တိုင်းရင်းသားပါတီ အများစု ဘာကြောင့် ရှုံးနိမ့်ခဲ့ရသလဲ

ကယားပြည်နယ်ရှိ မဲရုံတစ်ရုံနှင့် ဟားခါးမြို့ရှိ ပြည်တော်သာမဲရုံတွင် မဲပေးရန်တန်းစီနေကြသူများ

အမျိုးသားဒီမိုကရေစီအဖွဲ့ချုပ် ၀င်ရောက်ယှဉ်ပြိုင်သည့် ယခု ၂၀၁၅ ရွေးကောက်ပွဲတွင် တိုင်းရင်းသားပါတီ ၅၁ ပါတီ ၀င် ရောက်ယှဉ်ပြိုင်ခဲ့သော်လည်း ရခိုင်အမျိုးသားပါတီနှင့် ရှမ်းအမျိုးသားဒီမိုကရေစီအဖွဲ့ချုပ်မှ လွဲ ၍ ကျန်တိုင်းရင်းသား ပါတီအများစု ရှုံးနိမ့်ခဲ့ကြသည်။

၂၀၁၅ ရွေးကောက်ပွဲ ရလဒ် များ အပြီးသတ်ကြေညာရန် ကချင်ပြည်နယ်    မြောက်ပိုင်း ဝေးလံခေါင်ဖျားဒေသဖြစ်သော နောင်မွန်းနှင့် ခေါင်လန်ဖူးမဲဆန္ဒ နယ်မှ လွဲ၍ ရွေးကောက်ပွဲကော် မရှင်က မဲဆန္ဒနယ်အားလုံး၏ ၉၉ ဒသမ ၀၄ ရာခိုင်နှုန်း ထုတ်ပြန် ကြေညာပြီးဖြစ်သည်။

၁၉၉၀၊ ၂၀၁၀၊ ၂၀၁၅ ရွေး ကောက်ပွဲများတွင် တိုင်းရင်းသား ပါတီများ အနိုင်ရရှိမှု

၁၉၉၀ ရွေးကောက်ပွဲတွင် ရွေးကောက်ပွဲယှဉ်ပြိုင်သည့် ပါတီ ၉၃ ပါတီ ရှိသည့်အနက် အနိုင်ရတိုင်းရင်းသားပါတီ ၁၇ ပါတီရှိခဲ့ပြီး ၂၀၁၅ တွင် ပါတီ ၉၁ ပါတီရှိသည့် အနက် တိုင်းရင်းသား ပါတီ ၁၈ ပါတီအနိုင်ရခဲ့သည်။ ယခုရွေးကောက်ပွဲတွင် ယှဉ်ပြိုင် သော ၉၁ ပါတီအနက် ၅၁ ပါတီ သည် တိုင်းရင်းသားပါတီများ ဖြစ် သည်။ ၁၉၉၀ ရွေးကောက်ပွဲတွင် တိုင်းရင်းသားပါတီ ၁၉ ပါတီယှဉ် ပြိုင်ခဲ့ပြီး ၁၇ ပါတီအနိုင်ရရှိခဲ့ ကာ လွှတ်တော်နေရာ ၆၃ နေရာ ရရှိခဲ့သည်။

ယခုရွေးကောက်ပွဲတွင် တိုင်းရင်းသားပါတီ ၁၈ ပါတီ အနိုင်ရခဲ့ပြီး ပြည်သူ့လွှတ်တော်၊ အမျိုးသားလွှတ်တော်နှင့် တိုင်း ဒေသကြီး၊ ပြည်နယ်လွှတ်တော်၊ တိုင်းဒေသကြီး  (တိုင်းရင်းသား လူမျိုး)  လွှတ်တော်  စုစုပေါင်း၁၃၈ နေရာ အနိုင်ရရှိသည်။

