ရုရှားသမ္မတ ပူတင်၏ အကြံပေးပုဂ္ဂိုလ် ဆာဂျီကာရာဂါနော့ဗ်နှင့် တွေ့ဆုံခြင်း

‘‘ကျွန်တော်တို့ ပိုပါးနပ်လာတယ်။ ပိုအားကောင်းလာပြီး ပိုပြတ်သားလာတယ်’’

ရုရှားနိုင်ငံနဲ့ နေတိုးအဖွဲ့ ကြား ဆက်ဆံရေးဟာ ဆိုးရွားလာ နေပါတယ်။ စစ်မက်ဖြစ်လာနိုင်တဲ့ အန္တရာယ်၊ နေတိုးအဖွဲ့ရဲ့ တက်ကြွတဲ့နေရာယူမှု၊ ရုရှားနိုင်ငံရဲ့ တန်ဖိုးထားမှုတွေကို အနောက်တိုင်းက နားလည်နိုင်စွမ်း
မရှိတာတွေနဲ့ ပတ်သက်လို့ ကရင်မလင် အစိုးရရဲ့ နိုင်ငံခြားမူဝါဒရေးရာ အကြံပေးပုဂ္ဂိုလ် ဆာဂျီကာရာဂါ နော့ဗ်နဲ့ စပီးဂဲလ်သတင်းဌာနတို့ တွေ့ဆုံမေးမြန်း ထားပါတယ်။


ဆာဂျီကာရာဂါနော့ဗ် (၆၃) နှစ်ဟာ ရုရှားနိုင်ငံအတွက် ပထ၀ီ နိုင်ငံရေးဆိုင်ရာ မဟာဗျူဟာ သဘောထားတွေချမှတ်တဲ့ နိုင်ငံ ခြားရေးနဲ့ ကာကွယ်ရေးမူဝါဒဆိုင် ရာကောင်စီရဲ့ အကြီးအကဲဖြစ်ပါ တယ်။ အဲဒီကောင်စီမှာ နိုင်ငံရေး သမားတွေ၊ စီးပွားရေးပညာရှင် တွေ၊ စစ်ဘက်ဆိုင်ရာနဲ့ ထောက် လှမ်းရေးအရာရှိဟောင်းတွေပါ ၀င်ပါတယ်။ ကာရာဂါနော့ဗ်ဟာ မော်စကိုမြို့မှာရှိတဲ့ ထိပ်တန်း တက္ကသိုလ်တစ်ခုဖြစ်တဲ့ အဆင့် မြင့်စီးပွားရေးပညာ အမျိုးသား သုတေသနတက္ကသိုလ်ရဲ့ အကြီးအကဲတစ်ယောက်လည်း ဖြစ်ပါတယ်။

မကြာသေးခင်က ရုရှားရဲ့ စစ်အင်အား ရှေ့တိုးချထားတာတွေကို တုံ့ပြန်တဲ့အနေနဲ့ နေတိုးအဖွဲ့ဟာ အရှေ့ဥရောပမှာရှိတဲ့ သူတို့ ရဲ့ စစ်အင်အားကို တိုးမြှင့်နေပါ တယ်။ အဲဒီနှစ်ဖက်ဟာ စစ်မက် ဖြစ်လာနိုင်တဲ့ အခြေအနေ
တစ်ခု ကြုံလာနိုင်တယ်လို့ အနောက် တိုင်းနိုင်ငံရေးသမားတွေက သတိ ပေးထားပါတယ်။ အဲဒီလို သတိ ပေးတာတွေက လွန်ကဲနေပါသလား။

