ရန်ကုန်တက္ကသိုလ် ဘွဲ့ကြို ပထမနှစ်သင်တန်းမှာ အထူးပြုဘာသာ သုံးခုထပ်တိုး

Wed, 2017-08-16 15:14 -- zaythu

လာမယ့် ဒီဇင်ဘာလမှာ ဖွင့်လှစ်မယ့် ရန်ကုန်တက္ကသိုလ် ဘွဲ့ကြို ပထမနှစ်သင်တန်း တွေမှာ အထူး ပြု ဘာသာရပ် အသစ်သုံးခုကို ထပ်တိုးလိုက်ပြီလို့ သတင်းရရှိပါတယ်။
 
အသစ်တိုးတဲ့ ဘာသာရပ်တွေအတွက် အရည်အချင်းသတ်မှတ်ချက်တွေကတော့  ဇီဝဓာတုဗေဒဘာသာရပ် အတွက် တက္ကသိုလ်ဝင် စာမေးပွဲမှာ  ဓာတုဗေဒရမှတ် ၉၀၊ အဏုဇီဝဗေဒ ဘာသာရပ် အတွက် ဇီဝဗေဒရမှတ် ၉၀နဲ့  Environmental Studies ဘာသာရပ် အတွက် အင်္ဂလိပ်စာရမှတ် ၇၅ မှတ် ရရှိရမှာဖြစ်ပြီး စုစုပေါင်းရမှတ်ကတော့ အမှတ်ပေါင်း ၄၉၀ ရှိရမှာဖြစ်ပါတယ်။
 
တက်ရောက်ခွင့်ရသူနှစ်ထောင် ၀န်းကျင်ထဲမှာမှ  အထူးပြု ဘာသာရပ်တစ်ခုစီတိုင်းမှာ  အရည်အချင်းသတ်မှတ်ချက်တွေနဲ့ ကိုက်ညီပါက ဝိဇ္ဇာချွန်ဆုနဲ့ သိပ္ပံချွန်ဆုတွေအဖြစ် တစ်လကို ငွေကျပ်တစ်သိန်းနှုန်းနဲ့ ဘွဲ့ရတဲ့အထိ  ချီးမြှင့်ထောက်ပံ့ပေးမှာ ဖြစ်တယ်လို့သိရပါတယ်။
 
ဝိဇ္ဇာချွန်ဆုနဲ့ သိပ္ပံချွန်ဆုတွေကို ၂၀၁၄ခုနှစ်က စပေးခဲ့တာဖြစ်ပြီး ကျောင်းသားကျောင်းသူလေးရာကျော်ကို ချီးမြှင့်ခဲ့ပြီးဖြစ်တယ်လို့ ဦးအောင်စိုးကပြောပါတယ်။ ရန်ကုန်တက္ကသိုလ်မှာ ဘွဲ့ကြိုလေးနှစ် သင်တန်းတွေကို ၂၀၁၃-၂၀၁၄ ပညာသင်နှစ်က စတင်ဖွင့်လှစ်ခဲ့ပြီး  လက်ရှိအချိန်ထိ ဘွဲ့ကြိုကျောင်းသား၊ ကျောင်းသူပေါင်း သုံးထောင် ကျော် တက်ရောက်နေတယ်လို့ သိရပါတယ်။

ရုပ်သံသတင်းထောက် - လွင်သဲငယ်ဦး 

Wednesday, August 16, 2017