုင်ငံတကာမှာ ဒီကိစ္စကို ဖြေရှင်းတဲ့နည်းစနစ်တွေ အများကြီးရှိတယ်။ အဓိကကတော့ ပွင့်လင်းမြင်သာမှုရှိဖို့ပေါ့။ ဈေးကွက်စီးပွားရေး စနစ်ကို ပွင့်လင်းမြင်သာစွာပြောင်းလဲနိုင်တဲ့အဆင့်ရောက်အောင်တော့ ကြိုးစားရမှာပဲ။

ပြည်သူတွေက ကယားလူမျိုးစုဒီမိုကရေစီပါတီကို ဘာကြောင့် မဲပေးသင့်သလဲ။
ကျွန်တော်တို့ ပြည်နယ်အစိုးရဖွဲ့နိုင်မှသာ ဒီပြည်နယ်မှာရှိတဲ့ပြည် သူတွေအကျိုးကို ပိုလုပ်ပေးသွားနိုင်မှာပါ။ ဒါကို ပြည်သူတွေနားလည်ဖို့ လိုပါတယ်။ ကိုယ်ပိုင်ပြဋ္ဌာန်းခွင့်အရေးကြီးတယ်။ ဥပဒေပြုရေး၊ တရားစီရင်ရေးတွေ တိတိကျကျလုပ်စရာအများကြီးလုပ်ရမယ်။ ဒီလိုလုပ်နိုင် အောင် ပြည်သူတွေရွေးချယ်မှုက အရေးပါတယ်။


ကယန်းအမျိုးသားပါတီ

၁။ ဥက္ကဋ္ဌ - ဦးခူးယူဂျင်း
၂။ မဲဆန္ဒနယ် - ရှမ်းပြည်နယ်မဲဆန္ဒနယ်လေးခုတွင် ၀င်ပြိုင်မည်။
၃။ ပါတီမူဝါဒ - တန်းတူညီတူအခွင့်အရေးရရှိရေး၊ ကယန်းကိုယ်ပိုင်အုပ်ချုပ်ခွင့်ရဒေသပေါ်ထွန်းရေး။
၎။ ပါတီနောက်ခံသမိုင်း - ပါတီက လူတွေက ၁၉၉၀ ရွေးကောက်ပွဲအနိုင်ရပြီး အာဏာလွှဲအပ်မခံရတဲ့ အမျိုးသားဒီမိုကရေစီအဖွဲ့ကသူတွေပါဝင်တယ်။ ကယန်းလူမျိုး ကမ္ဘာသိအောင်
၂၀၁၀ မှာ ပါတီဝင် ၁၇ ဦးနဲ့ဖွဲ့စည်းထူထောင်ခဲ့တယ်။
ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။
ဒေသဖွံ့ဖြိုးရေးအတွက် ရရှိတဲ့ရန်ပုံငွေကို ပြည်သူတွေကိုချပြမယ်။ သူတို့ဘယ်လိုသုံးစွဲချင်လဲဆိုတာမေးရမယ်။ သူတို့ဖြစ်ချင်တဲ့အတိုင်း အ ကောင်အထည်ဖော်ပေးမယ်။ ဘယ်လိုလုပ်ပေးမလဲဆိုတာထက် ပြည်သူတွေ ဘယ်လိုလုပ်စေချင်လဲဆိုတဲ့အပေါ် မူတည်တယ်။ ပြည်သူ့ဆန္ဒ အတိုင်းလုပ်သွားမယ်။ ပြည်သူတွေ ဘာခိုင်းချင်လဲဆိုတာ နားထောင်သွားမယ်။

ပြည်သူတွေက ကယန်းအမျိုးသားပါတီကို ဘာကြောင့် မဲပေးသင့်သလဲ။
ကျွန်တော်တို့ပြောနေကျစကားရှိတယ်။ ကယန်းလူမျိုးဖြစ်ရင် ကယန်းလူမျိုးကိုချစ်ပါ။ ကယန်းဘ၀ကိုနားလည်မှ ကယန်းလူမျိုးတိုးတက်ရေးလုပ်နိုင်မယ်။


ကရင်ဒီမိုကရက်တစ်ပါတီ

၁။ ဥက္ကဋ္ဌ - စောရဲဝင်းနိုင်။
၂။ မဲဆန္ဒနယ် - ကရင်ပြည်နယ်အတွင်း ဘားအံ၊ မြ၀တီ၊ ကော့ကရိတ်၊ လှိုင်းဘွဲ၊ ကြာအင်းဆိပ်ကြီးမြို့နယ်များအတွက် ကိုယ်စားလှယ် ၁၂ ဦး။
၃။ ပါတီမူဝါဒ - နိုင်ငံရေး၊ စီးပွားရေး၊ ပညာရေးမူဝါဒများအပါအ၀င် သက်ဆိုင်ရာကဏ္ဍအလိုက် မူဝါဒများချမှတ်ထားသည်။ ထို့အပြင် ဒီမိုကရေစီစနစ်ကို ဦးစားပေးသော တရားမျှတခြင်း၊ လွတ်လပ်ခြင်း၊ တန်းတူအခွင့်အရေးရရှိခြင်း စသည့်အချက်များဖြင့် စစ်မှန်သော ဖက်ဒရယ်ပြည်ထောင်စုစနစ်ကို ထူထောင်နိုင်ရန်။
၎။ ပါတီနောက်ခံသမိုင်း - ၂၀၁၁ နိုဝင်ဘာတွင် နိုင်ငံရေးပါတီတည်ထောင်ခွင့်လျှောက်ထားခဲ့ပြီး ၂၀၁၂ ဖေဖော်ဝါရီ ၁ ရက်တွင် ခွင့်ပြုချက်ရရှိခဲ့သည်။ ပါတီမှတ်ပုံတင်အမှတ် (၅၁) ဖြစ်သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။
ပါတီရဲ့ စီးပွားရေးမူဝါဒမှာတော့ အပြည့်အစုံ ထည့်သွင်းထားတယ်။  စိုက်ပျိုးရေးကဏ္ဍ တိုးတက်လာအောင်လုပ်ဆောင်မယ်။ အလုပ်သမား၊  လယ်သမားတွေရဲ့ အခွင့်အရေးများကို နိုင်ငံတကာစံနှုန်းများနဲ့ ကိုက်ညီလာအောင် ဆောင်ရွက်ပေးနိုင်ဖို့အစီအစဉ်ရှိတယ်။

ပြည်သူတွေက ကရင်ဒီမိုကရက်တစ်ပါတီကို ဘာကြောင့် မဲပေးသင့်သလဲ။
ကျွန်တော်တို့က ပြည်သူတွေအကြားက ပေါက်ဖွားလာတဲ့ သူတွေ ဖြစ်တယ်။ ကျွန်တော်တို့ရဲ့ လုပ်ဆောင်ချက်ကလည်း ပြည်သူတွေအ တွက်ပဲ။ ပြည်သူတွေရဲ့ လူနေမှုဘ၀တွေ၊ ခံစားချက်တွေကို ကျွန်တော်တို့သိနေတော့ အများကြီးလုပ်ဆောင်ဖို့ရှိနေလို့ ပြည်သူတွေက မဲထည့်သင့်ပါတယ်။


ကရင်ပြည်နယ်ဒီမိုကရေစီနှင့် ဖွံ့ဖြိုးတိုးတက်ရေးပါတီ

၁။ ဥက္ကဋ္ဌ - ဦးစောသာထူးကျော်
၂။ မဲဆန္ဒနယ်- ဘားအံ၊ မြဝတီ၊ ကြာအင်းဆိပ်ကြီး၊ ကော့ကရိတ် စသည့်ကရင်ပြည်နယ်အတွင်း မဲဆန္ဒနယ်ကိုးခုတွင် ဝင်ပြိုင်မည်။
၃။ ပါတီမူဝါဒ - ငြိမ်းချမ်းရေး၊ ဒေသဖွံ့ဖြိုးရေးနှင့် ဒီမိုကရေစီအကောင်အထည်ဖော်ရေးနှင့်အတူ စစ်မှန်သည့်ဖက်ဒရယ်ပြည်ထောင်စုပေါ်ပေါက်ရမည်။
၎။ ပါတီနောက်ခံသမိုင်း - ယခင် ဒီကေဘီအေမှ အခြေခံပြီး BGF (နယ်ခြားစောင့်တပ်)ဖွဲ့စည်းသောအခါ တပ်ဖွဲ့တွင်းမှ အသက်အရွယ်ကြီးသူများက နိုင်ငံရေးပါတီထူထောင်ပြီး ၂၀၁၀ ရွေးကောက်ပွဲတွင် ဝင်ရောက်ယှဉ်ပြိုင်ခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။
ကျွန်တော်တို့ပါတီက ငွေရေးကြေးရေးအခက်အခဲရှိနေတော့ ပြည်သူတွေကို  ငွေအားဖြင့် ထောက်ပံ့ကူညီဖို့ အခက်အခဲရှိတယ်။ ဒါပေမဲ့ ပြည်သူတွေစီးပွားရေးအပိုင်းဖွံ့ဖြိုးဖို့ ငွေရေးကြေးရေးအခက် အခဲမရှိရအောင် အကြံဉာဏ်တွေပေးပြီးကူညီမှုတွေတော့လုပ်ပေးနိုင်ပါလိမ့်မယ်။

ပြည်သူတွေက ကရင်ပြည်နယ်ဒီမိုကရေစီနှင့် ဖွံ့ဖြိုးတိုးတက်ရေးပါတီကို ဘာကြောင့် မဲပေးသင့်သလဲ။
ကျွန်တော်တို့ပါတီက ကရင်ပြည်နယ်မှာ အုတ်တစ်ချပ်၊ သဲတစ်ပွင့်အနေနဲ့ အမြဲပါဝင်လုပ်ဆောင်နေခဲ့တဲ့ ပါတီတစ်ခုဖြစ်ပါတယ်။ ငြိမ်းချမ်း ရေးအတွက်လည်း လုပ်ဆောင်နေပါတယ်။ လွှတ်တော်ထဲရောက်ရင် ဒီထက်ပိုပြီးလုပ်ဆောင်သွားနိုင်မှာဖြစ်လို့ ကျွန်တော်တို့ပါတီကို ပြည်သူတွေမဲပေးကြပါလို့ ပြောချင်ပါတယ်။


ကရင်ပြည်သူ့ပါတီ

၁။ ဥက္ကဋ္ဌ - ဦးစောထွန်းအောင်မြင့်
၂။ မဲဆန္ဒနယ် - တိုင်း လေးခုနှင့် ပြည်နယ် နှစ်ခု။ ရန်ကုန်၊ ပဲခူး၊ ဧရာဝတီ၊ တနင်္သာရီတိုင်း၊ မွန်ပြည်နယ်၊ ကရင်ပြည်နယ်။
၃။ ပါတီမူဝါဒ - ပါတီသည် ကရင်အမျိုးသားရေးကို ဦးစားပေး (၁) အဖြစ် လုပ်ဆောင်ပြီး တိုင်းရင်းသားလုပ်သားပြည်သူအားလုံး၏ အကျိုးကို ကျယ်ကျယ်ဝင့်ဝင့် လုပ်ဆောင်မည်။
၎။ ပါတီနောက်ခံသမိုင်း- ၂၀၁၀ ပြည့်နှစ်တွင် ရွေးကောက်ပွဲဝင်ရန် ပါတီမှတ်ပုံတင်ခဲ့။ ကရင်တိုင်းရင်းသားများအား စောင့်ရှောက်နိုင်ရန်၊ တိုင်းပြည်အတွက် ကောင်းမွန်သည့်အလုပ်များလုပ်ပေးရန် ရည်ရွယ်၍ ပါတီတည်ထောင်ခဲ့။ နည်းနည်းနှင့် ကျဲကျဲလုပ်ဆောင်ပြီး လုပ်နိုင်သမျှတိုးလုပ်သွားရန် ရည်ရွယ်ထား။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။
ပြည်သူတွေဝင်ငွေ၊ ထွက်ငွေမျှတအောင်လုပ်ဖို့က ရင်းနှီးမြှုပ်နှံမှုတွေ ၀င်လာဖို့ အရေးကြီးတယ်။ ရင်းနှီးမြှုပ်နှံမှုဆိုတာလည်း တိုင်းပြည်မငြိမ်သက်သရွေ့ဝင်လာမှာ မဟုတ်ဘူး။ငြိမ်သက်မှုရှိအောင်၊ ငြိမ်းချမ်းမှုရှိ အောင် အရင်လုပ်ရမှာပဲ။ စာတွေ့မဟုတ်ဘဲ လက်တွေ့လိုအပ်တယ်။ အခုက လုပ်တယ်။ ဒါပေမဲ့ လုပ်နိုင်မှုအင်အားကနည်းသေးတယ်။ နောက်လာမယ့် ရွေးကောက်ပွဲကတော့ ပိုပြီးထင်သာ၊ မြင်သာနဲ့ လုပ်နိုင်လိမ့် မယ်လို့ ယူဆတယ်။ အားလုံးစည်းစည်းလုံးလုံးနဲ့ လုပ်ရင်တော့ ပိုမြန် မယ်။ အားလုံးညီရင်တော့ တိုင်းပြည်ဖွံ့ဖြိုးတိုးတက်တာမြန်မှာပဲ။

ပြည်သူတွေက ကရင်ပြည်သူ့ပါတီကို ဘာကြောင့် မဲပေးသင့်သလဲ။
ကရင်တိုင်းရင်းသားနဲ့ ပြည်သူတွေရဲ့ အကျိုးအတွက် မားမားမတ်မတ်ရပ်တည်မယ့် ပါတီဖြစ်ပါတယ်။ ဒီမိုကရေစီအကူးအပြောင်းမှာ တတ်နိုင်တဲ့ဘက်က အကောင်းဆုံးပါဝင်မှာဖြစ်လို့ အားပေးကြပါ။ မဲပေးကြပါလို့ ပြောချင်ပါတယ်။


ကရင်အမျိုးသားပါတီ[KNP]

၁။ ဥက္ကဋ္ဌ - မန်းသိမ်းရွှေ
၂။ မဲဆန္ဒနယ် - ဧရာဝတီတိုင်းဒေသကြီး (ပန်းတနော်၊ ကျောင်းကုန်း၊ ၀ါးခယ်မ၊ အိမ်မဲ၊ မြောင်းမြ)၊ရန်ကုန်တိုင်းဒေသကြီး (မှော်ဘီ၊ ထန်းတပင်)၊ ကရင်ပြည်နယ် (သံတောင်)၊ မွန်ပြည်နယ်၊ ပဲခူးတိုင်းဒေသကြီးတို့တွင် စုစုပေါင်း ကိုယ်စားလှယ်လောင်း ၂၁ ဦး ၀င်ရောက်ယှဉ်ပြိုင်မည်။
၃။ ပါတီမူဝါဒ - တိုင်းရင်းသားများ တန်းတူအခွင့်အရေးများ ရရှိရေး၊ စစ်မှန်သည့် ဒီမိုကရက်တစ်ပြည်ထောင်စုပေါ်ပေါက်လာရေး၊ ကရင်တိုင်းရင်းသားအပါအ၀င် ပြည်သူများဘ၀ လုံခြုံမှုရရှိစေမည့် တရားဥပဒေများ ပြဋ္ဌာန်းနိုင်ရေး၊ ပြည်သူများ၏ လိုအပ်ချက်များ၊ ရပိုင်ခွင့်များတောင်းဆိုနိုင်ရေး။
၎။ ပါတီနောက်ခံသမိုင်း - ၂၀၁၄ တွင် ပါတီတည်ထောင်ခွင့် လျှောက်ထားပြီး အောက်တိုဘာ ၂၄ ရက်၌ မှတ်ပုံတင်ရရှိသည်။ ပါတီမှတ်ပုံတင်အမှတ်မှာ ၇၈ ဖြစ်သည်။

ပါတီအထွေထွေ အတွင်းရေးမှူးနှင့်အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။
နိုင်ငံမှာ ဈေးကွက်စီးပွားရေးစနစ် အကောင်အထည်ဖော်ဆောင် နိုင်ဖို့ တရားစီရင်ရေးက လိုအပ်တယ်။ နိုင်ငံခြားက ၀င်ရောက်လာတဲ့ ရင်းနှီးမြှုပ်နှံမှုတွေကို ပြည်သူတွေ အကျိုးခံစားခွင့်ရရှိဖို့လိုတယ်။ လူတစ်စုကပဲ နိုင်ငံ့စီးပွားရေးကို စီမံခန့်ခွဲနေတာမျိုးမဖြစ်စေချင်ဘူး။ အဲဒီလိုဖြစ်နေရင် လူတစ်စုကပဲ ချမ်းသာနေမယ်။ ဒါကြောင့် တရားဥပဒေစိုးမိုးဖို့ လိုအပ်တယ်။

ပြည်သူတွေက ကရင်အမျိုးသားပါတီကို ဘာကြောင့် မဲပေးသင့်သလဲ။
ကျွန်တော်တို့က အားလုံးမျှော်မှန်းထားတဲ့ ဖက်ဒရယ်ပြည်ထောင်စု ဖြစ်ပေါ်လာအောင် ကြိုးပမ်းသွားမယ်။ ဖက်ဒရယ်ပြည်ထောင်စု ဖြစ်ပေါ်လာမှ နိုင်ငံရှေ့အနာဂတ် တိုးတက်လာမယ်။ နိုင်ငံတော်ကို ပြည်ထောင်စု မြန်မာနိုင်ငံမှ
ဖက်ဒရယ်ပြည်ထောင်စုဖြစ်အောင်ကြိုးပမ်းသွားမှာဖြစ်လို့ ပြည်သူတွေက မဲပေးသင့်ပါတယ်။



ကိုးကန့်ဒီမိုကရေစီနှင့် ညီညွတ်ရေးပါတီ

၁။ ဥက္ကဋ္ဌ - ဦးထွန်းနိုင်
၂။ မဲဆန္ဒနယ် - လားရှိုး၊ သိန်းနီ၊ ကွမ်းလုံ စသည့်မြို့နယ်သုံးခုတွင် ဝင်ရောက်ယှဉ်ပြိုင်မည်။
၃။ ပါတီမူဝါဒ - ကိုးကန့်တိုင်းရင်းသားများ၏ ပညာရေး၊ ကျန်းမာရေးနှင့် လူနေမှုဘဝမြှင့်တင်ရန်။
၎။ ပါတီနောက်ခံသမိုင်း - ကိုးကန့်ယဉ်ကျေးမှုအဖွဲ့ကိုအခြေခံကာ ၁၉၈၉ တွင် ပါတီတည်ထောင်ခဲ့ပြီး ၁၉၉၀ ရွေးကောက်ပွဲ ဝင်ရောက်ယှဉ်ပြိုင်ခဲ့။ ၁၉၉၃ မှ ၂၀၀၇ အထိ အမျိုးသားညီလာခံတွင် ကိုယ်စားလှယ်ငါးဦးတက်ရောက်ခဲ့။ ၂၀၁၀ တွင်ပါတီကို ပြန်လည်မှတ်ပုံတင်ခဲ့။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။
ကျွန်တော်တို့က လူမျိုးစုပါတီဖြစ်တယ်။ ပေါ်လစီတစ်ခုကို ထိန်းကျောင်းနိုင်စွမ်းမရှိဘူး။ ဆင်းရဲနွမ်းပါးမှု လျှော့ချရေးဆိုတဲ့နိုင်ငံတော်အစီအစဉ်တွေကလည်းအောင်မြင်တာရှိ သလို မအောင်မြင်တဲ့အပိုင်းတွေလည်း အများကြီးရှိတယ်။ ဘာဖြစ်ဖြစ် ကျွန်တော်တို့က အကြံပေးမယ်၊ ဒါကို လက်တွေ့ကျကျ အပြုသဘောဆောင်ပြီး အကြံပေးနိုင်တဲ့အခြေအနေမှာပဲရှိတယ်။

ပြည်သူတွေက ကိုးကန့်ဒီမိုကရေစီနှင့် ညီညွတ်ရေးပါတီကို ဘာကြောင့် မဲပေးသင့်သလဲ။
ကျွန်တော်တို့ရဲ့အခြေအနေကို ကျွန်တော်တို့လူမျိုးစုကနေပြီးတော့ တင်ပြမယ်။ပြောဆိုမယ်။ ထုတ်ဖော်မယ်ဆိုရင် ပိုပြီးလက်တွေ့ကျမယ်။ နီးစပ်မှုရှိမယ်ပေါ့။ ဒါကြောင့် ကိုးကန့်တိုင်းရင်းသားများ၊ ညီနောင်တိုင်းရင်းသားများ အနေနဲ့ ကျွန်တော်တို့ပါတီရဲ့လုပ်ဆောင်ချက်တွေနဲ့ ရပ်တည်ချက်သဘောထားတွေကို အခြေခံပြီး ကျွန်တော်တို့က လူမျိုးမရွေး၊ ဘာသာမရွေးတိုင်းရင်းသားမခွဲခြားဘဲ ဒေသဖွံ့ဖြိုးရေးကို အဓိကတတ်စွမ်းသလောက်
ဆောင်ရွက်နေတာဖြစ်တဲ့အတွက် ကျွန်တော်တို့ မဲဆန္ဒနယ်မှာ ကျွန်တော်တို့ကို မဲထည့်သင့်ပါတယ်။


ခမီအမျိုးသားဖွံ့ဖြိုးတိုးတက်ရေးပါတီ

၁။ ဥက္ကဋ္ဌ - ဦးစိန်လှကျော်
၂။ မဲဆန္ဒနယ် -  ရခိုင်ပြည်နယ်ရှိ မြို့နယ်လေးမြို့နယ်တွင် ငါးနေရာဝင်ရောက်ယှဉ်ပြိုင်မည်။၃။ ပါတီမူဝါဒ - (၁)ကမ္ဘာ့အလယ်၌ ပြည်ထောင်စုသမ္မတမြန်မာနိုင်ငံတော်အဖြစ် ထာဝရ ခိုင်မာစွာရပ်တည်ရေးအတွက် ပြည်ထောင်စုဖွားတိုင်းရင်းသားအားလုံးပူးပေါင်းဆောင်ရွက်ရန်၊ (၂) စည်းကမ်းပြည့်ဝသော ပါတီစုံဒီမိုကရေစီစနစ်၊ ဖက်ဒရယ်ပြည်ထောင်စုစနစ် ပီပြင်စွာဖော်ဆောင်ရာ၌ တိုင်းရင်းသားအချင်းချင်း လက်တွဲဆောင်ရွက်ရန်၊ (၃) ခမီမျိုးနွယ်စုတို့၏ ကာယ၊ ဉာဏ၊ စာရိတ္တဖွံ့ဖြိုးတိုးတက်ရေးကို အားသွန်ခွန်စိုက်ဆောင်ရွက်ပြီး အခြားသောမျိုးနွယ်စုများ၏ ဘက်စုံဖွံ့ဖြိုးတိုးတက်ရေးကိုလည်း အားပေးကူညီသွားရန်၊ (၄) မိမိတို့၏ ဓလေ့ထုံးစံရိုးရာယဉ်ကျေးမှုနှင့် အမျိုးသားရေးလက္ခဏာများ မပျောက်ပျက်အောင် ထိန်းသိမ်းစောင့်ရှောက်ပြီး ခေတ်နှင့်လျော်ညီစွာ တီထွင်လေ့ကျင့်ပြုစု ပျိုးထောင်မှုများဆောင်ရွက်သွားရန်တို့ဖြစ်ပါသည်။
၎။ ပါတီနောက်ခံသမိုင်း-  လူမျိုးနာမည်ရှုပ်ထွေးအောင် အမျိုးမျိုးကြံစည်ဖန်တီးနေကြသူ လူတချို့ကြောင့် ခမီတိုင်းရင်းသားမျိုး နွယ်စုများအနေဖြင့် နိုင်ငံတော်၏ဖွဲ့စည်းပုံအခြေခံဥပဒေနှင့်အညီ မိမိတို့လူမျိုးစုများ၏ အားနည်းနေသောလူနေမှုဘဝအဝဝတို့ကို အခြားသောပြည်ထောင်စုဖွား တိုင်းရင်းသားများနဲ့အတူ တစ်ပြေးညီဖွံ့ဖြိုးလာစေရန်ရည်ရွယ်ပြီး ခမီအမျိုးသားဖွံ့ဖြိုးတိုးတက်ရေးပါတီကို ပါတီမှတ်ပုံတင်အမှတ် (၃၇)ဖြင့် တရားဝင်ရပ်တည်လျက်ရှိသော အမျိုးသားနိုင်ငံရေးပါတီတစ်ရပ်ဖြစ်ပါသည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။
ပြည်သူတွေ ဝင်ငွေ၊ ထွက်ငွေညီမျှမှုနှင့်ပတ်သက်ပြီး ကျွန်တော်တို့ပါတီက ဒေသအခြေပြုမျိုးနွယ်စုဖြစ်တဲ့အတွက် တစ်နိုင်ငံလုံးပြည်သူများ အရေးကိုမပြောနိုင်ငြားသော်လည်း မိမိတို့မျိုးနွယ်စုကိုယ်တိုင်က ကျေးလက်နေ ဆင်းရဲနွမ်းပါးတဲ့အတွက် ပါတီရဲ့ဖွဲ့စည်းပုံမူဝါဒက ကျေးလက်နေလူမှုဘဝဖွံ့ဖြိုးတိုးတက်ရေးကို ဆောင်ရွက်မည့်အပိုင်းဖြစ်ပါသည်။

ပြည်သူတွေက ခမီအမျိုးသားဖွံ့ဖြိုးတိုးတက်ရေးပါတီကို ဘာကြောင့် မဲပေးသင့်သလဲ။
မိမိတို့ လူမျိုးတွေလည်း လူနေမှုချွတ်ခြုံကျနေတဲ့ဘဝတွေကို လွှတ်တော်ထဲရောက်မှ တခြားတိုင်းရင်းသားခေါင်းဆောင်တွေရဲ့ အကြံဉာဏ်ကိုရယူပြီး တရားဝင်ဆွေးနွေးနိုင်မှာမို့လို့ မိမိပါတီရဲ့ ကိုယ်စားလှယ်လောင်းတွေကို မဲပေးကြဖို့ဖြစ်ပါသည်။


ခူမီး(ခမီး)အမျိုးသားပါတီ

၁။ ဥက္ကဋ္ဌ - ဦးကျော်ထွန်း။
၂။ မဲဆန္ဒနယ် - ချင်းပြည်နယ် ပလက်ဝမြို့တွင် ကိုယ်စားလှယ်လောင်းငါးဦး ၀င်ရောက်ယှဉ်ပြိုင်မည်။
၃။ ပါတီမူဝါဒ - ခူမီးတိုင်းရင်းသား ကိုယ်ပိုင်အုပ်ချုပ်ခွင့်ရရှိရေး၊ ဖက်ဒရယ်ပြည်ထောင်စု ထူထောင်ရေး၊ ပလက်ဝဒေသရှိ တိုင်းရင်းသားလူမျိုးစုငယ်များ ကိုယ်ပိုင်အုပ်ချုပ်ခွင့်ရရှိစေရေး၊ စစ်မှန်သည့် ဒီမိုကရေစီစနစ်အတွက် အခြားတိုင်းရင်းသားများနှင့် ပူးပေါင်းမည်။
၎။ ပါတီနောက်ခံသမိုင်း - ပါတီကို ၂၀၁၄ ဇူလိုင်အတွင်းက စတင်ဖွဲ့စည်းခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။
ဝင်ငွေထွက်ငွေမျှတဖို့ နိုင်ငံတော်ဘတ်ဂျက်အကောင်းဆုံး တောင့် တင်းနေဖို့လိုတယ်။ အဲဒါဆောင်ရွက်ရမယ်။ ပြီးတော့ ပြည်သူတွေရဲ့အဓိကစီးပွားရေးဖြစ်တဲ့ စိုက်ပျိုးရေးကဏ္ဍ၊ စက်မှုကဏ္ဍတွေမှာ နိုင်ငံတော်က
ထောက်ပံ့ပံ့ပိုးမှုတွေ လုပ်ပေးရမယ်။ စိုက်ပျိုးရေးချေးငွေထုတ်ပေးရမယ်။ လမ်း၊ မီးနဲ့ အခြေခံအဆောက်အအုံတွေ တည်ဆောက်ပေးရမယ်။ နည်းပညာအကူအညီတွေပေးရမယ်။ အဲဒါဆိုရင် စီးပွားရေး ချောင်လည်ပြီး
ပြည်သူတွေ ၀င်ငွေပိုမိုကောင်းမွန်လာစေမှာ ဖြစ်ပါတယ်။

ပြည်သူတွေက ခူမီးအမျိုးသားပါတီကို ဘာကြောင့် မဲပေးသင့်သလဲ။
မဲပေးသင့်တာက အဓိကက ကျွန်တော်တို့က တိုင်းရင်းသားအခွင့်အရေး တောင်းဆိုသွားမှာဖြစ်တယ်။ ခူမီးတိုင်းရင်းသားတွေက နိုင်ငံရေး လုပ်ပိုင်ခွင့်ဝေးနေတယ်။ နယ်စပ်ဒေသဖြစ်ပြီး ဖွံ့ဖြိုးမှုနည်းတော့ အမေ့လျော့ခံ
ဖြစ်နေတယ်။ အဆင်းရဲဆုံးဖြစ်နေတဲ့ ဒီဒေသတွေကို ဖွံ့ဖြိုးမှုဆောင်ရွက်သွားနိုင်မှာဖြစ်ပြီး ကိုယ်ပိုင်အုပ်ချုပ်ခွင့်အတွက် ကြိုးစားသွားမှာဖြစ်လို့ မဲပေးသင့်တာပါ။


ချင်းတိုးတက်ရေးပါတီ

၁။ ဥက္ကဋ္ဌ - ဦးနိုထန်ကပ်
၂။ မဲဆန္ဒနယ် - ချင်းပြည်နယ်တွင် ကိုးမြို့နယ်နှင့် စစ်ကိုင်းတိုင်းတွင် နှစ်မြို့နယ် ၀င်ရောက်ယှဉ်ပြိုင်မည်။
၃။ ပါတီမူဝါဒ  -  အခြားပါတီနှင့် ပတ်သက်လာပါက အပြုသဘောဆောင်ကာ ပဋိပက္ခများကိုညှိနှိုင်းမှုများပြုလုပ်သွားမည်။ ချင်းတိုးတက်ရေးပါတီသည် ရုပ်ပိုင်းဆိုင်ရာ တိုးတက်ရေးသက်သက် မဟုတ်ဘဲ အသိပညာပိုင်းဆိုင်ရာ တိုးတက်မှုကို ဦးစားပေးဆောင်ရွက်သွားမည်။
၎။ ပါတီနောက်ခံသမိုင်း  -  ၂၀၁၀ ပြည့်နှစ်တွင် ပါတီထောင်ပြီး ရွေးကောက်ပွဲတွင် ၀င်ရောက်ယှဉ်ပြိုင်ခဲ့သည်။ ယင်းရွေးကောက်ပွဲတွင် ချင်းပြည်နယ်၌ ၁၂ နေရာအနိုင်ရခဲ့သည်။ ချင်းတိုးတက်ရေးပါတီသည် ချင်းပါတီများထဲတွင် အင်အားအကြီးဆုံးဖြစ်လာခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။
အန်ကယ်တို့က ချင်းတိုင်းရင်းသားတွေကို အာရုံစိုက်ထားတဲ့အခါကျတော့ အထူးသဖြင့် အိမ်ထောင်တိုင်း၊ ရွာတိုင်းမှာရှိတဲ့ ချင်းတိုင်းရင်းသားတွေရဲ့ တစ်ဦးချင်းဝင်ငွေတိုးတက်ဖို့က လက်ရှိထက် သုံးလေးငါး ဆလောက်တိုးတက်ဖို့ စီစဉ်နေပါတယ်။

ပြည်သူတွေက ချင်းတိုးတက်ရေးပါတီကို ဘာကြောင့် မဲပေးသင့်သလဲ။
အန်ကယ်တို့ပါတီက လွှတ်တော်ထဲသွားပြီး အလကားထိုင် နေတာ မဟုတ်ဘူး။ ပြည်သူတွေရဲ့ လိုအပ်ချက်တွေကို သွားတောင်းဆို နေတာ။ ဒါကြောင့် အန်ကယ်တို့ပါတီကို မဲပေးသင့်တယ်လို့ ထင်ပါတယ်။


ချင်းဒီမိုကရေစီအဖွဲ့ချုပ်ပါတီ

၁။ ဥက္ကဋ္ဌ - ဦးငိုင်ဆော့ခ်
၂။ မဲဆန္ဒနယ် - မြို့နယ် ၁၂ မြို့နယ်၊ မဲဆန္ဒနယ် ၂၅ နေရာ
၃။ ပါတီမူဝါဒ - တန်းတူညီမျှသည့် ဖက်ဒရယ်ပြည်ထောင်စုစနစ်တည်ဆောက်ရေး ကိုယ်ပိုင်ပြဋ္ဌာန်းခွင့်ရရှိရေး
၎။ ပါတီနောက်ခံသမိုင်း - ၂၀၁၄ ဇူလိုင် ၁၄ ရက်တွင် ပါတီမှတ်ပုံတင်ခဲ့သည်။ ပါတီသက်တမ်းအားဖြင့် တစ်နှစ်သာရှိသေးသည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။
လက်ရှိအစိုးရက အသုံးစရိတ်ကများနေတယ်။ အဝင်ကမရှိဘူး။ စက်မှုထုတ်ကုန်ကမရှိတော့ ဝင်ငွေကမရှိဘူး။ နိုင်ငံတွင်းမှာ ထုတ်လုပ် မှုပိုင်းမှမရှိတာ။ အစိုးရအဆက်ဆက် နာမည်ကောင်းရရုံပဲ ဆေးမြီးတို ဖြေရှင်းတဲ့ နည်းလမ်းတွေနဲ့ပဲလုပ်ကြတာကိုး။ အထူးသဖြင့် ထုတ်ကုန်ပိုင်းတွေကို မလုပ်ခင်မှာ အပြည်ပြည်ဆိုင်ရာရင်းနှီးမြှုပ်နှံမှုတွေကို လက်ခံလာအောင် ကျွန်တော်တို့လုပ်ရမယ်။ နိုင်ငံခြားရင်းနှီးမြှုပ်နှံမှုနဲ့မှ ကျွန်တော်တို့ရဲ့ လုပ်အားရယ်၊ နိုင်ငံခြားနည်းပညာရယ် ပူးပေါင်းပြီးလုပ်ရမယ်။ သူတို့ဆီက လက်တွေ့သင်ယူလို့ရမယ့် အင်ဂျင်နီယာတွေ ပေါ်ပေါက်အောင်မွေးထုတ်ပေးရမယ်။ အခုကိုယ့်လူတွေက စာတွေ့ပဲရလာ ပြီးတော့ နိုင်ငံခြားမှာ ပညာသွားသင်ပြီး မြန်မာပြည်ပြန်လာတဲ့အခါ ဘာမှမလုပ်တတ်တဲ့ သူအများကြီးပဲ။ ဒါတွေကို ကျွန်တော်တို့ ဖန်တီးပေး ရလိမ့်မယ်။ မြန်မာနိုင်ငံရဲ့ လူဦးရေက သန်း ၅၀ ကျော်ပဲရှိတာပါ။ ဒီလောက်လူအရေအတွက်က ထွက်ငွေ၊ဝင်ငွေမျှတအောင်လုပ်ဖို့တော့ မခက်ပါဘူး။ တကယ်တော့ ပေါ်လစီကောင်းဖို့ပဲလိုပါတယ်။

ပြည်သူတွေက ချင်းဒီမိုကရေစီအဖွဲ့ချုပ်ပါတီကို ဘာကြောင့် မဲပေးသင့်သလဲ။
တန်းတူညီမျှရေး၊ ဖက်ဒရယ်စနစ်တည်ဆောက်ရေးပဲ။ အထူးသဖြင့်တော့ ကိုယ်ပိုင်ပြဋ္ဌာန်းခွင့်ပဲ။ ကျွန်တော်တို့ပါတီကိုမဲပေးကြမယ့် ပြည်သူတွေကလည်း ကျွန်တော်တို့ပါတီရဲ့ ဆောင်ပုဒ်အတိုင်းပဲ ပေးကြမှာပါ။



