မဘသ၏ ခြေလှမ်းများ

မဘသအဖွဲ့ဝင်များအား အထူးအသိပေးရှင်းလင်းပွဲကို မေလ ၂၇ရက်က ပြုလုပ်နေစဉ် (ဓာတ်ပုံ-ကျော်ဇင်သန်း)

တားမြစ်ခံမဘသသည် ဗုဒ္ဓဓမ္မပရဟိတဖောင်ဒေးရှင်းအဖြစ် ရပ်တည်မည်ဟု ကြေညာပြီး တစ်ပြိုင်နက်တည်းမှာပင် မဘသသြဇာခံဓမ္မဝံသာနု ရက္ခိတအသင်းဥက္ကဋ္ဌက နိုင်ငံရေးပါတီတစ်လအတွင်းထောင်မည်ဟု ကြွေးကြော်သည်။

ယင်းမှာ အမြင့်မားဆုံးသံဃာအဖွဲ့အစည်းဖြစ်သည့် နိုင်ငံတော်သံဃမဟာနာယကအဖွဲ့(မဟန) က မဘသအဖွဲ့ဖျက်သိမ်းရန် ညွှန်ကြားအပြီး ငါးရက်အကြာတွင် ထွက်ပေါ်လာသော တုံ့ပြန်မှုလည်းဖြစ်သည်။ မဘသအဖွဲ့မှာ ဘာသာရေးကို နိုင်ငံရေးတွင် အသုံးချနေကြောင်း နိုင်ငံတကာကပင် ပြင်းထန်စွာ ဝေဖန်မှုများရှိခဲ့ပြီး နိုင်ငံရေးပါတီတည်ထောင်ရန် ဆုံးဖြတ်သည့် မဘသအဖွဲ့ဝင်အချို့ လက်ရှိလုပ်ရပ်ကြောင့် အဆိုပါဝေဖန်မှုများကို ပိုမိုအားကောင်းစေခဲ့ပြန်သည်။

မဘသအဖွဲ့အမည်ကို သုံးစွဲပြီး မည်သည့်အမှုမျိုးကိုမျှ မလုပ်ဆောင်ရန်နှင့် မြန်မာနိုင်ငံအနှံ့အပြား စိုက်ထူထားသော မဘသအဖွဲ့ဆိုင်းဘုတ်များကို ဇူလိုင် ၁၅ ရက် နောက်ဆုံးထားဖယ်ရှားရန် မဟနက မေလ ၂၃ ရက်စွဲဖြင့် ထုတ်ပြန်ခဲ့သည်။

ထို့နောက် ငါးရက်အကြာ မေလ ၂၈ ရက်တွင် ပြုလုပ်သည့်‘မဘသအဖွဲ့ဝင်များအား အထူးသတိပေးရှင်းလင်းပွဲ အခမ်းအနား’၌ နိုင်ငံတော်သံဃမဟာနာယက ဆရာတော်များကို အလေးဂရုပြုသောအားဖြင့် မဘသအမည်ကို မသုံးစွဲဘဲ ဗုဒ္ဓဓမ္မပရဟိတဖောင်း ဒေးရှင်းအမည်ဖြင့်သာ ဆက်လက်ရပ်တည်မည်ဟု ယင်းအဖွဲ့က ထုတ်ပြန်ကြေညာခဲ့ခြင်းဖြစ်သည်။

ပြည်နယ်နှင့် တိုင်းဒေသကြီး၊ မြို့နယ်တိုက်နယ် အသီးသီးရှိ မဘသအဖွဲ့များအနေဖြင့် ဗုဒ္ဓဓမ္မပရဟိတဖောင်ဒေးရှင်းအမည်ကိုသုံးစွဲကာ တိုင်းပြည်နှင့် လူမျိုး၊ ဘာသာနှင့် သာသနာရေးအကျိုး ပြုလုပ်ငန်းများကို ဆက်လက် ဆောင်ရွက်မည်ဖြစ်သည်။ မေလ၂၃ ရက်စွဲပါ မဟနကြေညာချက် နှင့် ပတ်သက်၍ ရဟန်းရှင်လူပြည်သူများသည် မည်သို့မျှသဘော မထားဘဲ သူတော်ကောင်းပီသစွာ ခန္တီမေတ္တာထားလျက် မိမိတို့ချစ် မြတ်နိုးသော အမျိုးဘာသာသာသ နာကို ဓမ္မဝိနယနှင့်အညီ ထိန်း သိမ်းကာကွယ်စောင့်ရှောက်ရန် အလေးအနက်တိုက်တွန်းလိုက် သည်ဟုလည်း ထုတ်ပြန်ချက်တွင်ဖော်ပြခဲ့သည်။