ရခိုင်အမျိုးသားပါတီနှင့် ရှမ်းအမျုိးသားဒီမိုကရေစီအဖွဲ့ ချုပ်မှ လွဲ၍ အနိုင်ရရှိခဲ့သည့် တိုင်းရင်းသားပါတီများသည် လွှတ်တော်တစ်နေရာမှ ခြောက်နေရာ အကြားထက်ပို၍ အနိုင်ရရှိခဲ့ခြင်း မရှိပေ။ တိုင်းရင်းသားပါတီများ တွင် ရခိုင်အမျိုးသားပါတီက လွှတ်တော်သုံးရပ်အတွက် ၄၄ နေရာနှင့် တိုင်းရင်းသားရေးရာ ၀န်ကြီးတစ်နေရာရရှိခဲ့သဖြင့် နေ ရာအများဆုံး နိုင်သည့်တိုင်းရင်း သားပါတီ ဖြစ်သည်။

ရှမ်းအမျိုးသားဒီမိုကရေစီ အဖွဲ့ချုပ်ပါတီသည် လွှတ်တော် သုံးရပ်အတွက် ၄၁ နေရာရရှိခဲ့ သည်။ ၁၉၉၀ ရွေးကောက်ပွဲတွင် တိုင်းရင်းသားပါတီများအနက် အနိုင်ရရှိမှု အများဆုံးပါတီဖြစ်ခဲ့ သော်လည်း ယခု ၂၀၁၅ ရွေး ကောက်ပွဲတွင် ဒုတိယအများဆုံး အနိုင်ရပါတီဖြစ်ခဲ့သည်။

၂၀၁၀ တွင် ပြည်ခိုင်ဖြိုးပါတီ နှင့်အတူ တိုင်းရင်းသားပါတီ ၂၁ပါတီသာ ယှဉ်ပြိုင်ခဲ့ပြီး ၁၆ ပါတီအနိုင်ရရှိခဲ့သောကြောင့် လွှတ် တော်ထဲတွင် တိုင်းရင်းသားပါတီ များက လွှတ်တော်နေရာ စုစု ပေါင်း ၁၇၅ နေရာရရှိခဲ့သည်။ လုံးဝအနိုင်မရရှိခဲ့သည့် ပါတီငါး ခုသာ ရှိခဲ့သည်။

ယခုရွေးကောက်ပွဲတွင် တိုင်းရင်းသားပါတီများ ၀င်ရောက်ယှဉ်ပြိုင်မှုများပြားခဲ့သော်လည်း လွှတ်တော်နေရာ ရရှိမှုသည် ၂၀၁၀ ကထက် လျော့နည်းခဲ့ သည်။ ၂၀၁၀ ရွေးကောက်ပွဲတွင် တိုင်းရင်းသားပါတီတစ်ခုလျှင် အ နည်းဆုံးလွှတ်တော် နှစ်နေရာ မှ  ၅၇ နေရာအကြား ပါတီအ လိုက် နေရာ ရရှိခဲ့သဖြင့် ယှဉ်ပြိုင်မှုကို တိုင်းရင်းသားပါတီများ ကျေနပ် အားရမှု ရှိခဲ့သည်။

၂၀၁၅ ရွေးကောက်ပွဲတွင် အနိုင် ရရှိခဲ့သည့် တိုင်းရင်းသားပါတီများ

၂၀၁၅ တွင် အနိုင်ရရှိသည့် တိုင်းရင်းသားပါတီများမှာ ဇိုမီးဒီ မိုကရေစီအဖွဲ့ချုပ်၊ ‘၀’ ဒီမိုကရက် တစ်ပါတီ၊ ကချင်ပြည်နယ် ဒီမိုက ရေစီပါတီ၊ ရှမ်းတိုင်းရင်းသားများ ဒီမိုကရေစီအဖွဲ့ချုပ်၊ ရှမ်းတိုင်း ရင်းသားဒီမိုကရက်တစ်ပါတီ၊ ကရင်ပြည်သူ့ပါတီ၊ မွန်အမျိုး သားပါတီ၊ ရခိုင်အမျိုးသားများပါ တီနှင့် ကိုးကန့်ဒီမိုကရေစီနှင့် ညီ ညွတ်ရေးပါတီ၊ စည်းလုံးညီညွတ် ရေးနှင့် ဒီမိုကရေစီပါတီ ကချင် ပြည်နယ်(စဒက)၊ ပအိုဝ်းအမျိုး သားအဖွဲ့ချုပ်ပါတီ၊ တအာင်း (ပလောင်) အမျိုးသားပါတီ၊ မွန် ဒေသလုံးဆိုင်ရာ ဒီမိုကရေစီပါ တီ၊ ‘၀’ အမျိုးသားစည်းလုံးညီညွတ် ရေးပါတီ၊ လားဟူအမျိုးသားဖွံ့ ဖြိုးတိုးတက်ရေးပါတီ၊ လီဆူအ မျိုးသားဖွံ့ဖြိုးတိုးတက်ရေးပါတီ၊ အာခါအမျိုးသားဖွံ့ဖြိုးရေးပါတီ နှင့် တိုင်းလိုင်(ရှမ်းနီ) အမျိုးသား များ ဖွံ့ဖြိုးတိုးတက်ရေးပါတီတို့ ဖြစ်သည်။