ချင်းအမျိုးသားဒီမိုကရက်တစ်ပါတီ

၁။ ဥက္ကဋ္ဌ - ဦးဇိုဇမ်(ခ) ဇမ်ကျင်ပေါင်
၂။ မဲဆန္ဒနယ်- ချင်းပြည်နယ်၊ ရခိုင်၊ စစ်ကိုင်းနှင့် မကွေးတိုင်းဒေသကြီးတွင် မြို့နယ် ၃၀၌ ကိုယ်စားလှယ်ပေါင်း ၅၅ နေရာ ၀င်ရောက်ယှဉ် ပြိုင်မည်။
၃။ ပါတီမူဝါဒ -
၎။ ပါတီနောက်ခံသမိုင်း - ၂၀၀၈ မှ စတင်၍ ပါတီတည်ထောင်ရန် စီစဉ်ခဲ့ပြီး ၂၀၁၀ မတ်လ ၂၇ ရက်တွင်ပါတီကို စတင်တည်ထောင်ခဲ့သည်။ ၂၀၁၀ ရွေးကောက်ပွဲတွင် ၀င်ရောက်ယှဉ်ပြိုင်ခဲ့ပြီး ၁၃ နေရာ ရွေးကောက်ခံခဲ့ရသည်။

ပါတီအတွင်းအရေးမှူး ဆလိုင်းကျဲအိုဘိခ်နှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။
ဝင်ငွေထွက်ငွေမျှဖို့ထက် ဒေသဖွံ့ဖြိုးရေးလုပ်ချင်ပါတယ်။ ညီနောင်တိုင်းရင်းသားများပါတီက ဒုသမ္မတတင်နိုင်ရင်တော့ အများကြီး လုပ်နိုင်မယ်။ ဖွံ့ဖြိုးရေးမှာလည်း ရေရှည်ခံတဲ့ ဖွံ့ဖြိုးရေးကို လုပ်ချင်ပါတယ်။ (ပါတီဥက္ကဋ္ဌဦးဇိုဇမ်က ဖြေကြားပါသည်)

ပြည်သူတွေက ချင်းအမျိုးသားဒီမိုကရက်တစ်ပါတီကို ဘာကြောင့် မဲပေးသင့်သလဲ။
ချင်းတွေက နှစ်ပေါင်း ၄၀၀၊ ၅၀၀ လောက်ကတည်းက ရပ်တည်လာတာ။ အခု ချင်းလူမျိုးတွေ တိမ်ကောလာတာကို နိုးထဖို့၊ လူမျိုးပြန်လည်ထူထောင်ဖို့ ကိုယ့်လူမျိုးကာကွယ်ဖို့ မူဝါဒတွေကို ကိုယ့်လူမျိုးက မူချရမယ်။ ချင်းလူမျိုးရှိနေတဲ့ ကာလပတ်လုံး ချင်းပါတီရှိရမယ်။ ပထမဦးဆုံးလိုချင်တာ ကိုယ့်လူမျိုးနိုင်ငံရေးအင်အားစုကို စုရမယ်။ ပြီးရင်နိုင်ငံရေးအင်အားတည်ဆောက်ရမယ်။ ပြီးရင် ဗမာတွေနဲ့ တန်းတူနိုင်ငံရေးစားပွဲဝိုင်းလုပ်နိုင်ရမယ်။ တိုင်းရင်းသားတိုင်းမှာ ဒီဗျူဟာပဲရှိတယ်။ နှစ် ၆၀ ကြာလည်းဒီမူဝါဒပဲရှိတယ်။


ခေတ်သစ်ပြည်ထောင်စုပါတီ

၁။ ဥက္ကဋ္ဌ - ဦးအောင်သန်း
၂။ မဲဆန္ဒနယ် - ရန်ကုန်တိုင်းဒေသကြီး ပန်းဘဲတန်းမြို့နယ်
၃။ ပါတီမူဝါဒ - မေတ္တာဝါဒကို ယုံကြည်စွဲကိုင်ထား။
၎။ ပါတီနောက်ခံသမိုင်း - ၁၉၆၂ ခုနှစ် အာဏာမသိမ်းမီတွင် ဦးနု၏ ပြည်ထောင်စုပါတီ (ပထစ)ကို အခြေခံယူပြီး ယင်းပါတီမူဝါဒများဖြင့် ခေတ်သစ်ပြည်ထောင်စုပါတီကို ဆက်လက်ကျင့်သုံးသွားမည်။ ၂၀၁၅ ဇူလိုင် ၃၀ ရက်တွင် ခေတ်သစ်ပြည်ထောင်စုပါတီအမည်ဖြင့် မှတ်ပုံတင်ခွင့်ရရှိခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။
စဉ်းစားထားပါတယ်။ အဲဒါက ဘာလဲဆိုတော့ စီးပွားရေးစနစ်ကို ပြင်ဖို့လိုအပ်တယ်။ လက်ရှိကျင့်သုံးနေတဲ့ စီးပွားရေးစနစ်ကို နာမည်တော့ရှိတယ်။ Market Economy ဆိုတာ။ ဒါပေမဲ့ တကယ်လက်တွေ့ လုပ်ဆောင်နေတာကျတော့ ပီပီပြင်ပြင်မဖြစ်လာသေးတာကို အန်ကယ်တို့တွေ့ရတယ်။ နောက်တစ်ခုက လက်ရှိစီးပွားရးစနစ်မှာ ဖြစ်ပေါ်နေတဲ့ပြဿနာတွေရှိတယ်။ နိုင်ငံခြားငွေကြေးတွေနဲ့ပတ်သက်လို့ အန်ကယ်တို့ မြန်မာနိုင်ငံရဲ့
ငွေနဲ့ တန်ဖိုးအများကြီးကွာဟချက်ကို အနည်းဆုံးကွာဟချက်ဖြစ်အောင် ဆောင်ရွက်မယ်။ အဲဒါမှ မြန်မာနိုင်ငံရဲ့ သုံးနေတဲ့ငွေကြေးက တန်ဖိုးရှိလာမယ်။ အဲဒီကမှ ပြည်သူတွေဟာ စားဝတ်နေရေးအခြေအနေတွေ အဆင်ပြေ လာတာဖြစ်လာမယ်။ အဲဒါတွေကို  လွှတ်တော်ထဲရောက်တာနဲ့ အရေးတကြီးဆောင်ရွက်မယ့်ကိစ္စဖြစ်တယ်။

ပြည်သူတွေက ခေတ်သစ်ပြည်ထောင်စုပါတီကို ဘာကြောင့် မဲပေးသင့်သလဲ။
အန်ကယ်ကိုယ်တိုင်က ခေတ်သစ်ပြည်ထောင်စုပါတီရဲ့ ဥက္ကဋ္ဌဖြစ်သလို ဗဟိုတရားရုံးရှေ့နေဖြစ်တယ်။ လွှတ်တော်ထဲမှာ ဥပဒေရေးရာ ကို အကျွမ်းတ၀င်ဖြစ်တဲ့သူတွေများများ လွှတ်တော်ထဲရောက်လာလို့ရှိ ရင် လွှတ်တော်ဟာ ပြည်သူတွေအတွက် ဥပဒေပြဋ္ဌာန်းရေးမှာ အင်မတန်နက်နက်နဲနဲ ပါဝင်ဆောင်ရွက်နိုင်တယ်။ ဥပဒေရှိလျက်နဲ့ အကျိုးမသက်ရောက်တဲ့ ဥပဒေတွေကိုလည်း အန်ကယ်တို့က အသက်ဝင်အောင်လုပ်မယ်။


ခေတ်သစ်ပြည်သူ့ပါတီ

၁။ ဥက္ကဋ္ဌ - ဦးထွန်းအောင်ကျော်
၂။ မဲဆန္ဒနယ် - ပြည်သူ ၇ နေရာနှင့် တိုင်း/ပြည်နယ် ၁၈ နေရာ စုစုပေါင်း ၂၅ နေရာယှဉ်ပြိုင်မည်။
၃။ ပါတီမူဝါဒ - ဒီမိုကရေစီရေး၊ ငြိမ်းချမ်းရေး၊ ပြည်သူများ၏ စီးပွားရေးဘ၀ဖွံ့ဖြိုးတိုးတက်ရေးအစရှိသည့် သုံးလွန်းတင်ဒီမိုကရေစီထူထောင်ရေးလမ်းစဉ်။
၎။ ပါတီနောက်ခံသမိုင်း - ၁၉၉၀အထွေထွေရွေးကောက် ပွဲတွင် သခင်စိုးနာယကအဖြစ်ပါဝင်သည့် ညီညွတ်ရေးနှင့် ဖွံ့ဖြိုးတိုးတက်ရေးပါတီအမည်ဖြင့် ၁၀ နေရာဝင်ရောက်ယှဉ်ပြိုင်ခဲ့ကာ ရှုံးနိမ့်ခဲ့သည်။ ၂၀၁၀ပြည့်နှစ်တွင် ပါတီတည်ထောင်ခွင့်ရ၍ ခေတ်သစ်ပြည်သူ့ပါတီအဖြစ် ဖွဲ့စည်းတည်ထောင်ခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ဒီမိုကရေစီမှာ ဦးတည်ချက် သုံးရပ်ရှိတယ်။ လူတွေရဲ့ လွတ်လပ်မှုပြည့်ဝရမယ်။ တန်းတူညီမျှရှိရမယ်။ အများဆန္ဒ၊ ပြည်သူ့ဆန္ဒနဲ့ အုပ်ချုပ်ရမယ်။ ဒီဦးတည်ချက် သုံးရပ်အောင်မြင်ဖို့ အများဆန္ဒနဲ့ဆုံးဖြတ်ရမယ်။ အများဆန္ဒနဲ့ ဆုံးဖြတ်တာကြောင့် ပြည်သူတွေ အသိဉာဏ်အဆင့်အတန်းမြင်ဖို့လိုအပ်တယ်။ အသိဉာဏ်မြင့်မားဖို့ လူနေမှုအဆင့်အတန်းမြင့်ဖို့ လည်းလိုတယ်။ လူနေမှုအဆင့်အတန်းမြင့်ဖို့ စီးပွားရေးကုန်ထုတ် စွမ်းအားစုတိုးတက်ဖို့လိုတယ်။ ဒီသုံးရပ်နဲ့ ထူထောင်မှ ဒီမိုကရေစီဖြစ်မယ်လို့ ဦးတို့ယုံကြည်တယ်။

ပြည်သူတွေက ခေတ်သစ်ပြည်သူ့ပါတီကို ဘာကြောင့် မဲပေးသင့်သလဲ။
ဦးတို့ ပါတီကို မဲပေးသင့်တဲ့ အချက်လေးချက်ရှိတယ်။ တစ်က ဦးတို့ပါတီက နိုင်ငံရေးအတွေ့အကြုံအစဉ်အလာရှိတာကြောင့် ဆင်ခြင်တုံတရားမှာ အားကောင်းနိုင်တယ်။အမှား၊အမှန်အတွေ့အကြုံရှိတယ်။ နံပါတ်နှစ်ကဒီမိုကရေစီနိုင်ငံကိုဘယ်လိုထူထောင်မလဲဆိုတဲ့ မူဝါဒမှာ သုံးလွန်းတင်ဒီမိုကရေစီထူထောင်ရေးကို ချမှတ်ထားတယ်။ နံပါတ်သုံးကတိုင်းရင်းသားလုပ်ငန်းရှင်တွေ ဖွံ့ဖြိုးတိုးတက်ရေးမူဝါဒကို ချထားတယ်။ နံပါတ်လေးက အစိုးရသည် ပြည်သူရဲ့ အရှင်သခင် မဟုတ်စေရဘူး။ ပြည်သူရဲ့အစေခံသာဖြစ်ရမယ်ဆိုတဲ့ခံယူချက်။ ဒီလေးချက်ကြောင့် မဲပေးသင့်ပါတယ်။


စေ့စပ်ညှိနှိုင်းရေးနှင့် တည်ငြိမ်အေးချမ်းရေးပါတီ

၁။ ဥက္ကဋ္ဌ - ဦးမျိုးမင်းထွန်း။
၂။ မဲဆန္ဒနယ် - သုံးနေရာ။
၃။ ပါတီနောက်ခံသမိုင်း - ပြည်ထောင်စုရွေးကောက်ပွဲကော်မရှင်က ၂၀၁၅ ဇူလိုင် ၂၃ ရက်တွင် မှတ်ပုံတင်ခွင့်ပြုခဲ့သည်။ စေ့စပ်ညှိနှိုင်းရေးနှင့်တည်ငြိမ်အေးချမ်းရေးပါတီသို့

  ဆက်သွယ်မေးမြန်း၍မရသောကြောင့် ဖော်ပြနိုင်ခြင်းမရှိပါ။



စည်းလုံးညီညွတ်ရေးနှင့် ဒီမိုကရေစီပါတီ(ကချင်ပြည်နယ်)

၁။ ဥက္ကဋ္ဌ - ဦးခက်ထိန်နန်
၂။ မဲဆန္ဒနယ် - ၀ိုင်းမော်၊ မိုးမောက်၊ ဗန်းမော်၊ ဖားကန့်စသည့် ကချင်ပြည်နယ်ရှိ မြို့ရှစ်မြို့တွင် ၀င်ရောက်ယှဉ်ပြိုင်မည်။
၃။ ပါတီမူဝါဒ - ပြည်နယ်အတွက် ပါတီတည်ထောင်ခြင်းဖြစ်သည်။ ပြည်နယ်၏ တိုးတက်ရေး၊ ပြည်နယ်၏ အခွင့်အရေးများကို ရှေးရှုပြီး ဆောင်ရွက်မည်။ ပြည်နယ်၏ ပညာရေး၊ ကျန်းမာရေး၊ လမ်းပန်းဆက်သွယ်ရေးစသည့် ပြည်သူများ၏ အခွင့်အရေးများကို လုပ်ဆောင်ပေးရမည်။
၎။ ပါတီနောက်ခံသမိုင်း - စည်းလုံးညီညွတ်ရေးနှင့် ဒီမိုကရေစီပါတီ(ကချင်ပြည်နယ်)ကို ၂၀၁၀ တွင် စတင်တည်ထောင်ခဲ့ပြီး ယင်းနှစ်တွင် ပါတီမှတ်ပုံတင်ရရှိခဲ့သည်။ ရွေးကောက်ပွဲနီးလာသည့် အချိန်တွင် ပါတီဝင်များတိုင်ပင်ကာ ပြည်နယ်ကို ကိုယ်စားပြုသည့်တိုင်းရင်းသားပေါင်းစုံ၊ ဘာသာပေါင်းစုံပါဝင်သည့် အဖွဲ့အစည်းများတည်ထောင်ထားသည်။
ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။
ပြည်သူတွေရဲ့ဝင်ငွေ/ထွက်ငွေမျှတအောင် ကူညီပေးဖို့ကြိုးစားနေပါတယ်။ဒီကိစ္စကလည်း တစ်ယောက်တည်း၊ တစ်ဖွဲ့တည်းအလုံးစုံအကောင်အထည်ဖော်လို့ရတာမဟုတ်ပါဘူး။ အားလုံးပါဝင်ဆွေးနွေးပြီး ကြိုးစားလုပ်ဆောင်သွားမှရပါမယ်။

ပြည်သူတွေက စည်းလုံးညီညွတ်ရေးနှင့် ဒီမိုကရေစီပါတီကို ဘာကြောင့် မဲပေးသင့်သလဲ။
အန်ကယ်တို့ပါတီက ပြည်သူတွေနဲ့ ရင်းရင်းနှီးနှီးတွေ့ဆုံခဲ့ကြ တယ်။ ပါတီတည်ထောင်စဉ်ကတည်းက ပြည်နယ်ကိုယ်စားပြုတည် ထောင်ခဲ့တဲ့အတွက် ပြည်သူတွေရဲ့ အကျိုးအတွက် လုပ်ဆောင်ပေးမယ်လို့ သန္နိဋ္ဌာန်ချမှတ်ထားပါတယ်။ ပြည်နယ်ရဲ့ ယဉ်ကျေးမှု၊ ပညာရေး၊ ဘာသာရေး၊ ကျန်းမာရေးတွေအတွက်လည်း လုပ်ဆောင်ပေးခဲ့တယ်။ ဒါကြောင့် ပြည်သူတွေက အန်ကယ်တို့ပါတီကို မဲပေးသင့်တယ်လို့ ထင်ပါတယ်။


စည်းလုံးညီညွတ်သော ကရင်အမျိုးသားဒီမိုကရက်တစ်ပါတီ[KUDP]

၁။ ဥက္ကဋ္ဌ - ဦးဝင်းမြင့်ကျော်
၂။ မဲဆန္ဒနယ် - ကရင်ပြည်နယ်မှ မဲဆန္ဒနယ် အမှတ်(၁)နှင့် အမှတ် (၂) တွင် ၀င်ရောက်ယှဉ်ပြိုင်မည်ဖြစ်ပြီး အမျိုးသားလွှတ်တော်နှင့် ပြည်နယ်လွှတ်တော်တို့တွင်လည်း ၀င်ရောက် ယှဉ်ပြိုင်မည်ဖြစ်သည်။
၃။ ပါတီမူဝါဒ - နိုင်ငံသားတိုင်း၊ တိုင်းရင်းသားလူမျိုးများ တန်းတူညီမျှသော အခွင့်အရေးများရရှိစေရန် တိုင်းရင်းသားဒေသများ၏ ပညာရေး၊ စီးပွားရေး၊ အလုပ်သမား၊ လယ်သမားတို့၏ ပြဿနာများကို အဓိကထားဆောင်ရွက်သွားမည်။
၎။ ပါတီနောက်ခံသမိုင်း - ပြည်သူလူထုအကျိုးကို ဖြည့်ဆည်းဆောင်ရွက်ပေးရန်နှင့် ပြည်သူများဘက်က ရပ်တည်ပေးရန် ရည်ရွယ်ပြီး စည်းလုံးညီညွတ်သော ကရင်အမျိုးသားဒီမိုကရက်တစ်ပါတီကို ၂၀၁၅ တွင် စတင်ဖွဲ့စည်းခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

အန်ကယ်တို့ပါတီအနေနဲ့ နောက်ပိုင်းအောင်နိုင်ရေး စည်းရုံးရေးဆင်းပြီးသွားရင် ပြည်သူတွေရဲ့ ၀င်ငွေ၊ ထွက်ငွေမျှတမှုရှိအောင် အစီအစဉ်တွေရေးဆွဲပြီး လုပ်ဆောင်သွားဖို့ရှိပါတယ်။ အခုဟာက ကုန်ဈေးနှုန်းက တက်လာတော့ အခြေခံပြည်သူတွေရဲ့ ၀င်ငွေ၊ ထွက်ငွေမျှတဖို့အတွက် အဓိကထားလုပ်ဆောင်သွားမယ်။

ပြည်သူတွေက စည်းလုံးညီညွတ်သော ကရင်အမျိုးသား ဒီမိုကရက်တစ် ပါတီကိုဘာကြောင့်မဲပေးသင့်သလဲ။
အန်ကယ်တို့က ကျေးရွာ၊ ပြည်နယ်အလိုက် ကျေးရွာလူတန်းစားတွေရဲ့ ဘ၀ဖြစ်ရပ်မှန်ကိုသိထားတော့ သူတို့ရဲ့ဖြစ်စဉ်အပေါ်မှာအခြေခံပြီး ဖြည့်ဆည်းဆောင်ရွက်ပေးတယ်။ ပြည်သူတွေကလည်း ထောက်ခံကြတယ်။ တိုင်းရင်းသားဒေသခံတွေရဲ့ အကျိုးကို အဓိကထားလုပ်ဆောင်ပေးဖို့ ရည်ရွယ်လုပ်ဆောင်တဲ့အတွက် အန်ကယ်တို့ပါတီကို မဲပေးကြမှာပါ။


ဇိုတိုင်းရင်းသားဒေသဖွံ့ဖြိုးရေးပါတီ

၁။ ဥက္ကဋ္ဌ - ဦးခမ်အင်ထန်း။
၂။ မဲဆန္ဒနယ် - ချင်းပြည်နယ်နှင့် စစ်ကိုင်းတိုင်းတွင် ခြောက်နေရာယှဉ်ပြိုင်မည်။
၃။ ပါတီမူဝါဒ - ချင်းပြည်နယ်အတွင်း နေထိုင်သော တိုင်းရင်းသားအားလုံး၏ လူနေမှုဘဝ မြှင့်တင်ရေး၊ ပြည်သူလူထု၏ အခြေခံရပိုင်ခွင့်နှင့် လူ့အခွင့်အရေးဆိုင်ရာ အကာအကွယ်များ အပြည့်အဝခံစားရရှိနိုင်ရေး။
၎။ ပါတီနောက်ခံသမိုင်း - ဇိုလူမျိုးစုများအနေဖြင့် အခြားတိုင်းရင်းသားများနှင့်အတူ အနာ ဂတ်ဒီမိုကရေစီနိုင်ငံတော်တည်ဆောက်ရေးတွင် အတူတကွလက်တွဲပြီး မိမိဒေသဖွံ့ဖြိုး တိုးတက်ရေးအတွက် ပါတီတည်ထောင်ခဲ့ခြင်းဖြစ်ပြီး ပြည်ထောင်စုရွေးကောက်ပွဲကော်မရှင်က ၂၀၁၅ ဇူလိုင် ၉ ရက်တွင် မှတ်ပုံတင်ခွင့်ပြုခဲ့သည်။

ဇိုတိုင်းရင်းသားဒေသဖွံ့ဖြိုးရေးပါတီသို့ ဆက်သွယ်မေးမြန်း၍မရသောကြောင့် ဖော်ပြနိုင်ခြင်းမရှိပါ။


ဇိုမီးဒီမိုကရေစီအဖွဲ့ချုပ် [ZCD]

၁။ ဥက္ကဋ္ဌ - ပူကျင့်ရှင်းထန်
၂။ မဲဆန္ဒနယ် - တွန်းဇံ၊ တီးတိန်၊ ကလေး၊ တမူး၊ ဖလမ်းနှင့် ဟားခါးမြို့နယ်တို့၌ အနည်းဆုံးနေရာ ၂၀ ကျော် ဝင်ရောက်ယှဉ်ပြိုင်မည်။
၃။ ပါတီမူဝါဒ - ချင်းအစား ဇိုမီးဟု ခေါ်ဆိုရန်နှင့် ဒီမိုကရေစီစနစ်အရ ပြည်သူများက ရွေးချယ်သော အစိုးရပေါ်ပေါက်ရေး။
၎။ ပါတီနောက်ခံသမိုင်း - ၁၉၈၈ အရေးအခင်းပြီးနောက် ဇိုမီးအမျိုးသားကွန်ဂရက်(ZNC)အဖြစ် စတင်ဖွဲ့စည်း၊ ၁၉၉၀ ရွေးကောက်ပွဲတွင်  လေးနေရာဝင်ရောက်ယှဉ်ပြိုင်ခဲ့ရာ နှစ်နေရာရွေးချယ်ခံရ၊ ၂၀၁၂ သြဂုတ်တွင် ZNC အစား ဇိုမီးဒီမိုကရေစီအဖွဲ့ချုပ်ကိုတည်ထောင်ခဲ့။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

စီးပွားရေးက Free market economy ပေါ့။ အစိုးရနဲ့တင် မလုံလောက်ဘူး။ ပညာတတ်တွေကအစ ငွေကြေးတတ်နိုင်တဲ့ သူတွေ အားလုံးက လွတ်လွတ်လပ်လပ် လုပ်ကိုင်နိုင်ရမယ်။

ပြည်သူတွေ ဇိုမီးဒီမိုကရေစီအဖွဲ့ချုပ်ကို ဘာကြောင့် မဲပေးသင့်သလဲ။
ကျွန်တော်တို့ပြည်သူတွေ မဲပေးကြတာ အဓိကက တွန်းဇံ၊ ကလေး၊တီးတိန်တို့ကဇိုမီးတွေ ဒီလူတွေက ပေးတာများတာ။ နောက် ဒီမိုကရေစီလိုချင်ကြတယ်။ နောက် ဖက်ဒရယ်လည်းပဲ ပင်လုံစိတ်ဓာတ်၊ ပင်လုံစာချုပ် အရင်းခံပြီးတော့ ပြည်ထောင်စုတည်ဆောက်ရမှာဆိုတော့ ဒါကို လိုချင်လို့ပေးကြမှာပါ။


ညီညွတ်သော ဒီမိုကရက်တစ်ပါတီ[UDP]

၁။ ဥက္ကဋ္ဌ - ဦးလှမြင့်
၂။ မဲဆန္ဒနယ်-ကချင်ပြည်နယ်၊ စစ်ကိုင်းတိုင်း၊ မန္တလေးတိုင်း၊ မကွေးတိုင်း၊ ရန်ကုန်တိုင်းတို့ရှိ မဲဆန္ဒနယ်မှ မြို့ ၂၀ တွင် ၀င်ရောက်ယှဉ်ပြိုင်မည်။
၃။ ပါတီမူဝါဒ - ဖက်ဒရယ်ပြည်ထောင်စု ပေါ်ပေါက်ရေး၊ တိုင်းရင်းသားစည်းလုံးညီညွတ်ရေးနှင့် ငြိမ်းချမ်းရေး၊ ဒီမိုကရေစီထွန်းကားရေး၊ မြန်မာပြည်သူလူထုတစ်ရပ်လုံး စားဝတ်နေရေးနှင့် လူနေမှုဘ၀မြှင့်တင်ရေး၊ ဆင်းရဲမွဲတေမှုပပျောက်စေပြီး ဆင်းရဲသားအားလုံး စားဝတ်နေရေး၊ အလုပ်အကိုင်ရရှိရေးနှင့် အခြေခံဝင်ငွေရရှိရေး။  တိုင်းပြည်ဖွံ့ဖြိုးတိုးတက်ရေး၊ သန့်ရှင်းထက်မြက်သော အစိုးရတစ်ရပ်ပေါ်ပေါက်ရေး။
၎။ ပါတီနောက်ခံသမိုင်း -၂၀၁၀ ပါတီစုံများပေါ်ပေါက်လာချိန်တွင် ညီညွတ်သော ဒီမိုကရက်တစ်ပါတီကို စတင်ဖွဲ့စည်းခဲ့သည်။ ယင်းပါတီတွင် ကိုလိုနီဆန့်ကျင်ရေး၊ အမျိုးသားလွတ်မြောက်ရေးတို့တွင် ပါဝင်ခဲ့ကြသည့် မျိုးဆက်များဖြင့် ပါဝင်ဖွဲ့စည်းထားသည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ဝင်ငွေ၊ ထွက်ငွေ မျှတဖို့ဆိုရင် ထမင်းတစ်နပ်လျှော့စားပါလို့ ပြော နေကြတယ်။ အဲဒီလိုပြောတာထက်စာရင် ကျွန်တော်တို့က ပြည်သူတွေ ၀င်ငွေတိုးမယ့်နည်းလမ်းတွေကိုရှာပေးရမယ်။ အဲဒါအရေးကြီးပါတယ်။ စကားနဲ့ပြောရုံနဲ့တော့ ဘာမှဖြစ်မလာဘူး။

ပြည်သူတွေက ညီညွတ်သောဒီမိုကရက်တစ်ပါတီ (UDP)ကိုဘာကြောင့် မဲပေးသင့်သလဲ။
အဓိကကျတဲ့ တိုင်းပြည်ဖွံ့ဖြိုးတိုးတက်ရေးကိုလည်း လုပ်ဆောင်မယ်။ ၂၀၀၈ ဖွဲ့စည်းပုံအခြေခံဥပဒေကို ပြင်ဆင်ဖို့အတွက်လည်း တ စိုက်မတ်မတ် လုပ်ဆောင်သွားမယ်။ အဲဒါကြောင့် ကျွန်တော်တို့ပါတီကို ပြည်သူတွေက မဲပေးသင့်တယ်လို့ထင်ပါတယ်။


တအာင်န်း(ပလောင်)အမျိုးသားပါတီ

၁။ ဥက္ကဋ္ဌ - ဦးအိုက်မုန်း။
၂။ မဲဆန္ဒနယ် - ရှမ်းပြည်နယ် လားရှိုး၊ နမ့်ဆန်၊ မန်တုံ၊ မူဆယ်အပါအ၀င် မြို့နယ်ရှစ်မြို့နယ်၌ လွှတ်တော်ကိုယ်စားလှယ် ၂၇ ဦး ၀င်ရောက်ယှဉ်ပြိုင်မည်။
၃။ ပါတီမူဝါဒ -  တအာင်န်းအမျိုးသားရေး၊ ယဉ်ကျေးမှုနှင့် စာပေတိုးတက်မြင့်မားရေး၊ ကိုယ်ပိုင်အုပ်ချုပ်ခွင့်ရဒေသ ဖွံ့ဖြိုးတိုးတက်ရေး၊ ပညာရည်မြင့်မားရေး၊ ဒေသအတွင်း မူးယစ်ကင်းစင်ပပျောက်နိုင်ရေး။
၎။ ပါတီနောက်ခံသမိုင်း - ၂၀၁၀ တွင် ပါတီစတင်တည်ထောင်သည်။ ၂၀၁၀ ဧပြီ ၃ ရက်တွင် ပါတီမှတ်ပုံတင်ရရှိခဲ့သော်လည်း ၂၀၁၀ အထွေထွေရွေးကောက်ပွဲ၌၀င်ရောက် မယှဉ်ပြိုင်ခဲ့။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

အလုပ်အကိုင် အခွင့်အလမ်း ပိုမိုရရှိလာအောင် ဆောင်ရွက်ပေး သွားမယ်။ လူ့စွမ်းအားအရင်းအမြစ်ကို ပိုမိုအသုံးချနိုင်တဲ့ လုပ်ငန်းတွေ ကို တိုးချဲ့ရမယ်။ စက်မှုနိုင်ငံဖြစ်လာဖို့ ကြိုးစားပြီး ပြည်ပရောက်နေတဲ့ သူတွေကို ပြည်တွင်းအင်အားတိုးလာစေဖို့ ပြန်လည်ခေါ်ယူသွားရမယ်။

ပြည်သူတွေက တအာင်န်း(ပလောင်) အမျိုးသားပါတီကို ဘာကြောင့် မဲပေးသင့်သလဲ။
တအာင်န်း(ပလောင်)အမျိုးသားပါတီက ဒေသခံတွေ ဖြစ်ပျက်နေတဲ့ အခြေအနေတွေ၊ လိုအပ်ချက်တွေကို အသေးစိတ်လေ့လာထားလို့ သိရှိထားတာကို ကူညီဖြည့်ဆည်းပေးသွားမယ်။ ဒေသဖွံ့ဖြိုးရေးအတွက် ပါတီက ကြိုးစားသွားမယ်ဆိုတော့ ပြည်သူတွေကို ထောက်ခံစေချင်ပါတယ်။


တိုင်းရင်းသားစည်းလုံးညီညွတ်ရေးပါတီ

၁။ ဥက္ကဋ္ဌ - ဦးသန်းတင်
၂။ မဲဆန္ဒနယ် - မြို့နယ် ၂၀၄ ခုတွင် မဲဆန္ဒနယ် ၇၅၆ နေရာမှ ၀င်ရောက်ယှဉ်ပြိုင်မည်။
၃။ ပါတီမူဝါဒ - ပြည်သူ့အကျိုးပြု မြန်မာ့လမ်းစဉ်ဖြင့် လူအများကောင်းစားရေးဝါဒကို ဖော်ဆောင်မည်။
၎။ ပါတီနောက်ခံသမိုင်း - မြန်မာ့ဆိုရှယ်လစ်လမ်းစဉ်ပါတီကို အမွေခံသည့်ပါတီတစ်ရပ်အနေဖြင့် ၁၉၈၈ ခုနှစ်တွင် ဖွဲ့စည်းခဲ့။ မူလပါတီမှ ပါတီစုံစနစ်ကိုလက်ခံခြင်း၊ ဆိုရှယ်လစ်စီးပွားရေးစနစ်မှ ဈေးကွက်စီးပွားရေးစနစ်ကို လက်ခံကျင့်သုံးခြင်းဖြင့် ပြောင်းလဲခဲ့။ နိုင်ငံတကာစံအနေဖြင့် Center Left (ဗဟိုလက်ဝဲယိမ်း)ပါတီဖြစ်သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ကိုယ်တို့ရဲ့ စီးပွားရေးမူဝါဒက တစ်တိုင်းပြည်လုံး (Growth) ဖွံ့ဖြိုးတိုးတက်အောင် ဈေးကွက်ယန္တရားနဲ့လုပ်မယ်။ ဖော်ဆောင်မယ်။ Growth ရလာပြီဆိုရင် ပြည်သူတွေကို ပြန်ပြီးခွဲဝေဖြန့်ဖြူးတဲ့အခါမှာ ညီညွတ်မျှတတဲ့ ခွဲဝေမှုမျိုးဖြစ်အောင်လုပ်မယ်။ ဒါကြောင့် ကိုယ်တို့ရဲ့ ဈေးကွက်စီးပွားရေးစနစ်မှာ Social Market Economy ကိုကျင့်သုံးရမယ်လို့ ခံယူထားတယ်။ ရှေ့က Social ဆိုတဲ့ဟာလေးပေါ့။ အင်္ဂလိပ်လိုဆိုရင်တော့ Growth with equity, Growth with justice ဆိုပါတော့။ အလုပ်ရုံစက်ရုံတစ်ခု။ ပိုင်ရှင်လည်း ရင်းနှီးမြှုပ်နှံထားတာရှိမယ်။ ၁၀၀ ရတယ်။ ၈၀ ယူတယ်။ ၂၀ ပေးမယ်။ ဒါဆို ကိုယ်တို့က ချင့်ချိန်ပြီး ၇၀ လောက် ယူပါ။ ၃၀ လောက်ပေးပါ။ တတ်နိုင်သမျှ ၀င်ငွေ၊ ထွက်ငွေအဆင်ပြေအောင် လုပ်သွားမယ်။

ပြည်သူတွေက တိုင်းရင်းသားစည်းလုံးညီညွတ်ရေးပါတီကို  ဘာကြောင့် မဲပေးသင့်သလဲ။
ကိုယ်တို့ရဲ့ ရွေးကောက်ပွဲကြေညာစာတမ်းဆိုတာ ကိုယ်တို့ပါတီကို ဘာကြောင့်မဲပေးသင့်လဲဆိုတာ Interdirectly ပြောထားတာပဲ။ ဖေဖော် ၀ါရီလကတည်းက ပြည်သူတွေကို ဖြန့်ဝေထားပြီးသား။ ပြည်သူတွေက ကိုယ်တို့ပါတီကို ကြိုက်လို့ မဲပေးရင်ဒီကြေညာစာတမ်းက ကတိက၀တ်ပဲ။


တိုင်းရင်းသားလူမျိုးစုများ ဖွံ့ဖြိုးရေးပါတီ

၁။ ဥက္ကဋ္ဌ - ဦးဟီးဝါး။
၂။ မဲဆန္ဒနယ် - ချင်းပြည်နယ်အတွင်း ခြောက်နေရာယှဉ်ပြိုင်မည်။
၃။ ပါတီနောက်ခံသမိုင်း - ၂၀၁၀ ရွေးကောက်ပွဲများ ကျင်းပရန် ငါးလခန့်အလိုတွင် အဖွဲ့ဝင် ၁၇ ဦးဖြင့် ပါတီဖွဲ့စည်းတည်ထောင်ခဲ့ခြင်းဖြစ်သည်။

တိုင်းရင်းသားလူမျိုးစုများဖွံ့ဖြိုးရေးပါတီသို့ ဆက်သွယ်မေးမြန်း၍မရသောကြောင့် ဖော်ပြနိုင်ခြင်းမရှိပါ။


တိုင်းလိုင်(ရှမ်းနီ)အမျိုးသားများဖွံ့ဖြိုးတိုးတက်ရေးပါတီ [TNDP]

