ဒီမိုကရေစီ နိဒါန်း (၃)

၂၀၁၅ ခုနှစ် ရွေးကောက်ပွဲ အပြီး ဒေါ်အောင်ဆန်းစုကြည် ဦး ဆောင်သည့် အင်န်အယ်လ်ဒီ အစိုးရတက်လာခြင်းသည် မြန်မာ နိုင်ငံအတွက် နှစ်ပေါင်း ၅၀ ကျော်အတွင်း ပထမဦးဆုံးအကြိမ် ပြည်သူလိုလားသည့် အစိုးရတစ် ရပ်ကိုပြည်သူက တိုက်ရိုက်ရွေး ချယ်ခွင့် ရခဲ့ခြင်းဖြစ်သည်။ ပြည် သူတစ်ရပ်လုံး ဆန္ဒပြည့်ဝသွား ခြင်းနှင့်အတူ ပြည်သူ့အစိုးရသစ် ထံမှ ပြည်သူများ၏ မျှော်လင့်ချက် များ များပြားစွာရှိခဲ့သည်။ သိသာ ထင်ရှားစွာ ပြုပြင်ပြောင်းလဲလာခဲ့ သော ယခင် ဦးသိန်းစိန်အစိုးရနှင့် ချိန်ထိုးကာ ပြည်သူများ၏ မျှော် လင့်ချက်များ ပိုမိုမြင့်မားခဲ့သည်။

တကယ်တော့ ဦးသိန်းစိန် အစိုးရသည် ၁၉၈၈ တွင် အသစ် စတင်ခဲ့သော စစ်အာဏာရှင်စနစ် ၏ ၂၂ နှစ်တာကာလအတွင်း တိုး တက်လာသော အုပ်ချုပ်မှုတစ်ခု ဖြစ်ပြီး အင်န်အယ်လ်ဒီအစိုးရ၏ သက်တမ်းသည် ၂၀၁၅ ဧပြီမှ စတင်ခဲ့ကာ တစ်နှစ်ကျော်ကျော် သာရှိခဲ့သော အစိုးရအသစ်ဖြစ် သည်။


ပြည်သူ့အစိုးရ၏ အခက်အခဲများ
အင်န်အယ်လ်ဒီ အစိုးရ တက်လာချိန်တွင် တိုင်းပြည်ကို စီမံခန့်ခွဲအုပ်ချုပ်ရာတွင် ရင်ဆိုင် ရသော အခက်အခဲများသည် ၁၉၈၈ ခုနှစ်က စစ်အစိုးရတက် လာချိန်က ရင်ဆိုင်ရသော အခက်အခဲများထက် များစွာပိုမိုလေသည်။ ၁၉၈၈ ခုနှစ်က စစ် အစိုးရရင်ဆိုင်ခဲ့ရသော အဓိက ပြဿနာသည် တစ်တိုင်းပြည်လုံး အတိုင်းအတာနှင့် အာဏာဖီဆန်မှု ဒီမိုကရေစီလိုလားသူများ၏ တော်လှန်ဆန့်ကျင်မှုများကို ဖြိုခွင်းရသော အခက်အခဲဖြစ်သည်။ ထို့ကြောင့် ထိုအချိန်က အစိုးရအဖွဲ့၏ နာမည်ကိုပါ ‘နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့’ဟု အမည်ပေးကာ အာဏာဖီဆန်မှုများကို ရသည့်နည်းဖြင့် ဖြိုခွဲခဲ့သည်။ ၁၉၈၈ အရေးအခင်းကာလတွင် အထွေထွေသပိတ်နှင့် ရင်ဆိုင်ရကာ အစိုးရဌာန အားလုံးနီးပါး သပိတ်မှောက်ရာတွင် ပါဝင်သွားသဖြင့် အစိုးရယန္တရားတစ်ခုလုံး ရပ်ဆိုင်းသွားသည်ကို သင်ခန်းစာယူပြီး ဝန်ကြီးဌာနများနှင့် အစိုးရဝန်ထမ်းများ အားလုံးကို ထိုအချိန်က နာမည်ကြီးခဲ့သည့် အချက် ၃၃ ချက်ကို ဖြေဆိုခိုင်းကာ စိစစ်စစ်ဆေးပြီး စစ်အစိုးရ၏ အုပ်ချုပ်ရေးအာဏာအား ဖီဆန်နိုင်သူများကို အလုပ်တာဝန်မှ ချက်ချင်းရပ်ဆိုင်းခြင်း၊ အစိုးရဌာနများ၏ အုပ်ချုပ်ရေးရာထူးများကို တပ် မတော်မှ အငြိမ်းစားအရာရှိများ ဖြင့် အစားထိုးခြင်း၊ ပုန်ကန်အုံကြွ သူများကို စီးပွားရေးအခွင့်အလမ်း များနှင့် အခြားပံ့ပိုးမှုများနှင့် လည်းကောင်း၊ ဖြားယောင်းသွေး ဆောင်ခြင်းနှင့်လည်းကောင်း ထောင်သွင်းအကျဉ်းချ ခြိမ်း ခြောက်ခြင်းဖြင့်တစ်ဖုံ တိုင်းပြည်ကိုအာဏာစက်ဖြင့် ဖိနှိပ်ကာနိုင်ငံကို ငြိမ်ဝပ်ပိပြားအောင် ထိန်းသိမ်းခဲ့သည်။

