အယ်ဒီတာ့ အာဘော်

ပြည်ပရောက်အိမ်အကူလုပ်သားများကို ကာကွယ်ပေးပါ

အသက်(၁၇)နှစ်အရွယ် မြန်မာအိမ်အကူ မဇင်မာဦးတစ် ယောက် ဇွန်လ ၁၂ ရက် ညနေတွင် စင်ကာပူနိုင်ငံရှိ အင်တာလေ့စ်ကွန်ဒို၏ ၁၈ ထပ်မှ ခုန်ချ၍ သတ်သေ သွားခဲ့ခြင်းက မြန်မာနိုင်ငံနှင့် ပြည်ပရောက် မြန်မာလုပ်သားများကြား ဂယက်ကြီးစွာ ရိုက်ခတ်သွားစေခဲ့သည်။ ပြည်ပနိုင်ငံများတွင် အိမ် အကူအဖြစ် လုပ်ကိုင်အသက်မွေးဝမ်းကျောင်း ပြုနေရသူ အများစု၏ ဖိစီးမှုများကို ထိုဖြစ်ရပ်က လှစ်ဟပြလိုက်ခြင်းဖြစ်ပြီး ပြည်ပရောက် အိမ်အကူလုပ်သားများအပေါ် လျစ်လျူရှုထားသော အစိုးရ၏ မူဝါဒ အပေါ် မေးခွန်းထုတ်စရာများဖြစ်စေခဲ့သည်။

ဇင်မာဦးသည် ရခိုင်ပြည်နယ် မြောက်ဦးမြို့နယ် ဂူတစ်လုံးကျေး ရွာအုပ်စုဇာတိဖြစ်ပြီး ကိုးတန်းအထိပညာသင်ကြားခဲ့ဖူးသည်။ စင်ကာပူတွင် အိမ်အကူအဖြစ် လွန်ခဲ့သည့်တစ်နှစ်ကမှ သွားရောက် လုပ်ကိုင်ခဲ့သူဖြစ်သည်။ စင်ကာပူတွင် လစာတစ်လကျပ် လေးသိန်း ရသည်ဟုဆိုသော်လည်း အိမ်ကို ငွေကြေး မထောက်ပံ့နိုင်ခဲ့သေးဟု သူ၏ဦးလေးဖြစ်သူ ကိုသာထွန်းအောင်က 7 Day သို့ ပြောထားသည်။ နံနက်စာကို တစ်ခါတစ်ရံ ၁၀ နာရီခွဲ၊ ၁၁ နာရီခွဲမှစားရပြီး နေ့ လယ်စာကို အစောဆုံး မွန်းလွဲ ၁ နာရီ၊ နောက်ကျလျှင် ညနေ ၅ နာရီခွဲမှစားရလေ့ရှိကာ အချို့နေ့များတွင် နေ့လယ်စာအတွက် ပေါင် မုန့်နှစ်ချက်နှင့်ရေသာတိုက်ကြောင်း ဇင်မာဦးက သူ၏သူငယ်ချင်း ဖြစ်သူ အိမ်နီးချင်းအင်ဒိုနီးရှား အိမ်အကူမိန်းကလေးထံပေးသောစာ တွင် ရေးထားသည်။ ညစာမှာလည်း စောလျှင် ည ၈ နာရီ၊ နောက်ကျ လျှင် ၁၁ နာရီခွဲမှ စားရသည်ဟု စာတွင်ရေးသားထားသည်။

စင်ကာပူသို့ ပွဲစားဖြင့်ချိတ်ဆက်၍ သွားခဲ့သော ဇင်မာအောင်တစ် ယောက်ကိုယ့်ကိုယ်ကိုယ် သတ်သေလောက်အောင် ဖိစီးမှုများမည်မျှ များပြားလှကြောင်း မခန့်မှန်းနိုင်ပေ။ သူကဲ့သို့ အခက်တွေ့နေသော ပြည်ပနိုင်ငံများတွင် အိမ်အကူလုပ်ကိုင်နေသူများလည်း ရှိနိုင်ပါသေး သည်။ စင်ကာပူ နိုင်ငံမှာပင် မြန်မာအိမ်အကူ လေးသောင်းဝန်းကျင်ရှိ ပြီး၊ ဟောင်ကောင်၊ ထိုင်းစသော နိုင်ငံများတွင်လည်း မြန်မာအိမ်အကူ လုပ်သားများရှိသည်။

