မြန်မာမျက်လုံးလိပ်ကောင်ရေ နှစ်ရာကျော် ပထမဆုံးအကြိမ်မျိုးပွား

မြန်မာမျက်လုံးလိပ်(ခ)ဆောက်လိပ်မျိုးစိတ်ကို တွေ့ရစဉ် (ဓာတ်ပုံ − Turtle Survival Alliance fb)

 မြန်မာ့ဌာနေရင်းဖွားမျိုးစိတ်ဖြစ်သည့် မြန်မာမျက်လုံးလိပ် (ခ) ဆောက်လိပ်ကို ပထမဆုံးအ ကြိမ်အဖြစ် ကောင်ရေနှစ်ရာ ကျော်မျိုးပွားနိုင်ခဲ့ကြောင်း TSA နှင့် WCS မှ ဌာနေကိုယ်စားလှယ် ဒေါက်တာ ကလျာက ပြောသည်။

မြန်မာမျက်လုံးလိပ် (ခ) ဆောက်လိပ်သည် မြန်မာတစ်နိုင်ငံတည်းတွင် တွေ့ရသော ဌာနေရင်းဖွားလိပ်မျိုးစိတ်ဖြစ်ပြီး လိပ်မျိုးစိတ်ရှင်သန်ရေးအဖွဲ့ (TSA) နှင့် သားငှက်ထိန်းသိမ်းရေးအဖွဲ့ (WCS) မှ ကရင်ပြည်နယ် မြိုင် ကလေးတန် ၄,၀၀၀ ဘိလပ်မြေ စက်ရုံနယ်မြေရှိ ဘုန်းကြီးကျောင်း၌ ဘေးမဲ့လွှတ်ထားသော လိပ်များကို ပထမဆုံးအကြိမ်အဖြစ် မျိုးပွားခြင်းဖြစ်သည်။

ဘေးမဲ့လွှတ်ထားသော လိပ် များ ပိုမိုကောင်းမွန်စေရန် ရေသန့်စင်ပေးခြင်း၊ အစားအစာဖြည့်တင်းပေးခြင်းနှင့် လိပ်ဥများ ဥဥချသည်နှင့် ကောက်ယူကာ ဥဖောက်ပုံးများတွင်ထည့်၍ စနစ်တကျမျိုးဖောက်ခဲ့ကြောင်း ဒေါက် တာ ကလျာက ပြောသည်။

ယင်းလိပ်များသည် ၂၀၁၆ နိုဝင်ဘာတွင် ဥ ၃၀၀ ကျော်ဥခဲ့ပြီး ယင်းအနက်ကောင်ရေ နှစ်ရာကျော် ယခုရက်အတွင်း အကောင် ပေါက်မည် ဖြစ်သည်။

‘‘အခု သုံးကောင်ပေါက်လာ ပြီ။ ကျန်တဲ့နှစ်ရာကျော်ကလည်း ဥခွံလေးတွေအက်ပြီး ပေါက် တော့မယ်’’ဟု ဒေါက်တာ ကလျာက ပြောသည်။

မြန်မာမျက်လုံးလိပ် (ခ) ဆောက်လိပ်များသည် ယခင်က သုတေသနမှတ်တမ်းများမရှိခဲ့ ၍ ပထမဆုံးပေါက်ဖွားလာသည့် လိပ်များကို သုတေသနပြုထိန်းသိမ်းရေးလုပ်ဆောင်မည်ဖြစ်သည့်အပြင် လိပ်များအရွယ်ရောက်လာပါက မူရင်းဒေသသို့ ပြန်လည်လွှတ်ပေးမည် ဖြစ်သည်။

မြန်မာမျက်လုံးလိပ် (ခ) ဆောက်လိပ်များသည် အလွန်မြင့်သော တောင်တန်းများမှအပ မြန်မာနိုင်ငံအနှံ့အပြားရှိ မြစ်ကြီးများ၊ ရွှံ့နွံအိုင်များ၊ ရေကန်များ၊ စပါးကွင်းများတွင် ပေါက်ဖွားရှင်သန်နိုင်ပြီး တရုတ်နိုင်ငံသို့ တရားမ၀င်ရောင်းဝယ်ဖောက်ကားခံရခြင်းကြောင့် မကြာမီမျိုးသုဉ်းရန် နီးကပ်နေသော မျိုးစိတ်ဖြစ်သည်။