ကော်မရှင်တိုင်မှ လယ်သမားများပိုနစ်နာနေဟုဆို

အသိမ်းခံလယ်မြေများ ပြန်လည်ရရှိရန်အတွက် ပြည်သူ့လွှတ်တော်၏ လယ်ယာမြေစုံစမ်းစစ်ဆေးရေးကော်မရှင်ထံ တိုင်ကြားကြသည့် ရခိုင်ပြည်နယ်မှ လယ်သမားအချို့သည် ကော်မရှင်ထံတိုင်မှ ပိုမိုနစ်နာသည့်ဘ၀ အခြေအနေနှင့် ကြုံတွေ့ရင်ဆိုင်နေရကြောင်း သတင်းရရှိသည်။

ကာလရှည်ကြာ စိုက်ပျိုးခဲ့သည့် လယ်ယာမြေများ အသိမ်းခံရပြီးနောက် အဆိုပါမြေများတွင် သိမ်းယူသူများထံမှ သီးစားခပေးချေကာ စိုက်ပျိုးနေရသည့် လယ်သမားအချို့သည် ကော်မရှင်ထံတိုင်ကြားသည့် အတွက် သီးစားလုပ်ကိုင်ခွင့်ပင်ဆုံးရှုံးကြရသည့် အခြေအနေနှင့် ရင်ဆိုင်နေရကြောင်း လယ်သမားများနှင့် ကော်မရှင်အဖွဲ့ဝင်အချို့က ပြောသည်။ ““လယ်သမားတွေက ကော်မရှင်တိုင်မှပိုပြီး နစ်နာသွားသလိုဖြစ်တယ်လေ။ တိုင်တဲ့ လယ်သမားတွေကို လယ်ပေးမလုပ်တော့ဘူး။ မတိုင်ခင်ကမှ စိုက်ပျိုးလို့ရတဲ့ မ၀ရေစာနဲ့ စားလို့ရသေးတယ်”” ဟု ရခိုင်ပြည်နယ်သို့ လယ်မြေအသိမ်းခံရမှုများကို ကွင်းဆင်းစစ်ဆေးနေသည့် စုံစမ်းရေးကော်မရှင်အဖွဲ့ဝင် ပြည်သူ့လွှတ်တော်ကိုယ်စားလှယ် ဦးဖေသိန်း ကပြောသည်။ ယင်းအခြေအနေများကြောင့် အမှန်တကယ်နစ်နာသည့် တောင်သူများအနေဖြင့် မိမိတို့အခွင့်အရေးများကို ဆက်လက်တောင်းဆိုမှုမပြုလုပ်ရဲမည်ကို စိုးရိမ်ကြောင်း ၎င်းက ပြောသည်။

ကွင်းဆင်းစစ်ဆေးချက်အရ ရခိုင်ပြည်နယ်အတွင်း လယ်ယာမြေများ သိမ်းဆည်းသည်ဟု စွပ်စွဲခံရမှုများတွင် တပ်မတော်မှ သိမ်းဆည်းသည်ဟုဆိုကာ တိုင်ကြားမှုမှာ အများဆုံးဖြစ်ကြောင်း ၎င်းကပြောသည်။ ရခိုင်ပြည်နယ်ရှိဒေသခံများသည် စိုက်ပျိုးမြေများ သိမ်းဆည်းခံရမှုကြောင့် အလုပ်အကိုင်ရှားပါးကာ ဒေသမှ စွန့်ခွာသွားသူ များပြားလာကြောင်း ရခိုင်ပြည်နယ်မှ ဒေသခံများကပြောသည်။ ““နှစ် ၂၀လောက် တောက်လျှောက်သိမ်းလာတော့ မိသားစုတွေ ဘ၀ပျက်ကြတယ်။ ရန်ကုန်မှာလို တခြားအလုပ်လည်း လုပ်စရာမရှိတော့ နေရပ်စွန့်ခွာတာတွေ များလာတယ်။ တချို့ရွာတွေဆိုတော့ ယောက်ျားတွေမရှိတော့ဘူး။ အသုဘတောင် အမျိုးသမီးတွေ ထမ်းချရတယ်။ အဲဒီလောက်တောင် ဖြစ်နေတာရှိတယ်””ဟု ပြည်နယ်လွှတ်တော်ကိုယ်စားလှယ် ဦးအောင်မြတ်ကျော်ကပြောသည်။       မကြာမီကာလအတွင်း လယ်မြေများထွန်ယက်စိုက်ပျိုးရမည့်ကာလ ရောက်ရှိမည်ဖြစ်သောကြောင့် လယ်သမားများ အလုပ်အကိုင်မဲ့ကာ ၀မ်းရေးပြဿနာကြုံတွေ့မည်ကို စိုးရိမ်ကြောင်း ၎င်းကပြောသည်။

More in Politics Section