သုိ့သော် ယင်းအခမ်းအနား တွင် စီးပွားရေးလုပ်ငန်းရှင်ကြီးအချို့ ဦးဆောင်၍ မဘသအဖွဲ့ဝင်များက ၁၃၅ မျိုးချစ်ညီညွတ် ရေးပါတီကို တည်ထောင်မည်ဖြစ်ကြောင်း လူသိရှင်ကြား ကြေညာသည်။ ဆန္ဒပြရုံ၊ သပိတ်မှောက်ရုံ ဖြင့် မလုံလောက်၍ အမျိုးသားရေးကိစ္စများကို လွှတ်တော်အတွင်း တရားဝင်တောင်းဆိုနိုင်ရန် ယင်းပါတီတည်ထောင်မည်ဖြစ် ကြောင်း ဦးဆောင်သည့် ပုဂ္ဂိုလ်များက ဆိုသည်။ ဦးဆောင်သူများက ၁၃၅ မျိုးချစ်ညီညွတ်ရေး ပါတီမှာ မဘသမှ ပြောင်းလဲဖွဲ့ စည်းလိုက်သော ဗုဒ္ဓဓမ္မပရဟိတ ဖောင်ဒေးရှင်းနှင့်လည်းကောင်း၊ မြန်မာနိုင်ငံလုံးဆိုင်ရာ ဓမ္မဝံသာနု ရက္ခိတအသင်းကြီးနှင့်လည်း ကောင်းသက်ဆိုင်ခြင်းမရှိဘဲ မျိုး ချစ်အင်အားစုများ၏ သီးခြားလုပ် ငန်းတစ်ရပ်သာဖြစ်ကြောင်း ရှင်းလင်းထားသည်။

သို့သော် ထိုသို့ပါတီထောင်မည်ဟု လူသိရှင်ကြား အသိပေးခဲ့သော မောင်သွေးချွန်မှာ ဓမ္မဝံသာ နုရက္ခိတအဖွဲ့ကြီး၏ ဥက္ကဋ္ဌဖြစ်သည်။ ထို့အပြင် အသင်းအထွေထွေအတွင်းရေးမှူး ဦးစိုးထွန်းရှိန် ကလည်း ပါတီအသစ်ကို ထောက်ခံပါက ခန်းမရှေ့ပေါက်မှ ထွက်ရန်ပြောကြားခဲ့သည်။

ထို့ကြောင့် အမည်နာမ ပြောင်းလဲထားသည့် မဘသသည် ယင်းတို့သြဇာအောက်ရှိ နိုင်ငံရေး ပါတီလှုပ်ရှားမှုများနှင့်အတူ တစ်ဖန်အားကောင်းလာတော့မည် လားဆိုသည့် စောင့်ကြည့်မှုများလည်းရှိလာသည်။

မဘသပေါ်ပေါက်လာပုံ

အမျိုးသားရေးဝါဒီမဘသအဖွဲ့ဟု လူသိများသည့် အမျိုးဘာသာသာသနာစောင့်ရှောက်ရေးအဖွဲ့ (သာသနာ့ဝံသပါလအ ဖွဲ့)ကို အင်းစိန်မြို့နယ် ရွာမပရိယတ္တိစာသင်တိုက်နှင့် အောင်ဆန်း တပ်ဦးတောရမိုးကုတ်ဝိပဿနာ ဓမ္မရိပ်သာတို့၌ ၂၀၁၃ ဇွန်လ ၂၇ ရက်က ကျင်းပသော အင်းစိန်သံဃာ့ညီလာခံကြီးတွင် ဖွဲ့စည်းခဲ့ ခြင်းဖြစ်သည်။ မြန်မာနိုင်ငံဒေသ အသီးသီးမှ ကြွရောက်လာကြသော သံဃာတော်အပါး ၁,၃၅၀ ကျော်တို့၏ တညီတညွတ်တည်း သဘောတူညီအတည်ပြုချက်ဖြင့် ရဟန်းသံဃာ လူပုဂ္ဂိုလ်များဖြင့် ပါဝင်ဖွဲ့စည်းခဲ့သည်။

မဘသအဖွဲ့ကို အမျိုးသားရေး၊ ဘာသာသာသနာရေးအကျိုးကို သယ်ပိုးရန် ရည်ရွယ်ချက်ဖြင့် ဖွဲ့စည်းခဲ့ကြောင်း ဦးဆောင်ဆရာ တော်များက မိန့်ကြားခဲ့သည်။