ဝန်ကြီးဌာနများသို့ ရောက်ရှိ လာသော တပ်မတော်မှ အရာရှိများသည်အုပ်ချုပ်ရေးအတွက် လေ့ကျင့် သင်ကြားပေးထားသူများပါသော်လည်း ဝန်ကြီးဌာနများ၏ လုပ်ငန်းပိုင်းဆိုင်ရာများကို နားလည်မှု အားနည်းကြသည်။ ထို့ကြောင့် အစိုးရ၏ လုပ်ငန်းဆောင်တာများ တိုးတက်မှုမရှိခဲ့ဘဲတိုင်း ပြည်တိုးတက်ရေးအတွက် အရေးကြီးသော အခြေခံအဆောက် အအုံများ၊ နည်းပညာနှင့် တရားဥပဒေစိုးမိုးမှု ချို့ယွင်းသွားခဲ့သည်။ တိုင်းပြည်တိုးတက်မှု အားနည်းသွားခြင်းကြောင့် အစိုးရဝန်ထမ်းများ၏ အခြေခံလစာနှင့် ခံစားခွင့်များသည် ဝန်ထမ်းတစ်ဦးစီနှင့် သူတို့၏ မိသားစုများ၏ အခြေခံလိုအပ်ချက်များကိုပင် ဖြည့်ဆည်းပေးနိုင်ခြင်းမရှိခဲ့တော့ပေ။ ထိုအချိန်တွင် ဝန်ထမ်းများ လာဘ်လာဘယူပြီး တခြားနည်းလမ်းဖြင့် ဝင်ငွေရှာကြသည်ကို အစိုးရက မသိကျိုးကျွန်ပြုကာ ဝန်ထမ်းများ အမိန့်နာခံစေရေးနှင့် အာဏာဖီဆန်မှု မရှိစေရေးကို ပိုမိုအဓိကထားကာ အာရုံစိုက်ခဲ့ကြသည်။ ထိုကဲ့သို့ မသိကျိုး ကျွန်ပြုမှုသည် ရေတိုတွင် အစိုးရ အတွက် ဝန်ထမ်းများ၏ရသည့် လစာဝင်ငွေ မလောက်ငမှုကို နည်းလမ်းတစ်ခုဖြင့် ဖြေရှင်းနိုင်ခဲ့ သော်လည်း နှစ်ပေါင်းဆယ်စုနှစ် များစွာ ကြာသွားသောအခါ တစ် နိုင်ငံလုံး လာဘ်ပေးလာဘ်ယူမှု ကို ရာဇဝတ်မှုဟု မမြင်ကြတော့ ဘဲ ဝန်ထမ်းများ၏ ရပိုင်ခွင့်တစ်ခု အဖြစ် ထင်မြင် သတ်မှတ်လာကြ တော့သည်။ ဦးသိန်းစိန်အစိုးရ လက်ထက်က အကြံပေးတစ်ဦး ကိုယ်တိုင် လာဘ်စားမှုကို လို အပ်၍ လာဘ်စားခြင်း (Need Based Corruption) နှင့် လောဘကြောင့် လာဘ်စားခြင်း (Greed Based Corruption) ဆိုပြီး လာဘ်စားမှုသည် လိုအပ်ပြီး ခွင့်ပြုသယောင်ယောင် ဆွေးနွေးခဲ့ဖူးသည်။