စစ်မက်အကြိုအခြေအနေ တစ်ခုအကြောင်း ကျွန်တော်လွန် ခဲ့တဲ့ ရှစ်နှစ်က ပြောပြီးပါပြီ။

ဂျော်ဂျီယာမှာ စစ်ဖြစ်တုန်းကပေါ့။

အဲဒီအချိန်တုန်းကတောင်မှ အင်အားကြီးနိုင်ငံတွေကြား ယုံကြည်မှုဟာ သုညဘက်ကို ဦးတည်နေပါတယ်။ ရုရှားက သူ့ရဲ့ စစ်တပ်ကို လက်နက်ပြန် တပ်နေပြီး အဲဒီနောက်ပိုင်းမှာ အခြေအနေဟာ တော်တော် ဆိုးရွားသွားပါ တယ်။ ယူကရိန်းနယ်စပ် နားကို နေတိုးအဖွဲ့ ချဉ်းကပ်လာမယ် ဆိုရင် ကျွန်တော်တို့ လက်မခံနိုင်တဲ့ အခြေအနေတစ်ခု ဖြစ်လာမှာကြောင်း သူတို့ကိုအဲဒီလိုမလုပ်ဖို့ ကျွန်တော်သတိပေးခဲ့ပါတယ်။  ဒီဘက်ကို အနောက်တိုင်းက စစ် အင်အားတိုးချဲ့လာတာကို ကျွန် တော်တို့တားဆီးခဲ့တယ်။ ဥရောပ မှာ ပိုကြီးတဲ့ စစ်ပွဲတစ်ပွဲဖြစ်လာမယ့် အန္တရာယ်ဟာ အလယ်အ လတ်အခြေအနေမှာ အဆုံးသတ် သွားမယ်လို့ မျှော်လင့်ရတာပေါ့။ ဒါပေမဲ့အခုပျံ့နှံ့နေတဲ့ ဒီဝါဒဖြန့်မှုဟာ စစ်ပွဲသစ်တစ်ခုရဲ့ ရှေ့ပြေးပုံစံ နဲ့ ဆင်တူယိုးမှားဖြစ်နေတယ်။

ခင်ဗျားရုရှားကို ရည်ညွန်းတာဖြစ်ဖို့ မျှော်လင့်ပါတယ်။

ရုရှားမီဒီယာတွေက အနောက်တိုင်း မီဒီယာတွေထက် ပိုတည်ကြည်ပါတယ်။ ဒါပေမဲ့ ရုရှားဟာ ကာကွယ်ရေး နဲ့ပတ်သက်လို့ ဆတ်ဆတ်ထိမခံဘူး ဆိုတာ ခင်ဗျားတို့နားလည်ရမယ်။  ကျွန်တော်တို့ အရာအားလုံးအတွက်
ပြင်ဆင်ထားရမယ်။ အဲဒါဟာ အခါအားလျော်စွာ ၀ါဒဖြန့်ချိမှုကြီးရဲ့ အရင်းအမြစ်ပဲဖြစ်တယ်။ ဒါပေမဲ့ အ နောက်တိုင်းက ဘာလုပ်လဲ၊ ဘာမှမလုပ်ဘူး။ ရုရှားကိုပဲ သားပုပ်လေလွင့်ပြောနေတယ်။ ကျွန်တော်တို့က တိုက်ခိုက်ဖို့ ခြိမ်းခြောက်နေတယ်လို့ ယုံကြည်နေတယ်။ ဒီအခြေအနေကို ၁၉၇၀  အဆုံးသတ်ချိန်နဲ့ ၁၉၈၀ ပြည့်နှစ်အစပျိုးချိန်တွေ က ပြဿနာနဲ့ နှိုင်းယှဉ်လို့ ရတယ်။

ဆိုဗီယက် တာလတ်ပစ်ပဲ့ထိန်းဒုံးကျည်တွေ ချထားတာနဲ့ အမေရိ ကန်က တုံ့ပြန်တာကို ရည်ညွန်းတာလား။