၁။ ဥက္ကဋ္ဌ - ဦးစိုင်းဌေးအောင်။
၂။ မဲဆန္ဒနယ် - မဲဆန္ဒနယ် ၁၄ မြို့နယ်တွင် ၅၄ ဦး ဝင်ရောက်ယှဉ်ပြိုင်မည်။
၃။ ပါတီမူဝါဒ - ငြိမ်းချမ်းရေး၊ တန်းတူညီမျှရေး၊ ကိုယ်ပိုင်ပြဋ္ဌာန်းခွင့်ရရှိရေး။
၎။ ပါတီနောက်ခံသမိုင်း - လူမျိုးစုအတွက် နိုင်ငံရေးအနေဖြင့် ပြောဆိုပေးနိုင်မည့် အဖွဲ့အစည်းတစ်ရပ်လိုအပ်သောကြောင့် ပါတီတည်ထောင်လိုက်ခြင်းဖြစ်သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

လူတွေမှာ အလုပ်လက်မဲ့တွေများနေတယ်။ အလုပ်အကိုင်အခွင့် အလမ်းတွေရရှိဖို့ ဆောင်ရွက်ပေးရမယ်။ ဘယ်လိုနည်းနဲ့ဆောင်ရွက်ကြမလဲ။ နိုင်ငံတွင်းမှာ အလုပ်အကိုင်အခွင့်အလမ်းတွေ၊ ရစရာနေရာတွေ အများကြီးရှိတယ်။ အစိုးရတစ်ရပ်အနေနဲ့ စက်မှုစက်ရုံကြီးတွေလုပ်ပေး နိုင်မယ်ဆိုရင် အားလုံးပြေလည်သွားနိုင်ပါတယ်။

ပြည်သူတွေက  တိုင်းလိုင်(ရှမ်းနီ)အမျိုးသားများဖွံ့ဖြိုးတိုးတက်ရေးပါတီ(TNDP) ကို ဘာကြောင့် မဲပေးသင့်သလဲ။
တန်းတူညီမျှရရှိဖို့အတွက် မဲပေးသင့်ပါတယ်။


ထားဝယ်တိုင်းရင်းသားများပါတီ[DNP]

၁။ ဥက္ကဋ္ဌ - ဦးအေးမင်း
၂။ မဲဆန္ဒနယ် -တနင်္သာရီတိုင်းဒေသကြီး ထားဝယ်၊ ရေဖြူ၊ လောင်းလုံး၊ သရက်ချောင်း၊ ကော့သောင်းမြို့နယ်တို့တွင် ၀င်ရောက်ယှဉ်ပြိုင်မည်။
၃။ ပါတီမူဝါဒ - ပြည်ထောင်စုသမ္မတမြန်မာနိုင်ငံအတွင်းရှိ တိုင်းရင်းသားလူမျိုးများအားလုံးတန်းတူရည်တူဖြင့်စစ်မှန်သော ပြည်ထောင်စုစနစ်ထူထောင်ရေး၊ တိုင်းရင်းသားများ၏ ယဉ်ကျေးမှု သမိုင်းအမွေအနှစ်များ ဖော်ထုတ် ထိန်းသိမ်းမြှင့်တင်ရေးနှင့် လူမှုရေးဆိုင်ရာတရားမျှတမှုရှိရေး၊ ဒေသအတွင်းရှိ သဘာဝသယံဇာတအရင်းအမြစ်များကို ဒေသခံများအကျိုးအတွက် ပါဝင်စီမံခန့်ခွဲနိုင်ရေး။
၎။ ပါတီနောက်ခံသမိုင်း - ဒေသဖွံ့ဖြိုးရေးလုပ်ငန်းများ ထဲထဲဝင်ဝင် ပါဝင်ဆောင်ရွက်နိုင်ရန်နှင့် ထားဝယ်တိုင်းရင်းသားလူမျိုးများ သိက္ခာရှိစွာ နိုင်ငံရေးအရ အသိအ မှတ်ပြုခံနိုင်ရန် ရည်ရွယ်ပြီး ရည်ရွယ်ချက်တူသူ ၁၉ ဦး ပူးပေါင်း၍ ၂၀၁၃ တွင် ပါတီမှတ်ပုံတင်ခဲ့သည်။ ၂၀၁၃  ဒီဇင်ဘာ ၁၇ ရက်တွင် ပါတီအမှတ်(၇၀)ဖြင့် ပါတီတည်ထောင်ခွင့်ရရှိခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ဒေသနဲ့ ကိုက်ညီမယ့်ဈေးကွက်တွေ ဖော်ဆောင်ပေးဖို့အစီအစဉ်ရှိတယ်။ တန်ဖိုးနိမ့်ကုန်ကြမ်းတွေကို တန်ဖိုးမြင့်ကုန်ချောတွေအထိ လုပ်နိုင်အောင် နိုင်ငံတကာနည်းပညာ ဖလှယ်မှုတွေ၊ ကူညီတောင်းခံမှုတွေ လုပ်ဆောင်သွားမယ်။ ဈေးကွက်ရှာဖွေပေးသွားမယ်။

ပြည်သူတွေက ထားဝယ်တိုင်းရင်းသားများပါတီကို ဘာကြောင့်မဲပေးသင့်သလဲ။
ပါတီရဲ့ အန္တိမ အဓိကရည်ရွယ်ချက်က ထားဝယ်ဒေသကို ကိုယ် ပိုင်အုပ်ချုပ်ခွင့်ရဒေသတစ်ခုအထိဖြစ်လာဖို့ ရည်ရွယ်ထားတာကြောင့် ထားဝယ်ပါတီကို မဲပေးသင့်တယ်။ တကယ်လို့ ထားဝယ်ပါတီကျရှုံးခဲ့မယ်ဆိုရင် ထားဝယ်တိုင်းရင်းသားတွေ ကျရှုံးမှုဖြစ်သွားနိုင်တယ်။


ဒီမိုကရေစီနှင့် ငြိမ်းချမ်းရေးပါတီ

၁။ ဥက္ကဋ္ဌ - ဦးစိုးမောင်
၂။ မဲဆန္ဒနယ် - ရန်ကုန်တိုင်း၊ မကွေးတိုင်း ၊ စစ်ကိုင်းတိုင်းဒေသကြီးတို့ရှိ မြို့နယ်ကိုးခုတွင်မဲဆန္ဒနယ်၂၇နေရာ ၀င်ရောက်ယှဉ်ပြိုင်မည်။
၃။ ပါတီမူဝါဒ - လက်စားမချေသင်ပုန်းချေပြီး ဗြဟ္မစိုရ်တရားအခြေခံသောဒီမိုကရေစီတည်ဆောက်နိုင်ရေး။
၎။ ပါတီနောက်ခံသမိုင်း - ၁၉၉၀ပြည့်နှစ်များက ဒီမိုကရေစီနှင့် ငြိမ်းချမ်းရေးအဖွဲ့ချုပ်ကို အမွေဆက်ခံကာ၂၀၁၀အထွေထွေရွေးကောက်ပွဲ ၀င်ရောက်ယှဉ်ပြိုင်နိုင်ရေးအတွက် ဒီမိုကရေစီနှင့် ငြိမ်းချမ်းရေးပါတီ အမည်ဖြင့် နိုင်ငံရေးပါတီမှတ်ပုံတင်ခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

အခုက ခရိုနီစီးပွားရေး၊ ခရိုနီစီးပွားရေးအ၀န်းအ၀ိုင်းကျဉ်းကျဉ်း လေးမှာ တိုင်းပြည်ရဲ့ ဓနတွေရောက်နေတယ်။ ရောက်နေတဲ့အခါကျတော့ လူလတ်တန်းစားနဲ့ဆိုင်တဲ့ စီးပွားရေးတွေကျဆင်းသွားပြီးတော့ သမ၀ါယမတွေ ကျဆင်းသွားတယ်။ ၉၀ ခုလွန်နှစ်များက၂၀၁၀အထိဖြစ်တဲ့အခြေအနေပေါ့။ အဲဒီလိုဆိုရင် ခရိုနစ်ဆင်ကို ဘယ်လိုရှင်းမလဲ။ သူတို့တွေက တိုင်းရင်းသားလုပ်ငန်းရှင်လူနည်းစုဖြစ်နေတယ်။ အဲဒီလူနည်းစုရဲ့ ဓနတွေ၊ တိုင်းတစ်ပါးရောက်နေတဲ့ ဓနတွေကို ဒီကိုပြန်ပြီးရောက်လာအောင်လုပ်မယ်။ ပြီးရင် ခရိုနစ်ဆင်ထူထောင်ခဲ့တုန်းက ကျဆင်းခဲ့တဲ့ လူလတ်တန်းနဲ့ သမ၀ါယမတွေ ဖွံ့ဖြိုးလာအောင်လုပ်မယ်။ လယ်ယာမြေပြဿနာတွေ လည်းဖြေရှင်းနိုင်အောင်လုပ်မယ်။ အဲဒီလိုလုပ်ရင် အလုပ်အကိုင်အခွင့်အလမ်းတွေတိုးလာမယ်။

ပြည်သူတွေက ဒီမိုကရေစီနှင့် ငြိမ်းချမ်းရေးပါတီကို ဘာကြောင့်မဲပေးသင့်သလဲ။
ပါတီရဲ့ အန္တိမ အဓိကရည်ရွယ်ချက်က ထားဝယ်ဒေသကို ကိုယ် ပိုင်အုပ်ချုပ်ခွင့်ရဒေသတစ်ခုအထိဖြစ်လာဖို့ ရည်ရွယ်ထားတာကြောင့် ထားဝယ်ပါတီကို မဲပေးသင့်တယ်။ တကယ်လို့ ထားဝယ်ပါတီကျရှုံးခဲ့မယ်ဆိုရင် ထားဝယ်တိုင်းရင်းသားတွေ ကျရှုံးမှုဖြစ်သွားနိုင်တယ်။



ဒီမိုကရေစီနှင့် လူ့အခွင့်အရေးပါတီ

၁။ ဥက္ကဋ္ဌ - ဦးကျော်မင်း
၂။ မဲဆန္ဒနယ် - ရန်ကုန်နှင့် ဧရာဝတီတိုင်းဒေသကြီးနှင့် ရခိုင်ပြည်နယ်အပါအ၀င် မဲဆန္ဒနယ် ၄၀ ခန့်တွင် ၀င်ရောက်ယှဉ်ပြိုင်မည်။
၃။ ပါတီမူဝါဒ - ဒီမိုကရေစီနှင့်လူ့အခွင့်အရေး ရှင်သန်ရေး။
၎။ ပါတီနောက်ခံသမိုင်း - ၁၉၉၁ က ဖျက်သိမ်းခဲ့သော အမျိုးသားလူ့အခွင့်အရေးနှင့် ဒီမိုကရက်တစ်ပါတီကိုအခြေခံ၍ ဒီမိုကရေစီနှင့် လူ့အခွင့်အရေးပါတီကို  ၂၀၁၃ မတ်လ၁၃ ရက်တွင် ခွင့်ပြုမိန့် အမှတ်စဉ် (၆၃) ဖြင့် တည်ထောင်ခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

အခွင့်အလမ်းမရှိတဲ့သူကို အခွင့်အလမ်းရှိတဲ့သူက၊ အာဏာမရှိတဲ့ သူကိုအာဏာရှိတဲ့သူက ခေါင်းပုံဖြတ်တာ။ ဒီစနစ်တွေပျောက်မှပဲတိုင်း ပြည်စီးပွားရေးတိုးတက်မယ်လို့ ဦးတို့ကခံယူတယ်။

ပြည်သူတွေက ဒီမိုကရေစီနှင့် လူ့အခွင့်အရေးပါတီကို ဘာကြောင့် မဲပေးသင့်သလဲ။
ဦးတို့က လွယ်လွယ်နဲ့ရှင်းရှင်းပဲ ပါတီနာမည်ပြောတာနဲ့ ပြည်သူတွေက နားလည်သွားပြီ။ ကျွန်တော်တို့ဆီမှာ ဒီမိုကရေစီလည်းအပြည့် အ၀မရှိဘူး။ နာမည်(အမည်)ခံပဲရှိတယ်။ လူ့အခွင့်အရေးဆိုတာတော့ အများကြီး ဆုံးရှုံးနေတယ်။ ဒီပါတီက အဲဒါတွေကို ဖော်ဆောင်ပေးမယ်။ ထိန်းသိမ်းပေးမယ်။ အဲဒါတွေရှိလာဖို့အတွက် ရုန်းကန်ပေးမယ့်ပါတီဆိုတော့  ဒီပါတီကိုမဲထည့်ရမယ်လို့ သူတို့ခံယူမှာပါ။


ဒီမိုကရက်တစ်ပါတီ (မြန်မာ)

၁။  ဥက္ကဋ္ဌ - ဦးသုဝေ
၂။ မဲဆန္ဒနယ် - ရန်ကုန်၊ မန္တလေး၊ ပဲခူး၊ ဧရာဝတီ၊ စစ်ကိုင်း၊ တနင်္သာရီ စသည့် တိုင်းဒေသကြီးခြောက်ခုတွင် ၀င်ရောက်ယှဉ်ပြိုင်မည်။
၃။ ပါတီမူဝါဒ - နိုင်ငံသားများအားလုံး အနိုင်ရရှိရေး (Win-Win Policy)
၎။ ပါတီနောက်ခံသမိုင်း - ၂၀၀၉ တွင် ပါတီတည်ထောင်ရန် စတင်ပြင်ဆင်ခဲ့။ ၂၀၁၀  ရွေးကောက်ပွဲအတွက် ပါတီအသစ်အနေဖြင့် ပထမဆုံးမှတ်ပုံတင်ခဲ့။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

တိုင်းပြည်တစ်ခုမှာ ပြည်သူ၊ ပြည်သားတွေ လူဖြစ်ကျိုးနပ်ဖို့ဆိုတာက ၀င်ငွေ၊ ထွက်ငွေမျှရမှာပေါ့။ မမျှရင် ဒီလူဟာ ဘယ်လိုလုပ် တည်တည်တံ့တံ့နဲ့ ငြိမ်းချမ်းရေးရနိုင်မလဲ။ ၀င်ငွေ၊ ထွက်ငွေမျှအောင် လုပ်ပေးရမယ်။ မျှအောင်လုပ်ပေးရမယ်ဆိုရင် ကျွန်တော်တို့တိုင်းပြည်မှာ စီးပွားရေးဖွံ့ဖြိုးအောင် လုပ်ရမှာ။ စီးပွားရေးဖွံ့ဖြိုးမှလည်း နိုင်ငံသားတွေက ဒီနိုငံကို မှီခိုပြီးနေမယ်။ အားကိုးပြီးနေမယ်။ ကျွန်တော်တို့ တိုင်းပြည်က ဆင်းရဲနေတော့ လူထုက အစိုးရအပေါ် မမှီခိုဘူးပေါ့ဗျာ။ ဒါတို့တိုင်းပြည်ကွ၊ တို့အစိုးရကွလို့ မပြောကြဘူး။ ဒီမိုကရေစီလည်း အပြည့်အ၀မရသေးတော့ တို့နိုင်ငံသားဆိုတဲ့ စိတ်ဓာတ်ပျောက်နေသေးတယ်။

ပြည်သူတွေက ဒီမိုကရက်တစ်ပါတီ(မြန်မာ) ကို ဘာကြောင့် မဲပေးသင့်သလဲ။
ကျွန်တော်တို့က နိုင်ငံသားအားလုံး အနိုင်ရရှိရေး (Win-Win Policy)ကို ရှေးရှုတယ်။ နံပါတ်တစ်က ကျွန်တော်တို့နိုင်ငံကို ဒီမိုကရေစီဖွံ့ဖြိုးအောင် လုပ်ချင်တာပေါ့။ ဖွံ့ဖြိုးမှလည်း တိုင်းပြည်က သာယာမယ်။ တိုးတက်မယ်။ လူတွေလည်း လွတ်လပ်မယ်ပေါ့။ နောက်တစ်ခုက ဥပမာအားဖြင့် အခုကာလမှာ ကျွန်တော်တို့ တိုင်းပြည်မှာ ဖက်ဒရယ်စနစ်ကို ကျင့်သုံးသင့်တယ်လို့ ထင်တယ်။  ဒီကာလမှာ ဖက်ဒရယ်နိုင်ငံတည်ဆောက်ချင်တယ်။ ဘာကြောင့်တည်ဆောက်ချင်လဲဆိုတော့ ဖက်ဒရယ်စနစ်ဆိုတာ ဒီမိုကရေစီစနစ်ရဲ့ နည်းလမ်းတစ်ခုပဲ။ အုပ်ချုပ်ရေးအာဏာကို ပြည်နယ်တွေကို ခွဲပေးတဲ့နည်းပေါ့။ ဒါတွေကို အောင်အောင်မြင်မြင်လုပ်စေချင်တယ်။ ကျွန်တော်တို့ပါတီက တိုင်းပြည်မှာ အကောင်းဆုံးဖြစ်မယ့် ဒီမိုကရေစီနည်းကိုလည်း ထွန်းကားအောင်လုပ်မယ်။


ဒိုင်းနက်လူမျိုးများတိုးတက်ရေးပါတီ

၁။ ဥက္ကဋ္ဌ - ဦးအောင်ကျော်ဇော။
၂။ မဲဆန္ဒနယ်- ပြည်နယ်လွှတ်တော်ကိုယ်စားလှယ် နှစ်နေရာနှင့် အမျိုးသားလွှတ်တော်ကိုယ်စားလှယ် တစ်နေရာ စုစုပေါင်းသုံးနေရာ ဝင်ရောက်ယှဉ်ပြိုင်မည်။
၃။ ပါတီမူဝါဒ- ဒိုင်းနက်လူမျိုးများ အခြားမျိုးနွယ်စုတိုင်းရင်းသားများနည်းတူ အခွင့်အလမ်းများ ရရှိရေးအတွက် နိုင်ငံရေးပါတီတစ်ခုရှိသင့်ကြောင်း မိမိတို့အမျိုးသားများ တညီတညွတ်တည်းဆုံးဖြတ်ကြ၍ ဤပါတီကို ထောင်ရခြင်းဖြစ်သည်။
၎။ ပါတီနောက်ခံသမိုင်း- ဒေသအသီးသီးတွင် ရောက်ရှိနေသော ဒိုင်းနက်လူမျိုးများ၏ ဘဝအခြေအနေမှာ အင်မတန်နိမ့်ကျနေသည်ကို တွေ့မြင်ခဲ့ရသည့်အတွက် ဒိုင်းနက်လူမျိုးများ ဘဝဖွံ့ဖြိုးတိုးတက်ရေးအတွက် ၂၀၁၅ တွင် ပါတီစတင်တည်ထောင်ခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ပြည်သူများရဲ့ ဝင်ငွေ၊ ထွက်ငွေမျှတအောင် အသိပညာရှင်၊ အတတ်ပညာရှင်များရဲ့ အကူအညီကိုယူပြီး ဆောင်ရွက်သွားပါမယ်။

ပြည်သူတွေက ဒိုင်းနက်လူမျိုးများ တိုးတက်ရေးပါတီကို ဘာကြောင့်မဲပေးသင့်သလဲ။
နောက်ဆုံပါတီလည်းဖြစ်၊ မဖွံ့ဖြိုးမတိုးတက်တဲ့ လူမျိုးစုငယ်လည်းဖြစ်တဲ့ အားလျော်စွာ လူမျိုးစုငယ်များကို နိုင်ငံရေးထဲမှာ ရှိစေသင့်တယ်ဆိုတဲ့ အသိနဲ့ ဒိုင်းနက်ပါတီကို ရှေ့ဆက်နိုင်ငံရေးမှာ ဆက်လက်ရပ်တည်နိုင်အောင် မဲပေးသင့်ပါတယ်။


ဓနုတိုင်းရင်းသားလူမျိုးများ ဒီမိုကရေစီပါတီ

၁။ ဥက္ကဋ္ဌ - ဦးမြသန်း။
၂။ မဲဆန္ဒနယ်- ပြည်သူ့လွှတ်တော်အတွက် ငါးဦး၊ အမျိုးသားလွှတ်တော်သုံးဦးနှင့် ပြည်နယ်လွှတ်တော် ၁၁ ဦး စုစုပေါင်း ၁၉ နေရာ ဝင်ရောက်ယှဉ်ပြိုင်မည်။
၃။ ပါတီမူဝါဒ- စစ်မှန်သည့် ဒီမိုကရေစီအခွင့်အရေးရရှိရန်၊ ရရှိလာသည့် အခွင့်အရေးသည် တိုင်းရင်းသားတိုင်းနှင့် နယ်မြေဒေသတိုင်းအတွက်ဖြစ်ရန်၊ တရားဥပဒေစိုးမိုးမှုရှိရန်၊ အခြားညီနောင်တိုင်းရင်းသားများနှင့် အေးအတူပူအမျှ ဆောင်ရွက်လုပ်ကိုင်ကြရန်။ ဖက်ဒရယ်ပြည်ထောင်စုစနစ် ပေါ်ထွန်းလာရန်။
၎။ ပါတီနောက်ခံသမိုင်း- ၂၀၁၂ ဇူလိုင် ၃ ရက်တွင် စတင်တည်ထောင်သည်။

ပါတီအတွင်းရေးမှူးနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ပြည်သူတွေ ဝင်ငွေ၊ ထွက်ငွေ မျှတဖို့ဆိုတာ တိုင်းပြည်ရဲ့ ဖွံ့ဖြိုးတိုးတက်မှုအပေါ်မှာ မူတည်တယ်။ တိုင်းပြည်ဖွံ့ဖြိုးတိုးတက်မှုအပေါ် မူတည်လို့ ဖွံ့ဖြိုးတိုးတက်မှုကို အဓိကထားကြိုးစားဆောင်ရွက်ရမှာဖြစ်တယ်။

ပြည်သူတွေက ဓနုတိုင်းရင်းသားလူမျိုးများ ဒီမိုကရေစီပါတီကို ဘာကြောင့် မဲပေးသင့်သလဲ။
ပင်းတယ၊ ရွာငံ၊ ရပ်စောက်၊ ကလော၊ တောင်ကြီးဆိုတာ ဓနုလူမျိုးက လူဦးရေအားဖြင့် တော်တော်များများ စုစည်းနေထိုင်ကြလို့ ဓနုဒေသလို့ ခေါ်ရမှာဖြစ်တယ်။ အခြေခံဖွဲ့စည်းပုံအရ ကိုယ်ပိုင်အုပ်ချုပ်ခွင့်ရဒေသ ရခဲ့တာရှိတယ်။ ကိုယ်ပိုင်အုပ်ချုပ်ခွင့်ဆိုတဲ့ အခြေခံဥပဒေမှာပါတဲ့ တိုင်းရင်းသားတွေရဲ့ အခွင့်အရေးအရ ဓနုလူမျိုးများကို အခြေခံပြီး ဖွဲ့စည်းထားတဲ့ နယ်မြေဒေသခံပါတီကသာ အာဏာရသင့်တယ်လို့ ခံယူထားတယ်။


ဓနုအမျိုးသားများအဖွဲ့ချုပ်ပါတီ [DNOP]

၁။ ဥက္ကဋ္ဌ- ဦးတင်မောင်ဦး။
၂။ မဲဆန္ဒနယ်- ရှမ်းပြည်နယ်တွင် ပြည်သူ့လွှတ်တော်နှစ်နေရာ၊ အမျိုးသားလွှတ်တော် တစ်နေရာနှင့် ပြည်နယ်လွှတ်တော် လေးနေရာ စုစုပေါင်းခုနစ်နေရာ ဝင်ရောက်ယှဉ်ပြိုင်မည်။
၃။ ပါတီမူဝါဒ- စစ်မှန်ပြီးအနှစ်သာရနှင့်ပြည့်စုံသော ဒီမိုကရေစီစနစ်ဖြင့် မြန်မာနိုင်ငံဖွံ့ဖြိုးတိုးတက်ရန် လက်တွဲဖော်နိုင်ငံရေးပါတီများနှင့် ပူးပေါင်းဆောင်ရွက်မည်။ ဒီမိုကရေစီစနစ်ထွန်းကားလာသည်နှင့်အမျှ အခြေခံလူ့အခွင့်အရေးများဖြစ်သော လွတ်လပ်ခြင်း၊ တရားမျှတခြင်း၊ တန်းတူညီမျှခြင်းတို့ကို ရရှိခံစားနိုင်ရေးဆက်လက် ဆောင်ရွက်မည်။
၎။ ပါတီနောက်ခံသမိုင်း- ၂၀၁၀ ရွေးကောက်ပွဲတွင် ဓနုကိုယ်ပိုင်အုပ်ချုပ်ခွင့်ရဒေသမှ တစ်သီးပုဂ္ဂလဖြင့် ဝင်ရောက်ယှဉ်ပြိုင်ခဲ့သည်။ ၂၀၁၄ တွင် တစ်သီးပုဂ္ဂလသည် တိုင်းရင်းသားဒေသခံများအား ကိုယ်စားမပြုသောကြောင့် ဓနုတိုင်းရင်းသားများပါဝင်သော ဓနုအမျိုးသားများအဖွဲ့ချုပ်ပါတီကို စတင်တည်ထောင်ခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

တိုင်းရင်းသားဒေသတွေမှာက ဆင်းရဲသားလူတန်းစားတွေများတယ်။ ဖွံ့ဖြိုးမှုသိပ် မရှိဘူး။ စိုက်ပျိုးရေးကိုပဲ အဓိကထားအားကိုးနေရတယ်။ နောက်ပြီး တစ်နှစ်ကို လေးလလောက်ပဲ စိုက်ပျိုးပြီး စားဝတ်နေရေးကို ဖြေရှင်းနေရတယ်။ စက်မှုလုပ်ငန်းတိုးတက်အောင်လုပ်ဆောင်သွားမယ်။ ဒေသတွင်း ထွက်ကုန်သီးနုံတွေကို နိုင်ငံတကာ‘စံ’အဆင့်ရှိစေပြီး ပြည်တွင်း၊ ပြည်ပ ဈေးကွက်မှာ တွင်ကျယ်အောင်လုပ်ဆောင်သွားမယ်။ ဒါမှ တိုင်းရင်းသားတွေရဲ့ဝင်ငွေ၊ ထွက်ငွေမျှတမှာပါ။

ပြည်သူတွေက ဓနုအမျိုးသားများအဖွဲ့ချုပ်ပါတီ ကို ဘာကြောင့် မဲပေးသင့်သလဲ။
အန်ကယ်တို့က ဒေသခံတိုင်းရင်းသားတွေကို ကိုယ်စားပြုပြီး တည်ထောင်ထားတယ်။ နောက်ပြီး ဒေသခံတွေရဲ့အခက်အခဲပြဿနာတွေကိုလည်း ဖြေရှင်းပေးတဲ့အတွက် ပြည်သူ တွေက အန်ကယ်တို့ပါတီကို မဲပေးလာကြမှာပါ။


ပအိုဝ်းအမျိုးသားအဖွဲ့ချုပ်ပါတီ

၁။ ဥက္ကဋ္ဌ- ဦးခွန်စံလွင်။
၂။ မဲဆန္ဒနယ်- ပြည်သူ့လွှတ်တော် ခြောက်နေရာ၊ အမျိုးသားလွှတ်တော် နှစ်နေရာနှင့် ပြည်နယ်လွှတ်တော် ၁၂ နေရာ စုစုပေါင်း ၂၀ နေရာ ယှဉ်ပြိုင်မည်။
၃။ ပါတီမူဝါဒ- တိုင်းရင်းသားပါတီဖြစ်၍ အစိုးရဖွဲ့နိုင်မည်မဟုတ်သော်လည်း ပြည်သူလူထုအတွက် တက်လာသည့် အစိုးရအဖွဲ့နှင့် ပူးပေါင်းလုပ်ဆောင်သွားမည်။
၎။ ပါတီနောက်ခံသမိုင်း- ၂၀၁၀ ပြည့်နှစ်တွင် ပအိုဝ်းအမျိုးသားအဖွဲ့ချုပ်ပါတီကို စတင်တည်ထောင်ခဲ့။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ဒါကို ကျွန်တော်ကြိုးစားမှာပါ။ ကျွန်တော်တို့ ငါးနှစ်သက်တမ်းမှာ ဖွံ့ဖြိုးလာအောင်၊ သင့်တင့်လျောက်ပတ်တဲ့အောင်မြင်မှုရအောင်၊ ပြည်သူတွေရဲ့ စားဝတ်နေရေးပြေလည်အောင် အတတ်နိုင်ဆုံးကြိုးစားဖို့ ပြင်ဆင်ထားတာပေါ့။

ပြည်သူတွေက ပအိုဝ်းအမျိုးသားအဖွဲ့ချုပ်ပါတီကို ဘာကြောင့် မဲပေးသင့်သလဲ။
အဓိကကတော့ ကိုယ်ပိုင်အုပ်ချုပ်ခွင့်ရဒေသတွေရလာပြီ။ ကျွန်တော်တို့ အမျိုးသားတွေအပေါ်မှာ ဦးဆောင်နိုင်တဲ့အဖွဲ့အစည်းတွေဖြစ်လာတယ်။ ကိုယ့်အမျိုးသားဘဝနဲ့ နိုင်ငံရေးတစ်ခုအပေါ်မှာ သွားတဲ့နေရာမှာ အတူလျှောက်လှမ်းသွားနိုင်ဖို့၊ တိုင်းပြည်အနေအထားနဲ့ ပကတိလိုအပ်ချက်တွေကို ပြည်သူနဲ့ ကျွန်တော်တို့ပါတီအဖွဲ့အစည်းက အတူတူသွားနိုင်ဖို့ ရည်မှန်းချက်ထားတာပါ။


 

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ

၁။ ဥက္ကဋ္ဌ - ဦးသိန်းစိန်။
    ပါတီဒုတိယဥက္ကဋ္ဌ - ဦးဌေးဦး (ဥက္ကဋ္ဌ ပူးတွဲတာဝန်)
၂။ မဲဆန္ဒနယ်- ပြည်ထောင်စုတစ်ဝန်းလုံးရှိ မဲဆန္ဒနယ် ၁,၁၃၄ နေရာ ယှဉ်ပြိုင်မည် (ကိုယ်ပိုင်အုပ်ချုပ်ခွင့်ရတိုင်းနှင့် ဒေသအချို့မှလွဲ၍)။
၃။ ပါတီမူဝါဒ- နိုင်ငံနှင့်ပြည်သူလူထု ကောင်းစားရေး
၎။ ပါတီနောက်ခံသမိုင်း- ပြည်ထောင်စုကြံ့ခိုင်ရေးနှင့် ဖွံ့ဖြိုးရေးအသင်းမှ ပါတီအဖြစ် ပြောင်းလဲပြီး ၂၀၁၀ ဇွန်လ ၈ ရက်တွင် ပါတီအဖြစ် မှတ်ပုံတင်ရရှိခဲ့သည်။ ၂၀၁၀ အထွေထွေရွေးကောက်ပွဲတွင် အနိုင်ရပြီး အစိုးရဖွဲ့စည်းနိုင်ခဲ့သည်။

ပါတီဒုတိယဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ပြည်သူတွေရဲ့ စားဝတ်နေရေး အဆင်ပြေဖို့က အရေးကြီးဆုံးပဲ။ ဒီတော့ ၀င်ငွေရအောင် လူတိုင်းအလုပ်အကိုင်ရရှိရေး ဖန်တီးဖို့လိုတယ်။ အလုပ်သမားတွေရဲ့ လူမှုစီးပွားရေးဘ၀ ဖွံ့ဖြိုးတိုးတက်အောင် ဆောင်ရွက်ပေးမယ်။

ပြည်သူတွေက ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ကို ဘာကြောင့် မဲပေးသင့်သလဲ။
ကိုယ့်နယ်မြေဒေသအကျိုးအတွက်ကို တကယ်လုပ်သလားဆိုတာနဲ့ တိုင်းတာပြီး ကြိုက်တဲ့ပါတီနဲ့ ယှဉ်ကြည့်ပြီးမှ မဲပေးကြပါ။



ပြည်ထောင်စု တောင်သူလယ်သမား အင်အားစုပါတီ

၁။ ဥက္ကဋ္ဌ - ဦးမင်းသူ။
၂။ မဲဆန္ဒနယ်- ပဲခူးတိုင်းဒေသကြီးအတွင်း ပြည်သူ့လွှတ်တော် နှစ်နေရာနှင့် တိုင်း/ပြည် နယ် လွှတ်တော် နှစ်နေရာ စုစုပေါင်း လေးနေရာ ယှဉ်ပြိုင်မည်။
၃။ ပါတီမူဝါဒ- မြန်မာနိုင်ငံ၏ ၇၀ ရာခိုင်နှုန်းရှိသော ကျေးလက်နေ တောင်သူလယ်သမားများ၏ လူနေမှုဘ၀ တိုးတက်မြင့်မားရေးအတွက် စက်မှုလယ်ယာစနစ်သို့ မြှင့်တင်ရန်၊ စက်မှုလုပ်ငန်းဖွံ့ဖြိုးတိုးတက်အောင် ပိုမိုဆောင်ရွက်မည်။ ထို့အပြင် အလုပ်သမားများ၏ အခွင့်အရေးကိုလည်း အလေးထားဆောင်ရွက်မည်။
၎။ ပါတီနောက်ခံသမိုင်း- ယခင်က မြန်မာနိုင်ငံ တောင်သူလယ်သမားဖွံ့ဖြိုးတိုးတက်ရေးပါတီတွင် ပဲခူးတိုင်းစည်းရုံးရေးမှူးနှင့် မြို့နယ်ဥက္ကဋ္ဌအဖြစ် တာဝန်ယူဆောင်ရွက်ခဲ့သည်။ ၂၀၁၅ မတ်လတွင် ယင်းပါတီမှ နုတ်ထွက်ခဲ့ပြီးနောက် ၂၀၁၅ သြဂုတ်လတွင် ပြည်ထောင်စု တောင်သူလယ်သမားအင်အားစုပါတီကို စတင်ဖွဲ့စည်းခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

အဓိကက စားသောက်ကုန်ပစ္စည်းတွေ၊ ဈေးနှုန်းတည်ငြိမ်ဖို့ လိုအပ်ပါတယ်။ ကုန် ဈေးနှုန်းတွေ တည်ငြိမ်လာပြီဆိုရင် ပြည်သူတွေရဲ့ ၀င်ငွေ၊ ထွက်ငွေဟာမျှတလာမှာပါ။ အဲဒီလိုအခြေခံလူတန်းစားတွေ အသုံးပြုတဲ့ ကုန်ဈေးနှုန်းတွေတည်ငြိမ်ဖို့ ဥပဒေတွေ၊ နည်းဥပဒေတွေ ရေးဆွဲပြဋ္ဌာန်းဖို့ တိုက်တွန်းသွားမယ်။

ပြည်သူတွေက ပြည်ထောင်စု တောင်သူလယ်သမားအင်အားစုပါတီကို ဘာကြောင့် မဲပေးသင့်သလဲ။
၇၀ ရာခိုင်နှုန်းရှိတဲ့ တောင်သူလယ်သမားတွေရဲ့ဘ၀က ဆင်းရဲနေတယ်။ လယ်သမားတွေရဲ့ဘ၀ အောင်မြင်ရင် တိုင်းပြည်လည်း တည်ငြိမ်အေးချမ်းသွားမယ်။ ခေတ်အဆက်ဆက် ဗိုလ်ချုပ်တွေကို အလေးပြုတဲ့ဘ၀ကနေ လယ်သမားတွေကို အလေးပြုလာအောင် ကြိုးစားလုပ်ဆောင်သွားဖို့က ကျွန်တော်တို့ပါတီရဲ့ ရည်မှန်းချက်ပါ။


 

ပြည်ထောင်စုဒီမိုကရေစီပါတီ

၁။ ဥက္ကဋ္ဌ - ဦးတင်အုန်း။
၂။ မဲဆန္ဒနယ်- တိုင်းဒေသကြီးလွှတ်တော်မဲဆန္ဒနယ် ငါးနေရာ ယှဉ်ပြိုင်မည်။
၃။ ပါတီမူဝါဒ - ပြည်ထောင်စုအရေးနှင့် ဒီမိုကရေစီအရေးအတွက် ပြည်တွင်းမှာရှိသည့် အတိုက်အခံ ဒီမိုကရေစီအင်အားစု၊ တပ်မတော်နှင့် ပြည်ခိုင်ဖြိုးပါတီအင်အားစုများ၊တိုင်းရင်းသားလက်နက်ကိုင်အဖွဲ့ အားလုံးတို့နှင့် အတတ်နိုင်ဆုံး စေ့စပ်ညှိနှိုင်းကာ အားလုံးလက်ခံနိုင်မည့် ပြည်ထောင်စုတည်ဆောက်ရန်၊ ဒီမိုကရေစီဖွံ့ဖြိုး တိုးတက်ရေး ဆောင်ရွက်သွားရန်။
၎။ ပါတီနောက်ခံသမိုင်း - ၂၀၁၀ မေလတွင် ပါတီစတင်တည်ထောင်ခဲ့၊ ၂၀၁၀ ရွေးကောက်ပွဲတွင် မဲဆန္ဒနယ်သုံးနေရာ၌ ၀င်ရောက်ယှဉ်ပြိုင်ခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ကျွန်တော်တို့ပါတီအနေနဲ့ ပြည်သူတွေရဲ့ စီးပွားရေးကို မြှင့်တင်ပေးနိုင်အောင်လုပ်ဖို့ရည်ရွယ်ချက်ရှိတယ်။