 အင်န်အယ်လ်ဒီအစိုးရ တက်လာပြီး ဝန်ကြီးဌာနများကို တာဝန်ယူရချိန်တွင် ရင်ဆိုင်ဖြေ ရှင်းရသော ပြဿနာတစ်ခုသည် ဝန်ထမ်းများ၏ အကျင့်ပျက်ခြစား မှုများဖြစ်သည်။ သို့သော် နှစ် ပေါင်းများစွာ ချည့်နဲ့ခဲ့ရသည့်အစိုးရ ယန္တရားကြီးကို ချက်ချင်းလက် ငင်း တိုးတက်အောင် လုပ်ဆောင် ပြီး ဝန်ထမ်းများ၏ အခြေခံလိုအပ် ချက်များနှင့် အခြားလိုအပ်ချက် များကို လစာနှင့် ခံစားခွင့်များဖြင့် ပြည့်မီအောင် လုပ်ဆောင်ရန် လည်း ခက်ခဲနေပေသည်။

ခြစားမှုများ၏နောက်ကွယ်
အစိုးရဌာနများ၏ လာဘ် ပေးလာဘ်ယူမှု ပြုခြင်းကို ခြစား မှုများဟု တင်စားခေါ်ကြသည်။ ခြစားခြင်းသည် သစ်သားအ ဆောက်အအုံတစ်ခုကို လူမသိသူ မသိ အတွင်းမှ လှိုက်စားပြီး ချည့်နဲ့ပြိုကျအောင် စွမ်းဆောင်နိုင်သကဲ့သို့ လာဘ်ပေးလာဘ်ယူခြင်းကြောင့် အစိုးရယန္တရားတစ်ခုလုံး လှိုက်စားကာ ပျက်စီးယိုယွင်းသွားစေသည်။

လာဘ်ပေးလာဘ်ယူမှုများ ကြောင့် စီးပွားရေးဈေးကွက် အတွင်းတွင် မျှတသော ပြိုင်ဆိုင် ခြင်းဖြင့် (Level Playing Field) လုပ်ငန်းများ လုပ်ဆောင်မှု အကြီးအကျယ် ထိခိုက်စေသည်။ ဝိသမလောဘသားများနှင့်အကျင့် ပျက်ဝန်ထမ်းများ ပူးပေါင်းပြီး အခွန်ရှောင်ခြင်းကြောင့် တိုင်း ပြည်အတွက် ရသင့်ရထိုက်သည့် အခွန်ဘဏ္ဍာများ လျော့နည်း ကောက်ခံပြီး လာဘ်ယူသူများ ကြီးပွားချမ်းသာလာခြင်း၊ တိုင်း ပြည်အခြေခံ အဆောက်အအုံများ တည်ဆောက်ရာတွင် အရည် အချင်းပြည့်ဝသူထက် လာဘ် လာဘအများဆုံး ပေးသူကို ရွေး ချယ်မှုကြောင့် တည်ဆောက်မှု များ အရည်အသွေးမပြည့်ဝဘဲ လိုအပ်သည်ထက် များစွာပိုမို ကုန်ကျပြီး တိုင်းပြည်ဘဏ္ဍာများ ဆုံးရှုံးခြင်း၊ သမာသမတ်ကျသော စီးပွားရေးလုပ်ငန်းများ ဈေးကွက် အတွင်း ဝင်ရောက်ယှဉ်ပြိုင်ရန် ခက်ခဲသွားပြီး မသမာသူများ ခြယ်လှယ်သည့် ဈေးကွက်များ ဖြစ်ပေါ်လာခြင်း၊ သဘာဝပတ်ဝန်းကျင်အတွက် အန္တရာယ်ရှိသည့် လုပ်ငန်းများကို မသိကျိုးကျွန်ပြုကာ တံစိုးလက်ဆောင်များယူ၍ ခွင့်ပြုခြင်းကြောင့် ပြန်လည်တည်ဆောက်ရန် ခက်ခဲသော သဘာဝပတ်ဝန်းကျင်ပျက်စီးကာ သဘာဝဘေးအန္တရာယ်များ ပိုမိုကြုံတွေ့လာရပြီး  ပြည်သူပြည်သားများ  အသက်အိုးအိမ်စည်းစိမ်များ မလိုလားအပ်ဘဲ ဆုံးရှုံးရခြင်း၊  တိုင်းပြည်တိုးတက်ရေးအတွက်  အလွန်အရေးပါသော စွမ်းအင်ကို  ပြည်တွင်းအတွက် အသုံးချရမည့်အစား ပြည်ပနိုင်ငံများသို့  ကိုယ်ကျိုးစီးပွားအတွက် နှစ်ရှည်ရောင်းချခြင်းဖြင့်  အစိုးရ ဌာနတစ်ခုချင်းစီ၏  အဓိကဦး တည်ချက်ဖြစ်သည့် တိုင်းပြည် တိုးတက်ရေးဆိုင်ရာ ကိစ္စများကို အာရုံမပြုတော့ဘဲ ကိုယ်ကျိုးစီးပွားရှာမှုများဖြင့် တိုင်းပြည်ကို တစ်စ ထက်တစ်စ ယိုယွင်းလာစေသည်။