အနိုင်ရရှိသည့် ပါတီများ တွင် ၁၉၉၀ ရွေးကောက်ပွဲ၌ အမျိုးသားဒီမိုကရေစီအဖွဲ့ချုပ် နှင့်     မဟာမိတ်ပြုထားသည့် ခေါင်းဆောင်များ ဦးဆောင်သည့် ပါတီများလည်း ပါဝင်သည့်အပြင် ပြည်ခိုင်ဖြိုးပါတီနှင့် မဟာမိတ် ပြုထားသည့် ပါတီများလည်း ပါဝင်သည်။ မည်သည့်ပါတီ နှင့်မျှ မဟာမိတ်လုပ်ထားခြင်း မရှိသည့် တိုင်းရင်းသား ပါတီများ လည်း ရှိသည်။

အမျုိးသားဒီမိုကရေစီအဖွဲ့ ချုပ်နှင့် ၁၉၉၀ တွင် မဟာမိတ် ဖွဲ့ခဲ့သည့် ဇိုမီးဒီမိုကရေစီအဖွဲ့ ချုပ်သည် ယခုရွေးကောက်ပွဲ၌ ချင်းပြည်နယ် တီးတိန်နှင့် တွန်းဇံ မြို့နယ်တို့တွင် လွှတ်တော်နေရာ ခြောက်နေရာ အနိုင်ရရှိခဲ့သည်။

၁၉၉၀ ရွေးကောက်ပွဲတွင် မွန်ဒီမိုကရက်တစ်ပါတီ ဥက္ကဋ္ဌအ ဖြစ် ဆောင်ရွက်ခဲ့သည့်  ဦးနိုင်ငွေသိမ်းခေါင်းဆောင်သော မွန် အမျိုးသားပါတီသည် ယခုရွေး ကောက်ပွဲတွင် တနင်္သာရီတိုင်း ဒေသကြီး၊ ကရင်နှင့် မွန်ပြည်နယ် တို့တွင် ၅၃ နေရာ ၀င်ရောက် ယှဉ်ပြိုင်ခဲ့ရာ လွှတ်တော်နေရာ သုံးနေရာအနိုင်ရရှိခဲ့သည်။

၁၉၉၀ တွင် မဟာမိတ်ဖွဲ့ ခဲ့သည့် ရှမ်းတိုင်းရင်းသားများ ဒီမို ကရေစီ အဖွဲ့ချုပ်သည် လွှတ်တော် နေရာ ၄၁ နေရာရရှိခဲ့ပြီး ရခိုင် အမျိုးသားပါတီသည် ၄၅ နေရာ အနိုင်ရရှိခဲ့သည်။ ကချင်ပြည်နယ် ဒီမိုကရေစီပါတီက ကချင်ပြည် နယ်တွင် လွှတ်တော်သုံးရပ်အ တွက် ၅၅ နေရာ ၀င်ရောက်ယှဉ် ပြိုင်ခဲ့ရာ လေးနေရာသာ အနိုင် ရရှိခဲ့ကြောင်း ရလဒ်များအရ သိ ရသည်။

ပြည်ခိုင်ဖြိုးပါတီနှင့် မဟာ မိတ်ဖွဲ့ထားသည့် ပအိုဝ်းအမျိုးသား ဒီမိုကရေစီအဖွဲ့ချုပ်ပါတီသည် လွှတ်တော်နေရာ ၁၁ နေရာအ တွက် ယှဉ်ပြိုင်ရာ ဆယ်ဦးရရှိခဲ့ပြီး ၂၀၁၀ တွင် အနိုင်ရရှိခဲ့သည့် လွှတ်တော်နေရာ အရေအတွက် အတိုင်း ရရှိခဲ့သည်ဟု ပါတီအ တွင်းရေးမှူး(၃) ဦးခွန်တင်ထွဋ် က ပြောသည်။