အဲဒီအချိန်က ဥရောပဟာ အားနည်းနေတယ်လို့ ခံစားနေရပြီး ဥရောပတိုက်ကနေ အမေရိကန် ထွက်သွားနိုင်တယ်ဆိုတာကို ကြောက်ရွံ့နေတယ်။ ဒါပေမဲ့ ဆိုဗီယက်ယူနီယံဟာ အတွင်းပိုင်း မှာအခြေအနေ ဆိုးနေပေမယ့် စစ်ရေးအရ အင်အားတောင့်တင်း နေတယ်လို့ ထင်ပြီး အက်စ်အက်စ် -၂၀ ဒုံးကျည်တွေကို ရူးရူးမိုက်မိုက် ချထားခဲ့တယ်။ ရလဒ်ကတော့ လုံးဝအခြေအမြစ်မရှိတဲ့ ပြဿနာ တစ်ခုဖြစ်လာတယ်။ ဒီနေ့ခေတ်မှာ အဲဒီပြဿနာဟာ ဆန့်ကျင် ဘက်ပုံစံနဲ့ ဖြစ်လာတယ်။ အခု ပိုလန်၊ လစ်သူယေးနီးယားနဲ့ လတ်ဗီးယားတို့လို နိုင်ငံတွေမှာ ကြောက်စိတ်တွေကို ဖြေသိမ့်ပေးဖို့ နေတိုး အဖွဲ့က အဲဒီမှာလက်နက်တွေချ ထားတယ်။ ဒါပေမဲ့အဲဒါဟာ သူတို့ကို အထောက်အကူ
မပြုဘူး။ အဲဒါကို ရန်စတာလို့ ကျွန်တော် တို့ သတ်မှတ်တယ်။ ပြဿနာဖြစ် နေရင်တော့ အဲဒီလက်နက်တွေ ကို ကျွန်တော်တို့ ဖျက်ဆီးပစ်မှာ အသေအချာပါပဲ။ ရုရှားက နောက်ထပ်ကိုယ့်မြေမှာ လုံးဝ တိုက်ခိုက်တော့မှာ မဟုတ်ဘူး။

အတိအကျပြောရရင် ကျွန်တော် ခင်ဗျားပြောတာ အမှန်အကန်နား လည်တယ်ဆိုရင်ပေါ့။ ခင်ဗျားတုိ့ ကာကွယ်ရေးကို ရှေ့ဆက်လုပ်ဆောင်မယ့် မဟာဗျူဟာအတိုင်း လုပ်မယ်ပေါ့။

အခုဆိုနေတိုးအဖွဲ့က ရုရှား နယ်စပ်နဲ့ ၄၉၇ မိုင်အထိ ပိုနီးလာတယ်။ လက်နက်တွေက လုံးဝ ကွာခြားတယ်။ ဥရောပမှာ မဟာ ဗျူဟာဆိုင်ရာ တည်ငြိမ်မှုဟာ ပြောင်းလဲနေတယ်။ လွန်ခဲ့တဲ့ နှစ်ပေါင်း သုံးလေးဆယ်ကထက်
အများကြီး ပိုဆိုးနေတယ်။

သမ္မတဗလာဒီမာပူတင် အပါအ၀င် ရုရှားနိုင်ငံရေးသမားတွေက အနောက်တိုင်းဟာ ရုရှားနိုင်ငံပြို ကွဲသွားအောင် အတွက် စစ်ဖြစ်စေ ချင်နေတယ်လို့ ပြည်သူတွေ ယုံကြည်အောင် ကြိုးစားနေကြတယ်။ ဒါပေမဲ့ အဲဒါ အဓိပ္ပာယ် မရှိတာပဲ။

ပုံကြီးချဲ့တာ တချို့ရှိနေတာ ကတော့ အသေအချာပါပဲ။ ဒါပေ မဲ့တားဆီး ပိတ်ဆို့မှုတွေဟာ ရုရှားနိုင်ငံမှာ အစိုးရအပြောင်းအလဲ ဖြစ်လာအောင် ရည်ရွယ်ပြီး လုပ်တယ်ဆိုတာကို အမေရိကန် နိုင်ငံရေးသမားတွေက ပွင့်ပွင့် လင်းလင်းပဲ ပြောဆိုထားပါတယ်။ အဲဒါဟာ တော်တော်ကို ရန်စတာပဲဖြစ်ပါတယ်။

ရုရှားရုပ်သံလိုင်းတွေက ညနေပိုင်းသတင်းတွေဟာ လက်တွေ့နဲ့ အ များကြီးကွာခြားနေပုံရပါတယ်။ မော်စကိုအခြေစိုက်သတင်းစာ တစ်စောင်ကတောင် သိပ်မကြာခင်က ပြင်ပအန္တရာယ်ကို ယုံမှားခြင်းဆိုတာမျိုး
ရေးသားခဲ့ပါတယ်။