ပြည်သူတွေက ပြည်ထောင်စုဒီမိုကရေစီပါတီကို ဘာကြောင့် မဲပေးသင့်သလဲ။
အဓိကက ပြည်တွင်းငြိမ်းချမ်းရေးက နံပါတ်−၁၊ နောက်တစ်ချက်က စီးပွားရေးဖွံ့ဖြိုးတိုးတက်ဖို့ အဲဒီနှစ်ချက်ကို အဓိကထားပြီး မဲဆွယ်မယ်။


 

ပြည်ထောင်စုပအိုဝ်းအမျိုးသားအဖွဲ့ချုပ်ပါတီ(ပအမဖ)

၁။ ဥက္ကဋ္ဌ - ဦးခွန်အောင်စစ်။
၂။ မဲဆန္ဒနယ်- ပြည်သူ့လွှတ်တော် သုံးနေရာ၊ အမျိုးသားလွှတ်တော် နှစ်နေရာနှင့် တိုင်း/ ပြည်နယ်လွှတ်တော် ကိုးနေရာ စုစုပေါင်း ၁၄ နေရာ ယှဉ်ပြိုင်မည်။
၃။ ပါတီမူဝါဒ- လွတ်လပ်မျှတမှု၊ သာတူညီမျှမှု၊ ကိုယ့်ကြမ္မာကိုယ် ဖန်တီးနိုင်မှု၊ ကိုယ်ပိုင်ပြဋ္ဌာန်းခွင့် အပြည့်အဝ အာမခံချက်ပေးနိုင်သော ပြည်ထောင်စုဖွဲ့စည်းပုံဥပဒေ ပေါ်ပေါက်ရေး၊ ငြိမ်းချမ်းစွာ အတူယှဉ်တွဲနေထိုင်ရေး၊ ဒီမိုကရေစီစနစ် ပိုမိုထွန်းကားရေး၊ ပအိုဝ်းအမျိုးသားလူမျိုးတို့၏ အမျိုးသားရေးလက္ခဏာကို ကာကွယ်စောင့်ရှောက်သွားမည်။
၎။ ပါတီနောက်ခံသမိုင်း- ၁၉၅၀ သြဂုတ် ၂ ရက်တွင် စတင်တည်ထောင်သော ပအိုဝ်းတိုင်းရင်းသားကို ကိုယ်စားပြုသည့် တစ်ခုတည်းသော နိုင်ငံရေးဦးဆောင်မှု အဖွဲ့ချုပ်ဖြစ်သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ပြည်သူတွေရဲ့ဝင်ငွေ၊ ထွက်ငွေ မျှမျှတတသုံးစွဲနိုင်အောင် မျှမျှတတ ကူညီဆောင်ရွက်ပေးဖို့ဆိုတာ အဓိကကတော့ သုတေသနလုပ်ငန်းတွေအပေါ် မူတည်တယ်။

ပြည်သူတွေက ပြည်ထောင်စုပအိုဝ်းအမျိုးသားအဖွဲ့ချုပ်ပါတီ ကို ဘာကြောင့် မဲပေးသင့်လဲ။
ကျွန်တော်တို့ မြန်မာနိုင်ငံဟာ နှစ်ပေါင်း ၅၀-၆၀ ကျော် အာဏာရှင်စနစ်အောက်မှာ နေခဲ့ရတယ်။ ကျွန်တော်တို့ကို မဲပေးလိုက်ခြင်းဖြင့် မြန်မာနိုင်ငံကို ဒီမိုကရေစီနိုင်ငံဖြစ်အောင် အပြောင်းအလဲလုပ်တဲ့နေရာမှာ ပြည်သူတွေရဲ့ ဆုံးဖြတ်ပိုင်ခွင့်က တစ်ထောင့်တစ်နေရာကနေ ပြောင်းလဲပိုင်ခွင့်ရှိမယ်ဆိုတာ ပြောချင်တယ်။


ပြည်ထောင်စုမြန်မာနိုင်ငံအမျိုးသားနိုင်ငံရေးအဖွဲ့ချုပ်

၁။ ဥက္ကဋ္ဌ-ဦးအေးလွင်။
၂။ မဲဆန္ဒနယ်-အနည်းဆုံး ၁၅ နေရာ။
၃။ မူဝါဒ-ပါတီသည် အမျိုးသားရေးဝါဒနှင့်အညီ ပါတီတွင်းဒီမိုကရေစီ ကျင့်သုံးသည်။
-ပါတီသည် နိုင်ငံတော်နှင့် နိုင်ငံသားများ၏ကျေးဇူးသစ္စာကို အစဉ်အမြဲစောင့်ရှောက် ရိုသေသည် စသည့်အချက်များအပါအ၀င် အချက် ၁၃ ချက်ခန့်။
၎။ ပါတီနောက်ခံသမိုင်း​-၂၀၁၀ ရွေးကောက်ပွဲဝင်ရန် ဖွဲ့စည်းခဲ့ပြီး အဆိုပါ ရွေးကောက်ပွဲတွင် မဲဆန္ဒနယ် ၄၆ နေရာ ၀င်ရောက်ယှဉ်ပြိုင်ခဲ့ပြီး ရှုံးနိမ့်ခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ကျွန်တော်ခံစားရသလောက် တက်လာတဲ့အစိုးရတော်တော်များများက ၀န်ထမ်းကို ထိန်းထားနိုင်ရင် တိုင်းပြည်ကို ကြိုက်သလိုလုပ်လို့ရပြီလို့ ထင်ကြတယ်ဗျ။ အဲဒီအမြင်ကြီး ကို ကျွန်တော်က ဒေါင်လိုက်ပြောင်းလဲချင်တာ။ ၀န်ထမ်းလည်း နိုင်ငံသားပဲ။ လက်လုပ်လက်စားလည်း နိုင်ငံသားပဲ။ ကျောသားရင်သားခွဲခြားတာ မကောင်းတဲ့သဘောထားပဲ။

ပြည်သူတွေက ပြည်ထောင်စုမြန်မာနိုင်ငံအမျိုးသားနိုင်ငံရေးအဖွဲ့ချုပ် ကို ဘာကြောင့် မဲပေးသင့်သလဲ။
မြန်မာနိုင်ငံကို ဒီကနေ့ ဒီမိုကရေစီနိုင်ငံအဖြစ် တစ်ဆင့်ပြီးတစ်ဆင့် ပြုပြင်ပြောင်းလဲ တည်ဆောက်တဲ့နေရာမှာ ဒီမိုကရေစီအရေးအတွက် တကယ်လုပ်နေတဲ့သူတွေ ဖြစ်တဲ့အတွက်ကြောင့် တကယ့်အစစ်အမှန် ဒီမိုကရေစီနိုင်ငံကို သွားချင်တယ်ဆိုရင် တကယ်လုပ်ခဲ့တဲ့သူတွေကိုပဲ မဲပေးတာ စိတ်အချရဆုံးပဲ။ အမှန်ကန်ဆုံးပဲ။ မလွဲမှားတဲ့ ဆုံးဖြတ်ချက်ဆိုတာ အာမခံတယ်။ ကျွန်တော်တို့ကို မဲပေးလိုက်၊ မဲပေးတဲ့သူတိုင်း ဘယ်တော့မှမှားဘူး။ နောင်တရတဲ့ကိစ္စမဖြစ်ဘူးဆိုတာ ကျွန်တော်တို့ အာမခံတယ်။


 

ပြည်သူ့ဒီမိုကရေစီပါတီ [PDP]

၁။ ဥက္ကဋ္ဌ - ဦးအောင်မြင့်။
၂။ မဲဆန္ဒနယ်- ပြည်သူ့လွှတ်တော် တစ်နေရာနှင့် တိုင်း/ပြည်နယ်လွှတ်တော် လေးနေရာ စုစုပေါင်း ငါးနေရာ ယှဉ်ပြိုင်မည်။
၃။ ပါတီမူဝါဒ- မိမိတို့ပါတီက အစိုးရနှင့်ပြည်သူလူထုအကြား ပေါင်းကူးတံတားပြုလုပ်ကာ ဆက်သွယ်ဆောင်ရွက်ပေးရန် မူဝါဒချမှတ်ထားသည်။
၎။ ပါတီနောက်ခံသမိုင်း- ၂၀၁၁ စက်တင်ဘာ ၂၃ ရက်တွင် နိုင်ငံရေးပါတီအဖြစ် တည်ထောင်ခွင့်ရ။ ပါတီကိုပြည်သူလူထု သိရှိမှုနည်းသောကြောင့် ၂၀၁၂ ကြားဖြတ် ရွေးကောက်ပွဲ ၀င်ပြိုင်ခဲ့သော်လည်း အနည်းငယ်သာ အနိုင်ရရှိခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ပြည်သူလူထုက အန်ကယ်တို့ပါတီကို အကူအညီတောင်းလာရင် ပြည်သူတွေရဲ့ ၀င်ငွေ၊ ထွက်ငွေမျှတအောင် ကြိုးစားလုပ်ဆောင်ပေးသွားမှာပါ။ ပြည်သူတွေရဲ့ ၀င်ငွေ၊ ထွက်ငွေ အပါအ၀င် တခြားလယ်ယာ၊ အလုပ်သမားကိစ္စတွေကိုလည်း ဆောင်ရွက်ပေးနေပါတယ်။ အဲဒီလို ဆောင်ရွက်လို့ အောင်မြင်တာတွေရှိသလို မအောင်မြင်တာတွေလည်း ရှိပါတယ်။

ပြည်သူတွေက ပြည်သူ့ဒီမိုကရေစီပါတီ (PDP)ကို ဘာကြောင့်မဲပေးသင့်လဲ။
အန်ကယ်တို့ပါတီက ပြည်သူလူထုအတွက်ဆိုရင် ရိုးသားဖြောင့်မှန်စွာ လုပ်ဆောင်ပေးချင်တဲ့ ဆန္ဒရှိတယ်လို့ ပြည်သူတွေက မြင်လာရင် အန်ကယ်တို့ပါတီကို မဲပေးလာ ကြမှာပါ။


ပြည်သူ့အကျိုးပြုကျောင်းသားများ ဒီမိုကရေစီပါတီ

၁။ ဥက္ကဋ္ဌ - ဦးမင်းမင်းထွန်း။
၂။ မဲဆန္ဒနယ်- ရန်ကုန်တိုင်းဒေသကြီး လှိုင်သာယာမြို့နယ်တွင် လေးနေရာနှင့် မွန်ပြည်နယ် ကျိုက်ထိုမြို့နယ်တွင် တစ်နေရာ စုစုပေါင်းငါးနေရာ ၀င်ရောက်ယှဉ်ပြိုင်မည်။
၃။ ပါတီမူဝါဒ- နိုင်ငံသားတိုင်းအားလုံး တန်းတူ၊ ရည်တူ အခွင့်အရေးရရှိရေးအတွက် အထူးအရေးပေးဆောင်ရွက်မည်။ အခြေခံလူတန်းစားတို့၏ လူနေမှုဘ၀မြှင့်တင်ရေး အထူးအလေးပေးဆောင်ရွက်မည်။
၎။ ပါတီနောက်ခံသမိုင်း- ၈၈ မျိုးဆက်ကျောင်းသားလူငယ်များ (ပြည်ထောင်စုမြန်မာနိုင်ငံပါတီ)နှင့် ပြည်ထောင်စုမြန်မာနိုင်ငံအမျိုးသားရေးအဖွဲ့ချုပ် စသည့် ၈၈ ညီနောင် ၂ပါတီမှ ခွဲထွက်ကာ ၂၀၁၄ တွင် ပြည်သူ့အကျိုးပြုကျောင်းသားများ ဒီမိုကရေစီပါတီအဖြစ် ပါတီတည်ထောင်ခွင့်လျှောက်လွှာတင်ခဲ့ပြီး ၂၀၁၅ မတ်လတွင် မှတ်ပုံတင်ခွင့်ရရှိခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

အဓိကကတော့ ပြည်သူတွေရဲ့ဝင်ငွေ၊ ထွက်ငွေတင်မက တိုင်းပြည်ရဲ့ အသုံးစရိတ်တွေ တက်မလာအောင် ထိန်းချုပ်ဖို့၊ ပြည်သူလူထုဝန်ထုပ်ဝန်ပိုးမဖြစ်အောင် အဲဒါတွေမတက်လာနိုင်အောင် ကျွန်တော်တို့ ကူညီပေးရမှာပေါ့။

ပြည်သူတွေက ပြည်သူ့အကျိုးပြု ကျောင်းသားများဒီမိုကရေစီပါတီ ကို ဘာကြောင့်မဲပေးသင့်သလဲ။
လယ်သမားအရေး၊ အလုပ်သမားအရေး၊ မြေမဲ့ယာမဲ့သူတွေအရေး၊ အဲဒီအရေးသုံးခုက အဓိကအရေးပါနေတာပေါ့။ ဒီအရေးသုံးခုကိုတော့ ကျွန်တော်တို့ ဦးစားပေးဆောင်ရွက်သွားမှာပေါ့။ အခြေခံလူတန်းစားတွေ အများဆုံးနေထိုင်တဲ့မြို့မှာ တည်ထောင်ထားတာတော့ သူတို့ရဲ့ လိုအပ်ချက်တွေကို ကူညီဆောင်ရွက်ပေးချင်တယ်။ လွှတ်တော်ထဲမှာ ထဲထဲဝင်ဝင် ဆောင်ရွက်ချင်တယ်။ အဲဒါကြောင့် ကျွန်တော်တို့ကို မဲပေးသင့်တယ်လို့ ယူဆပါတယ်။


ဖလုံ-စဝေါ် ဒီမိုကရက်တစ်ပါတီ

၁။ ဥက္ကဋ္ဌ- ဦးစောသိန်းအောင်။
၂။ ဝင်ရောက်ယှဉ်ပြိုင်မည့်မဲဆန္ဒနယ်- ကရင်ပြည်နယ်နှင့် မွန်ပြည်နယ်တွင် ၄၃ နေရာ။
၃။ ပါတီမူဝါဒ- လွတ်လပ်ခြင်း၊ တရားမျှတခြင်း၊ ညီညွတ်ခြင်းစသည်တို့ကို အခြေခံသည်။ စစ်မှန်သည့် ဒီမိုကရေစီစနစ်ဖော်ဆောင်ရေး၊ မိမိတို့ဘဝကို ကိုယ်တိုင်ဖန်တီးခွင့်ရှိသော၊ ဗဟိုချုပ်ကိုင်မှုကင်းရှင်းသော ဖက်ဒရယ်ပြည်ထောင်စုထူထောင်နိုင်ရေး၊ စစ်မှန်သော ငြိမ်းချမ်းရေးဖော်ဆောင်နိုင်ရေး။
၎။ ပါတီနောက်ခံသမိုင်း- ၂၀၁၀ ပြည့်နှစ်တွင် ပါတီစတင်တည်ထောင်သည်။ ပါတီမှတ်ပုံတင်အမှတ် (၃၀)ဖြင့် ၂၀၁၀ ရွေးကောက်ပွဲဝင်ရောက်ယှဉ်ပြိုင်ခဲ့သည်။

ပါတီဒုတိယဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ပြည်သူတွေရဲ့ ဝင်ငွေနဲ့ထွက်ငွေ မျှတဖို့ဆိုတဲ့နေရာမှာ ဝန်ထမ်းတွေကို လစာတိုးပေးနေတိုင်း ပြေလည်သွားမှာမဟုတ်ဘူး။ ဝန်ထမ်းဆိုတာက အားလုံးပေါ့။ ဒါကြောင့် ဒီကိစ္စနဲ့ပတ်သက်ပြီး နည်းလမ်းရှာသွားရမယ်။ နောက်ပြီး လိုအပ်ရင်ကျွမ်းကျင်တဲ့ စီးပွားရေးပညာရှင်တွေ၊ အကြံပေးတွေရဲ့အကူအညီရယူသွားရမယ်။

ပြည်သူတွေက ဖလုံ-စဝေါ်ဒီမိုကရက်တစ်ပါတီကို ဘာကြောင့် မဲပေးသင့်သလဲ။
ဖလုံ-စဝေါ် ဒီမိုကရက်တစ်ပါတီဆိုတာက ကရင်တိုင်းရင်းသားမျိုးနွယ်စုနှစ်ခုကို ပေါင်းစပ်ထားတာ။ ပိုးကရင်တွေက သူတို့ကိုယ်သူတို့ ဖလုံလို့သတ်မှတ်ထားသလို စကောကရင်တွေကလည်း သူတို့ကိုယ်သူတို့ စဝေါ်လို့သတ်မှတ်ထားကြတာ။ ဒါကြောင့် ဒီပါတီက ကရင်တိုင်းရင်းသားတွေရဲ့အကျိုးကို သယ်ပိုးသွားမယ်ပေါ့။ နောက်ပြီး ဖလုံ-စဝေါ် ဆိုတဲ့ ကရင်စကားက လူသားလို့အဓိပ္ပာယ်ရတယ်။ ဒါကြောင့် ကရင်တိုင်းရင်းသားတွေကို အခြေခံပြီး ပြည်သူတွေရဲ့အကျိုးကို သယ်ပိုးသွားမှာဖြစ်လို့ ဖလုံ-စဝေါ်ဒီမိုကရက်တစ်ပါတီကို မဲပေးသင့်ပါတယ်။


ဖက်ဒရယ်ပြည်ထောင်စုပါတီ [FUP]

၁။ ဥက္ကဋ္ဌ - ဦးစောသန်းမြင့်အောင်။
၂။ မဲဆန္ဒနယ်- ပြည်သူ့လွှတ်တော် ခြောက်နေရာ၊ အမျိုးသားလွှတ်တော် နှစ်နေရာနှင့် တိုင်း/ပြည်နယ်လွှတ်တော် ၂၀ နေရာ စုစုပေါင်း ၂၈ နေရာ ယှဉ်ပြိုင်မည်။
၃။ ပါတီမူဝါဒ- လွတ်လပ်ခြင်း၊ တရားမျှတခြင်း၊ တန်းတူညီမျှခြင်းစသော လောကပါလ တရားသုံးပါးကို အခြေခံပြီး ဖက်ဒရယ်ပြည်ထောင်စုစနစ်ရောက်အောင် ချဉ်းကပ်သွားမည်။ နိုင်ငံသားမှန်သမျှ တိုင်းရင်းသားမှန်သမျှ တန်းတူညီမျှသော အခွင့်အရေးရရှိအောင် ကြိုးစားဆောင်ရွက်သွားမည်။
၎။ ပါတီနောက်ခံသမိုင်း- တိုင်းရင်းသားပါတီချင်း ယှဉ်ပြိုင်ပါက ပြည်မရှိ ပါတီများကို ထိုးဖောက်ရန် အခက်အခဲရှိခဲ့သည်။ ယင်းကြောင့် တိုင်းဒေသကြီးတို့တွင် ၀င်ပြိုင်နိုင်ရန် တိုင်းရင်းသားများအား ကိုယ်စားပြုသော ဖက်ဒရယ်ပြည်ထောင်စုပါတီကို ၂၀၁၃ ဒီဇင်ဘာ ၂၄ရက်တွင် တောင်ကြီးမြို့၌ စတင်ဖွဲ့စည်းခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

အစိုးရဖြစ်ရင်တော့ အားလုံးလုပ်လို့ရပါတယ်။ တကယ်လို့ ကျွန်တော်တို့က အစိုးရဖြစ်ခဲ့မယ်ဆိုရင် ပြည်သူတွေရဲ့ ၀င်ငွေ၊ ထွက်ငွေ မျှတအောင် လုပ်ပေးမယ်။ ဒါတွေက သိပ်ခက်ခဲတဲ့အလုပ်မှမဟုတ်တာ။  လက်ရှိအစိုးရရဲ့ စီမံခန့်ခွဲမှုလွဲမှားတာကြောင့် ပြည်သူတွေ ဒုက္ခရောက်နေရတယ်။ ပြည်ထောင်စုအစိုးရက စနစ်တကျ စီမံခန့်ခွဲနိုင်မယ်ဆိုရင် ပြည်သူတွေ ဆင်းရဲမှာမဟုတ်ဘူး။

ပြည်သူတွေက ဖက်ဒရယ်ပြည်ထောင်စုပါတီ(FUD)ကို ဘာကြောင့် မဲပေးသင့်သလဲ။
အန်ကယ်တို့ရဲ့ တကယ့်ခံယူချက်က လွတ်လပ်ခြင်း၊ တရားမျှတခြင်း၊ တန်းတူညီမျှခြင်း စတဲ့အချက်တွေကို အခြေခံပြီး ဆောင်ရွက်နေ တာ။ ဒီအချက်တွေကို မကြိုက်တဲ့သူ ဘယ်သူမှမရှိဘူး။ အန်ကယ်တို့ အစိုးရဖြစ်ရင် (ဒါမှမဟုတ်) လွှတ်တော်ထဲရောက်ရင် ဒီအချက်တွေရရှိအောင် ကြိုးစားသွားမယ်။ ဒါကြောင့် အန်ကယ်တို့ပါတီကို နှစ်သက်လက်ခံကြမယ်ဆိုရင် ပြည်သူတွေက အန်ကယ်တို့ကို တာဝန်ပေးကြည့်ပါ။ အန်ကယ်တို့ ကျေပွန်စွာထမ်းဆောင်သွားမှာပါ။


ဗမာပြည်သူ့ပါတီ

၁။ ဥက္ကဋ္ဌအမည်- ဦးအောင်သန်းတင့်။
၂။ မဲဆန္ဒနယ်- တိုင်းဒေသကြီး/ပြည်နယ်လွှတ်တော် သုံးနေရာ ယှဉ်ပြိုင်မည်။
၃။ ပါတီမူဝါဒ− လွတ်လပ်ခြင်း၊ ညီမျှခြင်း၊ တရားမျှတခြင်း စသည့်လောကပါလတရားထွန်းကားရန်။ ဗမာလူမျိုး၊ ဗမာစကား၊ ဗမာစာပေ၊ ဗမာယဉ်ကျေးမှု အမွေအနှစ်စရိုက်များကို ထိန်းသိမ်းစောင့်ရှောက်ရန်။ ဗမာအမျိုးသားများသည် ပြည်ထောင်စုစိတ်ဓာတ်ဖြင့် တိုင်းရင်းသားများနှင့် ပူးပေါင်းကာ လက်တွဲနေထိုင်ရန်။ ဒီမိုကရေစီရှင်သန်ရေး၊ လူ့အခွင့်အရေးများ ထွန်းကား၍ ပြည်ထောင်စုစနစ်ဖြစ်ရန်၊ ဖက်ဒရယ်စနစ်ဖြစ်ရန်။
၎။ ပါတီနောက်ခံသမိုင်းကြောင်း- ၂၀၁၁ တွင် ငြိမ်းချမ်းရေးနှင့် ညီညွတ်ရေးပါတီအဖြစ် မှတ်ပုံတင်ခဲ့။ ၂၀၁၂ ကြားဖြတ်ရွေးကောက်ပွဲတွင် မဲဆန္ဒနယ်လေးနေရာမှ ၀င်ရောက်ယှဉ်ပြိုင်ခဲ့။ ၂၀၁၅ ရွေးကောက်ပွဲတွင် ဗမာပြည်သူ့ပါတီအဖြစ် ၀င်ရောက်ယှဉ်ပြိုင်မည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

စဉ်းစားထားပါတယ်။ ဘာဖြစ်လို့လဲဆိုတော့ တိုင်းပြည်မှာက အခြေခံလူတန်းစားက အများကြီးဆင်းရဲတာပေါ့။ ပြောမယ်ဆိုရင် အန်ကယ်တို့ပါတီက အခြေခံလူတန်းစားကိုလည်း အခြေခံတယ်။ ပြည်သူလူထုကို အခြေခံတယ်ဆိုရင် ပြည်သူလူထု အများစုက ဆင်းရဲတယ်။ ဆင်းရဲတဲ့လူတန်းစားက တိုးတက်လာမှ၊ စီးပွားရေးက မြင့်လာမှသာလျှင် ဒီတိုင်းပြည်ကလည်း ချမ်းသာတဲ့၊ တိုးတက်တဲ့တိုင်းပြည်ဖြစ်လာမှာလေ။ အဲဒါကြောင့် ပြည်သူတွေ ၀င်ငွေ၊ ထွက်ငွေညီမျှမှုရှိလာအောင် လုပ်ဖို့လိုအပ်ပါတယ်။ ကြိုးစားပြီးလည်း လုပ်ဆောင်သွားမှာပါ။

ပြည်သူတွေက ဗမာပြည်သူ့ပါတီ ကို ဘာကြောင့် မဲပေးသင့်လဲ။
အန်ကယ်တို့ပါတီက ဗမာပြည်သူ့ပါတီလို့ ပြောတယ်။ ဗမာလူမျိုးကို ကိုယ်စားပြုတဲ့ပါတီကလည်း ဗမာလူမျိုးစစ်စစ်အနေနဲ့ဆိုရင် အန်ကယ့်ပါတီတစ်ခုပဲရှိတယ်။ ဗမာလူမျိုးတွေကို နံပါတ် (၁)ထားပြီး အကျိုးပြုမယ်။ ဗမာများသည် ဗမာပြည်သူ့ပါတီကို မဲပေးသင့်တယ်။ နောက်တစ်ခုက ဗမာပြည်သူ့ပါတီက တိုင်းရင်းသားများနဲ့ လက်တွဲမယ်ဆိုတော့ကာ မူဝါဒထိပ်ဆုံးမှာထားခဲ့တဲ့အတွက် မဲပေးသင့်တဲ့ ပါတီတစ်ခုလို့ ပြောချင်တယ်။


မတူကွဲပြားခြင်းနှင့် ငြိမ်းချမ်းရေးပါတီ

၁။ ဥက္ကဋ္ဌ - ဦးနေမျိုးဝေ။
၂။ မဲဆန္ဒနယ် - ပြည်သူ့လွှတ်တော် ခြောက်နေရာနှင့် တိုင်း/ပြည်နယ်လွှတ်တော် ခြောက် နေရာ စုစုပေါင်း ၁၂ နေရာ ယှဉ်ပြိုင်မည်။
၃။ ပါတီမူဝါဒ - နိုင်ငံရေး၊ စီးပွားရေး၊ လူမှုရေး စသည့်ကဏ္ဍအရပ်ရပ်တွင် ရန်သူဟူ၍မရှိ၊ မိတ်ဆွေသာရှိသည်။
၎။ ပါတီနောက်ခံသမိုင်း - ၂၀၁၀ ပြည့်နှစ်တွင် ပါတီစတင်ထူထောင်ခဲ့ပြီး ယင်းနှစ်တွင် ကျင်းပသော အထွေထွေရွေးကောက်ပွဲသို့ ၀င်ရောက်ယှဉ်ပြိုင်ခဲ့သည်။

ပါတီအထွေထွေအတွင်းရေးမှူးနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ပြည်သူတွေရဲ့ ၀င်ငွေ၊ ထွက်ငွေဆိုတာထက် နိုင်ငံတော်ရဲ့ GDP ဆိုတာတွေကို သိတာကျတော့ ၀န်ထမ်းတွေပဲရှိတယ်။ ပြည်သူတွေက မသိကြဘူး။ ဒါကြောင့် ပြည်သူတွေက ကိုယ့်ဘာသာကိုယ် ဘယ်လိုရပ်တည်နိုင်မလဲ ဆိုတာပဲ အရေးကြီးတယ်။

ပြည်သူတွေက မတူကွဲပြားခြင်းနှင့် ငြိမ်းချမ်းရေးပါတီကို ဘာကြောင့် မဲပေးသင့်သလဲ။
ဒီပါတီက ပြည်သူတွေကို ဘယ်လိုတွေ လုပ်ဆောင်ပေးမယ်ဆိုပြီး မစည်းရုံးဘူး။



မဟာမိတ်တောင်သူလယ်သမားပါတီ[C.F.P]

၁။ ဥက္ကဋ္ဌ - ဦးဆန်းလင်း။
၂။ မဲဆန္ဒနယ်- ပဲခူးတိုင်းဒေသကြီးတွင် ပြည်သူ့လွှတ်တော် နှစ်နေရာ၊ အမျိုးသားလွှတ်တော် တစ်နေရာနှင့် တိုင်း/ပြည်နယ်လွှတ်တော် နှစ်နေရာ စုစုပေါင်းငါးနေရာတွင် ယှဉ်ပြိုင်မည်။
၃။ ပါတီမူဝါဒ- ဒီမိုကရေစီလမ်းကြောင်းတူညီပါက နိုင်ငံရေးပါတီများ၊ အစိုးရအဖွဲ့အစည်းတို့နှင့် ပူးပေါင်းကာ လက်တွဲဆောင်ရွက်သွားမည်။ သဘောထားကွဲလွဲခြင်း၊ သာတူညီမျှမှုမရှိခြင်း၊ လူမှုအခွင့်အရေးဆုံးရှုံးခြင်း စသည့်အကြောင်းအမျိုးမျိုးသော စိန်ခေါ်မှုပြဿနာများကို တွေ့ဆုံဆွေးနွေးညှိနှိုင်းဆောင်ရွက်သွားမည်။ တောင်သူလယ်သမားအကျိုးကိုလည်း ဥပဒေနှင့်အညီ ဆောင်ရွက်ပေးမည်။
၎။ ပါတီနောက်ခံသမိုင်း- အခြေခံတောင်သူလယ်သမား၊ အလုပ်သမားတို့၏ လူမှုဘဝတိုးတက်မြင့်မားစေရေးအတွက် ဆန္ဒတူညီသူများ ပူးပေါင်းကာ မဟာမိတ်တောင်သူလယ်သမားပါတီကို ဖွဲ့စည်းရန် ၂၀၁၄ ဇူလိုင်တွင် ရွေးကောက်ပွဲကော်မရှင်သို့ မှတ်ပုံတင်ခဲ့သည်။ ၂၀၁၅ ဇူလိုင် ၂ ရက်တွင် ပါတီတည်ထောင်ခွင့် မှတ်ပုံတင်ရရှိခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

အခြေခံတောင်သူလယ်သမားတွေရဲ့အလုပ်အကိုင်၊ စားဝတ်နေရေးတွေ ပြေလည်ဖို့အတွက် လုပ်ဆောင်ပေးသွားမယ်။ တောင်သူလယ်သမား၊ အလုပ်သမားတွေရဲ့ဝင်ငွေ၊ ထွက်ငွေမျှတဖို့အတွက် ကိုယ့်ပြည်နယ်မှာ စက်ရုံ၊ အလုပ်ရုံတွေ၊ စက်မှုလယ်ယာစနစ်တွေ ပိုမိုထွန်းကားအောင် ဆောင်ရွက်ပေးသွားမယ်။ လွှတ်တော်ထဲရောက်ရင်လည်း ပြည်သူတွေရဲ့ လိုအပ်ချက်တွေကို တင်ပြတောင်းဆိုသွားမယ်။  

ပြည်သူတွေက မဟာမိတ်တောင်သူလယ်သမားပါတီကို ဘာကြောင့် မဲပေးသင့်လဲ။
အန်ကယ်တို့ပါတီက လယ်သမားအရေး၊ အလုပ်သမားအရေးတွေကို အဓိကထားပြီး ဖြေရှင်းပေးသွားမယ်။ ၂၀၁၂ မြေယာဥပဒေပေါ်ပေါက်လာပြီးမှ လယ်ယာမြေပြဿနာတွေလည်း ပေါ်ပေါက်လာတယ်။ အဲဒါတွေကိုလည်း ဖြေရှင်းပေးနေတယ်။ ဒါကြောင့် ပြည်သူတွေကို အင်အားဖြစ်စေတဲ့အတွက် အန်ကယ်တို့ပါတီကို မဲပေးကြမယ်လို့ ထင်ပါတယ်။


မြန်မာနိုင်ငံတောင်သူလယ်သမားဖွံ့ဖြိုးတိုးတက်ရေးပါတီ

၁။ ဥက္ကဋ္ဌ - ဦးကျော်စွာစိုး။
၂။ မဲဆန္ဒနယ် - ပြည်သူ့ ၈၈၊ အမျိုးသား ၃၁ နှင့် တိုင်းဒေသကြီး၊ ပြည်နယ် ၁၆၅ နေရာ စုစုပေါင်း ၂၈၄ နေရာ ယှဉ်ပြိုင်မည်။
၃။ ပါတီမူဝါဒ - ဒီမိုကရေစီစနစ်ကျင့်သုံးပြီး တိုင်းပြည်တွင် ပြည်သူများစားဝတ်နေရေး၊ ပညာရေး၊ ကျန်းမာရေးမြင့်မားအောင် ဆောင်ရွက်မည်။
၎။ ပါတီနောက်ခံသမိုင်း - လယ်သမားထုက ခေတ်အဆက်ဆက်ပေါ်ပေါက်ခဲ့ဖူးခြင်းမရှိသည့် လယ်သမားပါတီထူထောင်ရန် တောင်းဆိုခြင်းကြောင့် မြန်မာနိုင်ငံတောင်သူလယ်သမားဖွံ့ဖြိုးတိုးတက်ရေးပါတီကို ၂၀၁၂ နိုဝင်ဘာ ၆ ရက်တွင် ပါတီဝင် ၂၁ ဦးဖြင့်ဖွဲ့စည်းခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ပြည်သူတွေ တစ်ဦးချင်းဝင်ငွေ တိုးဖို့ကတော့ နိုင်ငံခြားရင်းနှီးမြှုပ်နှံမှုတွေ ဖိတ်ခေါ်ရမှာပဲ။

ပြည်သူတွေက မြန်မာနိုင်ငံတောင်သူလယ်သမား ဖွံ့ဖြိုးတိုးတက်ရေးပါတီကို ဘာကြောင့် မဲပေးသင့်သလဲ။
ဘာကြောင့် မဲထည့်သင့်သလဲပြောရရင် သူတို့ကို ကျုပ်ကို မဲပေးပေးပါ တောင်းနေတာ မဟုတ်ဘူး။ အခုတော်တော်စိတ်ညစ်နေပြီ။ ငါကိုက ကံဆိုးလွန်းလို့ ပါတီထောင်မိတယ်လို့ ကိုယ့်ကိုယ်ကိုယ်ထင်မိတယ်။ ခင်ဗျားတို့ အခက်အခဲကူညီပေးမယ် ကျွန်တော်ပြောပေမယ့် ပိုက်ဆံပေးတဲ့သူနောက်လိုက်မယ်ဆိုတော့ ဘာပြန်ပြောရမလဲ။ ဒီလူတွေ အဲဒီ အစိုးရနဲ့ပဲ ထိုက်တန်တယ်လို့ပဲပြောမယ်။


မြန်မာနိုင်ငံ တောင်သူလယ်သမား၊ အလုပ်သမား ပြည်သူ့ပါတီ

၁။ ဥက္ကဋ္ဌ - ဒေါက်တာအောင်ဖြိုး။
၂။ မဲဆန္ဒနယ်- ဧရာဝတီတိုင်းဒေသကြီး ပုသိမ်၊ ကျုံပျော်၊ ရေကြည်၊ ပဲခူးတိုင်းဒေသကြီး တောင်ငူ၊ အုတ်တွင်း၊ ရေတာရှည်တို့တွင် စုစုပေါင်း ကိုယ်စားလှယ်လောင်း ၁၁ ဦးဝင်ရောက်ယှဉ်ပြိုင်မည်။
၃။ ပါတီမူဝါဒ- စစ်မှန်တဲ့ ဒီမိုကရေစီအနှစ်သာရနှင့် ပြည်သူ့ဗဟိုပြုနိုင်သည့် သန့်ရှင်းသော အစိုးရအုပ်ချုပ်ရေးဖြစ်ပေါ်လာရေး၊ ညီညွတ်မျှတသည့် ဖက်ဒရယ်ပြည်ထောင်စုစနစ် ထူထောင်ရေး၊ လွတ်လပ်ပွင့်လင်းသော တရားမျှတသော တရားဥပဒေစိုးမိုးရေး။
၎။ ပါတီနောက်ခံသမိုင်း- အသိပညာရှင်၊ အတတ်ပညာရှင်များ စုစည်း၍ ၂၀၁၃ နှစ်ဆန်းပိုင်းတွင် ပါတီတည်ထောင်သည်။ ၂၀၁၄ ဒီဇင်ဘာ ၉ ရက်တွင် ပါတီမှတ်ပုံတင်အမှတ်(၇၉)ဖြင့် ခွင့်ပြုချက်ရရှိခဲ့သည်။

