ဒီမိုကရေစီနိဒါန်း(၂)

၂၀၁၀ ရွေးကောက်ပွဲသည် မြန်မာနိုင်ငံဒီမိုကရေစီလမ်းကြောင်းပေါ် တွင် အရေးပါသော အလှည့်အ ပြောင်းဖြစ်ခဲ့သည်။ ၂၀၁၀ ရွေး ကောက်ပွဲနောက်ပိုင်းတွင် ပြုပြင် ပြောင်းလဲမှုများစွာဖြင့် စတင်ခဲ့ပြီး ၂၀၁၅ ရွေးကောက်ပွဲအပြီး NLD အပြတ်အသတ်အနိုင်ရရှိခဲ့ကာ ပြည်သူရွေးကောက်တင်မြှောက် သည့် ဒေါ်အောင်ဆန်းစုကြည်ဦး ဆောင်သော အရပ်သားအစိုးရက တိုင်းပြည်အာဏာကို လွှတ်တော် တွင် ၇၅ ရာခိုင်နှုန်း၊ ပြည်ထောင်စု အစိုးရတွင် ၈၆ ရာခိုင်နှုန်း(ဝန်ကြီး ဌာန ၂၁ ခုထဲမှ ၁၈ ခုကို အုပ်ချုပ် ခွင့်)ရရှိခဲ့သည်။ တကယ်တမ်း ပြောရလျှင် စစ်ဗိုလ်ချုပ်ကြီးများ ဦးဆောင်သော အစိုးရတစ်ရပ် သည် နှစ်ပေါင်း ၅၀ နီးပါး တိုင်း ပြည်ကို နိုင်နိုင်နင်းနင်း အုပ်ချုပ် နိုင်ခဲ့ပြီး အတိုက်အခံအင်အားမှာ လည်း အာဏာရှင်များကို အန္တ ရာယ်ပြုနိုင်လောက်အောင် ကြီး ကြီးမားမားမရှိခဲ့တော့ပေ။ နိုင်ငံ တကာပိတ်ဆို့မှုများရှိသော်လည်း ခရိုနီစီးပွားရေးနှင့် သယံဇာတ များကို တရုတ်နိုင်ငံမှတစ်ဆင့် ရောင်းချနေနိုင်သဖြင့် အုပ်ချုပ်သူ လူတန်းစားအနေနှင့် ထူးထူးခြား ခြားထိခိုက်နစ်နာမှုများ မရှိခဲ့ချေ။  ဒါဆိုလျှင် စစ်အစိုးရအနေနှင့် ဘာကြောင့် မလိုအပ်ဘဲ ဒီမိုကရေစီကို ပေးခဲ့သည်ကို လေ့လာကြည့် လျှင်...