ရုရှားနိုင်ငံမှာ နိုင်ငံရေးထိပ်သီးပိုင်းက ပြည်တွင်းမှာ ပြုပြင် ပြောင်းလဲမှု မလုပ်ချင်ကြဘူး။ အဲဒါအတွက် သူတို့အဆင်သင့်မဖြစ် ကြသေးဘူး။ အဲဒီလိုပဲ သူတို့က ပြင်ပခြိမ်းခြောက်မှုကို ကြိုဆိုကြတယ်။ ရုရှားဟာ အမျိုးသား သဘောထားနှစ်ရပ်ဖြစ်တဲ့ ကာကွယ်ရေးနဲ့ အချုပ်အခြာအာဏာအပေါ်မှာ အခြေတည်နေတယ်ဆို တာ ခင်ဗျားအမှတ်ရရမယ်။ ကျွန်တော်တို့ဟာ တခြားနိုင်ငံတွေထက် လုံခြုံရေးကို တလေးတစား လုပ်ဆောင်နေပါတယ်။

ရုရှားရဲ့ လက်ရှိမူဝါဒဟာ ပဟေဠိဆန်တယ်လို့ ဥရောပက မြင်နေကြတယ်။ မော်စကိုခေါင်းဆောင်ပိုင်းရဲ့ ရည်ရွယ်ချက်က မရှင်းလင်းဘူးဖြစ်နေတယ်။

မကြာသေးခင် နှစ်တွေက စိတ်ပျက်စရာတွေ အားလုံးဖြစ်ခဲ့ပြီးနောက်မှာ လက်ရှိကျွန်တော် တို့ဟာ ခင်ဗျားတို့ကို တော်တော်ကြီး မယုံကြည်ဖြစ်နေတဲ့ အနေအထားတစ်ခုကို ရောက်နေတာ တွေ့ရတယ်။ ပြီးတော့ကျွန်တော်တို့ ဟာ အလျဉ်းသင့်သလို တုံ့ပြန်နေတယ်။ ဗျူဟာပိုင်း အံ့သြစရာလိုမျိုး ကိစ္စတစ်ခုရှိတယ်။ ကျွန်တော်တို့ဟာ ပိုပါးနပ်လာတယ်။ ပိုအားကောင်းလာပြီး ပိုပြတ်သားလာတယ် ဆိုတာကို ခင်ဗျားတုိ့ သိသင့်တယ်။

လက်ရှိဥရောပ ရင်ဆိုင်နေရတဲ့ ပြဿနာတွေကို ရုရှားက ကျေနပ်နေတယ်ဆိုတာ ဥပေက္ခာပြုဖို့ တော့ ခက်ခဲပါတယ်။ အဲဒါဘာ ကြောင့်ပါလဲ။

ကျွန်တော်ရဲ့ လုပ်ဖော်ကိုင်ဖက် အတော်များများဟာ ကျွန် တော်တို့ရဲ့ ဥရောပလက်တွဲဖော်တွေကို ပြက်ရယ်ပြုတဲ့ သဘောနဲ့ ကြည့်ပါတယ်။ သူတို့ကို ဆောင့် ကွားကြွားမနိုင်ဖို့၊ ဘ၀င်လေမဟပ်ဖို့ ကျွန်တော် အမြဲသတိပေးပါ တယ်။ ဥရောပထိပ်သီးနိုင်ငံတွေထဲက တချို့ဟာ ကျွန်တော်တို့နဲ့ ထိပ်တိုက်တွေ့ဖို့ ကြိုးစားခဲ့ကြတယ်။ နောက်ဆက်တွဲရလဒ်အနေနဲ့ ဒုက္ခသည်ပြဿနာနဲ့ ကြုံလာတဲ့အခါမှာ ကျွန်တော်တို့ ကူညီနိုင်ပေမယ့် ဥရောပကို မကူညီဘူး။ နယ်စပ်တွေကို အားလုံးပေါင်းပြီး ပိတ်ဖို့က မဖြစ်မနေ လိုအပ်တယ်။ ဒီကိစ္စကို ဆက်ပြောရရင် ရုရှားဟာ ဥရောပနိုင်ငံတွေထက် ဆယ်ဆပိုပြီး ထိရောက်အောင် လုပ်နိုင်ပါလိမ့်မယ်။ အဲဒီအစား ခင်ဗျားတို့က တူရကီနဲ့ သဘောတူညီမှုရဖို့ ကြိုးစားတယ်။ အဲဒါဟာ အရှက်ရ စရာပဲ။ တူရကီနဲ့ ကျွန်တော်တို့ ပြဿနာဖြစ်နေချိန်မှာ ကျွန်တော်တုိ့ဟာ ပြတ်သားခိုင်မာတဲ့ နိုင်ငံ ရေးလမ်းကြောင်းကို အောင်အောင်မြင်မြင် လိုက်ပါခဲ့တယ်။