သို့သော်မဘသဦးဆောင် ဆရာတော်တစ်ပါးဖြစ်သည့် ဦးဝီရသူ၏ ဟောပြောရေးသားချက်များနှင့်အတူ မဘသအဖွဲ့ပေါ်ပေါက်လာပြီး နောက်ပိုင်း ရန်ကုန် အပါအဝင် နေရာအနှံ့ဖြစ်ပွားခဲ့သည့် လူမျိုးရေး၊ ဘာသာရေးအသွင်ပဋိပက္ခများတွင် မဘသပါဝင်ပတ်သက်နေကြောင်း စွပ်စွဲမှု များက ပြည်တွင်းကို ကျော်လွန်၍ နိုင်ငံတကာအထိ ပျံ့နှံ့ခဲ့သည်။

၂၀၁၇ ဖေဖော်ဝါရီ ၉ ရက် က ဧရာဝတီတိုင်း ငပုတောမြို့ နယ် ကျုံးကူးကျေးရွာ၌ ဦးဝီရသူ ဟောကြားခဲ့သည့် (‘တို့တာဝန်အ ရေး သုံးပါးနှင့် ၉၆၉ တရားတော်’) မှာ ဝေဖန်ခံရသည့် ဟောပြောမှု များစွာထဲမှ ထင်ရှားသည့် သာဓ ကတစ်ခုဖြစ်သည်။ ကျုံးကူးရွာ တွင် ဦးဝီရသူက ‘‘အထူးသဖြင့် ကိုယ်ကသာ လုပ်ကျွေးမယ်ဆိုရင် ဗျာ သားမှတ်မှတ်၊ မယားမှတ် မှတ်ပေါင်းသင်းမယ့် ယောက်ျား တွေ ပေါလိုက်တာ၊ မရှိဘူးဆို ပြော၊ သံဃာတွေ လွှတ်ပေးမယ်။ အသောက်အစားလည်း ကင်း တယ်ဗျာ’’ဟု ထည့်သွင်းဟော ပြောခဲ့ခြင်းဖြစ်သည်။ ထို့အပြင် ဆရာတော်ဦးဝီရသူသည် ဖေဖော် ဝါရီ ၂၆ ရက်တွင် ချောင်ကြို ချောင်ကြားက ကြည်လင်းများ ခေါင်းစဉ်အောက်၌ ‘‘ကြည်လင်း ကို ကျေးဇူးတင်တယ်။ အောင်ဝင်းဇော်ကို ကျေးဇူးတင်တယ်။ အောင်ဝင်းခိုင်ကို ကျေးဇူးတင်တယ်။ ဇေယျာဖြိုးကို ကျေးဇူးတင်တယ်’’ ဟု ၎င်း၏ ဖေ့စ်ဘွတ်ခ်စာမျက်နှာ ၌ ရေးသားခဲ့မှုကြောင့် ဝေဖန်မှုများ ပွက်လောရိုက်ခဲ့သည်။

ထို့အပြင် ၂၀၁၅ရွေးကောက် ပွဲမတိုင်မီကလည်း မဘသဦး ဆောင်ဆရာတော်အချို့က ဒေါ်အောင်ဆန်းစုကြည်နှင့် အမျိုးသားဒီမိုကရေစီအဖွဲ့ချုပ်ကို ဝေဖန်တိုက်ခိုက်မှုများ ပြုလုပ်ခဲ့ပြီး ပြည် ခိုင်ဖြိုးပါတီကိုသာ မဲပေးကြရန် မဲဆွယ်စည်းရုံးမှုများ ပြုလုပ်ခဲ့ကြသည်။

၂၀၁၅ စက်တင်ဘာ ၂၀ ရက်က ပြုလုပ်သော မျိုးစောင့်ဥပဒေအောင်ပွဲ အခမ်းအနားတွင် အမျိုးသားဒီမိုကရေစီအဖွဲ့ချုပ်ကို မဲမပေးကြရန် မဘသဗဟိုအဖွဲ့ဝင် မြတောင်ကျောင်းဆရာတော်က တိုက်တွန်းမိန့်ကြားခဲ့မှုသည် လူသိ များသည့် သာဓကတစ်ခုဖြစ်ခဲ့ သည်။

