မင်္ဂလာတောင်ညွန့်ပဋိပက္ခမှ တရားစွဲဆိုခံထားသူများ၏ အာမခံလျှောက်ထားမှု ပယ်ချ

မင်္ဂလာတောင်ညွန့် ပဋိ ပက္ခတွင် တရားစွဲဆိုခံထားရသော အမျိုးသားရေးလှုပ်ရှားသူဟုဆို သူ ငါးဦးအနက် သုံးဦးက အာမခံ လျှောက်ထားခဲ့သော်လည်း တ ရားရုံးမှ ပယ်ချခဲ့သည်။

 တရားစွဲဆိုခံထားရသော ကိုလတ် (ခ) တင်ထွဋ်ဇော်နှင့်ဇနီး မအောင်အောင်မြင့်၊ တင်လင်းထိုက်၊ တင်ဌေးအောင်၊မြတ်ဘုန်းမိုရ်တို့ကို ဇွန်လ ၂ ရက်တွင် မင်္ဂလာတောင်ညွန့်တရားရုံး၌ဒုတိယအကြိမ် ရုံးထုတ်ခဲ့ပြီး ၎င်းတို့အနက်မှ တင်လင်းထိုက်၊ တင်ဌေး အောင်နှင့် မြတ်ဘုန်းမိုရ်တို့ကအာမခံပေးရန် တရားရုံးသို့ လျှောက်ထားခဲ့သော်လည်း တရားရုံးက ပယ်ချခဲ့သည်။

တင်ဌေးအောင်တွင် ကင် ဆာရောဂါလက္ခဏာ အကျိတ်ရှိ နေ၍ အမြန်ကုသရန်လိုအပ်ပြီး တင်လင်းထိုက်တွင်လည်း ကုသ ရန်ရောဂါများရှိနေ၍ အပြစ်ရှိ၊ မရှိ မပေါ်ပေါက်သေးချိန်တွင် အချိန်ကြာမြင့်စွာချုပ်မထားသင့် ကြောင်း ၎င်းတို့၏ ရှေ့နေများက လျှောက်ထားခဲ့သည်။ မြတ်ဘုန်း မိုရ်သည်လည်း အသက် (၂၁)နှစ်အရွယ် လူငယ်ဖြစ်နေသဖြင့် တရားသူကြီးက စာနာပေးကာ အာမခံပေးသင့်ကြောင်း ဆေးစာ များတင်ပြ၍ အာမခံလျှောက် ထားခဲ့သည်။

မြို့နယ်တရားသူကြီး ဦးခင် ကျော်က ၎င်းတို့ကို စွဲဆိုထား သည့် ပုဒ်မ ၅၀၅(ဂ)သည် အာမခံ ပေးနိုင်သော ပုဒ်မ မဟုတ်ခြင်း၊ ဆေးစာများသည် ပြင်ပဆေးရုံ ဆေးခန်းမှ ဆေးစာများဖြစ်ခြင်း နှင့် စွပ်စွဲခံရသူများသည် လက်ရှိ ကျန်းမာရေး ကောင်းမွန်ခြင်း ကြောင့် အာမခံမပေးနိုင်ကြောင်း ဆုံးဖြတ်ခဲ့သည်။

ထို့အပြင် ယခုအမှုသည် ဆူပူအကြမ်းဖက်မှုအသွင်ဆောင် သည့်အပြင် ပြည်သူများ၏ တ ရားဥပဒေစိုးမိုးရေးကို ထိခိုက်စေ သည့် အမှုမျိုးဖြစ်၍ အာမခံမပေး နိုင်ကြောင်း တရားသူကြီး ဦးခင် ကျော်က ပြောသည်။

တရားစွဲဆိုခံထားရသူ တင် ဌေးအောင်က ၎င်းတို့သည် ဥပဒေ ပြင်ပမှ မလုပ်ခဲ့ကြောင်းနှင့် တာ ၀န်သိပြည်သူများအနေဖြင့် သ တင်းပေးခဲ့ခြင်းဖြစ်ပြီး ယခုလို တရားစွဲဆိုခံရသည်မှာ မတရား ဖိနှိပ်ခံရခြင်းဖြစ်ကြောင်း ပြော ကြားခဲ့သည်။

‘‘ကျွန်တော်တို့မှာ အပြစ်မရှိပါဘူး။ ဒီကိစ္စမှာ ကျွန်တော်တို့ကို ကြောက်လို့ အမျိုး သားရေးသမားတွေကို ကြောက်လို့ ထောင်ထဲထည့်ချင်နေတာပါ’’ ဟု ကိုတင်ဌေးအောင်က 7Day Daily အား ပြောကြားခဲ့သည်။

မင်္ဂလာတောင်ညွန့် ပဋိပက္ခ တွင် ပါဝင်သူများကို ယင်းမြို့နယ် ရဲတပ်ဖွဲ့မှူး ရဲမှူးခင်မောင်ဦးက တရားလိုပြု၍ ရာဇသတ်ကြီးပုဒ်မ ၅၀၅ (ဂ)၊ ပုဒ်မ ၃၄ တို့ဖြင့် အမှု ဖွင့်ခဲ့သည်။

ပုဒ်မ ၅၀၅ (ဂ)သည် လူအ မျိုးအစားအချင်းချင်းဖြစ်စေ၊ လူ မျိုးစုအချင်းချင်းဖြစ်စေ၊ တစ်ဖက် နှင့်တစ်ဖက် ပြစ်မှုကျူးလွန် အောင် လှုံ့ဆော်ရန် အကြံရှိလျှင် (သို့တည်းမဟုတ်) အဆိုပါ လှုံ့ ဆော်ခြင်းကို ဖြစ်တန်ရာသည့် အကြောင်းရှိလျှင် ထိုသူကို ၂ နှစ် အထိ ထောင်ဒဏ်တစ်မျိုးမျိုးဖြစ် စေ၊ ငွေဒဏ်ဖြစ်စေ၊ ဒဏ်နှစ်ရပ်စ လုံးဖြစ်စေ ချမှတ်နိုင်သည်။ ပုဒ်မ ၃၄ သည် အကြံတူတစ်ခုကို အ ထမြောက်စေခြင်းငှာ တစ်ဦး ထက်ပိုသောသူများက ပြုခြင်း၊ တစ်ဦးထက်ပိုသောသူများသည် မိမိတို့၏ အကြံတူတစ်ခုကို အထ မြောက်စေရန် ရည်ရွယ်၍ ပြစ်မှု ကို ပြုလုပ်ခဲ့လျှင် ထိုပြုလုပ်မှုကို တစ်ဦးတည်းသိသကဲ့သို့ ထိုသူ အသီးသီး၌ တာဝန်ရှိသည်ဟု ရာဇသတ်ကြီးတွင် ဖော်ပြထား သည်။