ဥရောပဟာ သူတို့ရဲ့ ခရစ်ယာန်စံ နမူနာတွေကို ချိုးဖောက်ခဲ့တဲ့အတွက် စိတ်ပျက်မိတယ်လို့ ခင်ဗျား ပြောခဲ့တယ်။ ၁၉၉၀ ပြည့်နှစ်တွေ မှာ ရုရှားဟာ ဥရောပရဲ့ တစ်စိတ်တစ်ပိုင်းဖြစ်ချင်ခဲ့တယ်နော်။

လာမယ့် ဆယ်စုနှစ်တွေမှာ ဆိုရင် ဥရောပဟာ ရုရှားနိုင်ငံကို ဆွဲဆောင်နိုင်လောက်တဲ့ စံပြပုံစံ ရှိတော့မှာ မဟုတ်ဘူး။

နိုင်ငံရဲ့ အရေးကြီးတဲ့ အကျိုးစီးပွားတွေ အန္တရာယ် ကျရောက်လာတဲ့အခါ စစ်အင်အားကို သုံးဖို့ ခင်ဗျားရဲ့ ကောင်စီက တောင်းဆိုခဲ့ တယ်။ ယူကရိန်းဟာ အဲဒီလို ဥပမာတစ်ခုလား။

ဟုတ်တယ်။ ဒါမှမဟုတ် စစ်ဖြစ်နိုင်တဲ့ အန္တရာယ်ရှိနေတယ်လို့ ကျွန်တော်တို့ ခံစားရလို့ တပ်သားတွေပါဝင်လာတဲ့ ဖြစ်ရပ်တစ်ခုပါ။

ဘောလ်တစ်ဒေသမှာ နေတိုးတပ်ဖွဲ့တွေ ချထားတာ လုံလောက်မှု မရှိဘူးလား။

ကျွန်တော်တို့ဟာ ဘောလ်တစ်ဒေသကို တိုက်ခိုက်ဖို့ ရည်ရွယ်တယ်ဆိုတဲ့ ဒီပြောဆိုမှုဟာ ရူးမိုက်တာပါ။ နေတိုးအဖွဲ့က အဲဒီမှာ ဘာဖြစ်လို့ လက်နက်တွေနဲ့ စစ်လက်နက်တွေ ချထားတာလဲ။ ပြဿနာတစ်ခုဖြစ်လာရင် အဲဒါတွေ ဘာဖြစ်သွားမလဲ စဉ်းစားကြည့်။ နေတိုးကပေးထားတဲ့ အကူအညီဟာ ဘောလ်တစ်ဒေသ နိုင်ငံတွေအတွက် ထင်ထင်ရှားရှား အထောက်အကူမဖြစ်ပါဘူး။ အဲဒါ ရန်စတာပါ။ တကယ်လို့ နေတိုးအဖွဲ့က ကျွန်တော်တို့လို
နျူကလီးယားအင်အား ပိုင်ဆိုင်တဲ့ နိုင်ငံတစ်နိုင်ငံရဲ့ ပိုင်နက်ကို ကျူးကျော်လာမယ်ဆိုရင် အပြစ်ပေးခံရပါလိမ့်မယ်။

ခရိုင်မီးယားဒေသ ပြဿနာ နောက်ပိုင်းမှာ ဒုတိယအကြိမ်အနေနဲ့ နေတိုး-ရုရှားကောင်စီ အစည်းအဝေးကို ဇူလိုင် ၁၃ ရက်မှာကျင်းပဖို့ ရှိပါတယ်။ ဒီလိုဆွေးနွေးပွဲတွေ ပြန်စတာဟာ အရေးပါတယ်လို့ ခင်ဗျားမထင်ဘူးလား။