ဒေါ်အောင်ဆန်းစုကြည်ဦးဆောင်သည့် အစိုးရသစ်လွှဲပြောင်း တာဝန်ယူပြီး သုံးလကျော်အကြာတွင် မဘသနှင့် ရန်ကုန်တိုင်းဝန်ကြီးချုပ် ဦးဖြိုးမင်းသိန်းတို့ ထိပ်တိုက်တွေ့ခဲ့သည်။ ဦးဖြိုးမင်းသိန်းက စင်ကာပူခရီးစဉ်အတွင်း မဘသအဖွဲ့ မလိုအပ်ကြောင်း ပြောကြားပြီး ရန်ကုန်လေဆိပ်တွင် ထပ်ပြောခဲ့ရာ ထိုအချိန်က ပြည်သူများ စိတ်ဝင်တစားစောင့် ကြည့်ခဲ့ကြသည်။

ယင်းဖြစ်ရပ်အပြီး ရက်ပိုင်းအတွင်းမှာပင် နိုင်ငံတော်သံဃ မဟာနာယကအဖွဲ့က ၂၀၁၆ ဇူလိုင် ၁၂ ရက်တွင် မဘသအဖွဲ့သည် သံဃအဖွဲ့အစည်းအခြေခံစည်းမျဉ်း၊ လုပ်ထုံးလုပ်နည်း၊ သံဃနာယကလက်စွဲညွှန်ကြားလွှာများ၌ ဖော်ပြပါရှိခြင်းမရှိသည့်အပြင် အဆိုပါညွှန်ကြားလွှာလုပ်ထုံးလုပ်နည်းများနှင့်အညီ ဖွဲ့စည်းထားသည့်အဖွဲ့မဟုတ်ကြောင်း ထုတ်ပြန်ကြေညာခဲ့သည်။ ထို့နောက် မဘသလှုပ်ရှားမှုများသည်အတန်ငယ်ငြိမ်သက်ခဲ့သည်။

ထို့အပြင် မစိုးရိမ်တိုက်သစ် နာယကအဖွဲ့ဝင် ဦးဝိစိတ္တာဘိဝံသခေါ် ဆရာတော် ဦးဝီရသူသည် ဘာသာတစ်ခုနှင့်တစ်ခုအကြား အမုန်းတရားပွားပြီး ဘာသာရေးအဓိ ကရုဏ်းဖြစ်စေနိုင်သော ဟော ပြောမှုများ၊ အမုန်းတရားကြီးထွား စေရန် လှုံ့ဆော်ဟောပြောမှုများ၊ တရားဥပဒေစိုးမိုးရေးကို အဟန့်အတားဖြစ်စေသည့် ဟောပြောမှု များနှင့် နိုင်ငံရေးပါတီများအကြား ဘက်လိုက်ဝေဖန်ဟောပြောမှုများကို ဒေသအနှံ့ ကြိမ်ဖန်များစွာ ပြု
လုပ်ခဲ့သောကြောင့် မတ်လ ၁၀ ရက်မှစ၍ တစ်နိုင်ငံလုံးတရား ဟောခွင့်တစ်နှစ်ကို မဟနကပိတ်ပင်ခဲ့သည်။

ထို့နောက် လူသိများသည့် စီးပွားရေးလုပ်ငန်းရှင် ဦးစိုးထွန်း ရှိန် အထွေထွေအတွင်းရေးမှူးအ ဖြစ် ဆောင်ရွက်သည့် ဓမ္မ၀ံသာနု ရက္ခိတအဖွဲ့ကို မဘသ (ဗဟို) ဆရာတော်ကြီးများ၏ သြ၀ါဒ လမ်းညွှန်ချက်ဖြင့် ၂၀၁၇ ဧပြီ ၂၉ ရက်တွင် ပြန်လည်ဖွဲ့စည်းခဲ့ သည်။ အမျိုးဘာသာ သာသနာ ကို ကာကွယ်စောင့်ရှောက်ရန် ရည်ရွယ်ချက်အပါအ၀င် ရဟန်း သံဃာများ မလုပ်ဆောင်နိုင်သည့် လှုပ်ရှားမှုများကို ပုဂ္ဂိုလ်များဖြင့် ဆောင်ရွက်ရန် ဖွဲ့စည်းခြင်းဖြစ် ကြောင်း မဘသ ဦးဆောင်ဆရာ တော်တစ်ပါးက မိန့်ကြားခဲ့သည်။