၂၀၁၅ ရွေးကောက်ပွဲတွင် မှန်း ချက်နှင့် နှမ်းထွက်မကိုက်ခဲ့သည့်   ပါတီများ

၂၀၁၀ တွင် လွှတ်တော်နေ ရာ ဆယ်ဂဏန်းအထက် ရရှိခဲ့ သော်လည်း ယခု ၂၀၁၅ တွင် လုံးဝရှုံးနိမ့်ခဲ့ရသည့် ပါတီများရှိ သည်။ ယင်းထဲတွင် ချင်းတိုင်းရင်း သားပါတီများ၊ ကရင်တိုင်းရင်း သားပါတီများနှင့် ကချင်တိုင်းရင်း သား ပါတီများအပါအ၀င် အခြား လူမျိုးစုတိုင်းရင်းသားပါတီများ ပါဝင်သည်။ ယခုနှစ်ရွေးကောက် ပွဲတွင် တိုင်းရင်းသားပါတီ ၃၃ ပါတီမှာ လုံးဝအနိုင်ရခြင်း မရှိပေ။

‘‘ပြီးခဲ့တဲ့ ၂၀၁၀ တုန်းက ၂၂ နေရာပြိုင်တာ ၁၂ နေရာနိုင်ခဲ့တော့ ဒီနှစ်ရွေးကောက်ပွဲမှာ လည်း အနည်းဆုံး ၂၀ နဲ့ ၃၀ ကြားတော့ နိုင်မယ်လို့ခန့် မှန်းထား တယ်။ ဒီနှစ်က ၂၀၁၀ ကထက် ယှဉ်ပြိုင်တဲ့ နေရာအရေအတွက် များခဲ့တယ်။ ချင်းအလယ်ပိုင်း လောက်တော့ နိုင်မယ်လို့ ခန့်မှန်း ထားပေမယ့် ကျွန်တော်တို့ အ ကုန်ရှုံးတယ်။ တစ်နေရာမှ မရခဲ့ ဘူး’’ဟု ချင်းအမျိုးသားဒီမိုကရက် တစ်ပါတီ အတွင်းရေးမှူး ဆလိုင်းကျဲအိုဘိခ်ထောင်က ပြောသည်။

၂၀၁၀ တွင် လွှတ်တော်နေ ရာများ ရရှိခဲ့၍ ယခုကျင်းပခဲ့သည့် ရွေးကောက်ပွဲ၌ လွတ်လပ်မျှတ သည့် ရွေးကောက်ပွဲဖြစ်ခဲ့လျှင် လွှတ်တော်နေရာ ၁၀ ရာရရှိမည် ဟု ခန့်မှန်းထားသော်လည်း ပြည် နယ်လွှတ်တော်နေရာ တစ်နေရာ သာ အနိုင်ရရှိခဲ့သည့် မွန်ဒေသလုံး ဆိုင်ရာ ဒီမိုကရေစီပါတီက မှန်း ချက်နှင့် နှမ်းထွက်မကိုက်ခဲ့ဟု ပါတီ အတွင်းရေးမှူး ဒေါက်တာ မင်းနွယ်စိုးက ပြောသည်။

ပြည်သူ့လွှတ်တော်၊ အမျိုး သားလွှတ်တော်၊ ပြည်နယ်လွှတ် တော်နှင့် တိုင်းရင်းသားရေးရာ ၀န်ကြီးအတွက် ၀င်ရောက်ယှဉ် ပြိုင်ခဲ့သော ကယန်းအမျိုးသားပါ တီသည်လည်း ယှဉ်ပြိုင်ခဲ့သည် မဲ ဆန္ဒနယ် ၁၃ နေရာတွင် အမျိုး သားဒီမိုကရေစီအဖွဲ့ချုပ်ကို အပြတ်အသတ်ရှုံးနိမ့်ခဲ့သည်။

