အချိန်ကုန်သက်သာစေရန် သုံးဘီးဆိုင်ကယ် အမှိုက်သိမ်းယာဉ်များ အစားထိုးအသုံးပြုမည်ဟုဆို

 စွန့်ပစ်အမှိုက်များ သိမ်း ဆည်းရာတွင် လက်တွန်းအမှိုက် လှည်းများအစား သုံးဘီးဆိုင်ကယ် အမှိုက်သိမ်းယာဉ်များဖြင့် အစားထိုးသိမ်းဆည်းရန် စီစဉ်နေကြောင်း  ရန်ကုန်မြို့တော် စည်ပင်သာယာရေးကော်မတီမှ သတင်းရရှိသည်။

လက်ရှိ အသုံးပြုနေသော လက်တွန်းအမှိုက်လှည်းများသည်လူပင်ပန်းကာ အချိန်ကြာမြင့်သည့်အတွက် လျင်မြန်ပြီး အချိန်ကုန်သက်သာသည့် သုံးဘီးဆိုင်ကယ် အမှိုက်သိမ်းယာဉ်များဖြင့် အစားထိုးအသုံးပြုနိုင်ရန် စီစဉ်ခြင်းဖြစ်သည်ဟု ပတ်ဝန်းကျင်ထိန်းသိမ်းရေးနှင့် သန့်ရှင်းရေးဌာနမှ ဒုဌာနမှူး ဦးဇော်ဝင်းနိုင်က ပြောသည်။

‘‘သုံးဘီးဆိုင်ကယ်နဲ့ဆို လုပ် ငန်းတွင်ကျယ်ပြီး မြန်ဆန်တဲ့အ တွက် ဘတ်ဂျက်နဲ့ ခွင့်ပြုချက်ရ ရင် ကျန်တဲ့မြို့နယ်တွေမှာလည်း လုပ်ဆောင်သွားဖို့ ရှိပါတယ်’’ဟု ဦးဇော်ဝင်းနိုင်က ပြောသည်။

လက်ရှိ၌ သုံးဘီးဆိုင်ကယ် များကို မင်္ဂလာဒုံတွင် နှစ်စီး၊ လှိုင် သာယာတွင် နှစ်စီး၊ ဒဂုံဆိပ်ကမ်း မြို့နယ်တွင် တစ်စီး စုစုပေါင်း ငါး စီးဖြင့် အမှိုက်များကို စမ်းသပ်သိမ်းဆည်းနေပြီး ခွင့်ပြုမိန့်ရပါက ကျန်မြို့နယ်များတွင်ပါ အသုံးပြု ရန် စီစဉ်နေသည်ဟု ဆိုသည်။

 သုံးဘီး ဆိုင်ကယ်များကို တရုတ်နိုင်ငံမှ နမူနာတစ်စီးဝယ် ယူကာ ပြည်တွင်းတွင် တပ်ဆင် ခြင်းဖြစ်ပြီး တစ်စီးလျှင် ကျပ် ဆယ်သိန်းကျော် ကျသင့်ကြောင်း သိရသည်။

Top News