ထို့နောက် နိုင်ငံတော် သံဃမဟာနာယကအဖွဲ့ (မဟန)က မဘသအဖွဲ့အမည်ကို သုံးစွဲပြီး မည်သည့်အမှုကိစ္စမျိုးကိုမျှ မလုပ် ဆောင်နိုင်ရန်နှင့် မြန်မာပြည်အနှံ့အပြားစိုက်ထူထားသော မဘသအဖွဲ့ဆိုင်းဘုတ်များကို ဇူလိုင် ၁၅ ရက် နောက်ဆုံးထား ဖြုတ်သိမ်းရန် မေလ ၂၃ ရက်စွဲဖြင့် ထုတ်ပြန်ခဲ့သည်။

သာသနာရေးနှင် ယဉ်ကျေးမှုဝန်ကြီး သူရဦးအောင်ကိုအား နေပြည်တော်တွင် အမျိုးသားရေး တက်ကြွလှုပ်ရှားသူဟုဆိုသူများက ဦးဆောင်ဆန္ဒပြမှုအပြီး သုံးရက်အကြာတွင် မဟနညွှန်ကြားချက်ပေါ်ထွက်ခဲ့ခြင်းဖြစ်သည်။

ထို့အပြင် ဆုံးဖြတ်ချက်များကို လိုက်နာခြင်းမရှိပါက ရဟန်းပုဂ္ဂိုလ်ဖြစ်လျှင် သံဃာ့အဖွဲ့အစည်းဆိုင်ရာ ဥပဒေ ၂၀/၉၀ ဖြင့် အရေးယူရန်၊ လူပုဂ္ဂိုလ်ဖြစ်လျှင် သက်ဆိုင်ရာ တည်ဆဲဥပဒေများဖြင့် အရေးယူရန်ပါရှိသည်။ ထိုဆုံးဖြတ်ချက်များကို ပြည်ထဲရေးဝန်ကြီးဌာနက အမြန်ဆုံး အရေးယူရန် မဟနက ထုတ်ပြန်ချက်တွင် ပါရှိသည်။

ထို့ကြောင့် မဘသအမည် ပြောင်းလဲရပ်တည်ရန် ဆောင်ရွက်မှုနှင့်ပတ်သက်၍ သာသနာရေးနှင့် ယဉ်ကျေးမှုဝန်ကြီးဌာန ဒုတိယအမြဲ တမ်းအတွင်းဝန် ဦးဇာနည်ဝင်းက ယခုကဲ့သို့ မှတ်ချက်ပြုသည်။

‘‘ဒီဟာက အခုချိန်မှာ သူတို့ ကကြေညာတာပဲရှိသေးတာလေ။ လက်တွေ့ကျကျလုပ်သေးတာမရှိ သေးဘူး။ ကျွန်တော်တို့အနေနဲ့ အခုအချိန်မှာ မှတ်ချက်ပေးဖို့ စော ပါသေးတယ်။ ဒီကိစ္စတွေက သံ ဃာကိစ္စဖြစ်တဲ့အတွက် နိုင်ငံ တော်သံဃမဟာနာယကအဖွဲ့က လည်း ဒါတွေကိုစောင့်ကြည့် လေ့ လာမယ့်အနေအထားရှိပါတယ်။ နိုင်ငံတော်သံဃမဟာနာယကက ပဲ ဆုံးဖြတ်မှာဖြစ်ပါတယ်’’

ထို့အပြင် အမျိုးသားရေး ဆက်လက်ဆောင်ရွက်ရန် မျိုးချစ်အင်အားစုများဖြင့် နိုင်ငံရေးပါတီတစ်ခုကို တစ်လအတွင်းထူထောင်မည်ဟု ဓမ္မ၀ံသာနုရက္ခတိအဖွဲ့ ဥက္ကဋ္ဌ မောင်သွေးချွန်က ပြောကြားသည်။

‘‘အပြင်မှာတော့ ဗုဒ္ဓဓမ္မပရဟိတ၊ ရင်ထဲမှာ မဘသပဲ။ လက်ဝဲအယူအဆလည်း မဟုတ်ဘူး။ အမျိုးသားရေးအတွက်နဲ့ လယ်သမား၊ အလုပ်သမားတွေ အကျိုးအတွက် ဆောင်ရွက်မယ်။ အမျိုးသားရေးသမားတွေ ကိုယ်တိုင် လွှတ်တော်ထဲမှာ ရောက်နေရ မယ်။ တစ်လအတွင်း မှတ်ပုံတင် နိုင်ဖို့ ပါတီစည်းမျဉ်းတွေ ရေးဆွဲ နေတယ်။ မဘသအဖွဲ့ဝင်တွေ ပါတီဝင်ဖြစ်လာမယ်လို့ ယူဆတယ်။ အခု ၂၂ မြို့နယ်နဲ့ အဆက်အသွယ်လုပ်ထားပြီးပြီ’’ ဟု မောင်သွေးချွန်က ပြောသည်။

