မုတ်သုံအဝင် ၁၅ ရက်ခန့် နောက်ကျနိုင်ကြောင်း ဒေါက်တာထွန်းလွင်ပြော

ပူပြင်းမှုကြောင့် ရေရှားပါးမှုများပိုမိုဖြစ်ပွားလျက်ရှိသည်။ဓာတ်ပုံ-ဂျေမောင်မောင်(အမရပူရ)

အနောက်လေစီးကြောင်း အားကောင်းမှုကြောင့် အနောက် တောင်မုတ်သုံလေ မြန်မာနိုင်ငံ အတွင်း ဝင်ရောက်မှုသည် ပုံမှန် ထက် ၁၅ ရက်ခန့် နောက်ကျနိုင်ကြောင်း မိုးလေဝသပညာရှင် ဒေါက်တာထွန်းလွင်က ပြောကြားသည်။

 မြန်မာနိုင်ငံတောင်ပိုင်းသို့ မုတ်သုံဝင်ရောက်မှုသည် ၁၅ ရက်ခန့် နောက်ကျနိုင်ပြီး မြစ်ဝ ကျွန်းပေါ်ဒေသသို့ မုတ်သုံဝင် ရောက်မှုသည် ၁၀ ရက်ခန့် နောက်ကျနိုင်သည်။ မြောက်ပိုင်းသို့ မုတ်သုံဝင်ရောက်မှုသည် ပုံမှန်အနေအထားတွင် ရှိသော်လည်း အလယ်ပိုင်းသို့ မုတ်သုံဝင်ရောက်မှုသည် ခုနစ်ရက်ခန့် နောက်ကျနိုင်မည်ဖြစ်သည်။

 ‘‘မုတ်သုံနောက်ကျတော့ မိုးနောက်ကျမယ်။ စိုက်ပျိုးရေး လုပ်ငန်းတွေ သတိထားကြပါ။ မိုးနောက်ကျနိုင်ပါတယ်’’ဟု ဒေါက်တာထွန်းလွင်က ပြောသည်။


ဧပြီ ၂၈ ရက် မုတ်သုံလေဦး သုံးသပ်ချက်အရ အထက်၊ အောက်၊ မြောက်နှင့် အနောက် လေစီးကြောင်းများသည် အလွန် အားကောင်းနေဆဲဖြစ်ပြီး တောင် ဘက်နှင့် အနောက်တောင်မုတ်သုံ လေဦးသည် အားလျော့နေပြီး အီ ကွေတာတစ်ဝိုက်တွင် ရှိနေ၍မုတ်သုံအဝင် နောက်ကျခြင်းဖြစ်ကြောင်း ၎င်းက ပြောသည်။

မြန်မာနိုင်ငံသို့ မုတ်သုံ ပုံမှန် ဝင်ရောက်ချိန်သည် မေလ ၅ ရက် ဖြစ်သော်လည်း ယခုနှစ်တွင် မေလ ၁၅ ရက်မှ ဝင်ရောက်မည် ဖြစ်သည်။ မေလ ၂၅ ရက်တွင် မြစ်ဝကျွန်းပေါ်သို့ မုတ်သုံဝင် ရောက်မည်ဖြစ်ပြီး အလယ်ပိုင်း နှင့် မြောက်ပိုင်းဒေသများ၌ မေလအကုန် ဇွန်လ ၁ ရက်မှ မုတ်သုံဝင်ရောက်မည်ဖြစ်သည်။