တောင်ကြီး စူဠာမုနိဘုရားတွင် ရေစစ်ကန်များ ပြုလုပ်မည်

 တောင်ကြီးမြို့ စူဠာ မုနိဘုရားတွင် ရေဆိုးများကို ပြန် လည်အသုံးပြုနိုင်မည့် ရေစစ်ကန် များ ပြုလုပ်မည်ဟု စူဠာမုနိဘုရား ဂေါပကအဖွဲ့ဝင် ဒေါ်ချယ်ရီကျော်က ပြောသည်။

စူဠာမုနိဘုရားခြေရင်းရှိ ဈေးဆိုင်ခန်းများမှ ထွက်ရှိသည့် ရေ ဆိုးများ၊ ခေါင်မိုးတံစက်မြိတ်များ မှ ထွက်ရှိသည့် ရေများကို ပြန် လည်အသုံးပြုနိုင်ရန် စီစဉ်နေခြင်း ဖြစ်ကာ ဇွန်လ ၁၅ ရက်က စတင် ကွင်းဆင်းစစ်ဆေးထားပြီးဖြစ် သည်ဟု ဒေါ်ချယ်ရီကျော်က ပြောသည်။

‘‘တောင်ကြီးမြို့မှာက မြေ အောက်ရေတွေနည်းပါးလာပြီး အိမ်တွေတိုင်းကလည်း အင်္ဂတေ တွေ အပြည့်ခင်းထားတဲ့အတွက် မြေအောက်ရေပြန်မဝင်နိုင်တော့ ဘူး။ အန်တီတို့အနေနဲ့က သန့်စင် တဲ့ မြေအောက်ရေတွေ ပြန်ရဖို့အ တွက် ရေကျွမ်းကျင်ပညာရှင်နဲ့ တိုင်ပင်ပြီး အခုလိုလုပ်ဆောင်ဖို့ စီစဉ်နေတာဖြစ်တယ်’’ ဟု ဒေါ်ချယ်ရီကျော်က ပြောသည်။

ရေဆိုးများ ပြန်လည်သန့်စင် နိုင်ရန် ကျင်းများတူးခြင်း၊ မြောင်းများဖော်ခြင်းကို စတင်လုပ်ဆောင်နေပြီဟု စူဠာမုနိဘုရား ဂေါပကအ ဖွဲ့မှ သိရသည်။ ရေဆိုးများသန့် စင်အသုံးပြုနိုင်ရန် စူဠာမုနိဘုရား တွင် ရေစစ်ကန်အကြီး၊ ရေစစ် ကန်အသေးများ ထားရှိမည်ဖြစ် ပြီး နည်းပညာအကူအညီဖြင့် ရေ ဆိုးများ အဆင့်ဆင့်ဖြတ်သန်းမည် ဖြစ်ကာ ယင်းမှတစ်ဆင့် သန့်စင် သည့် မြေအောက်ရေများ ပြန် လည်အသုံးပြုနိုင်ရန် စီစဉ်မည်ဟု သိရသည်။

ရေဆိုးရေညစ်များကို ပြန် လည်သန့်စင်အသုံးပြုခြင်းဖြင့် စူဠာမုနိဘုရားကုန်းပေါ်မှ ရေဆိုး များ မြို့တွင်းလမ်းပေါ်သို့ စီးဆင်း ခြင်း ကင်းဝေးမည်ဖြစ်ပြီး သန့်စင် သည့် မြေအောက်ရေရရှိမည် ဖြစ်သည်။

More in News Section

Top News