အဲဒါဟာ တရားဝင်အဖွဲ့ မဟုတ်တော့ဘူး။ အဲဒါအပြင် နေတိုးအဖွဲ့ဟာ အရည်အချင်းရှိစွာ နဲ့ပဲ ခြားနားတဲ့ မဟာမိတ်အဖွဲ့ အစည်းတစ်ခုဖြစ်လာတယ်။ နေတိုးအဖွဲ့နဲ့ ကျွန်တော်တုိ့ဆွေးနွေးမှုတွေစတဲ့ အချိန်တုန်းက အဲဒါဟာ ဒီမိုကရက်တစ်အင်အားကြီး နိုင်ငံတွေရဲ့ ကာကွယ်ရေးမဟာမိတ်အဖွဲ့ကြီးအနေနဲ့ ရှိခဲ့တယ်။  ဒါပေမဲ့အဲဒီနောက်မှာ နေတိုး အဖွဲ့တိုးချဲ့တာ တရားဝင်ဖြစ်မှုနဲ့ အကာအကွယ်အဖြစ်နဲ့  နေတိုး -ရုရှားကောင်စီက လုပ်ဆောင်ခဲ့ တယ်။ ကျွန်တော်တို့ အဲဒါကို တကယ်လိုအပ်တဲ့အချိန်မှာ ၂၀၀၈ နဲ့ ၂၀၁၄ ခုနှစ်ကြားမှာ အဲ ဒါရှိမနေခဲ့ဘူး။

ခင်ဗျားဆိုလိုတာက ဂျော်ဂျီယာစစ်ပွဲနဲ့ ယူကရိန်း ပဋိပက္ခအတွင်းမှာပါ။ ခင်ဗျားတို့ ကောင်စီက ထုတ်ပြန်တဲ့ စာရွက်စာတမ်းတွေမှာ အမျိုးသားဂုဏ်သိက္ခာ၊ သတ္တိနဲ့ ဂုဏ်သရေဆိုတဲ့ စကားလုံးတွေ မကြာခဏတွေ့ရတယ်။ အဲဒါတွေဟာ နိုင်ငံရေးအတန်းအစားတွေလား။

အဲဒါတွေဟာ မရှိမဖြစ်လိုအပ်တဲ့ ရုရှားရဲ့ တန်ဖိုးထားမှုတွေ ဖြစ်ပါတယ်။ ပူတင်ရဲ့ ကမ္ဘာမှာ၊ ကျွန်တော့်ရဲ့ ကမ္ဘာမှာ အမျိုးသမီးတွေ လူရှေ့သူရှေ့မှာ စော်ကား မုဒိမ်းကျင့်ခံရဖို့ဆိုတာကို စိတ်ကူးကြည့်လို့တောင်မရပါဘူး။

ကိုလုန်းမြို့မှာ နှစ်သစ်ကူးအကြို နေ့က ဖြစ်ခဲ့တဲ့ လိင်ပိုင်းဆိုင်ရာ အကြမ်းဖက်မှုတွေကို ပြောတာလား။

ရုရှားမှာ ယောက်ျားတွေ အဲဒီလိုမျိုးလုပ်ရင် အသတ်ခံရလိမ့်မယ်။ မှားနေတာက ဂျာမန်နဲ့ ရုရှားတို့ဟာ ပြီးခဲ့တဲ့ (၂၅) နှစ်အ တွင်းမှာ သူတို့ကိုယ်ပိုင် အလေးထားမှုတွေအကြောင်းကို တည်တည်တံ့တံ့ပြောဆိုတာမျိုး မလုပ် ခဲ့ကြဘူး။ ဒါမှမဟုတ် သူတို့ဟာ အဲဒီကိစ္စနဲ့ ပတ်သက်ပြီးတော့ အချင်းချင်း နားလည်ချင်စိတ် မရှိခဲ့ကြဘူး။ ဆိုဗီယက်ခေတ်အတွင်း မှာ အနောက်တိုင်းက အခုအချိန် ပြောနေသလိုမျိုး တစ်ကမ္ဘာလုံးနဲ့ ဆိုင်တဲ့ တန်ဖိုးထားမှုတွေပဲ
ရှိတယ်လို့ ကျွန်တော်တို့လည်း ပြောခဲ့တယ်။ ဥရောပက ဒီမိုကရေစီကို ပိုပိုပြီး တောင်းဆိုလာချိန်မှာ ကျွန်တော်ကြောက်လန့်မိတယ်။ အဲဒါက ဒီမှာ လူတွေ ဆိုရှယ်လစ်ဝါဒကို ပိုပိုပြီး တောင်းဆိုခဲ့ကြတဲ့ အတိတ်က အချိန်လိုပါပဲ။

