သူနာပြုနှင့်သားဖွားဆရာမများ၏ စားစရိတ်နှင့် ဝတ်စုံစရိတ် တစ်လ ၃၅ ကျပ်အစား ကျပ်လေးသောင်းတိုးပေး

လွန်ခဲ့သောနှစ် ၃၀ ကတည်းက သတ်မှတ်ခဲ့သည့်သူ နာပြုနှင့်သားဖွားဆရာမများ၏ စားစရိတ်နှင့် ဝတ်စုံစရိတ်အဖြစ် တစ်လလျှင် ၃၅ ကျပ်ပေးခဲ့ခြင်းကို စားစရိတ်တစ်လလျှင် နှစ်သောင်း ကျပ်နှင့်ဝတ်စုံစရိတ်ကို တစ်နှစ် လျှင် နှစ်သောင်းကျပ်အဖြစ် ပြောင်းလဲသတ်မှတ်ရန်ပြည် ထောင်စုအစိုးရက ဇွန်လ ၂၂ ရက်တွင်ခွင့်ပြုကြောင်း ကျန်းမာရေးနှင့် အားကစားဝန်ကြီးဌာန ပြည်ထောင်စုဝန်ကြီး ဒေါက်တာမြင့်ထွေးက ပြောသည်။

မကွေးတိုင်းဒေသကြီးမဲဆန္ဒ နယ်အမှတ်(၁၀)မှ အမျိုးသား လွှတ်တော်ကိုယ်စားလှယ်ဒေါက် တာကျော်ငွေက သူနာပြုသား ဖွားဝန်ထမ်းများ၏ စားစရိတ်နှင့် ဝတ်စုံစရိတ်ပေါင်း ၃၅ ကျပ်ကို ခေတ်နှင့်လျော်ညီအောင် ပြင်ဆင် ပေးရန် အစီအစဉ်ရှိ၊မရှိကို ဇွန်လ ၂၃ ရက်က ကျင်းပသည့် အမျိုး သားလွှတ်တော်အစည်းအဝေး တွင်မေးမြန်းခြင်းဖြစ်သည်။

လက်ရှိအခြေအနေများအရ သူနာပြုများ၏စားစရိတ်နှင့်ဝတ် စုံစရိတ်များကို ပြင်ဆင်ပေးရန်လို အပ်၍ ၂၀၁၇ နှစ်ဦးတွင် ကျန်းမာ ရေးဝန်ကြီးဌာနအနေဖြင့် စီမံကိန်းနှင့် ဘဏ္ဍာရေးဝန်ကြီးဌာနနှင့် ညှိ နှုိုင်းကာ ယခုကဲ့သို့ တိုးပေးရန် ပြည်ထောင်စုအစိုးရအဖွဲ့သို့တင် ပြခဲ့ကြောင်း ဝန်ကြီးက ပြောကြားသည်။

‘‘ကျန်းမာရေးနဲ့အားကစား ဝန်ကြီးဌာနက ဧပြီ ၂၆ ၂၀၁၇ ရက်စွဲနဲ့ နိုင်ငံတော်အတိုင်ပင်ခံဥက္ကဋ္ဌ အဖြစ် ဆောင်ရွက်နေတဲ့စီးပွား ရေးရာကော်မတီသို့တင်ပြခဲ့ပြီး ၂၂ ရက်နေ့မနေ့ကပေါ့။ ပြည် ထောင် စုအစိုးရအဖွဲ့မှာ တင်ပြပြီး ဖြစ်ပါတယ်။ ပြည်ထောင်စုအ စိုးရအဖွဲ့ရဲ့ အတည်ပြုချက်ရပြီး ပါကမကြာမီ ခွင့်ပြုမိန့်ကိုရမှာပါ။ ကျွန်တော်ကတော့ အဖြူ၊အမည်း စာရွက် မထွက်သေးတော့မပြော ပါဘူး။ အမှန်ကတော့ မနေ့က က တည်းက အတည်ပြုချက်ရပြီးပါ ပြီ။ ပြည်ထောင်စုအစိုးရအဖွဲ့ကသဘောတူပါပြီ။ မကြာမီရက်ပိုင်း အတွင်းမှာ အမိန့်ထွက်လာပြီး စတင်ခံစားရမှာပါ’’ ဟုဒေါက်တာ မြင့်ထွေးကပြောသည်။

