ရန်ကုန်က ရှေးဟောင်းအဆောက်အဦးတွေ ထိန်းသိမ်းဖို့ အကြံပြုချက်တွေ YHT တင်ပြရမယ်

Thu, 2017-10-12 18:01 -- zaythu

ရန်ကုန်မြို့လယ်က ရှေးဟောင်းအဆောက်အဦးတွေ စာရင်းကောက်ခံဖို့ အပါအဝင် ကဏ္ဍခြောက်ခုအပေါ် အကြံပြုချက်တွေ တင်ပြဖို့ ရှေးဟောင်းအမွေအနှစ် ထိန်းသိမ်းရေးအဖွဲ့အစည်းတွေကို တင်ဒါခေါ်ယူခဲ့ပါတယ်။ ကုလသမ္မဂအတွင်းရေးမှုးချုပ်ဟောင်း ဦးသန့်ရဲ့ မြေး ဒေါက်တာ သန့်မြင့်ဦး တည်ထောင်ထားတဲ့ ရန်ကုန်မြို့ပြ အမွေအနှစ် ထိန်းသိမ်းစောင့်ရှောက်ရေးအဖွဲ့ (့YHT) က တင်ဒါရရှိခဲ့တာပါ။

အီတလီနိုင်ငံရဲ့ အကူအညီနဲ့ ရန်ကုန်မြို့တွင်းက ရှေးဟောင်းအဆောက်အဦးတွေကို ပြုပြင်ထိန်းသိမ်းဖို့ တင်ဒါအောင်မြင်တဲ့ YHT အဖွဲ့က လိုအပ်တဲ့ သုတေသနနဲ့ အကြံပြုချက်တွေ ပေးရမှာ ဖြစ်ပါတယ်။ 

အဲ့ဒီပရောဂျက်ဟာ စက်တင်ဘာလမှာ စတင်လုပ်ဆောင်ရမှာ ဖြစ်ပြီး တနှစ်စာ ပရောဂျက် ဖြစ်ပါတယ်။  YHT အဖွဲ့ လုပ်ငန်းဆောင်ရွက်နိုင်ဖို့ အီတလီ အစိုးရက ထောက်ပံ့ကြေး ယူရို ၁ သိန်း ရှစ်သောင်း ခန့်အထိ ထောက်ပံ့မှာ ဖြစ်တယ်လို့ ဦးကြံတိုင်းအောင်ရဲ့ ပြောကြားချက် အရ သိရပါတယ်။ 

ရုပ်သံ သတင်းထောက်- အလှလေး သူဇာ

Thursday, October 12, 2017

Top News