စစ်အာဏာရှင်များ၏နိဂုံး

မြန်မာနိုင်ငံသမိုင်းကြောင်း တစ်လျှောက် ပြန်ကြည့်လျှင် ဦးနေဝင်းမှ စတင်ခဲ့သည့် စစ်အာဏာ ရှင်များသည် တစ်ဦးမှ နိဂုံးမလှခဲ့ ပေ။ ဦးနေဝင်းကိုယ်တိုင် တည် ထောင်ခဲ့သော အာဏာရှင်စနစ် ဖြင့် ကိုယ်ကိုယ်တိုင်သာမက မိ သားစုတစ်စုလုံး နောက်ဆုံးဒုက္ခ ရောက်ရသည်အထိ ဇာတ်သိမ်း မကောင်းခဲ့ပေ။ နောက်ပိုင်းပေါ် ထွက်လာသော အာဏာရှင်များ သည်လည်း တစ်ဦးပြီးတစ်ဦး ဒုက္ခရောက်ပြီး ဇာတ်သိမ်းခဲ့ရသည်။ ထိုအချက်သည် ဗိုလ်ချုပ်မှူးကြီး သန်းရွှေအတွက် နောက်စစ်အာ ဏာရှင်တစ်ဦးဦးကို အာဏာလွှဲ ပေးရန် လက်ရွံ့ခဲ့ပေမည်။ တပ်မ တော်တွင် အရည်အချင်းရှိသော ဗိုလ်ချုပ်များ အများအပြားရှိသော် လည်း နောက်တက်လာမည့် အာ ဏာရှင်တစ်ဦးသည် မိမိကိုယ်တိုင်နှင့် မိသားစုအပေါ် အန္တရာယ်အ ကြီးအကျယ်ရှိနိုင်သည်။ ထို့ ကြောင့် အန္တရာယ်အကင်းဆုံး သည် တိုင်းပြည်ကို ဒီမိုကရေစီ လမ်းကြောင်းပေါ်သို့ တင်ပေး လိုက်ပြီး စစ်အာဏာရှင်စနစ်ကို အပြီးအပိုင်ရပ်ဆိုင်းလိုက်ခြင်းပင် ဖြစ်သည်။ သို့သော် ဒီမိုကရေစီအ ပြည့်အဝပေး၍ အရပ်သားအစိုးရ အာဏာအပြည့်အဝရရှိသွားလျှင် လည်း နောက်ကြောင်းပြန်အရေး ယူမှုများနှင့် ရသင့်သည်ထက် အဆပေါင်းများစွာ ပိုမိုရရှိထား သော စည်းစိမ်ဥစ္စာများကို ပြန် လည်သိမ်းယူမှုများဖြစ်ပွားမည် ကိုလည်း စိုးရိမ်မကင်းခဲ့ပေ။ ထို့ ကြောင့် အကောင်းဆုံးနည်းလမ်း သည် တပ်မတော်လည်း အာဏာ အပြည့်အဝမယူနိုင်အောင် အရပ် သားအစိုးရလည်း အာဏာအ ပြည့်အဝမရနိုင်သည့် ၂၀၀၈ ဖွဲ့ စည်းပုံအခြေခံဥပဒေဖြင့် အာဏာ ကို ထိန်းညှိရင်း ကိုယ့်ကိုယ်ကိုယ် အကာအကွယ်ပေးခဲ့ခြင်းဖြင့် မြန် မာနိုင်ငံသည် ဒီမိုကရေစီလမ်း ကြောင်းပေါ်သို့ ရောက်ရှိလာရန် အခွင့်အရေးတစ်ရပ်ရရှိခဲ့သည်။

ဒေါ်အောင်ဆန်းစုကြည်၏အမြော်အမြင်

အထက်ပါအချက်ကို လူအ များစုက သဘောမပေါက်ခဲ့သော် လည်း ဒေါ်အောင်ဆန်းစုကြည်အ နေနှင့် စစ်အာဏာရှင်များ၏သ ဘောထားနှင့် စိုးရွံ့မှုများကို ကောင်းကောင်းသဘောပေါက်ခဲ့ ပုံရသည်။ ထို့ကြောင့် ရရှိလာသည့် အခွင့်အလမ်းများကို အကောင်း ဆုံး အသုံးချကာ ပြည်သူရွေး ကောက်တင်မြှောက်သော အစိုးရတစ်ရပ်ဖြစ်ပေါ်လာရေးအတွက် အစီအစဉ်များကို အကျယ်ချုပ်မှ လွတ်မြောက်လာပြီးချိန်မှ စတင် ပြီး စနစ်တကျ ရေးဆွဲခဲ့တော့ သည်။ ဒေါ်အောင်ဆန်းစုကြည်အ နေနှင့် အကျယ်ချုပ်မှ လွတ် မြောက်လာပြီး လွှတ်တော်ထဲအ ရောက်တွင် အမျိုးသားရင်ကြား စေ့ရေးကို ဦးတည်ပြီး စစ်အာဏာ ရှင်များကို လုံခြုံမှုအာမခံချက် ပေးကာ ပိုင်ဆိုင်မှုများကို ဆက်လက်ပိုင်ဆိုင်ခွင့်နှင့် နိုင်ငံတကာ နာမည်ပျက်စာရင်းသွင်းထားခြင်း ကို ပယ်ဖျက်ဖို့အတွက် အာမခံ ချက်နှင့် ယုံကြည်ချက်များကို ပေး နိုင်ခဲ့သည်။