စနစ်အသစ်၊ ယန္တရားအဟောင်း
အစိုးရအသစ်တစ်ရပ်သည် ယခင်အစိုးရ၏ ဆိုးမွေ၊ကောင်းမွေ ကို ရယူရသည့်နည်းတူ အင်န် အယ်လ်ဒီအစိုးရတက်လာချိန် တွင် ယခင်စစ်အစိုးရမှ မွေးဖွား ပေးခဲ့သည့် ဦးသိန်းစိန်အစိုးရ၏ ကောင်းမွေ၊ ဆိုးမွေများအားလုံးကို လက်ခံယူခဲ့ရသည်။ ထိုဆိုးမွေ များထဲမှ အဓိကဆိုးမွေသည် အစိုးရဝန်ထမ်းများ၏ အရိုးစွဲလာ သည့် လာဘ်ပေးလာဘ်ယူခြင်း ဖြစ်သည်။ အိမ်တစ်အိမ် ခြစား သည်ကို ဖြေရှင်းသလိုမျိုး ခြစား သည့်အပိုင်းကို ဖယ်ပြီး အိမ်ကို အသစ်ပြန်ဆောက်သလိုမျိုး လုပ် ဆောင်ရန်အတွက်လည်း အစိုးရ ဌာနအများစု၊ ဝန်ထမ်းအများစုကို ဖယ်ထုတ်ရှင်းလင်းရန်မှာလည်း ဖြစ်နိုင်ခြေမရှိပေ။ ထို့အတွက် ပြင်းထန်သော ဥပဒေများဖြင့် လာဘ်ပေးလာဘ်ယူမှုများကို တိုက်ဖျက်ရန်နှင့် တကယ်အရေး ယူရန် လိုအပ်နေပေသည်။ ဝန် ထမ်းများဘက်မှ ကြည့်လျှင် လည်း ထိုသို့လာဘ်ပေးလာဘ်ယူ မှုများ ကင်းစင်ရန် အစိုးရဘက်မှ ဝန်ထမ်းများနှင့် သူတို့၏ မိသားစု များအတွက် စားဝတ်နေရေး အတွက်သာမက လူတန်းစေ့နေ နိုင်ရေးနှင့် သားသမီးများ ပညာ ရေးနှင့် အခြား အခြေခံလိုအပ် ချက်များအတွက် အာမခံချက်များ ပေးရန် လိုအပ်သည်။

ခေါင်းဆောင်မှုနှင့် အုပ်ချုပ်မှု
အင်န်အယ်လ်ဒီအစိုးရမှ ခန့်အပ်လိုက်သည့် ဝန်ကြီးချုပ်၊ ဝန်ကြီးနှင့် အခြားအစိုးရထိပ်ပိုင်း အရာရှိများသည် မြန်မာပြည်ဒီမို ကရေစီခရီးတွင် နှစ်ပေါင်းဆယ်စု နှစ်များစွာ ခေါင်းဆောင်လှုပ်ရှားခဲ့ ၍ ထောင်သွင်းအကျဉ်းကျကာ ဖိ နှိပ်မှုများ ခံခဲ့ရသူများဖြစ်သည်။ အင်န်အယ်လ်ဒီ၏ ရင်ကြားစေ့မှု အရ လက်တုံ့ပြန်ခြင်းများမပြုဘဲ ဖိနှိပ်ခဲ့သူများအပေါ် သဘောထားကြီးကြီး ဆက်ဆံနိုင်ကြသည်။ သို့သော် အစိုးရအတွက် အဓိကစိန်ခေါ်နေသော အချက်သည် ဆယ်စုနှစ်နှင့်ချီ၍ အဖိနှိပ်ခံ၊ ချုပ်နှောင်ခံခဲ့ရပြီး ပညာသင်ကြားခွင့်များ ဆုံးရှုံးခဲ့ရသဖြင့်တိုင်းပြည်ကို နဖူးတွေ့၊ ဒူးတွေ့ အုပ်ချုပ်လာရသည့်အခါ စီမံခန့်ခွဲမှုအပိုင်းများ အားနည်းနေကြသည်ကို တွေ့ရသည်။ ထို့ကြောင့် အင်န်အယ်လ်ဒီအစိုးရတက်ပြီး တစ်နှစ်တာ ကာလအတွင်း သိသာထင်ရှားသော တိုးတက်မှုများကို မမြင်တွေ့ရ၍ ပြည်သူများ အားမလိုအားမရဖြစ်လာသည်ကို တွေ့မြင်ရသည်။

