ဒါရိုက်တာစတီးလ်ပြောပြလာတဲ့ကိုသားကြီးရဲ့ အကြောင်း

Wed, 2018-07-11 20:56 -- Nwe Mon Phyo

ဇူလိုင် -၁၁၊၂၀၁၈

သရုပ်ဆောင်အကယ်ဒမီ ဒွေး ခေါ် ကိုသားကြီးရဲ့ ရှုတင်မန်နေဂျာအဖြစ် ဆယ်စုနှစ်တစ်ခုကြာလုပ်ခဲ့ဖူးတဲ့ ဒါရိုက်တာစတီးလ်က ဒွေးနဲ့ပတ်သက်ပြီး အမှတ်တရတွေများတယ်လို့ ဖွင့်ဟလာပါတယ်။

ဒီနေ့ဟာ ဒွေးကွယ်လွန်တာ ၁၁ နှစ်ပြည့်တဲ့နေ့လည်းဖြစ်ပါတယ်။

ကိုသားကြီးရဲ့ အနုပညာအပေါ်မှာချစ်တဲ့စိတ် ၊ လုပ်ဖော်ကိုင်ဖက် လက်အောက်ငယ်သားတွေအပေါ်မှာ ဖေးမစာနာစိတ်၊ မိသားစုအပေါ်မှာချစ်တဲ့စိတ်တွေဟာ သူများနဲ့မတူဘူးလို့လည်း ဒါရိုက်တာစတီးလ်ကပြောပါတယ်။

ဒါရိုက်တာ စတီးလ်အနေနဲ့ ကိုသားကြီးကိုချစ်တဲ့စိတ်နဲ့ သူ့ရဲ့နာမည်နောက်မှာ (ဒွေးမေတ္တာ)ဆိုတာကို ထည့်ထားတာဖြစ်ပြီး ကိုသားကြီးရဲ့ အနုပညာပိုင်းဆိုင်ရာ လမ်းညွှန်မှုတွေကို လက်တွေ့မှာ အသုံးချနေရပြီလို့ ဒါရိုက်တာစတီးလ်ကပြောပါတယ်။

သရုပ်ဆောင် ဒွေး(ခ)သားကြီးဟာ ၂၀၀၇ခုနှစ် ဇူလိုင်လ၁၁ရက်နေ့မှာ နှလုံးရောဂါနဲ့ ရုတ်တရက်ကွယ်လွန်ခဲ့တာဖြစ်ပြီး သူ့ကိုချစ်ကြတဲ့ပရိသတ်တွေကတော့ ဒီကနေ့အချိန်အထိ လွမ်းဆွတ်သတိရနေဆဲပဲဖြစ်ပါတယ်။

ရုပ်သံသတင်းထောက် - အေးမြတ်

Wednesday, July 11, 2018