နိုင်ငံရေးပါတီတည်ထောင်ရန် ယခင်က ရည်ရွယ်ချက်မရှိ သော်လည်း နှစ်ရက်အတွင်း စဉ်း စားမိ၍ ဦးစိုးထွန်းရှိန်နှင့်တိုင်ပင် ကာ ဗုဒ္ဓ၊ ရတနာသုံးပါးနှင့် အန န္တောအနန္တငါးပါးကို ရည်ရွယ်သော ၁၃၅ နံပါတ်နှင့် တိုင်းရင်းသား ၁၃၅ မျိုးကို ရည်ညွှန်းပြီး ပါတီအမည်ပေးခဲ့ကြောင်း ၎င်းက ပြော ကြားသည်။

မဘသအဖွဲ့ဗဟိုအလုပ်အမှုဆောင် ဆရာတော်ဒေါက်တာ အရှင်သောပါကကလည်း ယခုကဲ့သို့ မိန့်ကြားခဲ့သည်။

‘‘ဓမ္မ၀ံသာနုရက္ခိတအဖွဲ့ကို က နိုင်ငံရေးမလုပ်ဘူးလို့ ထုတ် ပြန်ထားပြီးသား။ ဒီလုပ်ငန်းတွေကို လုပ်မယ်ဆိုတာက လုပ်နိုင်တဲ့သူတွေ လုပ်ကြ။ အမျိုးသားရေးပါတီတစ်ခုအနေနဲ့ လွှတ်တော်ထဲကို ရောက်အောင် တွန်းပို့ဖို့ ထောက်ပြထားတာရှိတယ်။ အကြံပြုထားတာ၊ တင်ပြထားတာ ရှိတယ်။ ၀ံသာနုရဲ့ ရည်ရွယ်ချက် ထဲမှာ အဲဒီလုပ်ငန်းတွေ မပါဘူး။ အခုအသစ်ဖွဲ့တဲ့ ဖောင်ဒေးရှင်းဆို တာကလည်း ဆရာတော်ကြီးတွေ ရဲ့ ဩ၀ါဒအတိုင်းနာမည်ကို မသုံး တော့ဘူး။ မသုံးဘဲနဲ့ လုပ်တဲ့လုပ်မြဲကတော့ ဦးပဉ္စင်းတို့ကြေညာချက်ထဲမှာလည်း ပါတယ်လေ။ တိုင်း ပြည်၏ လူမျိုး၊ဘာသာ သာသနာအကျိုးကို ဆက်လက်ပြီးတော့ ဆောင်ရွက်သွားမယ်ဆိုတော့ အ ရင်လုပ်မြဲအတိုင်း ဆက်လက်ပြီးတော့ ဆောင်ရွက်သွားမယ်လို့ သဘောသက်ရောက်ပါတယ်’’

ပါတီအဖြစ် မှတ်ပုံတင်လိုလျှင် နိုင်ငံရေးပါတီများမှတ်ပုံတင် ခြင်း ဥပဒေပုဒ်မ ၆(ဃ)တွင်လူမျိုး ရေး(သို့မဟုတ်) ဘာသာရေး(သို့မဟုတ်) လူတစ်ဦးချင်း (သို့မဟုတ်) လူအများနှင့်ပတ်သက်၍ ပဋိပက္ခ ဖြစ်ပေါ်စေနိုင်သည့်၊ သိက္ခာနှင့် ကိုယ်ကျင့်တရားကို ထိခိုက်စေနိုင်သည့် ရေးသားမှု၊ ဟောပြောမှု(သို့မဟုတ်) စည်းရုံးလှုံ့ဆော်မှုမပြုလုပ်ရန် စောင့်ထိန်းလိုက်နာ ရမည်ဟု ပြဋ္ဌာန်းထားသည်။

ထို့အပြင် ပုဒ်မ ၆(င)တွင်လည်း ဘာသာရေးကို နိုင်ငံရေးအတွက် အလွဲသုံးစားမပြုလုပ်ရေး ကိုပါ စောင့်ထိန်းလိုက်နာရမည်ဟု ပြဋ္ဌာန်းထားသည်။ အထက်ပါအချက်များကို စောင့်ထိန်းလိုက်နာ ရန် ပျက်ကွက်လျှင် နိုင်ငံရေးပါတီ အဖြစ် ဆက်လက်ရပ်တည်ပိုင်ခွင့် မရှိစေရဟု ယင်းဥပဒေတွင်ပြဋ္ဌာန်းထားသည်။