၁၉၉၀ ရွေးကောက်ပွဲမှစ၍ ယခုနှစ်ရွေးကောက်ပွဲအထိ ရွေး ကောက်ပွဲ သုံးကြိမ်ဝင်ရောက်ယှဉ် ပြိုင်ခဲ့သော လားဟူအမျိုးသားဖွံ့ဖြိုးတိုးတက်ရေးပါတီသည်၁၉၉၀  ရွေးကောက်ပွဲထက် တစ်နေရာစာပိုနိုင်ခဲ့သော်လည်း ယင်းပါတီ ၏ခန့်မှန်းချက်နှင့် လွဲချော်ခဲ့ရ သည်ဟု ပါတီဥက္ကဋ္ဌ ဦးယောသပ် က ပြောသည်။

‘‘၂၀၁၀ တုန်းက ငါးနေရာ နိုင်ခဲ့တယ်။ အခုရွေးကောက်ပွဲ မှာ ၂၉ နေရာဝင်ပြိုင်ခဲ့လို့ တစ် ဝက်လောက်တော့နိုင်မယ်ထင်ခဲ့ တာ။ တစ်ဝက်မရခဲ့ဘူး။ နှစ်နေရာပဲနိုင်ခဲ့တယ်။ တိုင်းရင်းသားရေးရာဝန်ကြီးတစ်နေရာရယ်၊ ပြည်နယ်တစ်နေရာရယ်’’ဟု ဦး ယောသပ်က ပြောသည်။

၂၀၁၅ ရွေးကောက်ပွဲတွင် ကရင်၊ မွန်၊ ကယားပြည်နယ်နှင့် ပဲခူးတိုင်း၊ ရန်ကုန်တိုင်း၊ ဧရာဝ တီတိုင်းနှင့် တနင်္သာရီတိုင်းဒေသ ကြီးတို့တွင် လွှတ်တော်သုံးရပ်အ တွက် ၁၁၇ နေရာဝင်ရောက်ယှဉ် ပြိုင်ခဲ့သော်လည်း ကရင်ပြည်သူ့ ပါတီသည် သံတောင်မြို့နယ်ရှိ ပြည်နယ်လွှတ်တော်တစ်နေရာ သာ အနိုင်ရရှိခဲ့သည်။

‘‘အစကတော့ ၂၀၊ ၃၀ လောက်တော့ နိုင်မယ်ထင်ထား တာ။ နောက်ပိုင်း တဖြည်းဖြည်းနဲ့ အနည်းဆုံးလေးငါးခြောက်နေရာ လောက်တော့ ရနိုင်လောက်တော့ ပေါ့။ အခုတော့ တစ်နေရာပဲရ တယ်။ ကျန်တဲ့နေရာတွေအားလုံး ရှုံးတယ်’’ဟု ကရင်ပြည်သူ့ပါတီ က ပြောသည်။

ဘာကြောင့်ရှုံးနိမ့်ခဲ့ရသလဲ...

ယခုရွေးကောက်ပွဲတွင် တိုင်းရင်းသားပါတီ ၅၁ ပါတီယှဉ် ပြိုင်ခဲ့သော်လည်း ၁၉၉၀ ရွေး ကောက်ပွဲနည်းတူ ရှုံးနိမ့်ရခြင်းမှာ အမျိုးသားဒီမိုကရေစီအဖွဲ့ချုပ်၏ ပြောင်းလဲချိန်တန်ပြီဟူသော ဆူ နာမီလှိုင်းသည် အဓိကအချက် ဖြစ်ခဲ့သည်ဟု ပါတီများက မှတ် ချက်ပေးပြောကြားခဲ့သည်။

ထိုဆူနာမီလှိုင်းက အင်အား ကြီးမားခဲ့သည့်အပြင် အမျိုးသား ဒီမိုကရေစီအဖွဲ့ချုပ်အစိုးရဖွဲ့နိုင် ရေးသည် လွှတ်တော်နေရာအ များစုအနိုင်ရရှိမှဖြစ်မည်ဆိုသည့် သတင်းစကားကလည်း မဲပေးသူ များကို ဖမ်းစားခဲ့သည်ဟု ပါတီ များက ဆိုသည်။