ရုရှားနိုင်ငံခြားရေးမူဝါဒဟာ ဘယ်နေရာမှာ မှားယွင်းသွားတယ်လို့ ခင်ဗျားထင်ပါလဲ။

သိပ်မကြာခင်နှစ်တွေက ကျွန်တော်တို့မှာ ချက်ချင်းဖြစ်လာတဲ့ အိမ်နီးချင်းတွေဖြစ်တဲ့ ဆိုဗီယက်နိုင်ငံဟောင်းတွေနဲ့ ညှိနှိုင်းဖို့အတွက် နိုင်ငံရေးမဟာဗျူဟာ မရှိခဲ့ဘူး။ အဲဒီမှာ တကယ်ဘာဖြစ် နေတယ်ဆိုတာ ကျွန်တော်တို့ နား မလည်ခဲ့ဘူး။ ကျွန်တော်တို့ လုပ်ခဲ့တဲ့ တစ်ခုတည်းသော အရာကတော့ အဲဒီနိုင်ငံတွေကို အမတော် ကြေးထောက်ပံ့ပြီး သူတို့ရဲ့ ထိပ်တန်းအလွှာကို အတူတူခိုးလို့ရတဲ့ ငွေနဲ့ ၀ယ်ယူခဲ့တယ်။ ရလဒ်အနေနဲ့ ယူကရိန်းပဋိပက္ခကို မကာကွယ်နိုင်ခဲ့ဘူး။ ဒုတိယပြဿနာက ကျွန်တော်တို့ရဲ့ နိုင်ငံရေးဟာ အတိတ်က အမှားတွေကို ပြင်ဆင်ရာမှာ သိပ်အကြာကြီး အာရုံစိုက်ခဲ့တယ်။ ၁၉၉၀ ပြည့်နှစ်ကလုပ်ခဲ့တဲ့ အမှားတွေကို ပြန်ပြင်ရာမှာပေါ့။

ရုရှားမီဒီယာတွေမှာ ရုရှားနိုင်ငံဟာ စက်တင်ဘာ လွှတ်တော်ရွေးကောက်ပွဲအပြီးမှာ ပြန်လည် ချဉ်းကပ်မှု အချက်ပြတာတွေ့ရှိလိမ့်မယ်ဆိုတဲ့ ထင်ကြေးတချို့ဖော်ပြထားပါတယ်။ အဲဒီလိုမှန်းဆချက်တွေက တရားမျှတရဲ့လား။

ရုရှားဟာ စာရိတ္တအရ လက်ယာဘက်မှာ ရှိနေတယ်လို့ ကျွန်တော်တို့ ယုံကြည်တယ်။ ကျွန် တော်တို့ဘက်က လာမယ့်အခြေခံကျတဲ့ လိုက်လျှောမှုတွေဆိုတာ ရှိမှာမဟုတ်ဘူး။ စိတ်ဓာတ်ရေးရာ အရ ရုရှားဟာခုဆို ယူရေးရှား အင်အားကြီးနိုင်ငံ တစ်ခုဖြစ်လာပြီ။ ကျွန်တော်ဟာ အရှေ့ဘက်ကို ဦးတည်တဲ့ ဗဟိုချက်မရဲ့ ပညာတတ် ဖခင်တွေထဲက တစ်ယောက်ဖြစ်ခဲ့တယ်။ ဒါပေမဲ့အခုတော့ ကျွန်တော်တို့ဥရောပကို ကျောမခိုင်းသင့်ဘူးဆိုတဲ့ သဘောထားမျိုး ကျွန်တော့်မှာရှိနေတယ်။ ကျွန်တော်တို့ရဲ့ ဆက်ဆံရေးတွေ ပြန် အသက်သွင်းဖို့ နည်းလမ်းတွေ ရှာရပါမယ်။

ကျေးဇူးတင်ပါတယ်။

—Ref:Russian Foreign Policy‘We Are Smarter,Stronger and More Determined’by Spiegel

Top News