ပါတီအထွေထွေအတွင်းရေးမှူးနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ဝင်ငွေ၊ ထွက်ငွေမျှဖို့ဆိုတာထက် တစ်ဦးချင်း ဝင်ငွေတိုးတက်လာအောင် အဓိကထားရမယ်။ တစ်ဖက်ကလည်း ခြိုးခြုံချွေတာသုံးစွဲဖို့ လိုအပ်တယ်။ တစ်ဦးချင်း ဝင်ငွေကို အာဆီယံအိမ်နီးချင်းနိုင်ငံတွေရဲ့ ဝင်ငွေတွေနဲ့ တန်းတူနိုင်အောင် ငါးနှစ်အတွင်းကာလမှာ အဓိကထား လုပ်ဆောင်သွားမယ်။

ပြည်သူတွေက မြန်မာနိုင်ငံတောင်သူလယ်သမား၊ အလုပ်သမား ပြည်သူ့ပါတီ ကို ဘာကြောင့် မဲပေးသင့်သလဲ။
ပါတီတစ်ခုရဲ့ အဓိကလုပ်ငန်းက မဲဆွယ်စည်းရုံးရေးလုပ်တာလို့ ခံယူထားတာမဟုတ်ဘူး။ အချိန်တိုင်းမှာ ပြည်သူ့အကျိုးအတွက် အမျိုးသားနိုင်ငံရေးကို လုပ်ဆောင်နေရမယ်လို့ ယုံကြည်ထားတယ်။ တောင်သူလယ်သမားတွေနဲ့ အလုပ်သမားတွေက မိမိတို့ကို ကိုယ်စားပြုမယ့် ပါတီကို ပါဝင်ပြီး ထောက်ခံမဲပေးသင့်တယ်။ ဒါကတော့ ပြည်သူတွေရဲ့ ဆန္ဒပါ။


 


မြန်မာအမျိုးသား ကွန်ဂရက်ပါတီ

၁။ ဥက္ကဋ္ဌ- ဦးကောင်းမြင့်ထွဋ်။
၂။ မဲဆန္ဒနယ်- ငါးနေရာ။
၃။ ပါတီနောက်ခံသမိုင်း- ၂၀၁၀ ရွေးကောက်ပွဲများ ကျင်းပပြီးနောက် တစ်နှစ်ကျော်အကြာ ၂၀၁၁ ဒီဇင်ဘာတွင် အဖွဲ့ဝင် ၁၈ ဦးဖြင့် ပါတီဖွဲ့စည်းတည်ထောင်ခဲ့ခြင်းဖြစ်သည်။
■ မြန်မာအမျိုးသားကွန်ဂရက်ပါတီက 7Day News မှ ပေးပို့သော မေးခွန်းများကို အချိန်မီ ပြန်လည်ဖြေကြားနိုင်ခြင်း မရှိသည့်အတွက် ဖော်ပြနိုင်ခြင်းမရှိပါ။


 

မြန်မာ့လူ့ဘောင်သစ် ဒီမိုကရက်တစ်ပါတီ

၁။ ဥက္ကဋ္ဌ - ဦးဇင်အောင်။
၂။ မဲဆန္ဒနယ်- ကျောက်တန်းမြို့နယ်နှင့် လှိုင်သာယာမြို့နယ်တို့တွင် ပြည်သူ့လွှတ်တော် နှစ်နေရာနှင့် တိုင်း/ပြည်နယ်လွှတ်တော် တစ်နေရာ စုစုပေါင်း သုံးနေရာ ယှဉ်ပြိုင်မည်။
၃။ ပါတီမူဝါဒ- စစ်မှန်သော ဒီမိုကရေစီရရှိရန်။
၎။ ပါတီနောက်ခံသမိုင်း- ၂၀၁၀ တွင် မြန်မာ့လူ့ဘောင်သစ်ဒီမိုကရက်တစ်ပါတီကို တည်ထောင်ခဲ့သည်။ ၂၀၁၀ ရွေးကောက်ပွဲတွင် ၀င်ရောက်ယှဉ်ပြိုင်ခြင်း မရှိခဲ့ခြင်းကြောင့် ပါတီဖျက်သိမ်းခံခဲ့ရပြီး ၂၀၁၂ ကြားဖြတ်ရွေးကောက်ပွဲတွင် ပါတီမှတ်ပုံပြန်တင်ကာ သုံးနေရာဝင်ရောက်ယှဉ်ပြိုင်ခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ဒီကိစ္စနဲ့ပတ်သက်ပြီး အလုပ်သမားတွေရဲ့ အခြေခံလစာနဲ့ပတ်သက်ပြီးတော့ ရွှေဈေးတို့၊ ဒေါ်လာဈေးတို့နဲ့ စံတင်ထားပြီးတော့ သတ်မှတ်ပေးဖို့ တောင်းဆိုတယ်။ ဘာဖြစ်လို့လဲဆိုရင် အနည်းဆုံးအသုံးစရိတ်တွေက ငွေကြေးဖောင်းပွတာနဲ့အမျှ ပြောင်းလဲနေ တော့အလုပ်သမားတွေမှာ အခက်အခဲဖြစ်နေတာလေ။ ပြည်သူတွေရဲ့ ၀င်ငွေ၊ ထွက်ငွေမျှတဖို့က ဒါက အခြေခံပဲလေ။

ပြည်သူတွေက မြန်မာ့လူ့ဘောင်သစ် ဒီမိုကရက်တစ်ပါတီကို ဘာကြောင့်မဲပေးသင့်လဲ။
လွှတ်တော်ထဲ တကယ်ရောက်ဖို့ဆိုတာက လွှတ်တော်က နိုင်ငံရေးစစ်တလင်းပဲလေ။ လွှတ်တော်ထဲမှာ အမှန်တကယ် နိုင်ငံရေးစီမံချက်တွေ လုပ်နိုင်တဲ့ ပါတီတွေ ပါဝင်ဖို့လိုတာပေါ့။ လိုတဲ့အတွက် အန်ကယ်တို့ပါတီကို ပြည်သူတွေက မဲပေးသင့်တယ်လို့ အန်ကယ့်အနေနဲ့ ယုံကြည်ပါတယ်။


 

မြိုတိုင်းရင်းသားပါတီ

၁။ ဥက္ကဋ္ဌ- ဦးအေးထွန်း။
၂။ မဲဆန္ဒနယ်- အမျိုးသားလွှတ်တော်မဲဆန္ဒနယ်တစ်နေရာ၊ ပြည်နယ်လွှတ်တော်မဲဆန္ဒနယ် နှစ်နေရာ၊ စုစုပေါင်း သုံးနေရာ။
၃။ ပါတီနယ်မြေ- ရခိုင်ပြည်နယ်အတွင်း။
၎။ ပါတီနောက်ခံသမိုင်း- ၂၀၁၂ ဖေဖော်ဝါရီ ၁၀ ရက်တွင် နိုင်ငံရေးပါတီအဖြစ် မှတ်ပုံ တင်လျှောက်ထားခဲ့ပြီး ပြည်ထောင်စုရွေးကောက်ပွဲကော်မရှင်က ၂၀၁၂ ဖေဖော်ဝါရီ ၂၈ ရက်တွင် နိုင်ငံရေးပါတီအဖြစ် မှတ်ပုံတင်ခွင့်ပြုခဲ့သည်။

ပြည်ထောင်စုရွေးကောက်ပွဲကော်မရှင်ထံ မှတ်ပုံတင်ထားသော နိုင်ငံရေးပါတီ ၉၁ ပါတီ အနက် မြိုတိုင်းရင်းသားပါတီ မှတ်ပုံတင်အမှတ်စဉ်မှာ (၅၂)ဖြစ်သည်။
■ မြိုတိုင်းရင်းသားပါတီသို့ ဆက်သွယ်မေးမြန်း၍ မရသောကြောင့် ဖော်ပြနိုင်ခြင်းမရှိပါ။



မြိုတိုင်းရင်းသားဖွံ့ဖြိုးရေးပါတီ

၁။ ဥက္ကဋ္ဌ - ဦးစံသာအောင်။
၂။ မဲဆန္ဒနယ်- ရခိုင်ပြည်နယ်တွင် ပြည်သူ့လွှတ်တော် တစ်နေရာ၊ အမျိုးသားလွှတ်တော် တစ်နေရာနှင့် တိုင်း/ပြည်နယ်လွှတ်တော် လေးနေရာ စုစုပေါင်း ခြောက်နေရာ ယှဉ်ပြိုင် မည်။
၃။ ပါတီမူဝါဒ- ကိုယ်ပိုင်အုပ်ချုပ်ခွင့်ရရေး၊ ဒေသဖွံ့ဖြိုးရေး။
၎။ ပါတီနောက်ခံသမိုင်း- ၁၉၈၈ နိုဝင်ဘာ ၁၄ ရက်တွင် မြို(ခေါ်) ခမီ အမျိုးသားစည်းလုံးညီညွတ်ရေးပါတီ တည်ထောင်ခဲ့ပြီး ၁၉၉၀ ရွေးကောက်ပွဲတွင် မဲဆန္ဒနယ်အချို့၌ အနိုင်ရခဲ့သည်။ ၂၀၁၀ တွင် ပါတီမှတ်ပုံတင် ပြန်လည်လျှောက်ထားပြီး ရွေးကောက်ပွဲဝင်ကာ ၂၀၁၄ ဇူလိုင် ၁ ရက်တွင် မြိုတိုင်းရင်းသားဖွံ့ဖြိုးရေးပါတီအဖြစ် အမည်ပြောင်းလဲခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ဒါက အစိုးရနဲ့သက်ဆိုင်တယ်။  ပြည်သူတွေရဲ့ ၀င်ငွေ၊ ထွက်ငွေမျှအောင် ဆောင်ရွက်နိုင်ဖို့ အစိုးရကို တိုက်တွန်းသွားမယ်။

ပြည်သူတွေက မြိုတိုင်းရင်းသား ဖွံ့ဖြိုးရေးပါတီကို ဘာကြောင့် မဲပေးသင့်သလဲ။
ပါတီက ကိုယ့်အမျိုးသားဖွံ့ဖြိုးရေးအတွက် လုပ်နေတယ်လေ။ မူလတန်းကျောင်းမဖွင့်နိုင်တဲ့ ရွာတွေအများကြီးရှိသေးတယ်။ ဖွင့်နိုင်အောင် အစိုးရကို တိုက်တွန်းပေးမယ်။ ဒေသအခြေပြုစီးပွားရေးလုပ်ငန်းတွေ ဖွံ့ဖြိုးတိုးတက်ရေး ဆောင်ရွက်သွားမှာဖြစ်ပါတယ်။


မြိုအမျိုးသားဒီမိုကရေစီပါတီ

၁။ ဥက္ကဋ္ဌ- ဦးမြထွန်း။
၂။ မဲဆန္ဒနယ်- မြောက်ဦးနှင့်ကျောက်တော်မြို့တို့တွင် ပြည်သူ့လွှတ်တော် တစ်နေရာ၊ အမျိုးသားလွှတ်တော် နှစ်နေရာနှင့် ပြည်နယ်(၁)လွှတ်တော် တစ်နေရာ စုစုပေါင်း လေး နေရာ ယှဉ်ပြိုင်မည်။
၃။ ပါတီမူဝါဒ- ပြည်သူသည် မိခင်/ဖခင်၊ ပြည်သူလူထု၏ ဘဝခံစားချက်များနှင့် ထပ်တူကျနေသော မြိုအမျိုးသားဒီမိုကရေစီပါတီက မိဘပြည်သူများ၏ သာယာလှပသော လူမှုစီးပွားဘဝကို ထူထောင်ရန်၊ နိုင်ငံတော်ငြိမ်းချမ်းရေး၊ နိုင်ငံတော်ဖွံ့ဖြိုးရေး၊ ဒေသဖွံ့ဖြိုးရေး၊ လက်နက်ကိုင်ပဋိပက္ခငြိမ်းချမ်းရေးများကို အခြားညီအစ်ကိုတိုင်းရင်းသားများ နှင့်အတူ တစ်တပ်တစ်အား ပါဝင်ဆောင်ရွက်ရန်။
၎။ ပါတီနောက်ခံသမိုင်း- ၂၀၁၅ ဖေဖော်ဝါရီ ၉ ရက်တွင် စတင်တည်ထောင်သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ပြည်တွင်းစီးပွားရေးလုပ်ငန်းဇုန်များ ချမှတ်နိုင်ရေး၊ အခြေခံလူတန်းစားများ ဆင်းရဲ မှုလျော့နည်းရေးများကို အောက်ခြေအထိဆင်းပြီး လိုအပ်ချက်များကို သုံးသပ်အကောင်အထည်ဖော်ဆောင်ရွက်သွားမည်။

ပြည်သူတွေက မြိုအမျိုးသားဒီမိုကရေစီပါတီကို ဘာကြောင့် မဲပေးသင့်သလဲ။
အများပြည်သူ၏ ဆန္ဒသဘောထားနှင့် ထပ်တူထပ်မျှယုံကြည်ချက်၊ ခံစားချက်များနှင့်အတူ ဆောင်ရွက်နေသော ပါတီဖြစ်၍ မဲပေးနိုင်လိမ့်မည်ဟု ယုံကြည်ပါသည်။


မွန်ဒေသလုံးဆိုင်ရာ ဒီမိုကရေစီပါတီ

၁။ ဥက္ကဋ္ဌ- ဦးမောင်သိုက်။
၂။ မဲဆန္ဒနယ်- ၃၂ နေရာ (မွန်ပြည်နယ်တွင် ခြောက်မြို့နယ်၊ ကရင်ပြည်နယ်တွင် နှစ်မြို့နယ်၊ တနင်္သာရီတိုင်းဒေသကြီးတွင် နှစ်မြို့နယ်)။
၃။ ပါတီမူဝါဒ- စစ်မှန်သော ဒီမိုကရေစီစနစ်ထွန်းကားရေး၊ ဒီမိုကရေစီနှင့် လူ့အခွင့်အရေး အပြည့်အဝရရှိရေး။ လောကပါလတရားသုံးပါးနှင့်ပြည့်စုံသော လူနေမှုဘဝနှင့် တန်းတူညီမျှမှုရရှိရေး။ စစ်မှန်သော ဖက်ဒရယ်ပြည်ထောင်စုစနစ် တည်ဆောက်နိုင်ရေး။
၎။ ပါတီနောက်ခံသမိုင်း- ၂၀၁၀ ဧပြီတွင် ပါတီစတင်တည်ထောင်သည်။ ဇွန်လအတွင်း ပါတီမှတ်ပုံတင်လျှောက်ထား၍ မှတ်ပုံတင်အမှတ် (၁၃)ဖြင့် ခွင့်ပြုချက်ရရှိသည်။

ပါတီအထွေထွေအတွင်းရေးမှူးနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ပြည်သူတွေရဲ့ ဝင်ငွေ၊ ထွက်ငွေတွေ မျှအောင်ဆိုရင် နိုင်ငံသားတွေရဲ့ ဝင်ငွေအမှန်ကို သိဖို့လုပ်ဆောင်သွားမယ်။ အခုက ပြည်သူတွေရဲ့ ဝင်ငွေအမှန်ကို မသိနိုင်ဘူး။ ပြည်သူတွေကလည်း မပြောဘူး။ ဖြစ်စေချင်တာက ပြည်သူတွေက အခွန်အခတွေ ပေးဆောင်သင့်တယ်။ ဒါကြောင့် ပြည်သူတွေရဲ့ ဝင်ငွေအမှန်ကို သိဖို့လိုအပ်တယ်။

ပြည်သူတွေက မွန်ဒေသလုံးဆိုင်ရာ ဒီမိုကရေစီပါတီကို ဘာကြောင့် မဲပေးသင့်သလဲ။
ပြည်သူတွေက နှစ်(၆၀)လုံး စစ်တပ်လက်ထက်အောက်မှာ နေခဲ့ကြရတယ်။ ဒါကြောင့် တိုင်းရင်းသားတွေမှာလည်း တန်းတူညီမျှမှုမရှိခဲ့ကြဘူး။ မွန်ဒေသလုံးဆိုင်ရာ ဒီမိုကရေစီပါတီအနေနဲ့ တိုင်းရင်းသားအားလုံး တန်းတူညီမျှမှုရရှိဖို့ တိုက်ပွဲဝင်သွားမယ်။ ဒါကြောင့် ပြည်သူတွေက မဲပေးသင့်တယ်။ လက်ရှိ အောင်မြင်မှုတစ်ခုအနေနဲ့ မွန်ပြည်နယ်မှာရှိတဲ့ စာသင်ကျောင်းတွေမှာ မွန်စာပေသင်ကြားဖို့အတွက် ခွင့်ပြုချက်ရထားပါပြီ။


မွန်အမျိုးသားပါတီ

၁။ ဥက္ကဋ္ဌ - နိုင်ငွေသိမ်း။
၂။ မဲဆန္ဒနယ် - မွန်၊ ကရင်ပြည်နယ်နှင့် တနင်္သာရီတိုင်းတို့တွင် စုစုပေါင်း ၅၂ နေရာ။
၃။ ပါတီမူဝါဒ - အမျိုးသားတန်းတူညီမျှမှုနှင့် ကိုယ်ပိုင်ပြဋ္ဌာန်းခွင့်ရရှိရေး၊ စစ်မှန်သည့် ဒီမိုကရက်တစ်ပြည်ထောင်စုထူထောင်ရေး၊ ၂၀၀၈ အခြေခံဥပဒေပြင်ဆင်ရေး (သို့) အသစ်ရေးဆွဲရေး။
၎။ ပါတီနောက်ခံသမိုင်း - မွန်ဒီမိုကရေစီပါတီနှင့် မွန်ဒေသလုံးဆိုင်ရာပါတီနှစ်ခုကို ပူးပေါင်း၍ ၂၀၁၄ ဇန်နဝါရီ ၂၆ ရက်တွင် မွန်အမျိုးသားပါတီအဖြစ် ပူးပေါင်းဖွဲ့စည်းသည်။

ပါတီအတွင်းရေးမှူးနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

မှားယွင်းနေတဲ့ ခရိုနီအခွင့်အရေးတွေ ချုပ်ငြိမ်းဖို့လုပ်ဆောင်သွားမယ်။ အခု မြန်မာပြည် စီးပွားရေးက အခွင့်ထူးခံတွေရဲ့ လက်ထဲမှာပဲ ရှိနေတယ်။ တိုင်းပြည်ကထွက်တဲ့ သယံဇာတထုတ်ကုန်တွေ ပြည်သူတွေက ခံစားခွင့်မရကြဘူး။ ဒါကြောင့် နိုင်ငံတကာက လက်ခံမယ့် စီးပွားရေးမူဝါဒရှိမှ နိုင်ငံ့စီးပွားရေးပြဿနာကို ဖြေရှင်းနိုင်မယ်။

ပြည်သူတွေက မွန်အမျိုးသားပါတီကို ဘာကြောင့် မဲပေးသင့်သလဲ။
မွန်အမျိုးသားပါတီအနေနဲ့ ၂၀၀၈ ဖွဲ့စည်းပုံအခြေခံဥပဒေကို ပြင်ဆင်ဖို့ တာဝန်ယူချင်တယ်။ နွံနစ်နေတဲ့ နိုင်ငံရဲ့စီးပွားရေးကို ကယ်တင်နိုင်ဖို့၊ မှန်ကန်တဲ့ ပညာရေးစနစ်တစ်ခု ချမှတ်နိုင်ဖို့ ကြိုးစားနေတာကြောင့် မွန်တိုင်းရင်းသားတွေရော၊ ပြည်သူတွေကပါ မဲပေးစေချင်တယ်။


ရခိုင်ပြည်နယ်အမျိုးသားအင်အားစုပါတီ

၁။ဥက္ကဋ္ဌ - ဦးအေးကြိုင်။
၂။ မဲဆန္ဒနယ် - ရခိုင်ပြည်နယ်တွင် မဲဆန္ဒနယ် ၁၇ နေရာ၌ ၀င်ရောက်ယှဉ်ပြိုင်မည်။
၃။ ပါတီမူဝါဒ - ရခိုင်ပြည်နယ်အပါအ၀င် တစ်နိုင်ငံလုံး တန်းတူညီမျှရှိမည့် ဖက်ဒရယ်ပြည်ထောင်စု ပေါ်ထွက်ရေး၊ လက်နက်ကိုင်ပဋိပက္ခများ ချုပ်ငြိမ်းပြီး ပြည်တွင်းငြိမ်းချမ်းရေးရရှိရေး၊ စစ်မှန်သည့် ဒီမိုကရေစီနှင့် ဈေးကွက်စီးပွားရေးစနစ် ဖြစ်ပေါ်ရေးကို ခံယူကျင့်သုံးရေး၊ သိပ္ပံနည်းကျ မဇ္ဈိမပဋိပဒါလမ်းစဉ်ကို ကျင့်သုံးရေး။
၎။ နောက်ခံသမိုင်းအကျဉ်း − ၂၀၁၀ ပြည့်နှစ် မေလက ပါတီစတင်တည်ထောင်ခဲ့သည်။ ၂၀၁၀ ရွေးကောက်ပွဲတွင် ရခိုင်ပြည်နယ် မဲဆန္ဒနယ်ခြောက်ခုမှ ၀င်ရောက်ယှဉ်ပြိုင်ခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ကျွန်တော်တို့ပါတီအနေနဲ့ ရခိုင်ပြည်နယ်ကိုယ်စားပြု ပါတီတစ်ခုအနေနဲ့ကြည့်ရင် ကျွန်တော်တို့ ရခိုင်ပြည်နယ်မှာ အလုပ်အကိုင်ရှားပါးတယ်ဆိုတော့ ပြည်မနဲ့ နိုင်ငံတကာကို ထွက်နေရတဲ့ အပိုင်းတွေရှိတယ်။ ကျွန်တော်တို့ လွှတ်တော်ကိုယ်စားလှယ်ဖြစ်ခဲ့ရင် ဒီအခန်းကဏ္ဍကို ဖြေရှင်းနိုင်ရေးအတွက် ရခိုင်ပြည်နယ်အထဲမှာ အလုပ်ရုံ၊ စက်ရုံတွေ ပေါ်ပေါက်လာပြီးရင် အလုပ်အကိုင်ရရှိရေးကို အဓိကဦးစားပေးဆောင်ရွက် သွားဖို့ ရှိပါတယ်။

ပြည်သူတွေက ရခိုင်ပြည်နယ်အမျိုးသားအင်အားစုပါတီကို ဘာကြောင့် မဲပေးသင့်လဲ။
၂၀၁၅မှာ လူတစ်ယောက်ရဲ့  ရပိုင်ခွင့်ဖြစ်တဲ့ မဲပေးဖို့နေရာမှာ တန်ဖိုးအရှိဆုံး မဲတစ်မဲဖြစ်တယ်။ သုံးသပ်ချက်အရ လွှတ်တော်ကိုယ်စားလှယ်များ ရွေးချယ်တဲ့အခါမှာ ပြည်သူ့အကျိုးကို တစိုက်မတ်မတ် ဆောင်ရွက်နိုင်စွမ်းရှိတဲ့ ပုဂ္ဂိုလ်တွေကိုပဲ ပြည်သူတွေက ရွေးချယ်သင့်တယ်လို့ တွေးတယ်ဆိုတော့ ဒီအပေါ်မှာ ကျွန်တော်တို့ပါတီအနေနဲ့လည်း ကိုယ်စားလှယ်လောင်းများကို အရည်အချင်းပြည့်ဝပြီး အများပြည်သူအကျိုးကို တစိုက်မတ်မတ် ဆောင်ရွက်နိုင်စွမ်းရှိတဲ့ ပုဂ္ဂိုလ်များကိုရွေးချယ်ပြီး ဆောင်ရွက်နေပါတယ်။


ရခိုင်မျိုးချစ်ပါတီ

၁။ ဥက္ကဋ္ဌ- ဦးမောင်မောင်စော။
၂။ မဲဆန္ဒနယ်- ရခိုင်ပြည်နယ်ရှိ မြို့တွင်းခြောက်မြို့နယ်အတွက် စုစုပေါင်း ၁၅ နေရာ ဝင်ရောက်ယှဉ်ပြိုင်မည်။
၃။ ပါတီမူဝါဒ- တိုင်းရင်းသားတန်းတူညီမျှရေးနှင့် ကိုယ်ပိုင်ပြဋ္ဌာန်းပိုင်ခွင့်ရှိသော လူမျိုးကို အခြေခံသည့် ဖက်ဒရယ်ပြည်ထောင်စုကို တည်ထောင်ရာတွင် တန်းတူအနေအထားဖြင့် တက်ကြွစွာဆောင်ရွက်ရန်။
၎။ ပါတီနောက်ခံသမိုင်း- အဘက်ဘက်မှ ချွတ်ခြုံကျနေသော ရခိုင်ပြည်နယ်နှင့် ရခိုင်လူမျိုးတို့၏ အနာဂတ်ကို အမျိုးသားစီမံကိန်းများချမှတ်ကာ ပြန်လည်တည်ဆောက်သွားရန်နှင့် လူမှန်နေရာမှန်ရှိမနေသော ရခိုင်နိုင်ငံရေးကို ပြန်လည်တည့်မတ်တည်ဆောက်ရန် ရခိုင်နိုင်ငံရေးအခင်းအကျင်းကို မျက်ခြည်မပြတ်စောင့်ကြည့်နေသော လူများနှင့် တည်ထောင် လိုက်ခြင်းဖြစ်ပါသည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ပြည်သူတွေ ဝင်ငွေ၊ ထွက်ငွေမျှအောင် ကူညီပေးဖို့က လက်ရှိလူတွေရဲ့ ဝင်ငွေနဲ့ ထွက်ငွေက တော်တော်ကွာဟနေတယ်။ သာမန်ပြည်သူတွေကို ဆိုလိုတာပါ။ ခရိုနီတွေကတော့ ဝင်ငွေပိုကောင်းပါလိမ့်မယ်။ ပညာတတ်ဘွဲ့ရဝန်ထမ်းတွေရဲ့ လစာတွေဟာ အဲဒီဝန်ထမ်းတွေရဲ့ ဘဝလုံခြုံမှုနဲ့ အာမခံချက်မပေးနိုင်သမျှ ဒီသံသရာဝဲဂယက်က မုန့်လုံးစက္ကူ ကပ်နေဦးမှာပါပဲ။

ပြည်သူတွေက ရခိုင်မျိုးချစ်ပါတီကို ဘာကြောင့် မဲပေးသင့်သလဲ။
ပြည်သူတွေ ဘာကြောင့်ပါတီကို မဲပေးသင့်သလဲဆိုတဲ့မေးခွန်းက ဖြေစရာစကားတွေ အများကြီးဖြစ်နေပါလိမ့်မယ်။ တိုတိုတုတ်တုတ် တစ်ခွန်းတည်းဖြေရရင်တော့ သူ တို့ဆန္ဒကို ဖော်ထုတ်လိုက်တာပေါ့။



ရခိုင်အမျိုးသားပါတီ

၁။ ဥက္ကဋ္ဌ- ဒေါက်တာအေးမောင်။
၂။ မဲဆန္ဒနယ်- ရခိုင်ပြည်နယ်တစ်ဝန်းလုံးနှင့် ရန်ကုန်နှင့် ဧရာဝတီတိုင်းအတွင်း စုစုပေါင်း ၇၅ နေရာ ဝင်ရောက်ယှဉ်ပြိုင်မည်။
၃။ ပါတီမူဝါဒ- စစ်မှန်သော ဖက်ဒရယ်ပြည်ထောင်စုတည်ထောင်ရန်၊ ရခိုင်တိုင်းရင်းသားများ အကျိုးစီးပွားနှင့် ဗမာအပါအဝင် အခြားတိုင်းရင်းသားများ၏ အကျိုးစီးပွားကို ဖော်ဆောင်နိုင်ရေး၊ ဒီမိုကရေစီစနစ်ထွန်းကားရေး ကြိုးပမ်းဆောင်ရွက်ရန်။
၎။ ပါတီနောက်ခံသမိုင်း- ၁၉၉၀ ရွေးကောက်ပွဲတွင် တစ်နိုင်ငံလုံး တတိယနေရာ အများဆုံးနိုင်ခဲ့သည့် ရခိုင်ဒီမိုကရေစီအဖွဲ့ချုပ်နှင့် ၂၀၁၀ ရွေးကောက်ပွဲတွင် တစ်နိုင်ငံလုံး၌ စတုတ္ထနေရာအများဆုံးနိုင်ခဲ့သည့် ရခိုင်တိုင်းရင်းသားများ တိုးတက်ရေးပါတီတို့သည် ရခိုင်ပြည်သူတို့၏ဆန္ဒကို အလေးအနက်ပြုကာ ၂၀၁၃ မေလ ၁၇ ရက်တွင် နှစ်ပါတီပူးပေါင်းရန် သဘောတူခဲ့သည်။ ပြည်ထောင်စုရွေးကောက်ပွဲကော်မရှင်က ၂၀၁၄ မတ်လ ၆ ရက်တွင် ပါတီမှတ်ပုံတင်ခွင့်ပြုခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ရခိုင်ပြည်နယ်မှာ နိုင်ငံတကာရင်းနှီးမြှုပ်နှံမှုကရလာမယ့် အကျိုးစီးပွားတွေကို ချမှတ်ထားတဲ့ မူဝါဒတွေနဲ့အညီ ရခိုင်ပြည်သူတွေ ရယူခံစားနိုင်ဖို့ ဆောင်ရွက်သွားမယ်။ ပြည်တွင်း၊ ပြည်ပက ရင်းနှီးမြှုပ်နှံမယ့် စီမံကိန်းကြီးတွေမှာ ရခိုင်အမျိုးသားလုပ်ငန်းရှင်တွေ ပါဝင်လုပ်ကိုင်နိုင်ခွင့်ရအောင် ဆောင်ရွက်ပေးသွားမယ်။

ပြည်သူတွေက ရခိုင်အမျိုးသားပါတီိ ကို ဘာကြောင့် မဲပေးသင့်သလဲ။
လွတ်လပ်ရေးရပြီး နှစ်ပေါင်း ၆၇ နှစ်ကြာ တင်ခဲ့တဲ့အကြွေးကို ဆပ်နိုင်ဖို့ ရခိုင်အမျိုးသားပါတီကို မဲပေးကြပါ။ ၆၇ နှစ်လုံးလုံး အစိုးရအဆက်ဆက်က တိုင်းရင်းသားလူမျိုးများ တန်းတူညီမျှရေးနဲ့ ကိုယ်ပိုင်ပြဋ္ဌာန်းခွင့်ရရေးဆိုတဲ့ ပင်လုံကတိကဝတ်ကို မဖော်ဆောင်ပေးနိုင်ခဲ့ကြဘူး။ အကြွေးတင်နေတဲ့ ပင်လုံကတိကဝတ်ကို ဖော်ဆောင်ပေးဖို့ လာမယ့် ရွေးကောက်ပွဲက တက်လာမယ့် ပြည်ထောင်စုအစိုးရကို ထိန်းကျောင်းသွားမှာဖြစ်ပါတယ်။


၈၈ မျိုးဆက်ကျောင်းသားလူငယ်များ(ပြည်ထောင်စုမြန်မာနိုင်ငံ)

၁။  ဥက္ကဋ္ဌ- ဦးရဲထွန်း။
၂။ မဲဆန္ဒနယ် - ကချင်၊ ကရင်၊ မွန်၊ ရှမ်းပြည်နယ်နှင့် ရန်ကုန်၊ မန္တလေး၊ စစ်ကိုင်း၊ ပဲခူး၊ မကွေး၊ ဧရာဝတီတိုင်းဒေသကြီးတို့တွင် စုစုပေါင်း ၄၅ နေရာ ၀င်ရောက်ယှဉ်ပြိုင်မည်။
၃။ ပါတီမူဝါဒ - ခွပ်ဒေါင်းအားမာန်မြဲရှင်သန်၊ ရရန်မလွဲဒို့အောင်ပွဲ
၎။ ပါတီနောက်ခံသမိုင်းကြောင်း - ၁၉၈၈ ခုနှစ် အရေးတော်ပုံကျောင်းသားခေါင်းဆောင်များ၊ ရဲဘော်များဖြင့် ဖွဲ့စည်းခဲ့သည်။ ၁၉၈၈ ခုနှစ် ဦးတည်ချက်အတိုင်း ဆောင်ရွက်မည့် သူများဖြင့် ပါတီကို တည်ထောင်ထားသည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ပြည်သူတွေက ၀င်ငွေ၊ထွက်ငွေမျှအောင် တကယ်အလုပ်လုပ်နေကြတာပဲ။ ၀င်ငွေကောင်းအောင် ကြိုးစားနေကြတယ်။ ကုန်ဈေးနှုန်းနဲ့ နှိုင်းယှဉ်ရင် ထွက်ငွေက မြင့်နေတယ်။ လာဘ်ပေးလာဘ်ယူက ဖျက်ဆီးနေတယ်။ ဥပမာ- လူတစ်ယောက်ဝင်ငွေ ငါးထောင်ရရင် သူတကယ်သုံးလိုက်ရတာ နှစ်ထောင်လောက်ပဲ။ ကျန်တဲ့သုံးထောင်က လာဘ်ငွေအဖြစ် ပေးလိုက်ရတယ်။ ဒါကြောင့် ၀င်ငွေထွက်ငွေမျှဖို့က တည်ဆဲဥပဒေမှာ အများလက်ခံနိုင်တဲ့ အချက်အလက်တွေပါရမယ်။ နောက်နည်းဥပဒေနဲ့ လုပ်ပိုင်ခွင့်တွေ ပြတ်ပြတ်သားသားရှိရမယ်။ မရှိသေးရင် ဥပဒေတွေ ပြဋ္ဌာန်းပေးရမယ်။ အိမ်ခြေရာခြေရှိသွားရင်၊ လာဘ်ပေးလာဘ်ယူပပျောက်ရင် နေရေးစိတ်အေးပြီး ၀င်ငွေမြင့်လာရင် သုံးငွေတက်လာမယ်၊ ထွက်ငွေနည်းလာမယ်။ မြေမဲ့၊ ယာမဲ့ကိစ္စနဲ့ မြေယာပိုင်ဆိုင်မှု၊ လာဘ်ပေးလာဘ်ယူ အဲဒါတွေ ရှင်းလိုက်ရင် အဆင်ပြေသွားမယ်။

ပြည်သူတွေက ၈၈ မျိုးဆက်ကျောင်းသားလူငယ်များ (ပြည်ထောင်စုမြန်မာနိုင်ငံ)ပါတီ ကို ဘာကြောင့် မဲပေးသင့်သလဲ။
လူထုထဲမှာနေ၊ လူထုနဲ့အတူခံစား၊ ရုန်းကန်ပြီး နေ့စဉ်နဲ့အမျှ လူထုကိစ္စအ၀၀ကို သိနေလို့ပဲ။ ကျွန်တော်တို့ပါတီက ပြည်ပကို အားမကိုးဘူး။ အစိုးရကို အားမကိုးဘူး။ ကျွန်တော်တို့က လူထုကိုပဲ အားကိုးတယ်။