မွန်းမတည့်ခင် နေမဝင်ပါစေနှင့်
၁၉၈၈ မှစတင်ခဲ့သော ဒီမို ကရေစီခရီးသည် ယခုမှအစသာ ရှိသေးသည်။ ကျောင်းသားများ၊ အလုပ်သမားများနှင့် ပြည်သူများ စွာ၏ သွေးနှင့်စတင်ရေးကာ ဒီမို ကရေစီအရေး လှုပ်ရှားသူများ၏ ဘဝအပျက်ခံ နှစ်ပေါင်းများစွာ အချုပ်အနှောင်ခံကာ စတေးခဲ့ရ သော ဤခရီးလမ်းသည် အခက် အခဲပေါင်းများစွာကြားမှ လမ်း ကြောင်းပေါ်သို့ စတင်ရောက်ရှိရုံ သာ ရှိသေးသည်။ ထိုအချိန်တွင် လတ်တလော အခက်အခဲနှင့် အဆင်မပြေမှုများဖြစ်သည့် မီး မလာခြင်း၊ သွားရေးလာရေး အခက်အခဲဖြစ်ခြင်း၊ ကုန်ဈေးနှုန်း ကြီးမြင့်ခြင်းတို့ကြောင့် ပြည်သူ များ၊ အားမလိုအားမရဖြစ်ခြင်း၊ အစိုးရကို ကရုဏာဒေါသထွက် ခြင်းများ ရှိကြမည်ဖြစ်သော်လည်း ယုံကြည်ချက်ခိုင်မာပြီး စေတနာ မှန်သော ပြည်သူ့အစိုးရအပေါ် အချိန်ပေးရန်လိုပါသည်။ စီမံခန့်ခွဲမှုနားလည်တတ်ကျွမ်းသူ နည်း သည့်အပြင် ယခင်အစိုးရအဆက် ဆက်ထားခဲ့သော ဆိုးမွေများကို ကိုင်တွယ်ဖြေရှင်းနေရချိန်ဖြစ်၍ ပြည်သူများ စိတ်ရှည်ပေးရန်နှင့် ပြုပြင်ပြောင်းလဲရေး လုပ်ငန်းစဉ် တွင် ပူးပေါင်းပါဝင်ကြရန် လို သည်။

အလားတူ အစိုးရကလည်း ပြည်သူများ၏ မျှော်လင့်ချက်နှင့် အခက်အခဲများကို သိရှိပြီး ဖြည့်ဆည်းပေးရန်မှာ လေးနှစ် ခန့်သာ အချိန်ရှိသည်ကို သတိရ ဆင်ခြင်၍ ပြည်သူအများစုနှင့် သက်ဆိုင်သော စီးပွားရေး၊ ငြိမ်း ချမ်းရေး၊ တရားဥပဒေစိုးမိုးရေး၊ လူမှုရေး၊ လူမှုရေးစသောကဏ္ဍတို့တွင် ရလဒ်ကောင်းများရအောင် အရှိန်မြှင့်ကြိုးစား ရန်လိုပါသည်။ ထို့အတွက် အစိုးရအဖွဲ့တွင် စီမံခန့်ခွဲမှုအားနည်းသူ၊လုပ်ငန်းမကျွမ်းကျင်သူများဖြင့် ခရီးဆက်လျှင် နှောင့်နှေးနိုင်သဖြင့် ပညာရှင်အဖွဲ့များဖွဲ့စည်း၍ အကြံဉာဏ်ကောင်းများရရန် စီမံရန်လိုသလို အချို့ကို သင့်တော်သူများနှင့် အစားထိုးရန်လည်း မဖြစ်မနေလိုအပ်ပါသည်။

(ဖော်ပြပါ ဆောင်းပါးသည် စာရေးသူ၏ အာဘော်သာဖြစ်ပါသည်)