ဗိုလ်ချုပ်မှူးကြီး သန်းရွှေအ နေနှင့် အငြိမ်းစားမယူခင် သမ္မတ နှင့် စစ်ဦးစီးချုပ်အဖြစ် ရွေးချယ် သောအခါ ရည်ရွယ်ချက်ကြီးမား သော စစ်ဗိုလ်ချုပ်ကြီးများကို ဘေးဖယ်ပြီး သဘောထားပျော့ ပျောင်းသော ဦးသိန်းစိန်နှင့် ဗိုလ် ချုပ်မှူးကြီး မင်းအောင်လှိုင်ကို ရွေးချယ်ခဲ့သည်။ ထို့ကြောင့် တပ် မတော်ထိပ်ပိုင်းနှင့် ထိုအချိန်က အာဏာရပါတီဖြစ်သော ပြည် ထောင်စုကြံ့ခိုင်ရေးနှင့် ဖွံ့ဖြိုးရေး ပါတီအုပ်ချုပ်မှုပိုင်းတွင် မကျေမ နပ်မှုများ၊ ပဋိပက္ခများကို သိသိ သာသာ မြင်တွေ့လာရသည်။ ၂၀၁၅ ရွေးကောက်ပွဲမတိုင်ခင် အချိန်က ပြည်ထောင်စုကြံ့ခိုင် ရေးနှင့် ဖွံ့ဖြိုးရေးပါတီ၏ဥက္ကဋ္ဌ နှင့် လွှတ်တော်ဥက္ကဋ္ဌတာဝန်ယူ ထားသော အငြိမ်းစားဗိုလ်ချုပ်ကြီး သူရဦးရွှေမန်းက သမ္မတအဖြစ်တာဝန်ယူမည်ဟု ကြေညာခဲ့သည့် နောက်ပိုင်းတွင် ပါတီတွင်း အာ ဏာသိမ်းမှုဖြစ်ပွားခဲ့ကာ သူရဦး ရွှေမန်းနှင့် အပေါင်းအပါများပါ တီတွင်းမှ ဖယ်ထုတ်ခြင်းခံခဲ့ရ သည်။ ထိုအချိန်က ဒေါ်အောင် ဆန်းစုကြည်သည် သူရဦးရွှေမန်း ဘက်မှ ရပ်တည်ပေးခဲ့ပြီး ဦးသိန်း စိန်ကို ယုံကြည်မှုမရှိဟု အတည် အလင်းပြောဆိုခဲ့သည်။ ထိုကဲ့သို့ အကွဲအပြဲများသည် အာဏာရ ပြည်ခိုင်ဖြိုးပါတီကို အင်အား ယုတ်လျော့စေခဲ့ပြီး ဒေါ်အောင် ဆန်းစုကြည်အနေနှင့် တပ်မတော် တွင်းမှ စစ်ဗိုလ်ချုပ်တချို့ကို မဟာမိတ်အဖြစ် ပူးပေါင်းနိုင်ခဲ့သည်။

နိုင်ငံအုပ်ချုပ်ရေးနှင့်တပ်မတော်ကဏ္ဍ

၂၀၁၀ ရွေးကောက်ပွဲအပြီး တွင် တပ်မတော်၏အခန်းကဏ္ဍ သည် နိုင်ငံအုပ်ချုပ်ရေးထက် ပြည်ထဲရေး၊ ကာကွယ်ရေးနှင့် နယ်စပ် ဒေသလုံခြုံရေးတို့ကို ကွဲကွဲပြား ပြားကိုင်တွယ်ခွင့်ရခဲ့သည်။ ပြည် ထောင်စုကြံ့ခိုင်ရေးနှင့် ဖွံ့ဖြိုးရေး ပါတီသည် တပ်မတော်မှ အငြိမ်း စားအရာရှိများဖြင့် နိုင်ငံတော် အုပ်ချုပ်ရေးအတွက် တာဝန်ယူ ရန် ဖွဲ့စည်းတည်ထောင်ခဲ့သော် လည်း ၂၀၁၀ နောက်ပိုင်း ငါးနှစ် တာသက်တမ်းတစ်လျှောက်တွင် တပ်မတော်နှင့် ပြည်ခိုင်ဖြိုးပါတီ သည် သီးခြားစွာ ရပ်တည်သွားမိ ကြသည်။ ထိုအချက်သည် တပ်မ တော်အနေဖြင့် ပြည်ခိုင်ဖြိုးပါတီ နှင့် မဟာမိတ်ဖြစ်ရေးထက် မည် သည့်ပါတီ အာဏာရလာ ရလာ အသိအမှတ်ပြုကာ လက်တွဲအ လုပ်လုပ်သွားနိုင်သည့် အလေ့အ ထတစ်ခု ပေါ်ထွက်လာခဲ့ခြင်းဖြစ် သည်။