၈၈ မျိုးဆက်ဒီမိုကရေစီပါတီ

၁။ ဥက္ကဋ္ဌ - ဦးစိုးမြင့်။
၂။ မဲဆန္ဒနယ် - ပြည်သူ့လွှတ်တော်နှင့် အမျိုးသားလွှတ်တော်တို့အတွက် တစ်နေရာစီနှင့် ပြည်နယ်လွှတ်တော် နှစ်နေရာ စုစုပေါင်း လေးနေရာ ယှဉ်ပြိုင်မည်။
၃။ ပါတီမူဝါဒ -  မြန်မာနိုင်ငံအတွင်း အဂတိလိုက်စားမှုများ ပပျောက်စေရေးကို ဦးစားပေးလုပ်ဆောင်သွားမည်။ ငြိမ်းချမ်းရေးလုပ်ငန်းစဉ်များနှင့်ပတ်သက်ပြီး နိုင်ငံရေးအခင်းအကျင်းတွင် တစ်ဖက်တစ်လမ်းမှ ကူညီဆောင်ရွက်ပေးမည်။ ၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေးနှင့် လူထုလူတန်းစားအားလုံး တန်းတူအခွင့်အရေးရရှိရေး လုပ်ဆောင်သွားမည်။
၎။ ပါတီနောက်ခံသမိုင်း - နေပြည်တော်ရှိ အမျိုးသားလွှတ်တော်သို့ သွားရောက်လေ့လာပြီးနောက် နိုင်ငံရေးလောကထဲသို့ဝင်ရောက်ရန် ဆုံးဖြတ်ခဲ့သည်။ ၂၀၁၄ တွင် ပါတီတည်ထောင်ခွင့်လျှောက်ထားပြီး ၂၀၁၅ ဇွန်လတွင် ရွေးကောက်ပွဲကော်မရှင်က ပါတီတည်ထောင်ခွင့်ပြုခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ပြည်သူတွေရဲ့ ဝင်ငွေ၊ ထွက်ငွေမျှတအောင် အတတ်နိုင်ဆုံး အဆင်ပြေဆုံးဆောင်ရွက်ပေးသွားမယ်။ ပြည်သူလူထုရဲ့ဆန္ဒကိုလည်း ဦးစားပေး လုပ်ဆောင်သွားမယ်။ တောင်သူလယ်သမားတွေရဲ့ ဝင်ငွေတိုးတက်အောင် ဆောင်ရွက်ပေးဖို့ စီစဉ်နေပါတယ်။

ပြည်သူတွေက ၈၈ မျိုးဆက်ဒီမိုကရေစီပါတီကို ဘာကြောင့် မဲပေးသင့်သလဲ။
အန်ကယ်တို့ပါတီက တည်ထောင်လိုက်တာမကြာသေးပေမယ့် လူထုအကျိုးကို ဆောင်ရွက်ပေးမှာဖြစ်တဲ့အတွက် လူထုက အားပေးမယ်၊ မဲပေးလိမ့်မယ်လို့ ယုံကြည်ပါ တယ်။


ရှမ်းတိုင်းရင်းသားများ ဒီမိုကရေစီအဖွဲ့ချုပ်

၁။ ဥက္ကဋ္ဌ- ဦးခွန်ထွန်းဦး။
၂။ မဲဆန္ဒနယ်- စုစုပေါင်း ၁၅၈ နေရာ ယှဉ်ပြိုင်မည်။
၃။ ပါတီမူဝါဒ- ဒီမိုကရေစီနိုင်ငံရေးစနစ်ကျင့်သုံးသော ဖက်ဒရယ်ပြည်ထောင်စု ထူထောင်ရေး။
၎။ ပါတီနောက်ခံသမိုင်း- ၁၉၈၈ တွင် စတင်ဖွဲ့စည်းသည်။ ၁၉၉၀ ပြည့်နှစ် ရွေးကောက်ပွဲတွင် NLD ပြီးလျှင် ဒုတိယအများဆုံး ရွေးချယ်ခံခဲ့ရသည်။ ၁၉၉၃ အမျိုးသားညီလာခံသို့တက်ရောက်ခဲ့ပြီး ၂၀၀၄တွင် ကျင်းပသော ညောင်နှစ်ပင် အမျိုးသားညီလာခံသို့ ဖိတ်ကြားချက်ကို ငြင်းဆန်ခဲ့သောကြောင့် ၂၀၀၅ တွင် ပါတီခေါင်းဆောင်များအား အခြားအကြောင်းပြချက်များဖြင့် ဖမ်းဆီးတရားစွဲလျက် နှစ်ရှည်ထောင်ဒဏ်များ ချမှတ်ခဲ့သည်။ ၂၀၀၈ ဖွဲ့စည်းပုံ အတည်ပြုဆန္ဒခံယူမှုတွင် ဆန့်ကျင်ခဲ့သည်။ ၂၀၁၀ ရွေးကောက်ပွဲကိုလည်း ဆန့်ကျင်ခဲ့ပြီး ရွေးကောက်ပွဲမ၀င်ခဲ့ပေ။ ထို့ကြောင့် ပါတီမှတ်ပုံတင် ပယ်ဖျက်ခံရသည်။ ပါတီလှုပ်ရှားမှုတော့ ရပ်တန့်မသွားပါ။ ၂၀၁၂ တွင် ခေါင်းဆောင်များပြန်လည်လွတ်မြောက်လာသောကြောင့် ပါတီကို ပြန်လည်မှတ်ပုံတင်ခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ပြည်သူတွေရဲ့ ၀င်ငွေ၊ ထွက်ငွေ မျှတအောင်လုပ်ရမယ့် တာဝန်ကို အင်မတန်အရေးကြီးတဲ့ တာဝန်တစ်ရပ်လို့ မြင်ပါတယ်။

ပြည်သူတွေက ရှမ်းတိုင်းရင်းသားများ ဒီမိုကရေစီအဖွဲ့ချုပ်ကို ဘာကြောင့် မဲပေးသင့်လဲ။
ကျွန်တော်တို့က ပြည်သူတွေအတွက် အကောင်းဆုံးဖြစ်အောင် လုပ်နေပါတယ်။ ဒါကြောင့် အားပေးသင့်ပါတယ်။



ရှမ်းတိုင်းရင်းသားများ ဒီမိုကရက်တစ်ပါတီ (ကျားဖြူပါတီ)

၁။ ဥက္ကဋ္ဌ - ဦးစိုင်းအိုက်ပေါင်း။
၂။ မဲဆန္ဒနယ်- စစ်ကိုင်း၊ မန္တလေး၊ ကချင်၊ ကယားနှင့် ရှမ်းပြည်နယ်တို့တွင် မဲဆန္ဒနယ် ၂၀၅ နေရာ ယှဉ်ပြိုင်မည်။
၃။ ပါတီမူဝါဒ- စစ်မှန်သည့် ဖက်ဒရယ်ပြည်ထောင်စုဖြစ်ပေါ်လာရေး။
၎။ ပါတီနောက်ခံသမိုင်း- ပါတီစုံဒီမိုကရေစီစနစ်ဖြစ်ပေါ်လာသည့်အခါ ရှမ်းတိုင်းရင်းသားများအတွက် ပါတီတစ်ခုရှိသင့်သည်ဟု ယူဆကာ တိုင်ပင်ဖွဲ့စည်းခဲ့သည်။ ၂၀၁၀ မေလ ၂၆ ရက်တွင် ပါတီမှတ်ပုံတင်ခွင့်ကျပြီး ၂၀၁၀ အထွေထွေရွေးကောက်ပွဲ၌ မဲဆန္ဒနယ် ၅၇ နေရာ အနိုင်ရရှိခဲ့။ ၂၀၁၂ ကြားဖြတ်ရွေးကောက်ပွဲတွင် ဒုသမ္မတ ဒေါက်တာ စိုင်းမောက်ခမ်း၏ လစ်လပ်မဲဆန္ဒနယ်၌ အနိုင်ရရှိခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

တိုင်းပြည်ရဲ့ ပြည်သူ ၇၀ ရာခိုင်နှုန်းကျော်က စိုက်ပျိုးရေးကို အခြေခံကြတယ်။ အဲဒီတော့ စိုက်ပျိုးရေးကဏ္ဍကို ဖွံ့ဖြိုးတိုးတက်အောင်လုပ်ရမယ်။ ဒီပုံစံနဲ့မဖြစ်ဘူး။ နိုင်ငံခြားရင်းနှီးမြှုပ်နှံမှုလာရမယ်။ နည်းပညာ လာရမယ်။ ပြည်သူလူထုကို အလုပ်အကိုင်တွေ ဖန်တီးပေးရမယ်။

ပြည်သူတွေက ရှမ်းတိုင်းရင်းသားများဒီမိုကရက်တစ်ပါတီကို ဘာကြောင့်မဲပေးသင့်သလဲ။
ကျားဖြူပါတီက ရှမ်းပြည်နယ်မှာရော၊ ကချင်ပြည်နယ်မှာရော၊ ကယားပြည်နယ်မှာရော ရှမ်းတိုင်းရင်းသားအားလုံးရဲ့ အကျိုးကျေးဇူးကို ဆောင်ရွက်ခဲ့တယ်။ နောက်ပြီး ပြည်ထောင်စုကြီး ငြိမ်းချမ်းသာယာအောင်လုပ်မယ့် ပါတီဖြစ်လို့ ရှမ်းတိုင်းရင်းသားများ ဒီမိုကရက်တစ်ပါတီကို မဲပေးသင့်ပါတယ်။


ရှမ်းနီ(တိုင်းလိုင်)နှင့် မြောက်ပိုင်းရှမ်းမျိုးနွယ်စုများ သွေးစည်းညီညွတ်ရေးပါတီ [SNSP]

၁။ ဥက္ကဋ္ဌ- ဦးအောင်ခင်။
၂။ မဲဆန္ဒနယ်- ကချင်ပြည်နယ်တွင်မြို့နယ် ရှစ်မြို့နယ်နှင့် စစ်ကိုင်းတိုင်းတွင် လေးမြို့နယ် စုစုပေါင်း  ၁၂ မြို့နယ် ၀င်ရောက် ယှဉ်ပြိုင်မည်။
၃။ ပါတီမူဝါဒ- စစ်မှန်သော ဒီမိုကရေစီဖက်ဒရယ် ပြည်ထောင်စုပေါ်ပေါက်လာရန် တိုင်းရင်းသားသွေးစည်းညီညွတ်ရေးနှင့် ပြည်သူလူထုအကျိုးကို ဆောင်ရွက်သွားမည်။
၎။ ပါတီနောက်ခံသမိုင်း- ၂၀၁၂ ခုနှစ်တွင် တည်ထောင်ခဲ့သည့် တိုင်းလိုင်(ရှမ်းနီ)အမျိုးသားဖွံ့ဖြိုးတိုးတက်ရေးပါတီတွင် သဘောထားကွဲလွဲမှုများရှိခဲ့ပြီး ၂၀၁၄ ခုနှစ်တွင် ပါတီအသစ်တည်ထောင်ရန် ပြန်လည်လျှောက်ထားခဲ့သည်။ ၂၀၁၅ ခုနှစ် မေလတွင် ပါတီအသစ်မှတ်ပုံတင် ရရှိခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

လွှတ်တော်ထဲရောက်ရင် ပြည်သူတွေ ၀င်ငွေ/ထွက်ငွေမျှအောင်လို့ စီမံခန့်ခွဲတဲ့အဖွဲ့တွေဖွဲ့မယ်။ နောက်ပြီး တိုင်းပြည်အုပ်ချုပ်ရေးပိုင်းကလည်း ၀င်ငွေ/ထွက်ငွေမျှတအောင် အခြေခံအားဖြင့် ပြောင်းလဲပေးဖို့ လိုအပ်တယ်။ အဓိကကကုန်ဈေးနှုန်းပါပဲ။ ကုန်ဈေးနှုန်းတက်လို့ ပြည်သူတွေရဲ့ ၀င်ငွေနဲ့ထွက်ငွေ မမျှတတာပါပဲ။ ကုန်ဈေးနှုန်းတွေကျဆင်းအောင်လည်း လုပ်ဆောင်သွားရမယ်။ ကျွန်တော်တို့တိုင်းပြည်မှာက အခြေခံလူတန်းစားတွေက ရာခိုင်နှုန်းအများဆုံးပဲလေ။ ဆင်းရဲသားလူတန်းစားတွေ ပပျောက်အောင်လုပ်ပေးမယ်ဆိုတဲ့ အစိုးရရဲ့စကားကလည်း လက်တွေ့မှာဘာမှဖြစ်မလာဘူး။ လမ်းပန်းဆက်သွယ်ရေးခက်ခဲတဲ့ ကျွန်တော်တို့လို တိုင်းရင်းသားတွေနေထိုင်တဲ့ ပြည်နယ်ဒေသတွေမှာ ပိုတောင်ဆိုးသေးတယ်။

ပြည်သူတွေက ရှမ်းနီ(တိုင်းလိုင်)နှင့် မြောက်ပိုင်းရှမ်းမျိုးနွယ်စုများ သွေးစည်းညီညွတ်ရေးပါတီကို ဘာကြောင့် မဲပေးသင့်သလဲ။
ကျွန်တော်တို့က တိုင်းရင်းသားပါတီဖြစ်တဲ့အတွက် တိုင်းရင်းသား တွေရဲ့အရေးကို ပထမဦးဆုံးအရေးပေးလုပ်ဆောင်သွားမယ်။ ဒါကြောင့် တိုင်းရင်းသားတွေအနေနဲ့ မဲပေးသင့်တယ်လို့ထင်ပါတယ်။ လက်ရှိမှာလည်း တိုင်းရင်းသားတွေနဲ့ပြည်သူတွေရဲ့လိုအပ်ချက်တွေကို လိုက်လံဆောင်ရွက်နေပါတယ်။


ရှမ်းပြည်ကိုးကန့်ဒီမိုကရက်တစ်ပါတီ

၁။ ဥက္ကဋ္ဌ- ဦးအန်တိုနီစူ။
၂။ မဲဆန္ဒနယ်- ပြည်သူ့လွှတ်တော်မဲဆန္ဒနယ်နှစ်နေရာ၊ အမျိုးသားလွှတ်တော်မဲဆန္ဒနယ် တစ်နေရာ၊ ပြည်နယ်လွှတ်တော်မဲဆန္ဒနယ်ခုနစ်နေရာ၊ စုစုပေါင်း ၁၀ နေရာ။
၃။ ပါတီနယ်မြေ- ရှမ်းပြည်နယ်အတွင်း။
၎။ ပါတီနောက်ခံသမိုင်း- ၂၀၁၂ ဩဂုတ် ၁၄ ရက်တွင် နိုင်ငံရေးပါတီအဖြစ် မှတ်ပုံတင် လျှောက်ထားခဲ့ပြီး ပြည်ထောင်စုရွေးကောက်ပွဲကော်မရှင်က ၂၀၁၂ ဩဂုတ် ၃၁ ရက်၌ နိုင်ငံရေးပါတီအဖြစ် မှတ်ပုံတင်ခွင့်ပြုခဲ့သည်။

ပြည်ထောင်စုရွေးကောက်ပွဲကော်မရှင်ထံ မှတ်ပုံတင်ထားသော နိုင်ငံရေးပါတီ ၉၁ ပါတီ  အနက် ရှမ်းပြည်ကိုးကန့်ဒီမိုကရက်တစ်ပါတီ၏ နိုင်ငံရေးပါတီ မှတ်ပုံတင်အမှတ်စဉ်မှာ  (၆၀)ဖြစ်သည်။
ရှမ်းပြည်ကိုးကန့်ဒီမိုကရက်တစ်ပါတီကို ဆက်သွယ်မေးမြန်း၍ မရသောကြောင့် ဖော်ပြနိုင်ခြင်းမရှိပါ။


ရှမ်းပြည်နယ်အရှေ့ပိုင်း ဖွံ့ဖြိုးတိုးတက်ရေး ဒီမိုကရက်တစ်ပါတီ

၁။ ဥက္ကဋ္ဌ- ဦးစိုင်းဟောင်ခမ်း။
၂။ မဲဆန္ဒနယ်- ရှမ်းပြည်နယ်(အရှေ့ပိုင်း)ကျိုင်းတုံနှင့်မိုင်းယန်းမြို့နယ်များတွင် လွှတ်တော်သုံးရပ်စလုံးအတွက် ကိုယ်စားလှယ် ခုနစ်ဦးဝင်ရောက်ယှဉ်ပြိုင်မည်။
၃။ ပါတီမူဝါဒအုပ်ချုပ်ရးမူဝါဒ - ဒီမိုကရေစီစနစ်နှင့်အညီအုပ်ချုပ်ပြီး တိုင်းနှင့်ပြည်နယ်အသီးသီးတွင် ကိုယ်ပိုင်ပြဋ္ဌာန်းခွင့်လမ်းစဉ်မူဝါဒကို ကျင့်သုံးမည်။ တရားစီရင်ရေးမူဝါဒ - လွတ်လပ်ပြီး သန့်ရှင်းသော တရားစီရင်ရေးစနစ်ကိုကျင့်သုံးမည်။ စီးပွားရေးမူဝါဒ - လွတ်လပ်သောစီးပွားရေးဝါဒနှင့် ဈေးကွက်စီးပွားရေးစနစ်ကို ဦးတည်ဆောင်ရွက်မည်။
၎။ ပါတီနောက်ခံသမိုင်း- ရှမ်းပြည်နယ်(အရှေ့ပိုင်း)ရှိ တိုင်းရင်းသားများဖွံ့ဖြိုးတိုးတက်ရေးရည်ရွယ်ကာ ၂၀၁၅ ဇွန်လတွင် ပါတီမှတ်ပုံတင်ခဲ့ပြီး ပြည်ထောင်စုရွေးကောက် ပွဲကော်မရှင်က ဇူလိုင် ၂ ရက်တွင် မှတ်ပုံတင်ခွင့်ပြုခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ဒေသခံပြည်သူတွေက စိုက်ပျိုးရေးကိုအဓိကလုပ်ဆောင်ကြလို့ စိုက်ပျိုးရေးကိုအားပေးမယ်။ ပြီးရင် အုပ်ချုပ်ရေးပိုင်းနဲ့ပူးပေါင်းပြီး ကုန် သွယ်ရေးကောင်းအောင်လုပ်မယ်။

ပြည်သူတွေက ရှမ်းပြည်နယ်အရှေ့ပိုင်းဖွံ့ဖြိုးတိုးတက်ရေးဒီမိုကရက်တစ်ပါတီကို ဘာကြောင့် မဲပေးသင့်သလဲ။
ပါတီက ဒေသခံပါတီဆိုတော့ အကြောင်းသိတွေပဲလေ။ ဒေသ အကျိုးကို တကယ်လုပ်မယ်ဆိုတာ ဒေသခံတွေကသိပါတယ်။


လားဟူအမျိုးသားဖွံ့ဖြိုးတိုးတက်ရေးပါတီ

၁။ ဥက္ကဋ္ဌ- ဦးယောသပ်။
၂။ မဲဆန္ဒနယ်- ရှမ်းပြည်နယ်အတွင်း ၁၁ မြို့နယ်တွင် ကိုယ်စားလှယ်လောင်း ၂၉ ဦး ဝင်ရောက်ယှဉ်ပြိုင်မည်။
၃။ ပါတီမူဝါဒ - နိုင်ငံတော်တွင် မည်သည့်အစိုးရတက်တက် လက်တွဲဆောင်ရွက်မည်။ လားဟူတိုင်းရင်းသားများဖွံ့ဖြိုးတိုးတက်ရန် အခြားတိုင်းရင်းသားများနှင့်အတူ တန်းတူအခွင့်အရေးရရှိစေရေးဆောင်ရွက်ရန်။
၎။ ပါတီနောက်ခံသမိုင်း- ၁၉၈၉ ဖေဖော်ဝါရီ ၂၈ ရက်တွင် စတင်ဖွဲ့စည်းခဲ့သည်။ လားဟူ တိုင်းရင်းသားဦးစောလှ၊ ဒေါ်မေရီတို့က မိမိတို့လူမျိုးအကျိုးမြှင့်တင်နိုင်ရန် ငွေကြေးအကုန်အကျခံကာ ပါတီဖွဲ့စည်း ထူထောင်ခဲ့ခြင်းဖြစ်သည်။ ၁၉၉၀ ရွေးကောက်ပွဲ၊ ၂၀၁၀ ရွေးကောက်ပွဲနှင့် ၂၀၁၂ ကြားဖြတ်ရွေးကောက်ပွဲများတွင် ဝင်ရောက်ယှဉ်ပြိုင်ခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။
ပြည်သူတွေဆိုတဲ့အခါမှာတော့ ကျွန်တော်တို့အနေနဲ့က ကျွန်တော်တို့လူမျိုး အကျိုး ဖြစ်ထွန်းမှုကို အခြေခံထားတာပါ။ ဘာပဲဖြစ်ဖြစ် နိုင်ငံနဲ့ချီပြောရရင် ညှိနှိုင်းပြီးဆောင်ရွက်မယ်။ ကျွန်တော်တို့လူမျိုးအရေး ပိုလုပ်ဆောင်ဖြစ်မယ်။

ပြည်သူတွေက လားဟူအမျိုးသားဖွံ့ဖြိုးတိုးတက်ရေးပါတီကို ဘာကြောင့်မဲပေးသင့်သလဲ။
ပွင့်ပွင့်လင်းလင်းပြောရရင် ကျွန်တော်တို့အနေအထားက ကိုယ့်လူမျိုးပဲကိုယ်စည်းရုံးရတော့ တခြားဒေသ၊ တခြားလူမျိုးတွေကို သွားစည်းရုံးလို့မဖြစ်နိုင်ဘူး။ လူမျိုးချစ်စိတ်နဲ့ပဲ ကိုယ့်ဒေသလိုအပ်ချက်တွေ ဖြည့်ဆည်းနိုင်အောင်
စုစည်းလုပ်ဆောင်နေရတဲ့ သဘောရှိပါတယ်။ အာမခံချက်တွေမပေးဘူး။ လူမျိုးချစ်စိတ်နဲ့သွားနေတာပါ။


လီဆူအမျိုးသားဖွံ့ဖြိုးတိုးတက်ရေးပါတီ (ဒူးလေးပါတီ)

၁။ ဥက္ကဋ္ဌ- ဦးအာခီဒါဝူ။
၂။ မဲဆန္ဒနယ်- ကချင်ပြည်နယ်တွင် ရှစ်မြို့နယ်၊ ရှမ်းပြည်နယ်၊ မန္တလေးတိုင်းနှင့် ကယားပြည်နယ်တို့တွင်လည်း ဝင်ရောက်ယှဉ်ပြိုင်မည်။
၃။ ပါတီမူဝါဒ- တိုင်းရင်းသားများအပါအဝင် နိုင်ငံသားများ၏ ရပိုင်ခွင့်များ၊ တရားဥပဒေစိုးမိုးရေး၊ ပြည်တွင်းငြိမ်းချမ်းရေးလုပ်ငန်းစဉ်များတွင် အခြားနိုင်ငံရေးပါတီတို့ နှင့် ပူးပေါင်းဆောင်ရွက်သွားမည်။
၎။ ပါတီနောက်ခံသမိုင်း- လီဆူတိုင်းရင်းသားများသည် နိုင်ငံရေးတွင် စိတ်ပါဝင်စားမှုနည်းပါးနေခြင်းကြောင့် လီဆူတိုင်းရင်းသား ကျား/မ အားလုံး နိုင်ငံရေးတွင် စိတ်ပါဝင်စား၍ ပါဝင်လာစေရန် ပါတီတည်ထောင် ခဲ့ခြင်းဖြစ်သည်။ ကချင်၊ ကယား၊ ရှမ်းပြည်နယ်နှင့် ရန်ကုန်တိုင်း၊ မန္တလေးတိုင်းတို့တွင် နေရာအနှံ့နေထိုင်ကြသည့် လီဆူတိုင်းရင်းသားများ ကွန်ရက်တစ်ခုအနေဖြင့် တစုတစည်းတည်း စုပေါင်းနိုင်ရန် ပါတီတည်
ထောင်ခဲ့ခြင်းဖြစ်သည်။ ၂၀၁၃ ဩဂုတ်တွင် ပါတီတည်ထောင်ခွင့် မှတ်ပုံတင်ခဲ့ပြီး ဒီဇင်ဘာ၌ ပါတီတည်ထောင်ခွင့်ပြုခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

အခြေခံလူတန်းစားတွေ ထမင်းဝဝစားနိုင်ဖို့အတွက်၊ ပြည့်ပြည့်စုံစုံ နေနိုင်ဖို့အတွက် အန်ကယ်တို့ပါတီအနေနဲ့ စဉ်းစားထားပြီးသားပါ။ ပြည်သူလူထုရဲ့ စားဝတ်နေရေးအဆင်ပြေဖို့အတွက်က အန်ကယ်တို့ရဲ့ အဓိကရည်မှန်းချက်ပါ။ အခြေခံလူတန်းစားတွေအတွက် လုပ်ငန်းအခွင့်အလမ်းတွေ များများရရှိအောင် ကူညီပေးဖို့ စဉ်းစားထားပါတယ်။ လူငယ်တွေ အလုပ်အကိုင်အခွင့်အလမ်းတွေ များများရရှိအောင်လုပ်ပေး ဖို့လည်းရှိပါတယ်။

ပြည်သူတွေက လီဆူအမျိုးသားဖွံ့ဖြိုးတိုးတက်ရေးပါတီ (ဒူးလေးပါတီ)ကို ဘာကြောင့် မဲပေးသင့်သလဲ။
အန်ကယ်တို့ပါတီက ပြည်သူလူထုအပေါ်အခြေခံပြီး ဖွဲ့စည်းထားတဲ့ ပါတီတစ်ခုဖြစ်ပါတယ်။ အန်ကယ်တို့က ပြည်သူတွေကို အမိန့်ပေးပြီး ဆက်ဆံတာမျိုး မဟုတ်ပါဘူး။ ပြည်သူ့ဆန္ဒ သဘောထားအတိုင်း
ဖြည့်ဆည်းဆောင်ရွက်ပေးတဲ့ အတွက် ပြည်သူတွေအနေနဲ့ မဲပေးသင့်တယ်လို့ ယုံကြည်လာရင် အန်ကယ်တို့ပါတီကို မဲပေးလာကြမှာပါ။



လူမျိုးပေါင်းစုံဒီမိုကရေစီပါတီ (ကယားပြည်နယ်)

၁။ ဥက္ကဋ္ဌ- ဦးဖိုးရယ်။
၂။ မဲဆန္ဒနယ်- ကယားပြည်နယ်ရှိ မြို့နယ် ၂၆ မြို့နယ်တွင် ၀င်ရောက်ယှဉ်ပြိုင်မည်။
၃။ ပါတီမူဝါဒ- တိုင်းရင်းသားပြည်နယ်အစိုးရတစ်ရပ် ရရှိစေရန်၊ ပြည်နယ်အတွင်းရှိ တိုင်းရင်းသားပြည်သူများ တန်းတူရည်တူ အခွင့်အရေးရရှိစေရန်နှင့် စစ်မှန်သော
ပြည်ထောင်စုကြီးတစ်ရပ် ပေါ်ပေါက်လာစေရန် ရည်ရွယ်သည်။ လူမျိုးကြီးငယ်မဟူ တန်းတူရည်တူရှိရမည်။ အခြေခံလူ့အခွင့်အရေးနှင့် ဒီမိုကရေစီရ ပိုင်ခွင့်များကိုနိုင်ငံသားတိုင်း
ရရှိစေရမည်။ ကယားပြည်နယ်တွင် ဥပဒေပြုအာဏာ၊ အုပ်ချုပ်ရေးအာဏာ၊ တရားစီရင်ရေးအာဏာတို့ကို လူမျိုးစုအသီးသီး၏ ဒေသဓလေ့ထုံးတမ်း များနှင့်အညီ လွတ်လပ်စွာ ကျင့်သုံးခွင့်ရှိစေရမည်။
၎။ ပါတီနောက်ခံသမိုင်း- ကယားပြည်နယ်အတွင်းရှိ တိုင်းရင်းသားအားလုံးပါဝင်ခွင့်ရရှိ စေရန် ရည်ရွယ်ပြီး ပြည်နယ်ကိုယ်စားပြု လူမျိုးပေါင်းစုံ ဒီမိုကရေစီပါတီကို ၂၀၁၃ တွင် လွိုင်ကော်မြို့၌ စတင်ဖွဲ့စည်းခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ဝင်ငွေ၊ ထွက်ငွေနဲ့ပတ်သက်ပြီး ပြည်နယ်ဒေသတွေမှာ အခက်အခဲရှိပါတယ်။ တောင်ပေါ်ဒေသတွေမှာက ရာသီအလိုက် စိုက်ပျိုးရေးတွေပဲလုပ်တဲ့အတွက် ရာသီကုန်သီးနှံပေါ်မှ တစ်နှစ်မှတစ်ခါပဲ ပိုက်ဆံ ရကြတာပါ။ အန်ကယ်တို့ဆီမှာက စက်ရုံ၊ အလုပ်ရုံမရှိတဲ့အတွက် စက်ရုံ၊ အလုပ်ရုံ၊ အလုပ်သမားတွေလည်း မရှိဘူး။ အန်ကယ်တို့ပါတီကတော့ ပညာပေးလုပ်ငန်းတွေ လုပ်သွားမယ်။ အခမဲ့နှစ်ရှည်သီးပင်တွေ စိုက်ပျိုးနိုင်ဖို့ ကူညီမယ်။ ဈေးကွက်ကို ပီပီပြင်ပြင်ဖော်ဆောင်ပေးလိုက်မယ်ဆိုရင် ပြည်သူတွေရဲ့ ၀င်ငွေတွေပိုပြီး ရရှိလာမှာပါ။

ပြည်သူတွေက လူမျိုးပေါင်းစုံ ဒီမိုကရေစီပါတီ(ကယားပြည်နယ်)ကို ဘာကြောင့်မဲပေးသင့်လဲ။
အန်ကယ်တို့ပါတီက နိုင်ငံရေး၊ အုပ်ချုပ်ရေးတွေနဲ့ပတ်သက်ပြီး တစ်ဖက်တစ်လမ်းက ဆောင်ရွက်နေသလို ၂၀၀၈ ဖွဲ့စည်းပုံအခြေခံဥပဒေကို ပြည်သူနဲ့ သဟဇာတဖြစ်စေမယ့် ပုဒ်မတွေကို ပြင်ရမယ်။ အဲဒီလိုပြင်ဆင်ဖို့ကလည်း လွှတ်တော်ထဲရောက်မှ ပြင်နိုင်မယ့်အနေအထားရှိတယ်။ လွှတ်တော်ထဲရောက်အောင်လို့ ပြည်သူတွေက ထောက်ခံအား ပေးရမှာဖြစ်တဲ့အတွက် အန်ကယ်တို့ပါတီကို မဲပေးကြမှာပါ။



လူ့ဘောင်သစ်ဒီမိုကရက်တစ်ပါတီ

၁။ ဥက္ကဋ္ဌ- ဦးအောင်မိုးဇော်
၂။ မဲဆန္ဒနယ်- မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသ ကြီး၊ ရန်ကုန်တိုင်းဒေသကြီး၊ မကွေးတိုင်းဒေသကြီး၊ ကရင်ပြည်နယ်နှင့် ရခိုင်ပြည်နယ် တို့တွင် ပြည်သူ့လွှတ်တော် ခုနစ်နေရာ၊ အမျိုးသားလွှတ်တော် လေးနေရာ၊ တိုင်းဒေသကြီး/ပြည်နယ်လွှတ်တော် ဆယ်နေရာ စုစုပေါင်း ၂၁ နေရာ ဝင်ရောက်ယှဉ်ပြိုင်မည်။
၃။ ပါတီမူဝါဒ - ပြည်သူလူထု ခံစားနေရတာကို ထင်ဟပ်ပြီး ကျယ်ကျယ်ပြန့်ပြန့်ပြောဆိုနိုင်ဖို့၊ အလုပ်သမား၊ လယ်သမား၊ ကျောင်းသား၊ ဆင်းရဲသားပြည်သူတွေ သူတို့ရဲ့ လက်တွေ့ဖြစ်ပျက်နေတဲ့ အခြေအနေတွေကို ထိထိရောက်ရောက် ဆောင်ရွက်ပေးနိုင်ဖို့ လုပ်ဆောင်မည်။
၎။ ပါတီနောက်ခံသမိုင်း - ရှစ်လေးလုံးအရေးတော်ပုံကနေ ဖြစ်တည်လာခဲ့တဲ့ပါတီပါ။ ၁၉၉၀ ရွေးကောက်ပွဲအပြီး ဖျက်သိမ်းခံရပြီးပါတီခေါင်းဆောင်ပိုင်းတွေဖမ်းဆီးခံရတယ်။ တချို့မြေအောက်ရောက်သွားတယ်။ တချို့ နယ်စပ်မှာ ပါတီကို ပြန်တည်ထောင်ခဲ့ပြီး ဒီနေ့အထိ ဒီမိုကရေစီရေးမှာ တစ်တပ်တစ်အားပါဝင်နိုင်ဖို့ ကြိုးစားနေတယ်။ ၂၀၁၂ ဖေဖော်ဝါရီမှာ တိုင်းပြည်က အပြောင်းအလဲတစ်စုံတစ်ရာ ဖြစ်လာတဲ့အနေအထားရှိလို့ အစိုးရနဲ့ ခြောက်ကြိမ်ဆွေးနွေးပြီး တရားဝင်နိုင်ငံရေးပါတီအဖြစ် ရပ်တည်ဖို့ကြိုးစားခဲ့ပါတယ်။  နယ်စပ်ကလူတွေ ပြည်တွင်းမှာရှိနေတဲ့ ရဲဘော်တွေထဲက ပြည်တွင်းမှာ ထောင်ထဲက ပြန်ထွက်လာတဲ့ လူ့ဘောင်သစ် ဒီမိုကရက်တစ်ပါတီဝင် ရဲဘော်ဟောင်းတွေ ဒီပါတီကို ပြန်လည်ဝင်ရောက်လာပါတယ်။ ဒါကြောင့် ၂၀၁၄ အောက်တိုဘာ ၂၄ ရက်မှာ ပါတီတရားဝင် မှတ်ပုံတင်ခွင့်ကို ရွေးကောက်ပွဲကော်မရှင်က ခွင့်ပြုပေးခဲ့ပါတယ်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

အခုရောက်နေတာက လက်ရှိတိုင်းပြည် အပြောင်းအလဲဖြစ်နေတယ်လို့ ပြောပေမယ့်အဲဒီအပြောင်းအလဲကို ပြည်သူလူထုအနေနဲ့ မည်မည်ရရ မခံစားရသေးဘူး။ နိုင်ငံရေးမှာပဲဖြစ်ဖြစ်၊ စီးပွားရေးမှာပဲဖြစ်ဖြစ်၊
လူမှုရေးမှာပဲဖြစ်ဖြစ် တရားမျှမျှတတယှဉ်ပြိုင်နိုင်တဲ့ အခြေအနေကို ဖန်တီးပေးရမယ်။ မဖြစ်သေးဘူး။ ကျွန်တော်တို့ တိုင်းပြည်က ဒီမိုကရေစီ နိုင်ငံလို့ ပြောလို့မရသေးဘူး။ စစ်စစ်မှန်မှန် ဒီမိုကရေစီအသွင်ကူးပြောင်းရေးကို ခိုင်ခိုင်မာမာ မလျှောက်လှမ်းနိုင်သေးဘူး။

ပြည်သူတွေက လူ့ဘောင်သစ်ဒီမိုကရက်တစ်ပါတီကို ဘာကြောင့် မဲပေးသင့်သလဲ။
အပြောင်းအလဲအတွက်ကို ထိထိရောက်ရောက် တက်တက်ကြွကြွလုပ်နေတဲ့ နိုင်ငံရေးပါတီ တစ်ရပ်ဖြစ်လို့ပဲ။ ဒါကြောင့် ပြည်သူတွေရဲ့ အသံကို အစစ်အမှန်ကိုယ်စားပြုတဲ့ နိုင်ငံရေးပါတီတစ်ရပ်ဖြစ်လို့ ဒါကြောင့် ပါတီဆောင်ပုဒ်ဟာ ‘‘ပြည်သူသာအမိ ပြည်သူသာအဖ’’လို့ စွဲကိုင်ထားတာပဲ။