၁၃၅ မျိုးချစ်ညီညွတ်ရေး ပါတီကို မှတ်ပုံတင်ခွင့်ပြု၊ မပြု တင်ပြလာသော စာရွက်စာတမ်းများအပေါ် မူတည်ဆုံးဖြတ်မည် ဖြစ်ကြောင်း ပြည်ထောင်စုရွေး ကောက်ပွဲကော်မရှင်အတွင်းရေး မှူးဦးတင်ထွန်းက ပြောသည်။

‘ဗုဒ္ဓဓမ္မပရဟိတဖောင်ဒေး ရှင်း’ အမည်ပြောင်းလဲခြင်း၊ ဓမ္မ၀ံသာနုရက္ခိတအဖွဲ့ဝင်အချို့က မဘသကို နိုင်ငံရေးပါတီတည် ထောင်ရန် ပြင်ဆင်ခြင်းတို့နှင့် ပတ်သက်၍ စိတ်ဝင်တစားစောင့် ကြည့်မှုများရှိသည်။

ပြောင်းလဲလိုက်သည့် အ မည်နာမနှင့်အတူ လူမှုအကျိုးပြုလုပ်ငန်းများကို ဆောင်ရွက်မည်ဆိုပါက အဖွဲ့ပုံရိပ်ထိခိုက်စရာ မရှိဟုလည်း သုံးသပ်မှုရှိသည်။

ရွှေဝါရောင်ဆရာတော် ဦးပဏ္ဍ၀ံသ(ခ)ဦးပြည်ကျော်က ‘‘ပရဟိတလို့ ခေါင်းစဉ်တပ်လိုက်တဲ့အတွက်ကြောင့် တခြားဆိုးကျိုးတွေမရှိတော့ဘူးပေါ့။ မဘသပုံရိပ်ကျဆင်းတဲ့ဟာက ဦးဆောင်ဆရာတော်ကြီးတွေကြောင့် မဟုတ်ဘူးလေ။ အောက်က အဖွဲ့ဝင်တွေကြောင့် ပုံရိပ်ကျဆင်းတယ်လို့ရှင်းသွားတာကိုး’’ ဟု မိန့်ကြားသည်။

ဦးပြည်ကျော်က ‘‘အရင် မဘသအတိုင်း ဆက်သွားနေမယ်ဆိုရင် သူတို့အတွက် ဥပဒေပုဒ်မတွေက စောင့်ပြီးသားလေ။ စောင့်ပြီးသားဆိုတာက အခုလွှတ်တော်မှာလည်း  အမုန်းစကားပွားများရင် ဘာဆိုတဲ့ ပုဒ်မတွေ ထွက်ပြီ လေ။ နောက်တစ်ခါ သံဃာတွေအနေနဲ့ နိုင်ငံတော်သံဃမဟာနာယကရဲ့ ညွှန်ကြားချက်တွေကို တခြားခေါင်းစဉ်တွေတပ်ပြီးတော့ ပုံရိပ်တွေကို ပြန်ဖော်မယ်ဆိုရင် တော့ အရေးယူဆောင်ရွက်ခြင်း ခံရမှာပေါ့နော်’’ဟု ဆက်လက်မိန့်ကြားသည်။

သင်္ဃန်းကျွန်းမြို့နယ် တိုင်းဒေသကြီးလွှတ်တော်ကိုယ်စား လှယ် ဦးနေဘုန်းလတ်က မဘသ ဖျက်သိမ်းချိန်တွင် အခြားအဖွဲ့များထပ်မံပေါ်ပေါက်လာမည်ဟု ခန့် မှန်းမိပြီး ပါတီနှင့် ပတ်သက်၍ လုပ်ငန်းများကို ဆက်လက်စောင့် ကြည့်ရမည်ဟု သုံးသပ်သည်။

‘‘ပါတီ ထောင်တာတော့ ထောင်ပိုင်ခွင့်ရှိတယ် ဆိုပေမယ့် ဘာသာရေးကို နိုင်ငံရေးအဖြစ် သုံးလို့မရဘူးဆိုတာတော့ ဥပဒေမှာ အတိအလင်း ပြဋ္ဌာန်းထားပြီးသားပဲ။ သူတို့ရှေ့ဆက်လုပ်ငန်းစဉ်တွေကိုပဲ စောင့်ကြည့်ရမှာပေါ့။ ဘာတွေဆက်လုပ်မှာလဲဆိုတာပေါ့။ သူတို့လုပ်တဲ့ လုပ်ရပ်တွေပေါ်မှာပဲကြည့်ရမှာပဲ။ လွဲနေတာတွေရှိရင်တော့ တည့်ပေးရမှာပေါ့’’ဟု ၎င်းကပြောကြားသည်။

