ချိုးလင်းပြာငှက်နှင့် ဘွတ်ချွဲငှက်တို့ကို မြန်မာ့ဒေသမျိုးရင်းငှက်အဖြစ် အတည်ပြု

မြန်မာ့ဒေသမျိုးရင်းငှက်ဖြစ်သော ချိုးလင်းပြာငှက်တစ်ကောင်ကို တွေ့ရစဉ်(ဓာတ်ပုံ − Solo Mdy)

 မြန်မာနိုင်ငံတွင် နေထိုင် ကျက်စားသည့် ချိုးလင်းပြာငှက် နှင့် ဘွတ်ချွဲငှက်ကို နိုင်ငံတကာ ငှက်ထိန်းသိမ်းရေးအဖွဲ့အစည်း က မြန်မာ့ဒေသမျိုးရင်းငှက်အဖြစ် အတည်ပြုပေးခဲ့ကြောင်း သတင်း ရရှိသည်။

နိုင်ငံတကာငှက်ထိန်းသိမ်း ရေးအဖွဲ့အစည်းက ချိုးလင်းပြာ ငှက်ကို ၂၀၁၅ အောက်တိုဘာ တွင် မြန်မာ့ဒေသမျိုးရင်းငှက်အ ဖြစ် သတ်မှတ်ပေးပြီး ဘွတ်ချွဲငှက်ကို ယခုလအတွင်း အတည်ပြုပေးခဲ့သည်ဟု သားငှက်ထိန်းသိမ်းရေး အဖွဲ့ (WCS)မြန်မာအစီအစဉ်မှ ငှက်ထိန်းသိမ်းရေးပညာရှင် ဦးသက်ဇော်နိုင်က ပြောသည်။

မြန်မာနိုင်ငံတွင် ဒေသမျိုး ရင်းငှက်အဖြစ် စွေ့၊ ငှက်မင်းသားဝမ်းဖြူ၊ မြန်မာဘီလုံး၊ နာဖားကြူး၊မျက်ခုံးဖြူငှက်ပြာခြောက်၊ မြန်မာ တစ် စသည့်ငှက်ခြောက်မျိုးသာရှိ ရာမှ ချိုးလင်းပြာငှက်နှင့် ဘွတ်ချွဲ ငှက်နှစ်မျိုးတိုးလာသဖြင့် ဒေသမျိုးရင်းငှက် ရှစ်မျိုးရှိလာသည်။


‘‘မျိုးစိတ်အသစ်ဆိုပြီးတော့ ဗြုန်းဆိုတိုးလာတာတော့မဟုတ် ဘူး။ နဂိုရှိပြီးသားငှက်ပဲ။ အဲဒါကို လေ့လာပြီး တခြားနိုင်ငံတွေနဲ့တော့ မတူဘူး။ မြန်မာဒေသမျိုးရင်းငှက်ဆိုပြီး သတ်မှတ်လိုက်တာ’’ဟု ဦးသက်ဇော်နိုင်က ပြောကြားသည်။

ချိုးလင်းပြာငှက်သည် မြန်မာ နိုင်ငံအလယ်ပိုင်းတွင် ပေါများစွာ တွေ့ရှိနိုင်ပြီး ဘွတ်ချွဲငှက်မှာ တောင်အမြင့်ပိုင်း ဒေသမှလွဲ၍ မြန်မာနိုင်ငံအနှံ့အပြား၌ တွေ့ရှိ နိုင်ကြောင်း ၎င်းက ဆိုသည်။

 ဒေသရင်းငှက်မျိုးစိတ်များသည်မြန်မာနိုင်ငံတွင်သာ တွေ့ရပြီးအခြားနိုင်ငံများတွင် ကျက်စားမှုမရှိသဖြင့်နိုင်ငံ၏ သဘာဝပတ်ဝန်းကျင်နှင့် ဂေဟစနစ်ကောင်းမွန်မှုကိုရည်ညွှန်းပြီး သုတေသနလုပ်ငန်းများတွင် ကျယ်စွာပြုလုပ်နိုင်ပါက မြန်မာနိုင်ငံအတွက်ပိုမိုအကျိုးရှိနိုင်သည်ဟု မြန်မာငှက် နှင့် သဘာဝပတ်ဝန်းကျင်ထိန်းသိမ်းရေးအသင်းဥက္ကဋ္ဌ ဒေါက်တာသိန်းအောင်ကပြောသည်။ ‘‘ခရီးသွားလုပ်ငန်းတွေလည်း တိုးတက်နိုင်တယ်၊ အရင်ကခြောက်မျိုးကနေ အခု ရှစ်မျိုးဖြစ်လာတယ်၊ ပုဂံမှာလည်း အရင်ခြောက်မျိုးကြည့်တာကနေ ရှစ် မျိုးကြည့်လို့ရမယ်၊ ဒေသရင်းငှက်မျိုးတွေ များလာတိုင်းလူတွေ ပိုစိတ်ဝင်စားလာမယ်’’ဟု ၎င်းကပြောသည်။

မြန်မာနိုင်ငံတွင် လာရောက် ကျက်စားသည့် ငှက်မျိုးစိတ်အရေ အတွက် စုစုပေါင်း ၁,၁၁၆ မျိုးရှိပြီးကမ္ဘာပေါ်ရှိ ငှက်မျိုးစိတ်များ၏ ဆယ်ပုံတစ်ပုံသည် မြန်မာနိုင်ငံ၌ လာရောက်ကျက်စားကြောင်း သိရသည်။