ထောင်ချောက်များကို ရှောင်နိုင် ခဲ့သည့် ဒေါ်အောင်ဆန်းစုကြည်

 ဒေါ်အောင်ဆန်းစုကြည် သည် နိုင်ငံတကာဖိအားနှင့်လူ့အ ခွင့်အရေးကို ဦးစားပေးမည်ဟု ဒေါ်အောင်ဆန်းစုကြည်၏ပြိုင် ဘက်များက တထစ်ချယုံကြည် ထားပုံရသည်။ ထိုယုံကြည်ချက် များကြောင့် ဘာသာရေးနှင့်လူမျိုး ရေးပဋိပက္ခများကို ရွေးကောက်ပွဲ မတိုင်ခင်နှင့် ရွေးကောက်ပွဲအပြီး NLD အပြတ်အသတ်အနိုင်ရရှိ လာသောအခါ အရှိန်အဟုန်ပြင်း ပြင်းဖြင့် လှုံ့ဆော်လာခဲ့ကြသည် ကို တွေ့ရသည်။ အကယ်၍သာ ဒေါ်အောင်ဆန်းစုကြည်အနေဖြင့် နိုင်ငံတကာလူ့အခွင့်အရေးစံနှုန်း  များအတိုင်း လူနည်းစုဘာသာ ခြားဘက်မှ ရပ်တည်ပေးလျှင် ဗုဒ္ဓ ဘာသာအများစုရှိသော မြန်မာနိုင်ငံအတွင်း ထောက်ခံမှုများ သိသိ သာသာလျော့နည်းသွားမည်။ အ ကယ်၍ ဘာသာခြားလူနည်းစုများ ဘက်မှ ကာကွယ်မှုမပေးနိုင်လျှင် နိုင်ငံတကာ ဖိအားများကြောင့် အစိုးရသစ်အနေနှင့် အကျပ်အ တည်းများပေါ်ပေါက်လာရန် ရည်ရွယ်ခဲ့ကြသည်။

အင်တာနက်နှင့် လူမှုကွန် ရက်များမှတစ်ဆင့် လော်ဘီများ စွာကို မွေးထုတ်ပြီး သတင်းနှင့် အချက်အလက်အမှားများဖြင့် ဒေါ်အောင်ဆန်းစုကြည်၏အာ ဏာရ NLD ပါတီနှင့် အစိုးရသစ် ကို ဘာသာရေး၊ အမျိုးသားရေး အကြောင်းပြချက်များဖြင့် ဝိုင်းဝန်းတိုက်ခိုက်ကြသည်။

 သို့သော် နိုင်ငံတကာ ထောက်ခံမှုများကို ဦးစွာရယူထား နိုင်ခဲ့သော ဒေါ်အောင်ဆန်းစု ကြည်သည် ရခိုင်အရေးအတွက် အကြံပေးကော်မရှင်ဥက္ကဋ္ဌနေရာ တွင် နိုင်ငံတကာ၌ သြဇာဂုဏ် သတင်းကြီးမားသော ကုလသမဂ္ဂ အတွင်းရေးမှူးဟောင်း ကိုဖီအာ နန်ကို တာဝန်ပေးအပ်ခဲ့ပြီး နိုင်ငံ တကာဖိအားများကို လျှော့ချပေး ခဲ့သည်။ နိုင်ငံတကာသတင်းဌာန များမှ မေးမြန်းချက်များကိုလည်း နှစ်ဖက်မျှပြီး မျှမျှတတဖြေကြား နိုင်ခဲ့ကာ ပြည်တွင်းမှ ထောက်ခံမှုများကိုလည်း ဆက်လက်ထိန်း သိမ်းထားနိုင်ခဲ့သည်။

သမိုင်းဝင်သော နေ့တစ်နေ့

၂၀၁၅ ရွေးကောက်ပွဲအပြီး NLD အပြတ်အသတ်အနိုင်ရပြီး နောက်ပိုင်း အာဏာလွှဲပြောင်း ပေးမှုကို ပြည်သူများနှင့် နိုင်ငံတ ကာမှ ရင်တမမစောင့်ကြည့်ခဲ့ရ သည်။ ၁၉၉၀ ရွေးကောက်ပွဲအပြီး တွင် ထိုအချိန်က စစ်အစိုးရသည် ရွေးကောက်ပွဲရလဒ်များကို လျစ် လျူရှုပြီး နှစ်ပေါင်း ၂၀ ခန့် အာဏာရှင်စနစ်ဖြင့် အုပ်ချုပ်ခဲ့သော သာ ဓကများကြောင့် ပြည်သူများ ပိုမို စိုးရိမ် ကြောင့်ကြခဲ့ကြသည်။