‘‘အဓိကကတော့ ပြည်သူ တွေက အပြောင်းအလဲလိုချင်နေ ကြတာ။ ကျွန်တော်တို့က အဲဒီ တစ်ချက် မေ့သွားတယ်။ ကျွန် တော်ကတော့ ပါတီကိုကြည့်ပြီး ပေးကြလို့ ရှုံးတယ်လို့ မြင်ပါ တယ်’’ဟု လီဆူအမျိုးသားဖွံ့ဖြိုး တိုးတက်ရေးပါတီ(ဒူးလေးပါတီ) အတွင်းရေးမှူး ဦးလာမာယေးက မှတ်ချက်ပေးသည်။

တိုင်းရင်းသားပါတီများ အဓိကရှုံးနိမ့်ရသည်မှာ NLDပါတီ ၏ပြောင်းလဲချိန်တန်ပြီ ဆူနာမီ လှိုင်းကြောင့်ဖြစ်ပြီး မဲကွဲခြင်းများ နှင့် သက်ဆိုင်မှုမရှိကြောင်း၊ ယခု အနိုင်ရရှိသည့် ပါတီများသည် လည်း အများအားဖြင့် မဟာမိတ် ပါတီများသာဖြစ်ကြောင်း ချင်းအ မျိုးသားဒီမိုကရက်တစ်ပါတီအ တွင်းရေးမှူး ဆလိုင်းကျဲအိုဘိခ် ထောင်က ပြောသည်။

ဒေါ်အောင်ဆန်းစုကြည်က လွှတ်တော်တွင် နေရာအများစု ရမှသာ အစိုးရဖွဲ့နိုင်မည်ဖြစ်၍ ပြည်နယ်များတွင်ပါ ၀င်ရောက် ယှဉ်ပြိုင်ရခြင်းဖြစ်သည်ဟု ပြော ကြားခဲ့ရာ ယခုပြည်နယ်များတွင် ပါ ဒီချုပ်၏ မဟာဗျူဟာ အောင် မြင်သည်ဟုဆိုသည်။

ကျန်အချက်များမှာ ဝေးလံ ခေါင်ဖျားသောဒေသများတွင် မဲ စာရင်းပါဝင်သည့်လူဦးရေသည် လူရှိဦးရေထက် နည်းနေခြင်း၊ လက်နက်ကိုင်အဖွဲ့များနှင့်ပနံ သင့်သည့်တိုင်းရင်းသားပါတီများ ကိုသာ မဲပေးရန် ဖိအားပေးခြိမ်း ခြောက်ခြင်းများလည်း ပါသည်ဟု ထောက်ပြပြောဆိုကြသည်။

‘‘လက်နက်ကိုင်အဖွဲ့တစ်ခု က သူတို့လိုလားတဲ့ပါတီကို ပြည် သူတွေ မဲပေးဖို့ ပုံစံအမျိုးမျိုးနဲ့ လုပ်ခဲ့တယ်။ ဒါကို ရွေးကောက်ပွဲ ကော်မရှင်ကလည်း မသိချင် ယောင်ဆောင်ခဲ့တယ်။ မဲရုံဖွဲ့ စည်းတည်ဆောက်ပုံလည်း စနစ် မကျခဲ့ဘူး။ လျှို့ဝှက်မဲဆန္ဒခန်းလို့ ဆိုပေမယ့် သမီးရည်းစားစကား ပြောလို့ရတယ်’’ဟု မွန်ဒေသလုံး ဆိုင်ရာ ဒီမိုကရေစီပါတီမှ ဒေါက် တာမင်းနွယ်စိုးက ပြောသည်။

လက်နက်ကိုင်အဖွဲ့ဟုဆို ရာတွင် ပြည်သူ့စစ်များနှင့် တိုင်း ရင်းသားလက်နက်ကိုင်အဖွဲ့အ ချို့လည်း ပါဝင်ပတ်သက်ကြ သည်ဟု ဆိုသည်။