ပြဿနာမှာ ပြည်ပနိုင်ငံများတွင် အိမ်အကူလုပ်ကိုင်နေသော မြန်မာအမျိုးသမီးဦးရေ သောင်းနှင့်ချီရှိသော်လည်း အစိုးရက တရားဝင် ခွင့်ပြုမထားသဖြင့် တရားမ၀င် သွားရောက်လုပ်ကိုင် နေကြခြင်းဖြစ်၏။ ၂၀၁၃ တွင် စင်ကာပူနှင့် ဟောင်ကောင်သို့ အိမ်အကူ လုပ်သားများ တရားဝင်စေလွှတ်ခွင့်ပြုခဲ့သည်။ အိမ်အကူလုပ်ကိုင်ခြင်းမှာ အခြားနိုင်ငံ သို့သွားရောက် ကျွန်ခံခြင်းဖြစ်သည်ဟု အမြင်များဖြင့် ဝေဖန်မှုများ ကြောင့် ခွင့်ပြုပြီး တစ်နှစ်ခန့်အကြာ ၂၀၁၄ မှာပင် အစိုးရက ရပ်ဆိုင်း ခဲ့သည်။ သို့သော်လည်း အိမ်အကူလုပ်သားအဖြစ်သွားရောက်မှုမှာ ရပ်တန့်မသွားပါ။ တရားမ၀င်သွားရောက်မှုပိုများလာခဲ့သည်။ ထို့ ကြောင့် ပြည်ပရောက်အိမ်အကူလုပ်သားများမှာ အခက်အခဲမျိုးစုံကြုံ နေလျှင်ပင် တရားမ၀င်သွားရောက်ထားသူများဖြစ်နေ၍ အစိုးရထံ အကူအညီ မတောင်းခံရဲပေ။ 

တိုင်းပြည်ဆင်းရဲပြီး ပညာရေးဆုံးခန်းမတိုင်မီ မိသားစုတာဝန် ယူရန် စာသင်ကျောင်းကို ကျောခိုင်းခဲ့ရသူများခြင်း၊ ပြည်တွင်း၌ အလုပ် အကိုင်အခွင့်အလမ်းနည်းပါးခြင်း၊ ဆယ်စုနှစ်များစွာ ဖျက်ဆီးခဲ့သော ပညာရေးစနစ်ကြောင့် ပြည်ပသို့ သွားရောက်လုပ်ကိုင်သူများတွင် ဉာဏ အလုပ်သမားများထက် ကာယအလုပ်သမားပိုမိုများပြားခြင်း စသည်တို့ကြောင့် မိသားစုစားဝတ်နေရေးအတွက် ပင်လယ်ရပ်ခြား နိုင်ငံများသို့ သမာအာဇီဝကျစွာဖြင့် ရရာအလုပ်သွားရောက်လုပ်ကိုင် နေသူများကို ကျွန်ခံသည်ဆိုသောအမြင်မျိုးမှာ ယနေ့ကာလတွင် မရှိသင့်တော့ပေ။ ကမ္ဘာတစ်ဝန်းတွင် အိမ်အကူလုပ်သား သန်း ၆၇ ကျော်ရှိပြီး ၎င်းတို့၏ ပင်လယ်ရပ်ခြားမှ အမိနိုင်ငံသို့ ပြန်ပို့ငွေများမှာ သက်ဆိုင်ရာနိုင်ငံများ၏ စီးပွားရေးအတွက်ရော၊ ၎င်းတို့၏ မိသားစု အတွက်ပါ အရေးပါသည်။ တရားဝင်ခွင့်ပြုလိုက်ပါက အစိုးရက အိမ်အကူလုပ်သားများ၏ အခက်အခဲများကို အကာအကွယ်ပေးနိုင် သလို ၎င်းတို့၏ ပြန်ပို့ငွေများမှာလည်း တရားဝင် ၀င်ငွေဖြစ်သည့်အ တွက် နိုင်ငံတော်အတွက်လည်း အခွန်အကောက်ရသည်။ ဖိလစ်ပိုင်၊ အင်ဒိုနီးရှားစသော မြန်မာနိုင်ငံထက် ပိုချမ်းသာသော နိုင်ငံများတွင် လည်း အဆိုပါနည်းလမ်းပင် ကျင့်သုံးကြသည်။

ပြည်တွင်း၌ပင် အိမ်အကူလုပ်သားများကို လုပ်ခလစာခေါင်းပုံ ဖြတ်ပြီး နှိပ်စက်ညှဉ်းပန်းမှုများ မကြာခဏဖြစ်ပေါ်နေချိန်တွင် ပြည်ပ နိုင်ငံများသို့ အိမ်အကူလုပ်သားစေလွှတ်ခွင့်ကို အစိုးရက ဥပဒေများ၊ လုပ်ထုံးလုပ်နည်းများ စနစ်တကျပြဋ္ဌာန်းချမှတ်၍ ခွင့်ပြုသင့်ပါသည်။ သို့သော် ပြည်ပသို့ မစေလွှတ်ခင် ဘာသာစကားယဉ်ကျေးမှုနှင့် လုပ် ငန်းခွင်ဆိုင် ရာအတတ်ပညာနှင့် ဗဟုသုတအတွက် သင်တန်းများ ပေးပြီးမှ စနစ်တကျစေလွှတ်ရမည်ဖြစ်သည်။ လုပ်ငန်းခွင်ဝင်နေချိန် တွင်လည်း အခက်အခဲများရှိခဲ့လျှင် အစိုးရက အပြည့်အ၀ ကာကွယ် ပေးရမည်ဖြစ်သည်။ သို့မှသာ ပြည်ပရောက် အိမ်အကူအလုပ်သမား များအတွက် အစိုးရက အမှန်တကယ် ကာကွယ်ပေးခြင်းဖြစ်ပေမည်။

More in News Section

Top News