ကိုလိုနီခေတ်မှ ယနေ့အထိ ပြဋ္ဌာန်းခဲ့သောဥပဒေများ ပြည်သူ့လွှတ်တော်ဝက်ဘ်ဆိုက်တွင် ဖော်ပြမည်

ကိုလိုနီခေတ်မှ ယနေ့အထိ ပြဋ္ဌာန်းထားသော ဥပဒေအားလုံးကို အများပြည်သူလေ့လာနိုင်ရန် ပြည်သူ့လွှတ်တော်ဝက်ဘ်ဆိုက်တွင် ဖော်ပြသွားမည်ဖြစ်ကြောင်း ပြည်သူ့လွှတ်တော်ရုံးမှ သတင်းရရှိသည်။

ပြီးခဲ့သည့် ရက်ပိုင်းအတွင်းက ပြည်သူ့လွှတ်တော်ဝက်ဘ်ဆိုက်တွင် Law Database အခန်းကဏ္ဍ၌ ကိုလိုနီခေတ်မှ  ယနေ့ခေတ်အထိ ခေတ်အဆက်ဆက် ဥပဒေပေါင်း (၂၉၇)ခုဖြင့် စတင်မိတ်ဆက်ထားပြီး ဆက်လက်ဖော်ပြသွားမည်ဖြစ်ကြောင်း သတင်းရရှိသည်။

ထို့အပြင် လွှတ်တော်များတွင် ဆွေးနွေးနေသော ဥပဒေကြမ်းများကိုလည်း ပြည်သူလူထုလေ့လာနိုင်ရန် ယင်းဝက်ဘ်ဆိုက်တွင် ဖော်ပြသွားရန်ရှိကြောင်း ပြည်သူ့လွှတ်တော်ရုံးမှ တာဝန်ရှိသူတစ်ဦးကပြောသည်။ ““အဲဒီလို ၀က်ဘ်ဆိုက်တင်တာ ကောင်းတယ်။ အင်တာနက်သုံးတဲ့သူကတော့ နည်းနေသေးတယ်။ အတည်ဖြစ်တဲ့ ဥပဒေတွေကို ကျယ်ကျယ်ပြန့်ပြန့် စာအုပ်ထုတ်ပြီး ရောင်းချပေးရင်ပိုကောင်းမယ်””ဟု ဥပဒေအကျိုးဆောင်ရှေ့နေ ဦးခင်ဇော်(မရမ်းကုန်း)က သုံးသပ်သည်။ ပြည်သူ့လွှတ်တော်ဝက်ဘ်ဆိုက်ကို ၂၀၁၂ခုနှစ်အတွင်း စတင်လွှင့်တင်ခဲ့ပြီး ပြည်သူ့လွှတ်တော်ရေးရာများကို ဦးစားပေးဖော်ပြထားသည်။

More in Politics Section