ရှုံးနိမ့်ခဲ့ရသည့် အကြောင်း ရင်းများတွင် ထိုအချက်များအပြင် တိုင်းရင်းသားပါတီများ မဲဆွယ် စည်းရုံးရာ၌ ငွေကြေးအခက်အခဲ ရှိခြင်း၊ ပြီးခဲ့သည့်ငါးနှစ်တာကာ လအတွင်း တိုင်းရင်းသားပြည်သူ များ၏ယုံကြည်မှုကို ရယူနိုင်မှုမရှိ ခဲ့ခြင်းနှင့် တိုင်းရင်းသား လူမျိုးစု တစ်ခုလျှင် ပါတီအမြောက်အမြား ရှိ၍ မဲကွဲနေခြင်းတို့ကြောင့် ဖြစ် သည်ဟု သုံးသပ်ကြသည်။ ပါတီ အမြောက်အမြားရှိနေပြီး မဲကွဲနေ ခြင်းသည် အဓိက ရှုံးနိမ့်မှုမဟုတ် ကြောင်း တိုင်းရင်းသားပါတီများ က သုံးသပ်မှုများရှိသည်။

‘‘ပါတီစည်းရုံးရေးမှာ ငွေ ကြေးအခက်အခဲရှိခဲ့တော့ ကရင် တိုင်းရင်းသားတွေကို စည်းရုံးမှုကို ထိထိရောက်ရောက်မလုပ်နိုင်ခဲ့ ဘူး။ အားနည်းခဲ့တယ်’’ဟု ကရင် ပြည်သူ့ပါတီ အတွင်းရေးမှူး ဦးစောစေးဝါးက ပြောသည်။

ကယားပြည်နယ်တွင် က ယန်းပါတီတစ်ခုတည်းသာရှိ သောကြောင့် မဲကွဲစရာအ ကြောင်း မရှိခဲ့သော်လည်း ပြီးခဲ့ သည့် ငါးနှစ်တာကာလအတွင်း အနိုင်ရသည့် တိုင်းရင်းသားရေး ရာဝန်ကြီးကို ပြည်သူများကျေနပ် အားရမှုမရှိခြင်း၊ မဲဆွယ်စည်းရုံး ရာတွင် ပါတီအမှတ်တံဆိပ် ရိုက် ထုတ်ရမည့်ငွေကြေးကုန်ကျမှုကို ထောက်ပံ့ပေးနိုင်သည့် ငွေကြေး ဓနအင်အားမပြည့်စုံခဲ့ခြင်း၊ NLD ဆူနာမီလှိုင်းကြောင့် ရှုံးနိမ့်ရခြင်း ဖြစ်သည်ဟု ကယန်းအမျိုးသား ပါတီဥက္ကဋ္ဌ ဦးခူးယူဂျင်းက ပြော သည်။

အရှုံးထဲက သင်ခန်းစာ

တိုင်းရင်းသားပါတီများ၊ တိုင်းရင်းသားနယ်မြေအများစု တွင် ရှုံးနိမ့်ခဲ့သည့်အပေါ် သင်ခန်း စာယူစရာများ ကျန်ရှိခဲ့သည်။

‘‘ချင်းပါတီများအနေနဲ့ကိုယ့် ရဲ့ပြည်နယ်ထဲမှာပဲ မရှုမလှအ ရေးနိမ့်ခဲ့ရတာကို သတ္တိရှိရှိဝန်ခံရ တော့မှာဖြစ်ပါတယ်။ ကျွန်တော် တို့လေးစားယုံကြည်တဲ့ခေါင်း ဆောင်တော်တော်များများ အနိုင် မရခဲ့တာတွေအတွက်လည်း စိတ် မကောင်းခြင်းများစွာဖြစ်မိပါ တယ်။ လူထုရဲ့ရွေးချယ်မှုကို စောဒကတက်စရာမရှိပေမယ့် လည်း ကျွန်တော်တို့ ဘာတွေလို အပ်သလဲဆိုတာကိုတော့ အားမ နာတမ်းပြန်လည်ဆန်းစစ်သုံးသပ် ရပါလိမ့်မယ်’’ဟု အရှိုးချင်းတိုင်း ရင်းသား ဆလိုင်းအိုက်ဇက်ခင်က ပြောကြားသည်။

‘‘အနိုင်၊ အရှုံးကို ပြန်လည် ဆန်းစစ်မယ်။ ပါတီကို ပြန်လည် စုစည်းမယ်။ ဗဟိုကော်မတီကိုလို အပ်ရင် ပြန်လည်ရွေးချယ်မယ်။ ရှေ့လုပ်ငန်းတွေအတွက်လည်း ပြင်ဆင်သွားမှာပါ’’ဟု ကရင် ပြည်သူ့ပါတီ အတွင်းရေးမှူး ဦး စောစေးဝါးက ပြောသည်။

