မြန်မာအမျိုးသား လေကြောင်းလိုင်း မန္တလေး-ဟောင်ကောင် ခရီးစဉ်သစ်တိုးချဲ့

နိုင်ငံပိုင် လေကြောင်းလိုင်း ဖြစ် သည့် မြန်မာအမျိုးသား လေ ကြောင်းလိုင်းသည် မန္တလေး- ဟောင်ကောင် ခရီးစဉ်အသစ်ကို ဇွန်လ ၄ ရက်တွင် တိုးချဲ့ပျံသန်း မည်ဟု သတင်းထုတ်ပြန်သည်။


‘‘အရင်က ရန်ကုန်- ဟောင် ကောင်ခရီးစဉ်ကိုပဲ ပျံသန်းပေး တာဖြစ်ပါတယ်။ နောက်ပိုင်းမှာ မန္တလေးကလူတွေလည်း ဟောင် ကောင်ကို သွားမယ်ဆိုရင် ရန်ကုန်ကိုသီးသန့်လာစရာ မလိုတော့ဘဲ ခရီးစဉ်အသစ်အနေနဲ့ ထပ်တိုးချဲ့လိုက်တာပါ။ ရန်ကုန်ကနေ  နိုင်ငံတကာ ခရီးစဉ်ငါးခုလောက် ကို ပျံသန်းပေးနေပေမယ့် မန္တလေးကနေတော့ ဘန်ကောက်တစ်ခုကို ပဲ ပျံသန်းပေးတာ ရှိပါသေးတယ်။ မန္တလေး-ဘန်ကောက်ကတော့ ဒုတိယမြောက်လေကြောင်း ခရီးစဉ်တစ်ခုအနေနဲ့ ထပ်တိုးချဲ့လိုက် တာပါ’’ဟု မြန်မာအမျိုးသားလေ ကြောင်းလိုင်းမှ လေယာဉ်မှူး ဦးသန်းထွေးက ပြောသည်။

  မြန်မာအမျိုးသား လေ ကြောင်းလိုင်းသည် ရန်ကုန်- ဟောင်ကောင် ခရီးစဉ်ကို ၂၀၁၅ဒီဇင်ဘာအတွင်း စတင် ပျံသန်းခဲ့ပြီး ခရီးသည်များ၏ လိုအပ်ချက် ပေါ်တွင်မူတည်၍ မန္တလေး- ဟောင်ကောင် ခရီးစဉ်ကို ၂၀၁၇ ဇွန်လအတွင်း ထပ်မံတိုးချဲ့ခြင်းဖြစ်သည်။ လက်ရှိတွင် မြန်မာအမျိုး သားလေကြောင်းလိုင်းသည် ပြည်တွင်း၌ နိုင်ငံတစ်ဝန်းမှ လေဆိပ် ၂၈ ခုနှင့် ချိတ်ဆက်ကာ စင်ကာပူ၊ ဟောင်ကောင်၊ ဘန်ကောက်၊ ဗုဒ္ဓဂယာနှင့် ချင်းမိုင်မြို့များသို့ ပြေးဆွဲလျက်ရှိသည်။ မြန်မာအမျိုးသားလေကြောင်းလိုင်းသည် ၂၀၁၄ ကစ၍ ကော်ပိုရေးရှင်း အသွင်ပြောင်းလဲ ကာ ၀န်ဆောင်မှုအသစ်များ တိုး ချဲ့ဆောင်ရွက်ပြီး လက်ရှိတွင် ဘိုးရင်းလေယာဉ်လေးစီး၊ ATR လေယာဉ် ကိုးစီး ၊ Embraer လေ ယာဉ်နှစ်စီးနှင့် Caravan လေယာဉ်လေးစီးတို့ဖြင့် ခရီးစဉ်များ ပျံသန်း လျက်ရှိသည်။