ဗိုလ်ချုပ်ရုပ်ထုကို ပုံစံ ငါးမျိုးလောက် နိုင်ငံတော်က လုပ်သင့်တယ်လို့ သီတဂူဆရာတော်မိန့်ကြား

Wed, 2017-11-15 11:01 -- zaythu
ဗိုလ်ချုပ်အောင်ဆန်း ရုပ်ထုတွေကို ပုံစံငါးခုလောက်နဲ့ နိုင်ငံတော်ကလုပ်သင့်တယ်လို့ သီတဂူ ဆရာတော် ဒေါက်တာအရှင်ဥာဏိဿရကတိုက်တွန်းလိုက်ပါတယ်။ဒီကနေ့ နိုဝင်ဘာ၅ရက် ရန်ကုန်မြို့၊ ဒဂုံမြို့သစ်မြောက်ပိုင်းမြို့နယ်မှာ ပြုလုပ်တဲ့ ဗိုလ်ချုပ်အောင်ဆန်းကြေးရုပ်ထု ပန္နတင် အခမ်းအနားမှာ မိန့်ကြားလိုက်တာပါ။
 
အဲဒီလိုတိုက်တွန်းရတာက မြန်မာပြည်မှာရှိနေတဲ့ ဗိုလ်ချုပ်အောင်ဆန်းရဲ့ ရုပ်ထုတွေက စစ်ဝတ်စုံနဲ့ ထုတာ သိပ်များနေတာကြောင့်ဖြစ်တယ်လို့လည်း သီတဂူဆရာတော်ကြီးက မိန့်ကြားပါတယ်။ဒဂုံမြို့သစ်မြောက်ပိုင်းမှာ ထားရှိမယ့် ဗိုလ်ချုပ်ကြေးရုပ်က ကြေးပိသာချိန်သုံးရာရှိပြီး အမြင့်ကိုးပေရှိတယ်လို့သိရပါတယ်။
 
အမျိုးသားခေါင်းဆောင်ကြီးဗိုလ်ချုပ်အောင်ဆန်းကတစ်မျိုးသားလုံးနဲ့ဆိုင်သလိုကျွန်တော်တို့ဒဂုံမြို့သစ်မြောက်ပိုင်းမြို့နယ်ပြည်သူအားလုံးနဲ့လည်းဆိုင်တဲ့အတွက်ကြောင့်အားလုံးစုပေါင်းပြီးလူထုလူတန်းစားအသီးသီးကျောင်းသား၊အလုပ်သမား၊အဖွဲ့အစည်းအသီးသီးစုပေါင်းပြီးတော့ဒီရုပ်ထုကိုပြုလုပ်ခြင်းဖြစ်ပါတယ်။
 
အဲဒီ့ရုပ်ထုကို ဘေလီတံတားအဆင်း သီတဂူကမ္ဘာ့ဗုဒ္ဓတက္ကသိုလ်ရှေ့မှာ ထားရှိမှာဖြစ်ပြီး လာမယ့် ၂၀၁၈ဖေဖော်ဝါရီလ၁၃ရက်နေ့ ဗိုလ်ချုပ်မွေးနေ့မှာ ဖွင့်လှစ်သွားမှာဖြစ်ပါတယ်။
 
ရုပ်သံသတင်းထောက် အိမ့်မြတ်နိုးဇော်
Wednesday, November 15, 2017

Top News