ရခိုင်မှာ လူသားချင်းစာနာထောက်ထားမှု အစီအစဉ်တွေမှာပါဝင်ဖို့စေတနာ့ဝန်ထမ်းတွေခေါ်နေ

Wed, 2017-11-15 11:06 -- zaythu
ရခိုင်ပြည်နယ်မှာ လူသားချင်းစာနာထောက်ထားမှု အစီအစဉ်တွေ ဆောင်ရွက်ဖို့ အတွက် စေတနာ့ ဝန်ထမ်းလူငယ်တွေကို ဒီကနေ့မှာခေါ်ယူလိုက်ပါတယ်။
 
အဲဒီလို စေတနာ့ဝန်ထမ်းလူငယ်တွေကိုခေါ်ယူတာကို ရခိုင်ပြည်နယ်အတွင်း လူသားချင်း စာနာမှုအကူအညီ အထောက်အပံ့ပေးရေး၊ ပြန်လည်နေရာချထာရေး၊ ဖွံ့ဖြိုးရေးစီမံကိန်း (UEHRD)ကော်မတီရဲ့ Youth Volunteers Program ဖေ့ဘွတ်ခ်စာမျက်နှာကနေ အသိပေးဖော်ပြထားတာပါ။
 
အဲဒီ့အစီအစဉ်ကို အခုလ နိုဝင်ဘာ၉ရက်နေ့မှာ စတင်မှာဖြစ်ပြီး အဲဒီ့အစီအစဉ်မစခင်မှာ စေတနာ့ဝန်ထမ်းလူငယ်တွေကို သင်တန်းပေးသွားမယ်လို့လည်းသိရပါတယ်။
 
လူငယ်အဖွဲ့ သုံး ဖွဲ့ခွဲကာ ဆောင်ရွက်မှာဖြစ်ပြီး ပထမအဖွဲ့အတွက် တော့ စေတနာ့ဝန်ထမ်းလူငယ်တွေ ပြည့်သွားပြီလို့လည်း UEHRD­­­­-Youth Volunteers Program ဖေ့ဘွတ်ခ်စာမျက်နှာမှာ ဖော်ပြထားပါတယ်။
 
နောက်ထပ်စာရင်းပေးသွင်းလိုတဲ့ လူငယ်တွေအနေနဲ့ UEHRD­­­­-Youth Volunteers Program ဖေ့ဘွတ်ခ်စာမျက်နှာ ဝင်ရောက်ကြည့်ရှုဆက်သွယ်နိုင်တယ်လို့သိရပါတယ်။
 
အဲဒီ့အစီစဉ်မှာ ပါဝင်လိုတဲ့လူငယ်တွေရဲ့ အသက်သတ်မှတ်ချက်မှာ အသက်(၁၈)နှစ်ကနေ (၃၅)နှစ်အတွင်းဖြစ်တယ်လို့သိရပါတယ်။
 
စေတနာ့ဝန်ထမ်းလူငယ်တွေအတွက် လုံခြုံရေးကိုလည်းပြည်နယ်အစိုးရနဲ့ ချိတ်ဆက်ဆောင်ရွက်မှာဖြစ်ပြီး သူတို့အတွက် အုပ်ချုပ်ထောက်ပံ့မှုအစီစဉ်တွေလည်း ဆောင်ရွက်ပေးမယ်လို့ ဦးအောင်ကျော်မိုးကဆိုပါတယ်။
 
ပြည်သူ့အတွက်လူငယ့်ရက်(၂၀) ဆောင်ပုဒ်နဲ့ဆောင်ရွက်မှာဖြစ်ပြီး ရက်၂၀ပြည့်တိုင်းအဖွဲ့တွေ လဲလှယ်ကာပြုလုပ်သွားမယ်လို့သိရပါတယ်။
 
ရုပ်သံသတင်းထောက် အိမ့်မြတ်နိုးဇော်
Wednesday, November 15, 2017

Top News