မားစ်ဂြိုဟ်ပေါ်မှာ လူနေထိုင်နိုင်မယ့် ပုံစံကို အစ္စရေး သုတေသီတွေ ပြင်ဆင်လေ့ကျင့်

Mon, 2018-02-19 19:07 -- zaythu

မားစ်ဂြိုဟ်ပေါ်မှာ လူသားတွေ အခြေချ နေထိုင်ဖြစ်ခဲ့ရင် အဆင်အပြေဆုံး နည်းလမ်းတွေကို ရှာဖွေဖို့အတွက် အစ္စရေး သုတေသီ အဖွဲ့တစ်ခုက လက်တွေ့ လေ့ကျင့်နေပါတယ်။
 
အစ္စရေးနိုင်ငံက နီဂျက်ဗ် သဲကန္တာရထဲမှာ ပညာရှင် ခြောက်ဦး ပါဝင်တဲ့ အဖွဲ့က မားစ်ဂြိုဟ်ပေါ်မှာ နေထိုင်မှု ပုံစံနဲ့ ကိုက်ညီအောင် ပြင်ဆင်ပြောင်းလဲပြီး သုတေသန ပြုနေကြတာ ဖြစ်ပါတယ်။
 
ဒီပရောဂျက်ကို အစ္စရေး အစိုးရရဲ့ သိပ္ပံနဲ့ နည်းပညာ ဝန်ကြီးဌာနက ကူညီပံ့ပိုးထားပြီး အနာဂတ်ကာလ မားစ်ဂြိုဟ် ခရီးစဉ်တွေအတွက် ရည်ရွယ် ပြင်ဆင်ထားတာ ဖြစ်ကြောင်း ပြောပါတယ်။ ပညာရှင်တွေက နေစွမ်းအင် ခံယူတဲ့ ဆိုလာပြားတွေ၊ ပြင်းထန်တဲ့ ရာသီဥတုဒဏ် ခံနိုင်တဲ့ အကာအကွယ် စနစ်တွေကို လက်တွေ့ အသုံးချပြီး သဲကန္တာရထဲမှာ စမ်းသပ်နေထိုင်ကြတာ ဖြစ်ပါတယ်။
 
နီဂျက်ဗ် သဲကန္တာရရဲ့ အခြေခံ ပတ်ဝန်းကျင်၊ စိုထိုင်းဆ၊ အောက်ခံမြေသား သွင်ပြင်လက္ခဏာတွေဟာ မားစ်ဂြိုဟ် မျက်နှာပြင်နဲ့ ဆင်တူတဲ့ အချက်အတော်များများ ရှိနေတာကြောင့် နေရာသတ်မှတ် ရွေးချယ်ပြီး သုတေသနပြု လေ့ကျင့်နေတာ ဖြစ်ကြောင်းလည်း သိရပါတယ်။ 

Monday, February 19, 2018

Top News