တစ်နိုင်ငံလုံးတွင် သားဖွား ဆရာမများအပါအဝင်သူနာပြု ၃၈,၄၇၀ ဦးရှိရာ ၎င်းတို့အတွက် အစိုးရကတစ်လလျှင် စားစရိတ် ကျပ် ၇၈၆ ဒသမ ၁၆၉ သန်းခန့် အသုံးပြုမည်ဖြစ်ပြီး ဝတ်စုံစရိတ်အတွက် တစ်နှစ်စာကျပ် ၇၈၀ ဒသမ ၃၇ သိန်းအသုံးပြု၍ ပံ့ပိုးမည်ဟုဒေါက်တာမြင့်ထွေးက ဆိုသည်။

ကျန်းမာရေးနှင့်အားကစား ဝန်ကြီးဌာနရှိ ကျန်းမာရေးဝန် ထမ်းများအနက် သူနာပြုနှင့် သား ဖွားဝန်ထမ်းများသည် အရေအ တွက်အများဆုံးဖြစ်ကြောင်း၊ ၎င်း တို့အတွက် စရိတ်ငွေကို ၂၈,၀၀၀ ကျပ် (သို့မဟုတ်) ၃၀,၀၀၀ ကျပ် အထိ ပေးသင့်နေကြောင်း မေးခွန်း မေးမြန်းသည့် ဒေါက်တာကျော် ငွေက အကြံပြုပြောကြားသည်။

နေပြည်တော်နှင့်ရန်ကုန်ရှိ ပြင်ပသူနာပြုများ၏ လစာသည် ၃၂၀,၀၀၀ ကျပ်မှ ၅၀၀,၀၀၀ အ ထိရှိသည်ဟု ကြားသိရကြောင်း၊ခွဲစိတ်ခန်းတွင် ဝင်ကူပေးနိုင်သည့် ဆရာမများဆိုပါက ဘောက်ဆူးရ ငွေများ အပါအဝင်လစဉ်ကျပ်  ၁၀ သိန်းခန့်ရရှိသည်ဟု သိရကြောင်း ၎င်းကဆိုသည်။

‘‘အဲဒီဝတ်စုံ(သူနာပြုဆရာမ များ၏ ဝတ်စုံ) တွေကိုချုပ်ဖို့ရာ သာမန်ပိတ်စနဲ့ချုပ်ရင်တောင် ကျပ်နှစ်သောင်းနဲ့အထက် ကုန် တယ်လို့ဆိုပါတယ်။ သူတို့တစ် 

တွေရဲ့လစာကို လေ့လာကြည့် တော့ လွန်ခဲ့သောနှစ်သုံးဆယ် ကျော် ၁၉၈၆ ခုနှစ်လောက်က ထဘီအနီဝတ် သူနာပြုတွေရဲ့ လစာက ၂၁၀-၁၅-၃၃၀ စကေး ရှိခဲ့ပါတယ်။ အခုအခါမှာ အဲဒီ စကေးက ၁၆၅,၀၀၀-၂၀၀၀- ၁၇၅,၀၀၀ ဖြစ်ပါတယ်’’ဟု ဒေါက် တာကျော်ငွေကဆွေးနွေးခဲ့သည်။

ဌာနကလစာတိုးပေးထား သော်လည်း လက်တွေ့တွင် လောက်ငမှုမရှိ၍ လုပ်ငန်းခွင်မှ အပြင်ထွက်ဝင်ငွေရှာခြင်းများ၊ စိတ်ဖိစီးပြီးလုပ်ငန်းခွင် ဆက်ဆံ ရေးမပြေပြစ်ခြင်းများနှင့် စိတ် ဓာတ်ကျပြီးအလုပ်မှ အပြီးနုတ် ထွက်ခြင်းစသည့် ဆိုးကျိုးများသူ နာပြုလောက၌ ဖြစ်ပေါ်နေသည် ဟု ကြားသိရကြောင်း ၎င်းကပြော သည်။

More in News Section