အဓမ္မဝါဒဆန့်ကျင်ရေးအဖွဲ့ ခေါင်းဆောင်ကိုမြတ်သူကလည်း ‘‘ဘာသာရေးမဆန်သော နိုင်ငံ တော်အဖြစ် ကျွန်တော်တို့က ရှိ စေချင်တယ်။ သူတို့လုပ်တာတော့ သူတို့ယုံကြည်ချက် လုပ်တာပေါ့ လေ။ ဒါတော့ ကောင်းတယ်၊ မကောင်းဘူးဆိုတာထက် တိုင်း ပြည်အနာဂတ်ကို ကြည့်ပါ။ တိုင်း ပြည်ကို ဆူပူအကြမ်းဖက်မှုတွေ ဖိတ်ခေါ်နေတာလား၊ နောက်ပြီး တော့ ကျွန်တော်တို့ တိုင်းပြည်က ဆင်းရဲတော့ လူငယ်တွေက အစ္စ လာမ်မစ်နိုင်ငံတွေမှာ သွားပြီး အ လုပ်လုပ်နေရတာတွေ ရှိပါတယ်။ သူတို့မျက်နှာတွေကို ကြည့်ပါ’’ဟု မှတ်ချက်ပြုသည်။

မဘသဦးဆောင်ဆရာတော် ကြီးများက နိုင်ငံ့အကျိုး၊ အမျိုး ဘာသာ၊ သာသနာအကျိုးအတွက် မည်သည့်ပါတီအဖွဲ့အစည်းနှင့် မဆို ပူးပေါင်းဆောင်ရွက်မည်ဟု မိန့်ကြားထားသည်။ မဘသမှ ထပ်မံပေါ်ထွက်လာမည့် အဖွဲ့ အစည်းများ ခြေလှမ်းကို အစိုးက ရော ပြည်သူများကပါ စိတ်ဝင်တစား စောင့်ကြည့်နေပါသည်။

မဘသအမည်ပြောင်းလဲခြင်း

မဘသက နှစ်ရက်ကြာ ကျင်းပသော အထူးအသိပေးရှင်းလင်းပွဲတွင် ဗုဒ္ဓဓမ္မပရဟိတဖောင် ဒေးရှင်းအမည်ဖြင့် ဆက်လက်ရပ်တည်မည်ဟု မေလ ၂၈ ရက်၌ ကြေညာခဲ့သည်။

မဘသဥက္ကဋ္ဌဆရာတော် ဦးတိလောကာဘိဝံသက နာမည်အသစ်ပြောင်းလဲဆောင်ရွက်မည့်အပေါ် ယခုကဲ့သို့ မိန့်ကြားသည်။

‘‘နာမည်သစ်ဖြင့် သွားမှာဖြစ် ခြင်းကြောင့် နာမည်သစ်နဲ့သွားတဲ့ အခါမှာတော့ တပည့်တော်တို့ အရွဲ့တိုက်တဲ့သဘောမျိုးမရောက်အောင် သင့်တော်သလို ဒီနေရာကနေဖြုတ်ပြီးတော့ ပြောင်းသင့်တာကို ပြောင်းပြီးတော့မှ ပြင်ဆင်ပြီး သင့်တော်တဲ့နေရာကို ပြောင်းလဲပြင်ဆင်ပြီးတော့ ဆောင်ရွက်သွားမယ်ဆိုရင် ပိုပြိးတော့ သူများကိုလည်း လေးစားရာရောက်တယ် ’’ဟု မေလ ၂၈ ရက် ရှင်း လင်းအသိပေးပွဲတွင် မိန့်ကြားသည်။

မြန်မာနိုင်ငံတွင် ဘာသာရေးအသင်းအဖွဲ့များအနေဖြင့် မှတ်ပုံတင်ရန်မလိုအပ်သော်လည်း ပရဟိတလုပ်ငန်းဆောင်ရွက်သည့်အသင်းအဖွဲ့များအနေဖြင့်မူ ပြည်ထဲရေးဝန်ကြီးဌာန၌ မှတ်ပုံတင်ရန် လိုအပ်သည်။