ထိုအချိန်တွင် မထင်မှတ် ထားသော ကိစ္စတစ်ခု လူမှုကွန် ရက်မှတစ်ဆင့် ဟိုးလေးတကျော် ကျော် ဖြစ်ပွားခဲ့သည်။ အငြိမ်း စား ဗိုလ်ချုပ်မှူးကြီး သန်းရွှေ၏ မြေး နေရွှေသွေးအောင်မှ သူ၏ ဖေ့စ်ဘွတ်ခ်မှတစ်ဆင့် ‘သမိုင်း ဝင်သော နေ့တစ်နေ့’ ဆိုပြီး ရေး တင်လိုက်သည်။ ထိုအချိန်တွင် နိုင်ငံရေးသုံးသပ်သူများ၊ နှစ်ဖက် လော်ဘီများကြားတွင် ဂယက် တစ်ခုထသွားခဲ့သည်။ ဆဲသံဆိုသံ များ၊ သုံးသပ်ချက်အမျိုးမျိုးဖြင့် နောက်ဆုံး နေရွှေသွေးအောင်၏ လူမှုကွန်ရက်မှ ၅,၀၀၀ ကျပ်တန် ပေါ်တွင် အငြိမ်းစားဗိုလ်ချုပ်မှူး ကြီးသန်းရွှေ၊ ထိုအချိန်က သမ္မတ ကြီး ဦးသိန်းစိန်နှင့် ဒေါ်အောင် ဆန်းစုကြည်တို့ လက်မှတ်ရေးထိုး ထားသော ဓာတ်ပုံတစ်ပုံတင် လိုက်ပြီး အားလုံး၏မျှော်လင့်ချက် ကို အတည်ပြုပေးလိုက်သည်။ ဒေါ်အောင်ဆန်းစုကြည်သည် အာ ဏာလွှဲပေးမှုအတွက် အရေးအပါ ဆုံးပုဂ္ဂိုလ်ဖြစ်သည့် အငြိမ်းစား ဗိုလ်ချုပ်မှူးကြီး သန်းရွှေနှင့် ဆွေး နွေးပြီး အပေးအယူ လုပ်နိုင်ခဲ့ သည်ဆိုသည်ကို အာမခံနိုင်ခဲ့ သည်။

မည်သို့ပင်ဆိုပါစေ ထိုတစ် နေ့သည် သမိုင်းဝင်သော နေ့တစ် နေ့ဖြစ်ခဲ့သည်။ ဒေါ်အောင်ဆန်း စုကြည်အနေနှင့် အာဏာရှင် လက်ဟောင်းများ၏လုံခြုံရေးနှင့် သူတို့၏စည်းစိမ်ဥစ္စာကာကွယ် ရေးကို အာမခံချက်ပေးပြီး နိုင်ငံ တကာမှ ချမှတ်ထားသော စီးပွား ရေးပိတ်ဆို့မှုများနှင့် နာမည်ပျက် စာရင်းများ ပယ်ဖျက်မှုကို ဆောင် ရွက်ပေးရေးကို အချုပ်အခြာအာ ဏာကို ပြည်သူ့လက်ဝယ် ပြန် လည်ပေးအပ်ရေးတို့ဖြင့် အပေး အယူလုပ်ပြီး အောင်မြင်စွာညှိနှိုင်း နိုင်ခဲ့သည်။

သို့ဖြင့် ဒီမိုကရေစီနိဒါန်းကို အောင်မြင်စွာ စတင်နိုင်ခဲ့သော် လည်း ဒီမိုကရေစီခရီးသည် လမ်း ကြမ်းထဲတွင် ပျက်စီးယိုယွင်းနေ သော ကားတစ်စီးကို မကျွမ်းကျင် သော ယာဉ်မောင်းများဖြင့် ခရီးနှင်နေရသလို ဖြစ်နေဆဲဖြစ်သည်။

(နောက်ဆောင်းပါးများတွင် ဒီမိုကရေစီခရီးထဲမှ ကျော်လွှား ရမည့် ပြဿနာများ၊ သုံးသပ်ချက် များကို ထပ်မံ ဖော်ပြပေးပါဦး မည်။)