လူ့ဘောင်သစ်ပါတီ

၁။ ဥက္ကဋ္ဌ - ဦးဇေယျ
၂။ မဲဆန္ဒနယ်- ရန်ကုန်တိုင်းဒေသကြီးရှိ မရမ်းကုန်း၊ တောင်ဒဂုံ၊ ဗဟန်း၊ ကျောက်တံတား၊ လှိုင်သာယာ၊ အင်းစိန်၊ ခရမ်းအပါအ၀င် မြို့နယ် ကိုးမြို့နယ်တွင် ၀င်ရောက် ယှဉ်ပြိုင်မည်။
၃။ ပါတီမူဝါဒ - မြန်မာနိုင်ငံ၏ ဒီမိုကရေစီရေး၊ လူ့အခွင့်အရေး၊ ပြည်တွင်းငြိမ်းချမ်းရေး၊ ၂၀၀၈ ဖွဲ့စည်းပုံအခြေခံဥပဒေပြင်ဆင်ပြောင်းလဲရေး၊ အမျိုးသားပြန်လည် သင့်မြတ်ရေး၊ တန်းတူအခွင့်အရေးနှင့် ကိုယ်ပိုင်ပြဋ္ဌာန်းခွင့် (ဖက်ဒရယ်ပြည်ထောင်စု ပေါ်ပေါက်ရေး)၊ ဒီမိုကရေစီစနစ်အရ အတိုက်အခံစနစ်ကို တရားဝင်ဆောင်ရွက်ခွင့် ရရန်စသည့် နိုင်ငံရေးလုပ်ငန်းစဉ်များကို အဓိကထားဆောင်ရွက်မည်။
၎။ ပါတီနောက်ခံသမိုင်း - ၁၉၈၈ အရေးအခင်းတွင် လူ့အခွင့်အရေးလှုပ်ရှားမှုများ ဆောင်ရွက်ခဲ့သည်။ ဗကသများအဖွဲ့ချုပ်မှ ကျောင်းသားခေါင်းဆောင်များဖြင့် လူ့ဘောင်သစ်ဒီမိုကရက်တစ်ပါတီကို ဖွဲ့စည်းခဲ့သည်။ ၁၉၉၁ တွင် ရွေးကောက်ပွဲကော်မရှင်က ပါတီ၏ တရားဝင်ရပ်တည်မှုကို ပယ်ဖျက်ခဲ့သည်။ ထို့နောက် စစ်ထောက်လှမ်းရေး၏ ဖမ်းဆီးဖိနှိပ်မှုကြောင့် ပါတီဝင်အချို့ ထိုင်း-မြန်မာ နယ်စပ်သို့ တိမ်းရှောင်သွားခဲ့သည်။ ၂၀၁၂ တွင် ထိုင်းနိုင်ငံ မဲဆောက်အခြေစိုက် လူ့ဘောင်သစ်ဒီမိုကရက်တစ်ပါတီသည် အစိုးရနှင့်ငြိမ်းချမ်းရေးညှိနှိုင်းပြီး ၂၀၁၃ တွင် ပြည်တွင်းသို့ ပြန်လည်ဝင်ရောက်လာခဲ့သည်။ ၂၀၁၅ တွင် လူ့ဘောင်သစ်ပါတီကို ပြန်လည်ဖွဲ့စည်းခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားလား။

ပြည်သူတွေရဲ့ ၀င်ငွေ၊ ထွက်ငွေမျှတအောင်လုပ်ဖို့က ပြည်တွင်းမှာ အခြေခံလူတန်းစားတွေ လစာကောင်းကောင်းနဲ့ အလုပ်အကိုင်ရရှိဖို့လိုအပ်တယ်။ ဒါကြောင့်အသေးစား၊ အလတ်စားစက်မှုလုပ်ငန်းတွေ၊ လယ်ယာကဏ္ဍတွေကို ဖော်ဆောင်ပေးဖို့ ဆောင်ရွက်မယ်။

ပြည်သူတွေက လူ့ဘောင်သစ်ပါတီကို ဘာကြောင့် မဲပေးသင့်လဲ။
အန်ကယ်တို့ပါတီက ၈၈ ဒီမိုကရေစီပြည်သူ့အရေးတော်ပုံနဲ့အတူ ပေါ်ပေါက်လာတာပါ။ ကျောင်းသားကိုယ်စားပြုပါတီလည်းဖြစ်ပါတယ်။ ပြည်သူ့အရေး၊ တိုင်းပြည်အရေးကို ဆောင်ရွက်နေတဲ့ ပါတီဖြစ်တဲ့အတွက် အန်ကယ်တို့ ပြည်သူ့အကျိုးပြုပါတီကို မဲပေးကြဖို့ တိုက်တွန်းချင်ပါတယ်။


လော်ဝေါ်အမျိုးသားစည်းလုံးညီညွတ်ရေးနှင့် ဖွံ့ဖြိုးရေးပါတီ

၁။ ဥက္ကဋ္ဌ- ဦးဒေါင်ခမ်။
၂။ မဲဆန္ဒနယ်- ၂၁ ခု။
၃။ ပါတီနောက်ခံသမိုင်း- ပြည်ထောင်စုရွေးကောက်ပွဲကော်မရှင်က ၂၀၁၅ ဇွန်လ ၂၉ ရက်တွင် မှတ်ပုံတင်ခွင့်ပြုခဲ့သည်။

လော်ဝေါ်အမျိုးသားစည်းလုံးညီညွတ်ရေးနှင့် ဖွံ့ဖြိုးရေးပါတီကို ဆက်သွယ်မေးမြန်း၍ မရသောကြောင့် ဖော်ပြနိုင်ခြင်းမရှိပါ။


လမ်းပြကြယ်ပါတီ [GSP]

၁။ ဥက္ကဋ္ဌ - ဦးအေးမြင့်။
၂။ မဲဆန္ဒနယ် -ပဲခူးတိုင်းဒေသကြီးတွင် မဲဆန္ဒနယ် သုံးနေရာနှင့် ရန်ကုန်တိုင်းဒေသကြီးတွင် မဲဆန္ဒနယ်နှစ်နေရာတို့မှ ၀င်ရောက်ယှဉ်ပြိုင်မည်။
၃။ ပါတီမူဝါဒ - ဖက်ဒရယ်ပြည်ထောင်စု ပေါ်ပေါက်ရေးနှင့် တရားဥပဒေစိုးမိုးရေးကို အလေးထားဆောင်ရွက်မည်။ ပြည်သူများ၏ စားဝတ်နေရေးချောင်လည်စေရန်၊ ပညာရေးစနစ်များ တိုးတက်မြင့်မားစေရန်နှင့် နိုင်ငံတော်စီးပွားရေးဘက်စုံဖွံ့ဖြိုးတိုးတက်လာစေရန် ကြိုးပမ်းဆောင်ရွက်မည်။ စိုက်ပျိုးရေးကဏ္ဍတွင်သာမက စက်မှု ထုတ်ကုန်လုပ်ငန်းတိုးမြှင့်လုပ်ကိုင်နိုင်ရေးနှင့် အုပ်ချုပ်ရေး၊ ဥပဒေပြုရေး၊ တရားစီရင်ရေးတို့ကို ပြည်သူများက အားဖြည့်ဆောင်ရွက်ပေးရန် တိုက်တွန်းသွားမည်။ နောင်တက်လာသည့် လူငယ်များစည်းကမ်းတကျ လုပ်ဆောင်တတ်ရန်နှင့် လွှတ်တော်ထဲရောက်ရှိအောင် လုပ်ဆောင်သွားမည်။
၎။ ပါတီနောက်ခံသမိုင်း - တောင်သူလယ်သမားများနှင့် အခြေခံပြည်သူလူထုအကျိုးကို ဆောင်ရွက်ရန် ၂၀၀၇ ဖေဖော်ဝါရီ ၂ ရက်တွင် လမ်းပြကြယ်အဖွဲ့ကို ပထမဦးဆုံးဖွဲ့စည်းခဲ့သည်။ လမ်းပြကြယ်ပါတီတည်ထောင်ရန် ၂၀၁၅ မေလတွင် ပါတီမှတ်ပုံတင်ရရှိခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ပြည်သူတွေရဲ့ ၀င်ငွေ၊ ထွက်ငွေမျှတဖို့ဆိုတာက အစိုးရဘက်က ဥပဒေနဲ့အညီလုပ်ဆောင်ပေးမှ ပြည်သူတွေရဲ့ စားဝတ်နေရေအဆင်ပြေမှာပါ။ လယ်သမားတွေကိုလည်း လွတ်လပ်စွာလုပ်ကိုင်ခွင့်ပြုရင် ပြေလည်သွားမှာပါ။ အခုလည်း အလုပ်သမား၊ လယ်သမားတွေရဲ့ စားဝတ်နေရေးနဲ့ပတ်သက်ပြီး ဆောင်ရွက်နေပါတယ်။

ပြည်သူတွေက လမ်းပြကြယ်ပါတီကို ဘာကြောင့် မဲပေးသင့်သလဲ။
တစ်ပြည်လုံးကို လမ်းပြကြယ်အနေနဲ့ အိမ်တိုင်ရာရောက်လိုက်လံဆောင်ရွက်ပေးနေပါတယ်။ နောက်ပြီးအန်ကယ်တို့ပါတီက ရွေးချယ်ထားတဲ့ကိုယ်စားလှယ်လောင်းတွေက သူတို့နယ်မှာ သြဇာရှိပြီးသားပါ။
ပြည်သူတွေကလည်းလေးစားကြတယ်။ အလုပ်သမား၊ လယ်သမားအရေးကိုလည်းဆောင်ရွက်ပေးနေတော့ ပြည်သူတွေ အားကိုးရမယ့်ပါတီကို ရွေးချယ်လာကြမှာပါ။


‘၀’ဒီမိုကရက်တစ်ပါတီ

၁။ ဥက္ကဋ္ဌ - ဦးခွန်ထွန်းလူ(ခ) ဦးထွန်းလူ။
၂။ မဲဆန္ဒနယ်- ဟိုပန်၊ မက်မန်း၊ ကွမ်းလုံ၊ တန့်ယန်း။
၃။ ပါတီမူဝါဒ - တိုင်းရင်းသားစည်းလုံးညီညွတ်ရေး၊ ဒေသဖွံ့ဖြိုးတိုးတက်ရေး။
၎။ ပါတီနောက်ခံသမိုင်း - ဒေသဖွံ့ဖြိုးတိုးတက်ရေးဆောင်ရွက်ရန် နိုင်ငံတော်နှင့်ချိတ် ဆက်ဆောင်ရွက်နိုင်ရေး ပါတီတည်ထောင်ခဲ့ခြင်းဖြစ်ပြီး ၂၀၁၀ ဇွန်လ ၂ ရက်တွင် ပါတီ မှတ်ပုံတင်ခွင့်ရရှိခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ဒီဒေသမှာ စိုက်ပျိုးရေးနဲ့ အရောင်းအ၀ယ်က အရေးကြီးပါတယ်။ အဲဒီကဏ္ဍနှစ်ခုကို မြှင့်တင်ပေးပြီး ပြည်သူတွေ စီးပွားရေးကောင်းအောင် ကူညီပေးမှာပါ။

ပြည်သူတွေက ‘၀’ဒီမိုကရက်တစ်ပါတီကို ဘာကြောင့်မဲပေးသင့်သလဲ။
ကျွန်တော်တို့က ဒီဒေသခံဖြစ်ပြီး ဒေသကောင်းကျိုးကို ဟိုးအရင်ကတည်းက ဆောင်ရွက်ခဲ့တယ်။ ‘၀’ တိုင်းဥက္ကဋ္ဌဘ၀မှာလည်း နိုင်ငံတော်ရဲ့အကူအညီယူပြီး ဒေသဖွံ့ဖြိုး
တိုးတက်အောင် ဆောင်ရွက်ပေးနိုင်ခဲ့တယ်။ ကျွန်တော်တို့ပြည်သူတွေရဲ့ လူနေမှုဘ၀တွေ တိုးတက်လာခဲ့တယ်။ လမ်းပန်းဆက်သွယ်ရေးတွေ ကောင်းအောင်လည်း လုပ်ပေးနိုင်ခဲ့တယ်။



‘‘ဝ’’အမျိုးသားစည်းလုံးညီညွတ်ရေးပါတီ

၁။ ဥက္ကဋ္ဌ - ဦးညီပလုပ်။
၂။ မဲဆန္ဒနယ်- ဟိုပန်၊ မက်မန်း၊ တန့်ယန်း၊ ကျိုင်းတုံ၊ မိုင်းဆတ် စသည့်မြို့နယ်ငါးခုတွင် ဝင်ရောက်ယှဉ်ပြိုင်မည်။
၃။ ပါတီမူဝါဒ - ဒီမိုကရေစီဖြစ်ထွန်းရန်လိုလားပြီး ဒီမိုကရေစီကျင့်စဉ်ကိုလက်ကိုင်ထား။
၎။ ပါတီနောက်ခံသမိုင်း - ၁၉၈၉ ဇန်နဝါရီ ၃၁ ရက်တွင် စတင်တည်ထောင်ခဲ့သည်။ ၁၉၉၃ မှ ၂၀၀၇ အထိ အမျိုးသားညီလာခံသို့ ‘‘ဝ’’အမျိုးသားဖွံ့ဖြိုးတိုးတက်ရေးပါတီကိုယ်စားပြု၍ တက်ရောက်ခဲ့သည်။ ၂၀၁၀ တွင် မူဝါဒပြောင်းလဲလို၍ ပါတီအမည်ကို ‘‘ဝ’’အမျိုးသားစည်းလုံးညီညွတ်ရေးပါတီအဖြစ် ပြောင်းလဲခဲ့။ ၂၀၁၀ ရွေးကောက်ပွဲတွင် မဲဆန္ဒနယ်သုံးနေရာမှ ဝင်ရောက်ယှဉ်ပြိုင်ခဲ့ပြီး ရှုံးနိမ့်ခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ကျွန်တော်တို့ ‘‘ဝ’’ကိုယ်ပိုင်အုပ်ချုပ်ခွင့်ရတိုင်းမှာ ပြည်သူတွေဟာ စီးပွားရေးအရ အများကြီးနိမ့်ပါးပါတယ်။ ဒါကို ကျွန်တော်တို့ အမြဲစဉ်းစားပြီး ဦးစားပေးလုပ်ဆောင်သွားမှာပါ။ အဲဒီလိုပဲ အခြားသောပြည်ထောင်စု အတွင်းမှာ နေထိုင်တဲ့ပြည်သူတွေရဲ့ စားဝတ်နေရေးအဆင်ပြေအောင်၊ ဝင်ငွေ၊ ထွက်ငွေမျှတအောင် အစိုးရနဲ့အတူ ပူးပေါင်းလုပ်ဆောင်နိုင်ဖို့ စဉ်းစားထားပြီးဖြစ်ပါတယ်။

ပြည်သူတွေက ‘‘ဝ’’အမျိုးသားစည်းလုံးညီညွတ်ရေး ပါတီကို ဘာကြောင့် မဲပေးသင့်သလဲ။
ကျွန်တော်တို့ လူမျိုးတွေရဲ့ အခွင့်အရေး၊ ပြည်သူတွေရဲ့ အခွင့်အရေးကို ဦးစားပေးစဉ်းစားလုပ်ဆောင်ဖို့ မူလကတည်းက ပါတီအနေနဲ့ ဆုံးဖြတ်ထားတယ်။ ဝင်ရောက်ယှဉ်ပြိုင်တဲ့နေရာတွေမှာလည်း ၉၀ ရာခိုင်နှုန်းလောက်က ကျွန်တော်တို့ပါတီကို မဲထည့်မယ်လို့ ယုံကြည်ထားတယ်။ အမျိုးသားရေးကို ဦးစားပေးလုပ်ဆောင်မှာဖြစ်လို့ ကျွန်တော်တို့ ပါတီကို မဲပေးပါလို့လည်း တိုက်တွန်းချင်ပါတယ်။


ဝံသာနုဒီမိုကရက်တစ်ပါတီ

၁။ ဥက္ကဋ္ဌ - ဦးရဲမင်း/
၂။ မဲဆန္ဒနယ် - မန္တလေးတိုင်းဒေသကြီး၊ မန္တလေးခရိုင်အတွင်းမှာ ၀င်ပြိုင်ဖို့ စီစဉ်နေတာ လောလောဆယ် ကိုယ်စားလှယ် ငါးဦးဝင်ရောက်ယှဉ်ပြိုင်ဖို့ စာရင်းရသေးတယ်။
၃။ ပါတီမူဝါဒ - ပြည်သူလူထုတစ်ရပ်လုံးအတွက် အခြေခံ အရင်းအမြစ်ဖြစ်တဲ့ ဘ၀ရပ်တည်ချက်များကို၊ အမှန်တကယ် လိုအပ်ချက်များကို ဖော်ဆောင်သွားမယ်။ အမျိုး၊ ဘာသာ၊ အမျိုးသားရေးအတွက် လုပ်မယ်။
၎။ ပါတီနောက်ခံသမိုင်း- အားလုံး မန္တလေးသားတွေပါ။ မန္တလေးမှာ အခြေစိုက်ပြီး ၂၀၀၃/ ၂၀၀၄ မှာ အင်န်အယ်လ်ဒီပါတီက နုတ်ထွက်လာပြီး စုပြီး ကိုယ်လုပ်နိုင်တဲ့လုပ်ငန်းတွေလုပ်ဆောင်ဖို့ အင်န်အယ်လ်ဒီ မပေါ်ခင် ၀ံသာနုအင်န်အယ်လ်ဒီဆိုပြီးတည်ထောင်ခဲ့တာပါ။ ၂၀၀၇/၂၀၀၈ ရောက်လာတော့  ဖွဲ့စည်းပုံအခြေခံဥပဒေကို မရှိရင် မဖြစ်လို့နောက်မှ လွှတ်တော်မှာ ပြောကြပါဆိုပြီး ဥပဒေရေးဆွဲရေးမှာ ပါဝင်ခဲ့တယ်။ မျက်စိမှိတ်ထောက်ခံခဲ့တယ်။ အခက်အခဲအခြေအနေတွေ မရှိနိုင်တော့လို့ပါ။ ဒေါ်အောင်ဆန်းစုကြည် လွတ်မြောက်ရေးကို နယ်တွေမှာလုပ်ဆောင်ခဲ့တယ်။ ၂၀၁၂မှ အင်န်အယ်လ်ဒီက မှတ်ပုံတင်လာတော့ ပါတီအမည်ကို ၀ံသာနု ဒီမိုကရက်တစ်လို့ ပြောင်းလိုက်တယ်လေ။ အင်န်အယ်လ်ဒီပါတီက ရှိလာပြီဆိုတော့ ဒီနာမည်နဲ့ဆက်မလုပ်ကောင်းဘူးလေ။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားလား။

အင်န်ဂျီအို လုပ်ငန်းသဘောမျိုး နိုင်ငံတကာက ပါတီတွေကို ကူညီမယ်ဆို ဘင်္ဂလားဒေ့ရ်ှနဲ့ အိန္ဒိယမှာလို အတိုးနည်းနည်းနဲ့ ငွေချေးချင်တယ်။  အခုက အန်ကယ်တို့လုပ်ပေမယ့် စပွန်ဆာမရှိဘူး။ ကူညီသူတွေမလာဘူး။ အင်အားကြီးတဲ့သူတွေဆီပဲသွားတယ်။

ပြည်သူတွေက ၀ံသာနုဒီမိုကရက်တစ်ပါတီကို ဘာကြောင့် မဲပေးသင့်လဲ။
ကိုယ်ထက်သာတဲ့လူတွေရှိရင် သူတို့ကို မဲပေးလိုက်ပါ။ ကျွန်တော်တို့ပါတီဝင်တွေက လွှတ်တော်ထဲကိုရောက်ရင် လွှတ်တော်ထဲမှာ ကိုယ်ဝင်လုပ်နိုင်တဲ့ အရာတွေကိုလုပ်မယ်။ ထောက်ခံရင် မဲပေးမယ်။ လက်တွေ့ဘ၀တွေ မပြောင်းလဲနိုင်ဘဲ။ ပြည်သူတွေကို နှိပ်စက်တဲ့စည်ပင်သာယာတို့၊ အုပ်ချုပ်ရေးပိုင်း ၊ ရဲတပ်ဖွဲ့တွေ မတရားတာလုပ်ရင် သမ္မတရုံးတို့၊ အစိုးရပိုင်းတို့ကို အင်တာနက်ကဖြန့်ပြီး တစ်ကမ္ဘာလုံးသိအောင် တင်ပြပေးမယ်။ အဲဒါကြောင့် မဲပေးသင့်တယ်။ မဲပေးမှ တိုင်ပေးလို့ရမယ်။


အမျိုးသမီးပါတီ (မွန်)

၁။ ဥက္ကဋ္ဌ- ဒေါ်မိသန်းရှင်။
၂။ မဲဆန္ဒနယ်- လေးနေရာ (မွန်ပြည်နယ်သုံးမြို့နယ်၊ တနင်္သာရီတိုင်းဒေသကြီး တစ်မြို့နယ်)။
၃။ ပါတီမူဝါဒ- လူသားတိုင်း ရသင့်ရထိုက်သည့် အခွင့်အရေးရရှိရေး၊ ငြိမ်းချမ်းရေးဖော်ဆောင်ရာတွင် အမျိုးသမီးများနှင့် အမျိုးသားများ တန်းတူပါဝင်ခွင့်ရရှိရေး၊ လူမျိုးစုများအကြား ပူးပေါင်းဆောင်ရွက်နိုင်ရေး။
၎။ ပါတီနောက်ခံသမိုင်း- ၂၀၁၃ တွင် တနင်္သာရီတိုင်းဒေသကြီးအတွင်း မွန်လူဦးရေစာရင်းကောက်ယူခဲ့ပြီးနောက် အမျိုးသမီးကဏ္ဍကို မြှင့်တင်နိုင်ရန် ၂၀၁၄  အောက်တိုဘာတွင် ပါတီတည်ထောင်သည်။ ၂၀၁၅ ဇူလိုင် ၁၆ ရက်တွင် ပါတီမှတ်ပုံတင်ရရှိခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

မဖွံ့ဖြိုးသေးတဲ့ဒေသတွေ၊ ဒုက္ခရောက်နေကြတဲ့ဒေသတွေမှာ ကျွန်မတို့ ကြိုးစားပြီးလုပ်ဆောင်သွားမှာပါ။ ပါတီအနေနဲ့လည်း ဒုက္ခရောက်နေတဲ့ မဲဆန္ဒနယ်ဒေသတွေကို ဦးစားပေးဆောင်ရွက်သွားမှာပါ။

ပြည်သူတွေက အမျိုးသမီးပါတီ (မွန်)ကို ဘာကြောင့် မဲပေးသင့်သလဲ။
အမျိုးသမီးပါတီ (မွန်)ကို မဲပေးလိုက်ခြင်းဖြင့် အမျိုးသမီးကဏ္ဍကို မြှင့်တင်ပေးဖို့ ကူညီလိုက်သလိုဖြစ်သွားလို့ ပြည်သူတွေအနေနဲ့ ကျွန်မတို့ ပါတီကို မဲပေးစေချင်ပါတယ်။


အမျိုးသားညီညွတ်ရေးကွန်ဂရက်ပါတီ

၁။ ဥက္ကဋ္ဌ - ဒေါက်တာလှမြင့်။
၂။ မဲဆန္ဒနယ် - ရန်ကုန်တိုင်းဒေသကြီးအတွင်း ကိုးနေရာနှင့် မန္တလေးတိုင်းဒေသကြီး တစ်နေရာ၊ စုစုပေါင်း ၁၀ နေရာဝင်ရောက်ယှဉ်ပြိုင်မည်။
၃။ ပါတီမူဝါဒ - ပသီအမျိုးသားအမည်နာမဥပဒေကြောင်းအရနှင့်သမိုင်းကြောင်းအရ ပြန်လည်ရရှိရေး၊ ပြည်သူများ ကိုယ့်ကြမ္မာကိုယ်ဖန်တီးခွင့်ရရှိရန်၊ လူ့အခွင့်အရေး အပြည့်အ၀ရရေးနှင့် ဖက်ဒရယ်စနစ် တည်ထောင်ရေး။
၎။ ပါတီနောက်ခံသမိုင်း - ၁၉၄၅ ဗမာ-မွတ်စလင် ကွန်ဂရက်ပါတီမှ စတင်သန္ဓေတည်ခဲ့။ ၁၉၄၆ တွင် ဗမာ-မွတ်စလင် ကွန်ဂရက်ပါတီ (အသစ်)ကို ပြောင်းလဲဖွဲ့ စည်းခဲ့သည်။ ၁၉၆၁ တွင် ဗမာနိုင်ငံလုံးဆိုင်ရာ ပသီကွန်ဂရက်ပါတီကို ထပ်မံဖွဲ့စည်းခဲ့သည်။ ယင်းပါတီမှာ ၁၉၆၄ တွင် ဖျက်သိမ်းခံခဲ့သည်။ ၁၉၉၀ ပါတီစုံရွေးကောက်ပွဲ ၀င်ရောက်ယှဉ်ပြိုင်ခဲ့သော်လည်း ရှုံးနိမ်ခဲ့။ ၂၀၁၂ တွင် အမျိုးသားညီညွတ်ရေးကွန်ဂရက်ပါတီအမည်ဖြင့် မှတ်ပုံတင်ခွင့်ရရှိခဲ့သည်။

ပါတီအတွင်းရေးမှူးနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ပြည်သူတွေရဲ့ ၀င်ငွေ၊ ထွက်ငွေမျှတအောင်က ဈေးကွက်စီးပွားရေးစနစ်ကို ဖွင့်ပေးလိုက်ရင် ရောင်း၊ ၀ယ်ပြုလုပ်နိုင်သူတွေဟာ အာဏာ ပါဝါရှိသူတွေနဲ့ တစ်တန်းတည်းလုပ်နိုင်ပါတယ်။ နောက်တစ်ချက်က အတတ်ပညာအခြေခံရှိထားတဲ့သူဟာ မိမိအတတ်ပညာကိုအသုံးပြုပြီး ကုန်ထုတ်လုပ်ငန်းတွေကို လုပ်မယ်ဆိုရင် နိုင်ငံတော်က  အရင်းအနှီးစိုက် ပေးဖို့လိုပါတယ်။ အဲဒါအတွက် စဉ်းစားထားပါတယ်။

ပြည်သူတွေက အမျိုးသားညီညွတ်ရေး ကွန်ဂရက်ပါတီကို ဘာကြောင့် မဲပေးသင့်သလဲ။
အန်ကယ်တို့ပါတီဟာ နှစ်ပေါင်း ၅၀ ကျော် ပျောက်ဆုံးနေတဲ့ မိမိကိုယ်မိမိ တန်ဖိုးသတ်မှတ်ထားခြင်းကို ပြန်လည်ရရှိအောင် ဆောင်ရွက်ပေးမယ်။ အထူးသဖြင့် ကျောင်းသားတွေကို ဂုဏ်သိက္ခာရှိတဲ့ ကျောင်းတွေမှာ ဂုဏ်သိက္ခာရှိတဲ့ ပညာကို သင်ကြားနိုင်အောင်၊ အလုပ်သမားတွေကိုလည်း ထိုက်တန်တဲ့ဝင်ငွေနဲ့ ထိုက်တန်တဲ့ အလုပ်နေရာမှာ အလုပ်လုပ်နိုင်အောင် လယ်သမားတွေအနေနဲ့လည်း သူတို့လယ်ကို သူတို့ပိုင်ရမယ်ဆိုတဲ့မူကို လက်ကိုင်ထားတော့ ပြည်သူတွေ မဲပေးသင့်ပါတယ်။


အမျိုးသားတိုးတက်မြင့်မားရေးပါတီ[NPP]

၁။ဥက္ကဋ္ဌ- ဦးဝင်းမြင့်အောင်(ခ)ဦးဝင်းခန့်။
၂။ မဲဆန္ဒနယ်- ငါးနေရာ
၃။ ပါတီနောက်ခံသမိုင်း - အမျိုးသားရေးစိတ်ဝင်စားသော ပရဟိတအဖွဲ့မှစတင်ခဲ့သည်။ ထိုမှတစ်ဆင့် တိုင်းပြည်အမျိုးသားရေးလုပ်ငန်းများကို ခိုင်မာတိကျသော ဥပဒေဘောင်အတွင်းမှ တိကျစွာလုပ်ကိုင်နိုင်ရန်။ လွှတ်တော်ထဲတွင် အမျိုးသားရေးကိစ္စရပ်များနှင့် ပတ်သက်၍ ဆွေးနွေးနိုင်ရန်၊ အဆိုတင်သွင်းနိုင်ရန် အစရှိသော ကိစ္စရပ်များအတွက် အမျိုးသားရေးပါတီတစ်ခုအဖြစ် စတင်ရပ်တည်ခဲ့သည်။ ၂၀၁၃-ဒီဇင်ဘာ ၄ ရက်တွင်
ပါတီအမှတ် (၆၆) ဖြင့် တရားဝင်မှတ်ပုံတင်ကျသည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ဖြစ်နေတာကတော့ လစာတိုးရင် ကုန်ဈေးနှုန်းကပါ လိုက်တက်တော့ ဘယ်လောက်ပဲလစာတိုးတိုး ကုန်ဈေးနှုန်းကို မထိန်းညှိနိုင်ဘူး။ မထိန်းချုပ်နိုင်ဘူးဆိုရင်တော့ တိုးတာအလကားပဲဖြစ်သွားတာပေါ့။ အဓိကကတော့ ကုန်ဈေးနှုန်းကို သေချာထိန်းချုပ်နိုင်မယ်ဆိုရင်တော့ ဒီပြဿနာကို ထိန်းနိုင်ပါလိမ့်မယ်။ ပါတီအနေနဲ့လည်း ဒါနဲ့ပတ်သက်လို့ မူဝါဒတွေ၊ အစီအစဉ်တွေရှိပါတယ်။ အခုချိန်မှာ ပြောတယ်ဆိုရင်အခြေ အနေအရပ်ရပ်က တူတာမဟုတ်ဘူး။ကျွန်တော်တို့ ဒါနဲ့ပတ်သက်လို့ တကယ်ဖြေရှင်းဆောင်ရွက်တဲ့အခါကျမှ အခြေအနေပေါ်ကြည့်ပြီး လုပ်မှာ။ ပြည်သူကိုပဲ ဦးစားပေးမှာပါ။

ပြည်သူတွေက အမျိုးသားတိုးတက်မြင့်မားရေးပါတီကို ဘာကြောင့် မဲပေးသင့်သလဲ။
ပါတီဆောင်ပုဒ်အတိုင်းပေါ့။ အမျိုးသားရေးနဲ့ပတ်သက်ပြီးလုပ်မယ်။ ပြည်သူကနေမဲပေးမှပဲ ကျွန်တော်တို့က လုပ်ပိုင်ခွင့်ရှိမယ်။ ပြည်သူတွေအတွက်ပဲ လုပ်မှာပါ။ ဒါကြောင့် ပြည်သူတွေက မဲပေးပါ။



အမျိုးသားတိုးတက်ရေးပါတီ

၁။ ပါတီဥက္ကဋ္ဌ- ဒေါက်တာနေဇင်လတ်/
၂။ မဲဆန္ဒနယ် - တိုင်းဒေသကြီးနှင့် ပြည်နယ် ၁၁ ခုတို့ရှိ မဲဆန္ဒနယ်များတွင် ၀င်ရောက်ယှဉ်ပြိုင်သွားမည်။
၃။ ပါတီမူဝါဒ - တိုင်းရင်းသား၊ နိုင်ငံသားများကြား တန်းတူညီမျှသော အခွင့်အရေး၊ တည်တံ့ခိုင်မြဲသော ပြည်ထောင်စုကြီး တည်ဆောက်နိုင်ရေးကို ဦးတည်သည်။ နိုင်ငံရေး၊စစ်ရေး၊ ပဋိပက္ခများကို ချုပ်ငြိမ်းစေပြီး နားလည်မှုပြည့်ဝသော လူ့အဖွဲ့အစည်းတစ်ရပ် ထူထောင်ရန်၊ လူမှု၊ စီးပွား၊ ပညာစသော ကဏ္ဍအသီးသီး တိုးတက်စေရန် အားလုံးနှင့် လက်တွဲဆောင်ရွက်မည်ဖြစ်ပြီး မျိုးဆက်သစ်တို့အတွက် နိုင်ငံရေးဝန်းကျင်သစ်နှင့် အစဉ် အလာအမွေကောင်း ထားရှိနိုင်ရေးကို ရည်မှန်းချက်အဖြစ်ထားရှိသည်။
၎။ ပါတီနောက်ခံသမိုင်း- ၂၀၁၅ မတ်လ ၃ ရက်တွင် နိုင်ငံရေး ပါတီတည်ထောင်ခွင့်လျှောက် ထားခဲ့ပြီး ယင်းနှစ် ဇွန်လ ၉ ရက်တွင် နိုင်ငံရေးပါတီတည်ထောင်ခွင့်ရရှိခဲ့သည်။ ယင်းနောက် နိုင်ငံရေးပါတီမှတ်ပုံတင်ခွင့်ကို ၂၀၁၅ ဇွန်လ ၁၆ ရက်တွင် လျှောက်ထားခဲ့ပြီး ယင်းနှစ် ဇူလိုင်၉ရက်တွင် ပြည်ထောင်စုရွေးကောက်ပွဲကော်မရှင်က နိုင်ငံရေးပါတီမှတ်ပုံတင်ခွင့်ပြုခဲ့ သည်။ အမျိုးသားတိုးတက်ရေး ပါတီ၏ ပါတီအမှတ်မှာ (၉၅)ဖြစ်သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားလား။

အဲဒါကတော့ ကျွန်တော်တို့ ချက်ချင်းကုထုံးတိုနဲ့ ကုတာတွေရှိတယ်။ နောက်တစ်ခါ ရေလတ်၊ရေရှည်တွေရှိတယ်။ အလုပ်အကိုင်အခွင့်အလမ်းတွေ ပိုမိုများလာအောင်လုပ်ပေးမယ်။ အပေါ်လူတန်းစားကိုလည်း မဖိဘူး။ လူလတ်တန်းစားကိုလည်း မြှင့်တင်ပေးမယ်။ အောက်ခြေလူတန်းစားတွေအတွက် အဓိကဦးစားပေးမယ်။ အဲဒီလိုလုပ်ပေးဖို့ အစီအစဉ်တွေရှိတယ်။

ပြည်သူတွေက အမျိုးသားတိုးတက်ရေးပါတီကို ဘာကြောင့်မဲပေးသင့်သလဲ။
တစ်ခုတည်းစကားနဲ့ပြောရရင် ကျွန်တော်တို့ အကုန်လုံးက စွန့်လွှတ်ပြီး လုပ်လာကြတာ ဒါရှင်းရှင်းလေးပဲ။ နောက်ကျွန်တော်အေးအေးချမ်းချမ်းနဲ့ နေထိုင်တဲ့နေရာက ထွက်လာတာ။


 