တို်င်းဒေသကြီးနှင့် ပြည်နယ် နှစ်ခုတွင် လွှတ်တော်နေရာ ၅၃ နေရာ၌ သုံးနေရာသာ အနိုင်ရရှိ ထားသည့် မွန်အမျိုးသားပါတီက အရှုံးထဲက သင်ခန်းစာယူပြီး ရှေ့ လာမည့် နိုင်ငံရေးအခင်းအကျင်း တွင် မွန်ပြည်သူများထံမှ မဲများ အောင် ကြိုးစားဆောင်ရွက်သွား မည်ဟု ဆိုသည်။

‘‘အရှုံးထဲကနေ အမြတ် ထွက်အောင် လုပ်ဆောင်သွား မယ်။ တိုင်းရင်းသားတွေကို နိုင်ငံ ရေးအခင်းအကျင်းတွေမှာ ပါလာ အောင် ပြန်လုပ်သွားမယ်။ ပညာ ပေးလုပ်ငန်းတွေ ခပ်များများလုပ် ဆောင်သွားမယ်’’ဟု မွန်အမျိုး သားပါတီ အတွင်းရေးမှူး ဦးနိုင် စိုးမြင့်က ပြောသည်။

ကချင်ပြည်နယ်ဒီမိုကရေစီ ပါတီက ပါတီဝင်များစိတ်ဓာတ် ကျနေသဖြင့် အရှုံးနှင့်ပတ်သက်၍ မဆွေးနွေးရသေးကြောင်း၊ တစ် ပတ်ခန့်အကြာတွင် ရှုံးနိမ့်မှုများ ကို သုံးသပ်၍ အဖြေထုတ်သွား မည်ဖြစ်ကြောင်း အတွင်းရေး မှူး ဦးဘရန်လီက ပြောသည်။

လာမည့် လွှတ်တော်တွင် တိုင်းရင်းသားများ၏ အသံနည်းသွားနိုင်၍ တိုင်းနှင့် ပြည်နယ်များ ၌ ရွေးကောက်ပွဲတွင် မဲအများ ဆုံးအနိုင်ရရှိထားသည့် အမျိုးသားဒီမိုကရေစီအဖွဲ့ချုပ်အနေ ဖြင့် ရှုံးနိမ့်သွားသော ပြည်နယ် နှင့် တိုင်းဒေသကြီးရှိ တိုင်းရင်း သားပါတီများကို ဖုန်းဆက်ပြီး နှစ်သိမ့်စကားပြောဆိုပေးရန် ပြည်တွင်းလူမှုအဖွဲ့အစည်းတစ်ခု ဖြစ်သည့် ပေါင်းကူးမှ ဒါရိုက်တာ ဒေါက်တာကျော်သူက ၎င်း၏လူမှုကွန်ရက်ဖေ့စ်ဘွတ်ခ် စာမျက်နှာ ပေါ်တွင် အကြံပြုထားသည်။

တိုင်းရင်းသားပါတီ အမြောက်အမြား ရှုံးနိမ့်ခဲ့ရသည့်နှင့်ပတ် သက်၍ လွှတ်တော်နေရာတွင် တိုင်းရင်းသားလူမျိုးစုများ၏ အ ခွင့်ရေးနည်းပါးမည်ကို စိုးရိမ် နေကြသူများလည်း ရှိသည်။ သို့ သော် ဒီချုပ်သည် အခြေခံပြည်သူ များ၏ အသံကို အခြားပါတီများ ထက် ပိုမိုနားထောင်သိရှိသလို တိုင်းရင်းသားဒေသများတွင် ဒေသခံတိုင်းရင်းသား ကိုယ်စား လှယ်များ၌ ယှဉ်ပြိုင်၍ စိုးရိမ် စရာမရှိဆိုသူများလည်း ရှိသည်။ မည်သည့်ခန့်မှန်းချက်မှန်သလဲဆို သည်ကို လွှတ်တော်သစ်တွင် စောင့်ကြည့်ရမည်ပင် ။     ။

Top News