ရှားပါးမျိုးစိတ် လိပ်ခုံး၏ဥများတွေ့ရှိပါက ဖမ်းဆီးဖျက်ဆီးခြင်းမပြုလုပ်ရန် သစ်တောဦးစီး သတိပေး

လင်းဖားရေချိုလိပ်ထိန်းသိမ်းရေးစခန်းတွင်ထိန်းသိမ်းထားသည့် လိပ်ခုံး(ခ)တိုက်လိပ်(ဓာတ်ပုံ− Sagaing FD)

 မြန်မာနိုင်ငံတွင် မျိုးသုဉ်း ပျောက်ကွယ်လုနီးပါးဖြစ်နေပြီး ချင်းတွင်းမြစ်နှင့် ဒုဋ္ဌဝတီမြစ်တို့ ၌ နေထိုင်ကျက်စားသော ရှား ပါးမျိုးစိတ် လိပ်ခုံး (ခ)တိုက်လိပ် များ ဥ,ဥချိန်တွင် သဘာဝအ တိုင်းသာ ထားရှိပြီး ဖမ်းဆီးခြင်း၊ ဖျက်ဆီးခြင်းမပြုရန် စစ်ကိုင်းတိုင်းဒေသကြီး သစ်တောဦးစီးဌာနက သတင်းထုတ်ပြန်သည်။

လိပ်ခုံး (ခ) တိုက်လိပ်မှာ မြန်မာတစ်နိုင်ငံတည်းတွင်သာ တွေ့ရသည့် ဒေသရင်းဖွားမျိုးစိတ်ဖြစ်ကာ မြန်မာနိုင်ငံ၏ မြစ်ကြီးများ၌ ပေါက်ပွားနေထိုင်ခဲ့သော် လည်း ယခုအခါ မျိုးသုဉ်းပျောက် ကွယ်လုနီးပါးဖြစ်နေပြီး ကောင်ရေအနည်းငယ်သာ ကျန်ရှိတော့ သည်။

လိပ်ခုံး (ခ) တိုက်လိပ်များ သည် ချင်းတွင်းမြစ်အတွင်းရှိ လင်းဖားသောင်လေးသောင်၊ စိန်နန်း သောင်နှစ်သောင်၊ ကျားကိုက် သောင်၊ မိုင်းနောင်သောင်၊ ဘဒူး မုန်းသောင်များတစ်ဝိုက်တွင် နှစ် စဉ်ဒီဇင်ဘာမှ မတ်လအထိ ဥ,ဥ လေ့ရှိရာ အဆိုပါ သောင်များနှင့် အခြားသောင်များ၌ တွေ့ရှိပါက ဥ,ဥထားသည့် အနေအထားအတိုင်းသာ ထားရှိပြီး လင်းဖားရေချို လိပ် ထိန်းသိမ်းရေးစခန်းသို့ အ ကြောင်းကြားပေးရန် နှိုးဆော်ထားသည်။


ထို့အပြင် ယင်းလိပ်မျိုးများ ၏ ဥကျင်းကိုပြသလျှင် ငွေကျပ်တစ်သောင်း၊ ဥတစ်လုံးလျှင်ကျပ်ငါးရာနှင့် WCS ၏ အမှတ်တရ ဦးထုပ်များ ပေးအပ်မည်ဖြစ်၍ ယင်းလိပ်ဥရာနေရာများကို ဖျက်ဆီးခြင်း၊ လိပ်ဥနှင့် လိပ်များကို လက်ဝယ်ထားခြင်း၊ ရောင်းချခြင်း(သို့မဟုတ်) လွှဲပြောင်းခြင်းတို့ ပြုလုပ်ပါက တောရိုင်းတိရစ္ဆာန် နှင့် သဘာဝအပင်များ ကာကွယ်ရေးနှင့် သဘာဝနယ်မြေများ ထိန်းသိမ်းရေးဥပဒေပုဒ်မ ၃၆ အရ တရားစွဲဆိုအရေးယူမည်ဟု ထုတ်ပြန်ချက်တွင် ပါရှိသည်။

လိပ်ခုံး (ခ) တိုက်လိပ်ကို ယခင်က ဧရာဝတီမြစ်၊ ချင်းတွင်း မြစ်၊ စစ်တောင်းမြစ်နှင့် ယင်းတို့ ၏ မြစ်လက်တက်များ၌ တွေ့ရသော်လည်း ယခုအခါ ချင်းတွင်းမြစ်နှင့် ဒုဋ္ဌဝတီမြစ်တို့တွင် သာ တွေ့ရတော့ကြောင်း သတင်းရရှိသည်။

ယင်းလိပ်မျိုးကို သစ်တော ဦးစီးဌာနနှင့် WCS၊ TSA (လိပ် များရှင်သန်ထိန်းသိမ်းရေးအဖွဲ့) တို့ပူးပေါင်းကာ ခန္တီးမြို့နယ် လင်းဖားကျေးရွာတွင် ရေချိုလိပ်ထိန်း သိမ်းရေးစခန်းဖွင့်လှစ်၍ မျိုးဆက်ပြန့်ပွားရေး ဆောင်ရွက်နေ ကြောင်း သိရသည်။