အမျိုးသားဒီမိုကရေစီပါတီသစ်

၁။ ဥက္ကဋ္ဌ- ဦးသိန်းညွန့်။
၂။မဲဆန္ဒနယ်- သင်္ဃန်းကျွန်း၊ ဒဂုံဆိပ်ကမ်း၊ တောင်ဒဂုံ၊လှိုင်သာယာမြို့နယ်တို့တွင် အပြည့်ဝင်ပြိုင်ပြီး သာကေတ၊ မင်္ဂလာဒုံ၊ ရွှေပြည်သာမြို့နယ်တို့တွင် အနည်းဆုံး နှစ်နေရာမှ သုံးနေရာဝင်ပြိုင်မည်။ လှိုင်၊ ဗဟန်းနှင့် ကိုကိုးကျွန်းတို့တွင် သုံးနေရာစလုံးဝင်ပြိုင်မည်။
၃။ပါတီမူဝါဒ- မဟာဗျူဟာကတော့ အမျိုးသားပြန်လည်သင့်မြတ်ရေး၊ ဒီမိုကရေစီအရေး၊ လူ့အခွင့်အရေး၊ နည်းဗျူဟာကတော့ တရားဥပဒေဘောင် အတွင်းမှငြိမ်းချမ်းစွာ
ဖြေရှင်းရေး၊ နိုင်ငံရေးကို နိုင်ငံရေးအရ ဆောင်ရွက်ရေး၊ မြို့နယ်အဆင့်မှာ ပြည်သူလူထုရဲ့ အခက်အခဲနဲ့ ပြဿနာတွေကို ဖြေရှင်းပေးရေး၊ တိုင်းအဆင့်မှာ ရန်ကုန်မြို့တော်ကို ကယ်တင်ရေးနဲ့ ဂုဏ်သိက္ခာမြင့်မားရေး၊ အမျိုးသားအဆင့်မှာ လာဘ်ပေးလာဘ်ယူ တိုက်ဖျက် ရေး၊ရွေးကောက်ခံအာဏာရှင်စနစ် ဖြစ်ပေါ်လာမှုကို တားဆီးရေး။
၎။ ပါတီနောက်ခံသမိုင်း- ၂၀၁၁ အောက်တိုဘာတွင် အမျိုးသားဒီမိုကရေစီပါတီသစ်ကို တည်ထောင်ခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ပြည်သူတွေရဲ့ ၀င်ငွေထွက်ငွေမျှတအောင် လာဘ်ပေးလာဘ်ယူ ရှင်းနိုင်မှဖြစ်မှာ။ ၀င်ငွေထွက်ငွေမျှတဖို့က လုပ်နိုင်တာတွေကအများကြီးပေါ့။ အဲဒီထဲကမှ ပိုင်ပိုင်နိုင်နိုင်လုပ်နိုင်တဲ့အလုပ်က ဒီလာဘ်ပေးလာဘ်ယူကြောင့်နိုင်ငံကို မရာက်နိုင်တဲ့ဝင်ငွေတွေက အများကြီးပဲ။ အဲဒီဝင်ငွေတွေကို ပြန်လည်ပြီးတော့နိုင်ငံတော်အတွက် အသုံးချနိုင်မယ် ဆိုရင် လူထုရဲ့ဝင်ငွေထွက်ငွေမညီမျှမှုတွေကို ကျဉ်းမြောင်းအောင်တစ်စုံတစ်ရာလုပ်ပေး နိုင်လိမ့်မယ်။

ဘာကြောင့် ပြည်သူတွေက အမျိုးသားဒီမိုကရေစီပါတီသစ်ကို မဲပေးသင့်လဲ။
ကျွန်တော်တို့က ပြည်သူလူထုအတွက် အပြောနဲ့မှမဟုတ်ဘဲ။ အနိမ့်ဆုံးက လူထုကို မောင်းထုတ်နေတာတွေကို ကျွန်တော်တို့လူထု ဘက်ကရပ်တည်ပေးမယ်။ အဲဒီမှာ လူထုက မိမိတို့အတွက် အလုပ်လုပ်တဲ့ပြည်သူ့လွှတ်တော် ကိုယ်စားလှယ်ကို ရွေးမလား၊ နှစ် ၃၀ နီးပါးမျှော်လင့်ချက်ချည်းပဲပေးနေတဲ့ ခေါင်းဆောင်နဲ့ပါတီကိုရွေးမလားဆုံးဖြတ်ပေါ့။


 

အမျိုးသားဒီမိုကရေစီအဖွဲ့ချုပ် [NLD]

၁။ဥက္ကဋ္ဌ - ဒေါ်အောင်ဆန်းစုကြည်။
၂။မဲဆန္ဒနယ် - မြန်မာနိုင်ငံတစ်ဝန်းလုံး စုစုပေါင်း မဲဆန္ဒနယ် ၁,၁၃၀ တွင် ယှဉ်ပြိုင် မည်။ (ကိုယ်ပိုင်အုပ်ချုပ်ခွင့်ရဒေသနယ်မြေအချို့မှလွဲ၍)
၃။ပါတီမူဝါဒ - တိုင်းရင်းသားအရေးနှင့် ပြည်တွင်းငြိမ်းချမ်းရေး၊ တိုင်းရင်းသားပြည်သူ တစ်ရပ်လုံးအေးချမ်းလုံခြုံစွာ လက်တွဲနေထိုင်ရေးကို အာမခံချက်ပေးနိုင်မည့် ဖွဲ့စည်းပုံအခြေခံဥပဒေ တစ်ရပ်ပေါ်ထွန်းရေး၊ ပြည်သူလူထုအား တရားမျှတစွာ အကာအကွယ်ပေးမည့် အုပ်ချုပ်မှုစနစ်တစ်ရပ်ပေါ်ပေါက်လာရေး၊ လွတ်လပ်လုံခြုံစွာ ဖွံ့ဖြိုးတိုးတက်ရေး တို့ကို အမျိုးသားဒီမိုကရေစီအဖွဲ့ချုပ်က ဦးတည်ဆောင်ရွက်မည် ဖြစ်သည်။
၎။ပါတီနောက်ခံသမိုင်းကြောင်း - ၁၉၈၈ ဒီမိုကရေစီအရေးတော်ပုံအပြီး ၁၉၈၈ စက်တင်ဘာ ၂၇ ရက်တွင် ဦးအောင်ကြီး၊ ဒေါ်အောင်ဆန်းစုကြည်နှင့် ဦးဝင်းတင်တို့ သုံးဦးက အမျိုးသားဒီမိုကရေစီအဖွဲ့ချုပ်ပါတီကို စတင်တည်ထောင်ခဲ့သည်။ ၁၉၉၀ ပြည့်နှစ်ရွေးကောက်ပွဲတွင် ၀င်ရောက်ယှဉ်ပြိုင်ခဲ့ပြီး တစ်ပြည်လုံးအတိုင်းအတာဖြင့် အပြတ်အသတ် အနိုင်ရခဲ့သော်လည်း အာဏာလွှဲပြောင်းပေးရန် ငြင်းဆန်ခြင်းခံခဲ့ရပြီး ရွေးကောက်
ခံဒီချုပ်အမတ်လောင်းများစွာ ဖမ်းဆီးထောင်ချခံခဲ့ရသည်။ ၂၀၁၀ ရွေးကောက်ပွဲကို ၀င်ရောက်မယှဉ်ပြိုင်ရန် ဆုံးဖြတ်ခဲ့ပြီးနောက် ၂၀၁၁ တွင် သမ္မတ ဦးသိန်းစိန်နှင့် ဒေါ်အောင်ဆန်းစုကြည်တို့  တွေ့ဆုံပြီးနောက်
ရွေးကောက်ပွဲဥပဒေများကို ပြင်ဆင်လိုက်သည့်အခါ၂၀၁၂ ကြားဖြတ်ရွေးကောက်ပွဲဝင်ရောက်ယှဉ်ပြိုင်ခဲ့ပြီး အပြတ်အသတ်အနိုင်ရရှိခဲ့သည်။

အမျိုးသားဒီမိုကရေစီအဖွဲ့ချုပ်က 7Day News မှ ပေးပို့သော မေးခွန်းများကို အချိန်မီပြန်လည်ဖြေကြားနိုင်ခြင်း မရှိသည့်အတွက် ဖော်ပြနိုင်ခြင်းမရှိပါ။


အမျိုးသားဒီမိုကရေစီ အင်အားစုပါတီ (NDF)

၁။ ဥက္ကဋ္ဌ - ဦးခင်မောင်ဆွေ။
၂။ မဲဆန္ဒနယ်- ပြည်သူ ၈၂ နေရာ၊ အမျိုးသား ၃၃ နေရာနှင့် တိုင်း/ပြည်နယ် ၁၃၃ နေရာ
စုစုပေါင်း ၂၄၈ နေရာယှဉ်ပြိုင်မည်။
၃။ ပါတီမူဝါဒ -
၎။ ပါတီနောက်ခံသမိုင်း - ၂၀၁၀ ရွေးကောက်ပွဲတွင် NLD ပါတီက ရွေးကောက်ပွဲမ၀င်ခဲ့ သဖြင့် ရွေးကောက်ပွဲတွင် NLD ပါတီဝင်ဟောင်းအချို့က ဦးဆောင်ဖွဲ့စည်းခဲ့ကာ
ရွေးကောက်ပွဲဝင်ရောက်ယှဉ်ပြိုင်ခဲ့ပြီး မဲဆန္ဒနယ် ၁၆၅ နေရာ ၀င်ရောက်ယှဉ်ပြိုင်ခဲ့ရာ ၁၆ နေရာအနိုင်ရရှိပြီး လွှတ်တော်ထဲ ၀င်ရောက်နိုင်ခဲ့သည်။ ကြားဖြတ်ရွေးကောက်ပွဲ၌ ၁၃ နေရာဝင်ပြိုင်ခဲ့သော်လည်း အနိုင်ရရှိခဲ့ခြင်း မရှိခဲ့။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

လက်ရှိမြန်မာ့စီးပွားရေးက လက်ဝါးကြီးအုပ်စီးပွားရေးပုံစံ ဖြစ်နေတယ်။ တကယ့် ဈေးကွက်စီးပွားရေး မရောက်သေးတဲ့အတွက် အခုလိုဖြစ်နေတယ်။ ဒါကြောင့် တကယ့်ဈေးကွက်စီးပွားရေးဖြစ်အောင် လုပ်ရမယ်။ လက်ဝါးကြီးအုပ်မှုတွေကို တိုက်ဖျက်ရမယ်။ တိုင်းနဲ့ ပြည်နယ်အသီးသီးမှာ အသေးစား၊အလတ်စား ကုန်ထုတ်လုပ်မှု လုပ်ငန်းတွေကို တိုးတက်အောင် ကြိုးပမ်းပေးရမယ်။ လယ်သမားတွေ ကိုယ့်လယ်ကိုယ်ဆောင်ရွက်နိုင်အောင် လုပ်ရမယ်။ စက်မှုလုပ်ငန်းတွေ အချိန်ယူမြှင့်တင်ပေးရမယ်။ ပြည်နယ်နဲ့ တိုင်းအစိုးရတွေကို လုပ်ပိုင်ခွင့်ချပေးမယ်ဆိုရင် စီးပွားရေးအခွင့်အလမ်း ပိုပွင့်လင်းလာပြီး ပြည်သူတွေရဲ့ဝင်ငွေထွက်ငွေမျှတမှု ရှိအောင်ဆောင်ရွက်နိုင်ပါမယ်။

ပြည်သူတွေက အမျိုးသားဒီမိုကရေစီအင်အားစုပါတီကို ဘာကြောင့် မဲပေးသင့်သလဲ။
ဒီပါတီကို ဘာကြောင့်မဲပေး သင့်တယ်ဆိုတာ တစ်ချက်တည်း ပြောရရင် ကျွန်တော်တို့ပါတီက ၂၀၁၀ ရွေးကောက်ပွဲကနေ နိုင်ပြီးလွှတ်တော်ထဲရောက်သူဦးရေနည်းပါတယ်။ ဒါပေမဲ့ နိုင်ငံအကျိုးဆောင်တဲ့ ထိပ်တန်းဆောင်ရွက်နိုင်ခဲ့တဲ့ ပါတီဆိုတာ လွှတ်တော် မှတ်တမ်းတွေကြည့်ရင် သိနိုင်ပါတယ်။ လယ်သမားတွေအတွက် အမတော်ကြေး ကျပ်ရှစ်ထောင်ကနေ တစ်သိန်းရအောင်၊ ၀န်ထမ်းတွေမီးဖွားခွင့် သုံးလကနေခြောက်လရအောင် လုပ်ပေးနိုင်ခဲ့တယ်။ 


အမျိုးသားနိုင်ငံရေးမဟာမိတ်များအဖွဲ့ချုပ်ပါတီ

၁။ ဥက္ကဋ္ဌ - ဦးသိန်းကြည်။
၂။ မဲဆန္ဒနယ်- အနည်းဆုံး ငါးနေရာ။
၃။ ပါတီမူဝါဒ - ဒီမိုကရေစီရင့်ကျက်ခိုင်မာရေးနှင့် တိုင်းပြည်ဖွံ့ဖြိုးတိုးတက်ရေး၊ တည်ဆောက်ရေးလုပ်ငန်းများကို နိုင်ငံတော်နှင့် နိုင်ငံသားများ၏ အကျိုးစီးပွားအလို့ငှာ အမြော်အမြင်ရှိရှိ ရေရှည်ဆောင်ရွက်သွားမည်။
၎။ ပါတီနောက်ခံသမိုင်း - ၂၀၁၀ ရွေးကောက်ပွဲအတွက် ပါတီဖွဲ့စည်းခဲ့ပြီး ရွေးကောက်ပွဲနေရာ ၁၃ နေရာဝင်ပြိုင်ခဲ့ကာ ၂၀၁၂ ကြားဖြတ်ရွေးကောက်ပွဲတွင် နှစ်နေရာဝင်ပြိုင်ခဲ့သည်။
နှစ်ကြိမ်စလုံးရှုံးနိမ့်ခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။
ရိုးရိုးပြောရရင် အစိုးရနဲ့ပေါင်းပြီး စီးပွားရှာသူတွေ ကြီးပွားမူက ကွာဟချက်အရမ်းများတယ်။ ဗိုလ်ချုပ်အောင်ဆန်းကတိုင်းပြည်လွတ်လပ်ရေးရအောင်လုပ်ခဲ့တယ်။ ဦးနေ၀င်းက စစ်တပ်ကြီးပွားအောင် လုပ်ခဲ့တယ်။ အဲဒီနောက် ဗိုလ်ချုပ်မှူးကြီးကျတော့ခရိုနီ တွေမွေးပြီး တိုင်းပြည် စီးပွားရေးဖြေရှင်းဖို့ လုပ်ခဲ့တယ်။ ဒီလိုနဲ့ ခရိုနီတွေဖြည်းဖြည်းချင်း များလာတယ်။ ဒါပေမဲ့ သူတို့လက်ထဲမှာ ပိုက်ဆံကိုင်ထားလို့မရဘူး။ သူတို့အလုပ်အကိုင် အခွင့်အလမ်းတွေ ပိုပြီးဖန်တီးပေးလာနိုင်အောင် အစိုးရက ကြိုးစားသွားရမယ်။ အရပ်ဘက်အဖွဲ့တွေကလည်း ကြိုးစားရမယ်။ ၀င်ငွေထွက်ငွေကွာဟမှု နည်းအောင်အလုပ်အကိုင်အခွင့်အလမ်းတွေ ပေါ်လာအောင်ထပ်ပြီး လုပ်ကြရမယ်။

ပြည်သူတွေက အမျိုးသားနိုင်ငံရေးမဟာမိတ်များအဖွဲ့ချုပ်ပါတီကိုဘာကြောင့်မဲပေးသင့်သလဲ။
မဲပေးဖို့ အနိုင်ရဖို့ထက် ရွေးကောက်ပွဲဖြစ်ဖို့က ပိုအရေးပါတယ်။ ဒါပထမအချက်၊ ပြည်သူတွေအနေနဲ့ ရွေးကောက်ပွဲယှဉ်ပြိုင်သူကို အရင်ကြည့်ပါ။ ပါတီကို မကြည့်ပါနဲ့။ အရည်အသွေးမြင့်ပြီး ဆင်ခြင်တုံတရားရှိဖို့ အရေးကြီးတယ်။ ပါတီကိုယ်စားပြုလူပုဂ္ဂိုလ်က  ပါတီမှာ ကောင်းသူရှိသလို မကောင်းသူလည်းရှိတယ်။ ပါတီထက်ပြည်သူလူထုအတွက် ကောင်းမွန်စွာ အလုပ်အကျွေးပြုနိုင်မယ့် သူကို ရွေးပါ။ ကောင်းတဲ့သူကို ရွေးရင်
ကောင်းတဲ့အစိုးရဖြစ်လာမယ်။


အမျိုးသားဖွံ့ဖြိုးတိုးတက်ရေး ဒီမိုကရက်တစ်ပါတီ

၁။ ဥက္ကဋ္ဌ - ဦးမောင်မောင်နီ။
၂။ မဲဆန္ဒနယ် - ခြောက်နေရာ (ရခိုင်ပြည်နယ် စစ်တွေမြို့နှင့် ရန်ကုန်တိုင်းဒေသကြီးအတွင်း)။
၃။ ပါတီမူဝါဒ - ဒီမိုကရေစီလမ်းကြောင်းပေါ်တွင် ဒီမိုကရေစီအင်အားစုများပူးပေါင်းပြီး နိုင်ငံတစ်ဝန်းရှိ ပြည်ထောင်စုသားအားလုံး ဒီမိုကရေစီ၏အနှစ်သာရကို ကမ္ဘာနှင့် ရင်ပေါင်တန်းပြီးသိရှိနိုင်ရန်။
၎။ ပါတီနောက်ခံသမိုင်း- ၂၀၁၀ ပြည့်နှစ် ရွေးကောက်ပွဲအတွက် အစိုးရက နိုင်ငံရေးပါတီများကို တည်ထောင်ခွင့်ပြုချိန်တွင် ရွေးကောက်ပွဲကော်မရှင်၏ လုပ်ထုံးလုပ်နည်း များနှင့်အညီ မှတ်ပုံတင်ခဲ့သည်။ ပါတီမှတ်ပုံတင်နံပါတ်မှာ ၃၁ ဖြစ်သည်။ ၂၀၁၀ ပြည့်နှစ် ရွေးကောက်ပွဲတွင် ရခိုင်ပြည်နယ် မဲဆန္ဒနယ် ၁၇ နေရာ၊ ရန်ကုန်တိုင်းဒေသ ကြီးတွင် ငါးနေရာ စုစုပေါင်း ၂၂ နေရာဝင်ရောက်ယှဉ်ပြိုင်ခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားလား။

လွှတ်တော်ရေးရာကော်မတီတွေမှာ လူမှန်၊ နေရာမှန်ဖွဲ့စည်းပြီး အစိုးရကိုဖွဲ့စည်းမယ့် နိုင်ငံရေးပါတီ၊ နိုင်ငံရေးအင်အားစုသော်လည်း ကောင်း၊ တိုင်းပြည်အတွက်ကောင်းမယ်လို့ ယုံကြည်ယူဆတဲ့ မူဝါဒတွေ ချမှတ်ပြီး ဆောင်ရွက်ခဲ့ရင် တကယ့်လက်တွေ့မြေပြင်ပေါ်မှာ တစ်နေရာနဲ့တစ်နေရာ မျှတမှုမရှိတဲ့ ဝင်ငွေ၊ ထွက်ငွေကို ကူညီပေးနိုင်မယ်လို့ ယုံကြည်တယ်။ သူ့နေရာနဲ့သူ ဝင်ငွေ၊ ထွက်ငွေမျှတအောင် လွှတ်တော်ထဲက
ရေးရာကော်မတီတွေက ဆောင်ရွက်မှဖြစ်မယ်။

ပြည်သူတွေက အမျိုးသားဖွံ့ဖြိုးတိုးတက်ရေးဒီမိုကရက်တစ်ပါတီကို ဘာကြောင့် မဲပေးသင့်သလဲ။
ကျွန်တော်တို့ပါတီက အသားအရောင်ခွဲခြားမှုမရှိဘူး။ ဘာသာလူ မျိုးလည်းခွဲခြားမှုမရှိတာကို မြန်မာနိုင်ငံမှာရော ကမ္ဘာမှာပါ လေးစားမှုရှိ အောင် သတင်းစကားပေးချင်တယ်။ ဆင်းရဲချမ်းသာမရွေး နိုင်ငံအတွက် ဒီမိုကရေစီပြုပြင်ပြောင်းလဲရေးမှာ မိမိတို့ရဲ့ မဲပြားကို တစ်စုံတစ်ရာ မလျော်ဩဇာ၊ တိုက်တွန်းမှုမပါဘဲ လွတ်လပ်စွာမဲထည့်နိုင်ဖို့ ပြည်သူကို သတင်းစကားပေးချင်တယ်။ အဲဒီလို ဒီမိုကရေစီအသီးအပွင့်တွေ၊ ပြည်သူတွေ
ခံစားနိုင်အောင် ၂၀၁၀ ကစပြီး ပြည်သူတွေကို သတင်းစကားပေးခဲ့တဲ့ပါတီဖြစ်လို့ ကျွန်တော်တို့ကို မဲပေးသင့်ပါတယ်။


အမျိုးသားဖွံ့ဖြိုးတိုးတက်ရေးနှင့်ငြိမ်းချမ်းရေးပါတီ

၁။ ဥက္ကဋ္ဌ- ဦးမာမောက်ဆော်လိမ်။
၂။ မဲဆန္ဒနယ်-
၃။ ပါတီနောက်ခံသမိုင်း- ၂၀၁၀ ရွေးကောက်ပွဲများ ကျင်းပရန် သုံးလခန့်အလိုတွင် အဖွဲ့ ဝင် ၁၈ ဦးဖြင့် ပါတီဖွဲ့စည်းတည်ထောင်ခဲ့ခြင်းဖြစ်သည်။

အမျိုးသားဖွံ့ဖြိုးတိုးတက်ရေးနှင့်ငြိမ်းချမ်းရေးပါတီကို ဆက်သွယ်မေးမြန်း၍ မရသောကြောင့် ဖော်ပြနိုင်ခြင်းမရှိပါ။


အရှိုချင်းအမျိုးသားပါတီ

၁။ ဥက္ကဋ္ဌ - ဆလိုင်းဟန်ကြည်။
၂။ မဲဆန္ဒနယ် - တိုင်းဒေသကြီးလွှတ်တော်၊ ပြည်သူ့လွှတ်တော်နှင့် အမျိုးသားလွှတ်တော် မဲဆန္ဒနယ်များအပါအ၀င် မဲဆန္ဒနယ် ၁၀နေရာ တွင် ၀င်ရောက်မည်။ အဓိကအားဖြင့် မကွေးတိုင်းဒေသကြီး၊ ပဲခူးတိုင်းဒေသကြီးနှင့် ရခိုင်ပြည်နယ်တို့တွင် ၀င်ရောက်ယှဉ်ပြိုင်မည်။
၃။ ပါတီမူဝါဒ - မိမိတို့ ချင်းတိုင်းရင်းသားရေးရာကိစ္စများတွင် မိမိတို့က ပိုမိုဝင်ရောက်ဆောင်ရွက်နိုင်ရေး၊ စီးပွားရေး၊ လူမှုရေး၊ နိုင်ငံရေး၊ ဘာသာရေးစသည်များတွင် ဗဟိုချုပ်ကိုင်မှုစနစ် လျှော့ချနိုင်ရေး၊ အနာဂတ်နိုင်ငံတော် ဦးဆောင်မှုကဏ္ဍများတွင် ချင်းတိုင်းရင်းသားများ ပိုမိုပါဝင်လုပ်ဆောင်နိုင်ရေး၊ ချင်းတိုင်းရင်းသားလူမှုအဖွဲ့ အစည်းအတွင်းတွင် အသင်းအဖွဲ့များ ဖွဲ့စည်းခွင့်ပိုမိုရရှိနိုင်ရေးနှင့် NGOနှင့် INGO၊ UN အဖွဲ့အစည်းများ ပိုမိုဝင်ရောက်နိုင်ရေး၊ နိုင်ငံတကာအတွက် ပြဋ္ဌာန်းထားသော လူ့အခွင့်အရေးကြေညာစာတမ်းကို အခြေခံသော လူ့အခွင့်အရေးများ လူသားတိုင်းအပြည့်အ၀ရရှိနိုင်ရေး၊ ပြည်သူနှင့် ၀န်ထမ်းများစားဝတ်နေရေးပိုမိုချောင်လည်ရေး၊ လူ့အခွင့်အရေးချိုးဖောက်မှုနှင့် အကျင့်ပျက်ခြစားမှုများကို ဥပဒေဘောင်အတွင်းမှ အမြစ်ပြတ်တိုက်ဖျက်ရေး၊ ချင်းလူမှု
အဖွဲ့အစည်း ဖွံ့ဖြိုးတိုးတက်ရေးအတွက် ဦးတည်ဆောင်ရွက်ရေး၊ ပြည်ထောင်စုအတွင်းရှိ တိုင်းရင်းသားများ တန်းတူညီမျှသောလူ့အခွင့်အရေးရရှိရေး။
၎။ ပါတီနောက်ခံသမိုင်း -  နိုင်ငံရေးပါတီမှတ်ပုံတင်ခွင့်ကို ၂၀၁၂ မေလ ၁၆ရက်တွင် လျှောက်ထားခဲ့ပြီး ယင်းနှစ် ဇွန် လ ၅ရက်တွင် ပြည်ထောင်စုရွေးကောက်ပွဲ ကော်မရှင်က နိုင်ငံရေးပါတီမှတ်ပုံတင် ခွင့်ပြုခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ဒါကတော့ တော်တော်အရေးကြီးတဲ့ကိစ္စပါပဲ။အခုလည်း ဒါနဲ့ ပတ်သက်လို့ ဆန္ဒထုတ်ဖော်ပြတာတွေတွေ့နေရတယ်။ ပြည်သူတွေရဲ့ စားဝတ်နေရေး အဆင်ပြေဖို့အတွက် အမြဲတမ်းပြည်သူဘက်က ရပ်တည်သွားမှာပါ။

ပြည်သူတွေက အရှိုချင်းအမျိုးသားပါတီကို ဘာကြောင့်မဲပေးသင့်တာလဲ။
နိုင်ငံမှာ တရားမျှတမှု၊ တန်းတူညီမျှမှုတွေရှိလာဖို့အတွက် ပါတီက ဦးတည်ပြီး လုပ်ဆောင်သွားမှာဖြစ်တယ်။ နိုင်ငံမှာ မတရားမှုတွေ၊ တန်းတူညီမျှမှုတွေ မရှိတာတွေကို ပျောက်ကွယ်သွားအောင် လုပ်သွားမှာဖြစ်တဲ့အတွက် ပြည်သူတွေက ကျွန်တော်တို့ပါတီကို မဲပေးသင့်ပါတယ်။


အာခါအမျိုးသားဖွံ့ဖြိုးတိုးတက်ရေးပါတီ

၁။ဥက္ကဋ္ဌ- ဦးထွန်းအောင်။
၂။ မဲဆန္ဒနယ်- မိုင်းဆတ်၊ တာချီလိတ်၊ ကျိုင်းတုံ၊ မိုင်းခတ် စသည့်မြို့နယ်များနှင့် အာခါတိုင်းရင်းသားရေးရာဝန်ကြီးနေရာ ဝင်ရောက်ယှဉ်ပြိုင်မည်။
၃။ ပါတီမူဝါဒ- အာခါလူမျိုးများ ဖွံ့ဖြိုးတိုးတက်ဖို့ ကိုယ်စားပြုရပ်တည်သွားမယ်။ တိုင်းရင်းသားစည်းလုံးညီညွတ်ရေးတည်ဆောက်မယ်။
၎။ ပါတီနောက်ခံသမိုင်း- ပါတီတည်ထောင်ရန် အာခါလူမျိုးများ၏ ဆန္ဒကိုတောင်းခံခဲ့ပြီး သဘောတူညီသဖြင့် ၂၀၁၅ ဇွန်လ ၁၉ ရက်တွင် ပါတီမှတ်ပုံတင်ခွင့်လျှောက် ထားခဲ့ပြီး ဇူလိုင် ၈ ရက်၌ ပြည်ထောင်စုရွေးကောက်ပွဲကော်မရှင်က ပါတီမှတ်ပုံတင်ခွင့်ပြုခဲ့သည်။

ပါတီအတွင်းရေးမှူးနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

ဒီကိစ္စက အစိုးရနဲ့ပူးပေါင်းဆောင်ရွက်ရမယ့်ကိစ္စဖြစ်ပါတယ်။ သူတို့နဲ့ ညှိနှိုင်းဆောင်ရွက်သွားမှာပါ။ ကျွန်တော်တို့ဒေသအတွက်ဆိုရင် စိုက်ပျိုးရေးနဲ့ မွေးမြူရေးလုပ်ငန်းတွေကတစ်ဆင့် ဝင်ငွေတိုးတက်အောင် လုပ်ပေးမယ်။ ပညာပေးလုပ်ငန်းတွေလုပ်မယ်။ ဝင်ငွေတိုးလာမှ မျိုးဆက်သစ်တွေကိုလည်း ပညာသင်ပေးနိုင်မှာဖြစ်တယ်။

ပြည်သူတွေက အာခါအမျိုးသားဖွံ့ဖြိုးတိုးတက်ရေးပါတီကို ဘာကြောင့် မဲပေးသင့်သလဲ။
အာခါပါတီကို မဲပေးသင့်တာပေါ့ဗျာ။ ကျွန်တော်တို့က ယဉ်ကျေးမှုအသင်းအနေနဲ့ အစကတည်းကဖွံ့ဖြိုးရေးလုပ်ငန်းတွေကို လူမျိုးဘာသာမရွေးဆောင်ရွက်ပေးနေတာပဲလေ။ လွှတ်တော်ထဲရောက်တော့ ပိုလုပ်ပေးနိုင်တာပေါ့။


အင်းတိုင်းရင်းသားအဖွဲ့ချုပ်

၁။ ပါတီဥက္ကဋ္ဌ- ဦးတင်အောင်ကျော်။
၂။ မဲဆန္ဒနယ် - ရှမ်းပြည်နယ်တောင်ပိုင်းရှိ ညောင်ရွှေ၊ တောင်ကြီး၊ ဖယ်ခုံမြို့နယ်များရှိ မဲဆန္ဒနယ်များတွင် အနည်းဆုံး ခုနစ်နေရာဝင်ရောက်ယှဉ်ပြိုင်သွားမည်။
၃။ ပါတီမူဝါဒ - အင်းတိုင်းရင်းသားများနှင့်တကွ အင်းဒေသဖွား ညီနောင်တိုင်းရင်းသားများအားလုံး စည်းလုံးညီညွတ်စွာဖြင့် အင်းလေးဒေသတစ်ဝန်း စိမ်းလန်းစိုပြည်သာယာရေး၊ အင်းလေးဒေသရေရှည် တည်တံ့ခိုင်မြဲရေး၊ အင်းတိုင်းရင်းသားများအားလုံး၏ လူမှုစီးပွားဘ၀ဖွံ့ဖြိုးတိုးတက်ရေးတို့ကို ဦးတည်ဆောင်ရွက်သွားမည်။
၎။ ပါတီနောက်ခံသမိုင်း- ၂၀၁၅ ဇန်န၀ါရီ ၅ရက်တွင် ပါတီကို စတင်ထူထောင်ခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားလား။

အင်းလေးဒေသတစ်ခုလုံးတင်မကဘဲ ပတ်ဝန်းကျင်မှာရှိတဲ့ တောင်တန်းဒေသ၊ ရေဝေရေလဲဒေသ မြေပြန့်ဒေသ အားလုံးမှာရှိတဲ့ ကျွန်တော်တို့တိုင်းရင်းသားပြည်သူတွေရဲ့ လူမှုစီးပွားဘ၀တိုးတက်လာအောင် ဘက်ပေါင်းစုံက ဆောင်ရွက်ဖို့လိုတယ်။ အဓိကအားဖြင့် တောင်သူလယ်သမားနဲ့ အလုပ်သမားပေါ့။ အင်းလေးဒေသမှာ တောင်သူလယ်သမား ၇၀ရာခိုင်နှုန်းရှိတယ်။ ဒီတောင်သူလယ်သမား ၇၀ရာခိုင်နှုန်းရဲ့ ဘ၀ကို အာမခံချက်ရှိဖို့ အတတ်နိုင်ဆုံးကြိုးစားသွားမယ်။

ပြည်သူတွေက အင်းတိုင်းရင်းသားအဖွဲ့ချုပ်ကို ဘာကြောင့်မဲပေးသင့်သလဲ။
ကျွန်တော်တို့ ပါတီအနေနဲ့ ပြည်သူတွေက ယုံယုံကြည်ကြည်တာဝန်ပေးအပ်ခဲ့လို့ရှိရင် အင်းလေးဒေသတည်တံ့ရေးကိစ္စ၊ အင်းလေးဒေသ ပတ်ဝန်းကျင်တောင်တန်းတွေ စိမ်းလန်းစိုပြည်ရေးကိစ္စ၊ ဒေသပတ်ဝန်းကျင်မှာ
နေထိုင်တဲ့ တိုင်းရင်းသားအားလုံး ချစ်ချစ်ခင်ခင်ငြိမ်းချမ်းစွာ အခွင့်အရေးတန်းတူညီမျှ ယှဉ်နိုင်အောင် အစွမ်းကုန်ဦးဆောင်ပြီး ဆောင်ရွက်သွားမယ်။ ဒီလိုဆောင်ရွက်ဖို့ ပြည်သူကလည်း ရွေးချယ်မှရမယ်။


အင်းအမျိုးသားဖွံ့ဖြိုးတိုးတက်ရေးပါတီ [INDP]

၁။ ဥက္ကဋ္ဌ- ဦးဝင်းမြင့်။
၂။မဲဆန္ဒနယ်- အမျိုးသားလွှတ်တော်နှင့် ပြည်သူ့လွှတ်တော်တစ်နေရာစီ၊ ပြည်နယ်လွှတ်တော် နှစ်နေရာ၊ အင်းတိုင်းရင်းသားရေးရာကိုယ်စားလှယ်။ စုစုပေါင်း ငါးနေရာဝင်ရောက် ယှဉ်ပြိုင်မည်။
၃။ပါတီမူဝါဒ- တိုင်းရင်းသားများ စုပေါင်းပြီး ဖက်ဒရယ်ပြည်ထောင်စုစနစ် တည်ထောင်ရန်။ ပြည်သူလူထု၏ ဆန္ဒနှင့်အညီ ၂၀၀၈ ဖွဲ့စည်းပုံအခြေခံဥပဒေကို ပြင်ဆင်ရန်။ တိုင်းရင်းသားများ တန်းတူရည်တူရှိသည့် ဥပဒေပြဋ္ဌာန်းနိုင်ရန်နှင့် တိုင်းရင်းသားအဖွဲ့အစည်းများ ပေါ်ပေါက်စေရန် ထောက်ခံဆောင်ရွက်သွားမည်။
၎။ ပါတီနောက်ခံသမိုင်း- ၂၀၁၀ ပြည့်နှစ်တွင် မှတ်ပုံတင်၍ ပါတီစတင်ဖွဲ့စည်းခဲ့သည်။ ထို့နောက် ၂၀၁၀ အထွေထွေရွေးကောက်ပွဲတွင် ညောင်ရွှေမြို့နယ်မှ ၀င်ရောက် ယှဉ်ပြိုင်ခဲ့ရာ အနိုင်ရရှိခဲ့သည်။

ပါတီဥက္ကဋ္ဌနှင့် အမေးအဖြေ
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။

အန်ကယ်တို့ပါတီက အင်းလေးဒေသဖွံ့ဖြိုးတိုးတက်ရေးအတွက် ရည်ရွယ်ပြီးဖွဲ့စည်းခဲ့လို့ အင်းလေးဒေသမှာရှိတဲ့ တိုင်းရင်းသားတွေအတွက် ဦးစားပေးပြီးလုပ်ဆောင်သွားမယ်။ နောက်ပြီး အင်းလေးဒေသ  ထိန်းသိမ်းရေးလုပ်ငန်းတွေလည်း လုပ်သွားမယ်။ လျှပ်စစ်ကိုအ ခြေခံပြီး အသေးစား၊ အလတ်စား စက်မှုလုပ်ငန်းတွေ ပေါ်ပေါက်လာအောင် ဆောင်ရွက်သွားမယ်။ အင်းလေးကန်ကို မထိခိုက်တဲ့ ကောင်းမွန်သော ခရီးသွားလုပ်ငန်းတွေ ပေါ်ထွန်းလာအောင် ဆောင်ရွက်ပေးမယ်။ အင်းလေးဒေသခရီးသွားလုပ်ငန်းက ဈေးကွက်တစ်ခုရရှိလာမှ ဒေသခံတွေရဲ့ ၀င်ငွေ၊ ထွက်ငွေမျှတအောင် လုပ်ဆောင်ပေးလို့ရမှာပါ။

ပြည်သူတွေက အင်းအမျိုးသားဖွံ့ဖြိုးတိုးတက်ရေးပါတီ ကို ဘာကြောင့် မဲပေးသင့်လဲ။
အင်းသားလူမျိုးတွေကို အရေးထားပြီးဆောင်ရွက်နေတဲ့ ပါတီဖြစ် တယ်။ အင်းလေး ကန်ထိန်းသိမ်းရေးအတွက်လည်း လုပ်ဆောင်နေတယ် လို့ ဒေသခံတွေက ထင်မြင်လာကြရင် အန်ကယ်တို့ပါတီကို တိုင်းရင်းသား
အများစုက မဲပေးလာကြပါလိမ့်မယ်။


 

Top News