၂၀၂၀ ကျရင် တစ်ရာရာခိုင်နှုန်း အနိုင်ရဖို့ ယုံကြည်ထားတယ်လို့ ပြည်ခိုင်ဖြိုး ပြော

Thu, 2017-11-23 16:49 -- zaythu
လာမယ့် ၂၀၂၀အထွေထွေရွေးကောက်ပွဲမှာ ပြည်ထောင်စုကြံ့ခိုင်ရေးနဲ့ဖွံ့ဖြိုးရေးပါတီအနေနဲ့ တစ်ရာ ရာခိုင်နှုန်း အနိုင်ရဖို့ ယုံကြည်တယ်လို့ ပါတီရဲ့ ဗဟိုအလုပ်အမှုဆောင် ဦးလှသိန်းက ပြောဆိုလိုက်ပါတယ်။ဒီကနေ့ နိုဝင်ဘာ၂၃မှာ ရန်ကုန်မြို့က ပြည်ခိုင်ဖြိုးပါတီရုံးချုပ်မှာ ပြုလုပ်တဲ့ သတင်းစာရှင်းလင်းပွဲမှာပြောလိုက်တာပါ။
 
အားလုံးကရိုးရိုးသားသားနဲ့ဥပဒေအတိုင်းတရားမျှတစွာပါဝင်ယှဉ်ပြိုင်ကြမယ်ဆိုရင်အန်ကယ်တို့ပါတီကတော့ကိုယ့်ကိုယ်ကိုယုံကြည်မှုက၁၀၀ရာခိုင်နှုန်းရှိပါတယ်။အားလုံးအနိုင်ရမယ်လို့ယုံကြည်ပါတယ်။
 
ပြည်ခိုင်ဖြိုးပါတီဟာ ၂၀၁၀ အထွေထွေရွေးကောက်ပွဲမှာအနိုင်ရခဲ့ပေမယ့် အမျိုးသားဒီမိုကရေစီ အဖွဲ့ချုပ် ဝင်ပြိုင်ခဲ့တဲ့ ၂၀၁၂ ကြားဖြတ်ရွေးကောက်ပွဲ ၊ ၂၀၁၅ အထွေထွေရွေးကောက်ပွဲနဲ့ ၂၀၁၇ ကြားဖြတ်ရွေးကောက်ပွဲတို့မှာတော့ နေရာအများစုအနိုင်ရတာ မရှိခဲ့ပါဘူး။
 
ဒါပေမယ့် လက်ရှိ မှာတော့ ပြည်ခိုင်ဖြိုးပါတီအနေနဲ့ပြီးခဲ့တဲ့ ၂၀၁၆ခုနှစ်ကစလို့ ပါတီမူဝါဒအသစ်တွေကိုချမှတ်ဆောင်ရွက်နေပြီးရွာလုံးကျွတ်လိုက်ပါတီဝင်တာတွေရှိလာတယ်လို့ အဲဒီ့သတင်းစာရှင်းလင်းပွဲမှာ ပြောကြားခဲ့ပါတယ်။
 
လာမယ့် ၂၀၁၅ အထွေထွေရွေးကောက်ပွဲမှာ ရာနှုန်းပြည့် အနိုင်ရဖို့ ယုံကြည်တယ်လို့ ပါတီရဲ့ ဗဟိုအလုပ်အမှုဆောင်က ပြောထားပေမယ့် ပါတီရဲ့ ပြောခွင့်ရပုဂ္ဂိုလ် ဒေါက်တာနန္ဒလှမြင့်က တော့ လက်ရှိ အချိန်မှာတော့ ပြည်ထောင်စုရွေးကောက်ပွဲကော်မရှင်ကို အယုံအကြည်မရှိဘူးလို့ ဆိုပါတယ်။
 
ကော်မရှင်ရဲ့နောက်လုပ်ဆောင်မယ့်လုပ်ဆောင်ချက်တွေကတကယ့်ကိုသမာသမတ်ကျကျမှန်မှန်ကန်ကန်မျှမျှတတနဲ့ပါတီတွေနဲ့ပူးပေါင်းပြီးဆောင်ရွက်မယ်ဆိုရင်တော့ကျွန်တော်တို့ကြည့်ရမှာပေါ့။လက်ရှိအခြေနေထိတော့ယုံကြည်မှုမရှိတာတော့အမှန်ပဲ။
 
ဒီကနေ့ပြုလုပ်တဲ့သတင်းစာရှင်းလင်းပွဲမှာ ရပ်ကျေးအုပ်ချုပ်ရေမှူးတွေရွေးချယ်ရာမှာ တစ်ချို့ကိစ္စတွေနဲ့ဥပဒေနဲ့မညီတာတွေ၊ ဘာသာပေါင်းစုံဆုတောင်းပွဲကိစ္စ၊ ပြည်ခိုင်ဖြိုးပါတီကိုရွာလုံးကျွတ်ပါတီဝင်တဲ့ကိစ္စနဲ့ ပြည်ထောင်စုရွေးကောက်ပွဲကော်မရှင်ရဲ့ ဆောင်ရွက်ချက်တွေက တရားမျှတမှုမရှိတာကြောင့် ကန့်ကွက်ကြောင်းစတာတွေကို ရှင်းလင်းခဲ့တာဖြစ်ပါတယ်။
 
ရုပ်သံသတင်းထောက် - အိမ့်မြတ်နိုးဇော်
Thursday, November 23, 2017

Top News