ငွေကြေးအရှုပ်အရှင်းကိစ္စအပေါ် အနုပညာရှင်များ၏ စာနယ်ဇင်း ရှင်းလင်းပွဲ

ကဗျာဘွဲ့မှူးကို ယုံကြည်စွာငွေအပ်နှံခဲ့သည့်အနုပညာရှင်များ၏ စာနယ်ဇင်းရှင်းလင်းပွဲကို ယနေ့(ဇွန်လ ၈ ရက်)က Orchid ဟိုတယ်၌ ပြုလုပ်ခဲ့သည်။
အဆိုပါစာနယ်ဇင်းရှင်းလင်းပွဲသို့ မေခလာ၊ ကော်နီ ၊ ဆုန်သင်းပါရ် ၊ အယ်လ်ဆိုင်းဇီ စသည့်အနုပညာရှင်များ အပါအဝင် ၁၉ ဦးခန့် တက်ရောက်ခဲ့ကြပြီး ငွေကြေးကိစ္စများနှင့်ပတ်သက်၍ တစ်ဦးချင်းစီက ရှင်းလင်းပြောကြားခဲ့သည်။
ရှင်းလင်းပွဲ တက်ရောက်လာသူများက ၄င်းတို့ပိုင်ဆိုင်သည့် ငွေပမာဏ စုစုပေါင်း ကျပ်သိန်းတစ်သောင်းခန့်ကို ကဗျာဘွဲ့မှူးထံ အပ်နံခဲ့ပြီး အဆိုပါ ဖြစ်ရပ်နှင့်ပက်သက်၍ အများသိရှိနိုင်ရန် ရှင်းလင်းခြင်း ဖြစ်ကြောင်း
ပြောကြားခဲ့သည်။
ကဗျာဘွဲ့မှူး၏ ခင်ပွန်းဖြစ်သူက ဇွန်လ ၇ ရက်ထုတ် ကြေးမုံသတင်းစာတွင် ကဗျာဘွဲ့မှုးသည် ၎င်းတို့မိသားစု၏ ပိုင်ဆိုင်မှုများကိုအကြိမ်ကြိမ် အလွဲသုံးစားမှုများပြုလုပ်သွားသောကြောင့် စကားများကာ သဘောထားခြင်း မတိုက်ဆိုင်တော့သောကြောင့် လင်မယားကွာရှင်း ပြတ်စဲထားပြီး ကဗျာဘွဲ့မှူးနှင့်ပတ်သတ်သည့်ငွေကြေးအရှုပ် အရှင်းကိစ္စများမှာ ၎င်းနှင့်သက်ဆိုင်မှုမရှိကြောင်း ကြေညာထားသည်။
ဓာတ်ပုံ-ဇွဲဥာဏ်